Стихи́:

Недосто́йно утаи́ти тебе́ му́ченице Матро́но,

Поне́ а́ще и в темни́цу вве́ржена издо́хши:

В два́десять седмы́й у́мре Матро́на в темни́це.

Сия́ бя́ше рабы́ня не́кия жены́ иуде́яныни, Павти́лы (Фауту́лии) и́менем, жены́ Селу́нскаго воево́ды. Не восле́дствующи же ве́ры госпожи́ своея́, бие́на бысть кре́пко, и затворена́ в темни́це, и за четы́ре дни гла́дом пребы́вши томлена́. Та́же изве́дши па́ки би́ша, и в темни́це затвори́ша ю́: и та́мо мно́ги дни сотвори́, иде́же Бо́гу и дух свой предаде́. Те́ло же у́бо ея́, госпожа́ ея́, низ со стены́ ве́рже. И взе́мше христиа́не те́ло святы́я, и погребо́ша е́ че́стно. Последи́ же Алекса́ндр Селу́нский епи́скоп созда́ це́рковь, и положи́ те́ло ея́ ту. Сама́ же Фату́ла по достоя́нию отда́ние суда́ прии́мши, попо́лзишся и па́дши в подо́лие, и та́мо зле ду́шу свою́ изве́рже.

Стихи́:

Кондра́те, дивлю́ся твоему́ благому́жествию:

Ка́ко без стра́ха му́жески бысть закла́н {бысть жене}.

Феодо́сие Бо́гу Жи́ву

То́чию живо́т его́ де́ля мече́м разори́в,

Мече́м да пролие́тся рече́, поне́ а́ще из ча́шу,

Ману́ил кровь моя́ глаго́лаше.

Ману́ил и Феодо́сий свята́я му́ченика, си́и бе́ста от стран восто́чных. Ви́деста на всяк день убива́емы христиа́ны от идолослужи́тель, совеща́стася ́оба, дерзну́ста умре́ти за Христа́, да насле́дуета небе́сное Ца́рство. И ше́дша ко кня́зю страны́ тоя́, пыта́ста мно́зех, во что христиа́ны убива́ет. Ста́ста же пред ним со дерзнове́нием испове́даста Христа́, и себе́ христиа́ну нари́чуща. И удиви́ста не то́чию предстоя́щыя, но и самого́ кня́зя му́жеством свои́м и дерзнове́нием. Тогда я́та бы́ста и затворе́на в темни́це. Запреще́ние же прии́мшу темни́чному стражу тве́рдо блюсти́ я́. И по не́колицех днех изведе́ я́ князь из темни́цы, и пону́ди я́ отврещи́ся Христа́, и пожре́ти и́долом. Ти́и я́ко не послу́шаста, но па́че и облича́ста, и повеле́ на дре́ве пове́сити, и строга́ти я́ по ре́бром. Посе́м сне́мше я́ с дре́ва, на трезу́бцех о́стрых положи́ша. И по всех му́ках усе́кну я́. И та́ко сконча́стася, и преда́ста святе́и свои́ ду́шы в ру́це Госпо́дни.

Стихи́:

Аз о Кириаче, уже́ тебе́ и уме́рше,

Или сердцем принести́ хощу́ хвалу́, или́ язы́ком.

Стихи́:

Неве́рен бя́ше Иоа́нн к мечу́,

Ври́хие же имя́ше та́же и бо́лее

Стихи́:

Тро́ица троеобразова́нна,

Твой Ана́ния боголе́пне

И я́же ра́ди бу́дущая прорече́ пре́жде кончи́ны.

Пове́даше нам не́кто от оте́ц, я́ко егда́ потре́бы ра́ди не́коея взыдо́х в Констянти́нь град. И седя́щу ми в це́ркви, вни́де не́кто христолюби́в, и ви́дя мя прише́лца су́ща, целова́ любе́зно со все́ю ве́рою. И целова́в мя се́де, и нача́т мя вопроси́ти о спасе́нии души́. Я́ко рех ему́, до́бре стро́ящым земна́я, небе́сная да́руются. Глаго́ла он, до́бре рече́ о́тче, вои́стину блаже́н и́же к Бо́гу наде́жду и́мать, и всего́ себе́ и зда́в. И глаго́ла, аз бех ча́до не́коего в ми́ре сла́вных зело́. Бе же оте́ц мой ми́лостив, мно́го дая́ше убо́гим. Во еди́н же от дний возва́ мя, и показа́ ми вся име́ния своя́, и рече́ ми, чадо что тебе́ тре́бе есть, оста́влю ли тебе́ име́ния си, или́ Христа́. Аз же разсмо́трь они́х же рече́ ми, рех ему́, Христа́ па́че. Си убо суть днесь, а у́тре пре́йдут. А́бие отне́леже слы́ша от мене́, бес преста́ни дая́ше. Я́ко же уме́ршу ему́, ма́ло оста́вити. А́зже про́чее убог, и смире́но хожда́х, имы́й наде́жду на Христа́, ему́ же оста́ви мя. Бе же не́кто бога́т па́ки от вели́ких, имы́й жену́ боголюби́ву и боя́щюся Бо́га. Име́ста же дщерь единоча́ду. Глаго́ла ему́ жена́ его́, сию́ дщерь име́ема, и даде́ на́ма толи́ка добра́ Госпо́дь, чему́ се тре́бе а́ще взы́щема да́ти ю не́коему то́чну на́ма, не добра́ же нра́ва, оскорби́т ю. Но па́че взы́щема челове́ка боя́щася Бо́га, да богобоя́зньством и любо́вию прии́мет ю. И глаго́ла ей муж ея́, до́бре мы́слиши, и́дема в це́рковь и помоли́мася приле́жно Бо́гу, и и́же пре́жде вле́зет, се есть пуще́ный муж от Бо́га на́ма, и сотвори́ста та́ко. И я́ко же сотвори́ста моли́тву и седо́ста, обрето́хся аз. Пусти́ста же раба́ и возва́ста мя, и нача́ста вопроша́ти мене́ отку́ду еси́. Аз же рех и́ма, отсего́ гра́да есмь онси́цы сын. Она́ же реко́ста, о́ного ли ми́лостиваго. И реко́ста ко мне, и́маши ли жену́. И рех и́ма, ни. И па́ки рех и́ма я́же рече́ оте́ц мой ко мне. Она́ же просла́вльша Бо́га, и реко́ста, се до́брый строи́тель Христо́с Бог на́ю его́ же избра́, пусти́ тебе́ жену́ и име́ние, да прии́меши обое́ со́страхом Бо́жиим. И даде́ ми ю и име́ние. И молю́ся Го́споду Бо́гу путе́м отца́ моего́ ходи́ти ми доконца́.

Тацы́ у́бо рабо́м свои́м бу́дем, я́коже хо́щем Влады́це к нам бы́ти. Ве́лия бо сия́ есть ми́лостыня, е́же свой дом не в ну́жди держа́ти, ни раб под ра́нами корми́ти: сие моли́твы и поста́, и ины́х доброде́телей бо́льши. Реку́ же, не пра́ведныя же́ртвы, и́же не от свои́х трудо́в, но от грабле́ния и наси́лия: таковы́х прино́с не прие́млет Бог, но отвраща́ется и ненави́дит, ни бо вели́т чти́ти от свои́х грабле́ний: Нечи́ста бо скве́рна такова́ тре́ба, и па́че разгне́вит, и неми́лостива Бога сотвори́т. И́бо и Ка́ин не правя своя́ прине́с Бо́гови, больми́ Бо́га разгне́ва. Милостыня сего ра́ди нари́чется, да поми́луем своя́ рабы́, а не му́чим. А и́же у ино́го взя́ти, и ино́му да́ти, не есть ми́лостыня, но лицеме́рие. Хотя́й богате́ти зде, тре́бует от непра́вды добы́тка. А и́же хо́щет во о́ном ве́це богате́ти, да и су́щия его́ ни́щым раздае́т. Он и́же от лихои́мства собра́ти се тщи́тся, сей же вся ми́ловати. Он се́я по земли́, сла́ву собира́ет злу: сей же на небеса́ посыла́я и от а́нгел хвали́мь есть. И еще́ чу́днее, я́ко лихои́мца не то́кмо оби́димии, но и неприе́мшии от него́ зла ненави́дят его́, ви́дяще зла́я прие́млющих от него́: А́ще ли впаде́т в напа́сть, от всех нань тма́ми клеветы́. Ми́лостиваго же не то́кмо поми́ловании от него́, но и непоми́ловании лю́бят его́, о́ного ра́ди бы́вшаго благотворе́ния: А́ще ли что лю́то приключи́тся ему́, вси мо́лят за него глаго́люще: Бо́же, сотвори́ ему́ ми́лость, и ми́мо веди́ скорбь его́, да прии́дут ему́ блага́я. Ви́диши ли, ка́ко зло́ба не оби́деных супоста́т и́мать: Ми́лостыня же и неми́лованых любо́вники и́мать. Того́ ра́ди оста́вим ру́це свои́ пре́жде от лихоима́ния, и на ми́лостыню простре́м.

Какови́ у́бо к рабо́м свои́м бу́дем; Я́коже хо́щем Влады́́це о нас быти. Ве́лия бо си ми́лостыни есть, и́же свой дом не в ну́жи держа́ти, ни раб под р́анами скорбя́ще. Сии́ моли́твы и поста́ и ины́х доброде́телей вы́ше есть. Реку́ же, От непра́ведныя же́ртвы и и́же не от свои́х трудо́в ограбле́ния и наси́лия таковы́х прино́с не прие́млет Бог. Отвраща́ется и ненави́дит ни бо вели́т чести́ти от чужи́х грабле́ний. Нечи́ста бо и скве́рна такова́ потре́ба. Па́че разгне́вит Бо́га. Ми́лостыня сего́ ра́ди нарече́тся ми́луем своя́ ра́бы а не му́чим. А и́же у ино́го взя́ти, а ино́му да́ти несть ми́лостыня то суть лицеме́рьство. Хотя́ богати́ти зде, и́ тре́бует от непра́вды добы́тка. А и́же хо́щет в о́ном ве́це бога́т бы́ти, да и су́щая ни́щим раздае́т. Он же от лихои́мьства собра́ти, сей же е́же вся ми́ловати. Он сея́ по земли́ сла́ву сбира́ет злу, сей же на небеса́ посыла́я и от а́нгел хвали́м есть. И е́же чудне́е. Я́ко лихои́мца оби́дении не то́кмо но и не прие́мше от него́ зла, ненави́дят ви́дяще зла́я. Прие́мше от него́ а́щели впаде́т в напа́сть, от всех нань клеветы́ и въ́плеве. Ми́лостиваго же не то́кмо поми́ловании лю́бят его́ о́нех ра́ди бы́вшего благотворе́ния, а́щели что лю́то приключи́тся ему́ и вси мо́лют за него́. Бо́же сотвори́ ему́ ми́лость. И мимоведи́ скорбь его́. Да прии́дет ему́ блага́я. Ви́диши ли ка́ко зло́ба не от оби́денных супоста́ты и́мать, ми́лостыни же и неми́ловавшых любо́вники и́мать, да оста́вим пре́же ру́це свои́ от лихоиме́ния, и пото́м на ми́лостыню простре́м. Бо́гу на́шему сла́ва ны́не и при́сно и во ве́ки веко́в.

Бысть муж в пусты́ни, в страна́х Иракли́и Фиваи́дьския, и́менем Пафно́тий, оне́м же мно́зи мно́га добра́ испове́дуют. Сей у́бо помно́зех труде́х моля́шеся Бо́гу откры́ти ему́, ки́им святы́м подо́бен есть. А́нгел же Госпо́день яви́ся ему́ и рече́, подо́бен еси́ о́ному свире́льнику, и́же во́граде живе́т. О́н же с потща́нием и́де к нему́ глаго́лаше, Кто еси́ ты, и ка́ко житие́ твое́ есть. Он же рече́, гре́шник у́бо и пия́ница и блудни́к есмь пове́даше глаго́ля, и не вельми́ давно́ вем себе́ от разбо́йничества прише́дша. Пыта́ющу же Пафно́тию унего́, еда́ у́бо еси́ ты что сотвори́л добро́. Он же рече́ ему, ни что же добра́ сотвори́х, ра́зве иногда́ во разбо́йническом де́ле, де́ву Христо́ву хотя́щим разбо́йником обруга́ти ю, аз же отъя́х, и но́щию дове́зи до пра́вих ю. Иногда́ же у́бо па́ки обрето́х жену́ зело́ ле́пу, блудя́щю по пусты́ни и пла́чющюся, и вопроша́х от нея́ вины́ пла́ча ея́. Она́же рече́ ми, ни что же во проша́й мене́ окая́нную, но а́ки у́бо рабу́ свою́ а́може хо́щеши веди́. Му́жу бо моему́ мно́гажды бие́ну бы́вшу два ле́та долго́в де́ля трех сот златни́ц, и в темни́цу затворе́н. И трем де́тем про́даным бы́вшим. И бых преходя́щи от ме́ста на ме́сто, ны́не же по пусты́ни сей хожде́ние творю́. Мно́гажды же обрете́не ми бы́вши отни́х, и ча́сто бие́на отни́х. И се у́же три дни в пусты́ни не яду́щи. Аз же поми́ловах ю, ведо́х в пусты́ню в пеще́ру свою́, и дав ей три́ста златни́ц, и до прова́дих ю до́града. И свободи́х ю о́тдолгу с му́жем ея из детми́. И отвеща́ ему́ Пафно́тий. Аз же убо о себе́ не свем ни что же упра́вивша в труде́х черне́чества. Но оба́че слы́шал мя еси сла́вна су́ща, небо́ ле́ностию свою́ жизнь препроводи́х. Мне у́бо Бог о тебе́ откры́, яко ничи́м же ху́ждьши мене́ о упра́вленых. А́ще бо не ма́ло сло́во бра́те боже́ствено быва́ет, не преоби́ди души́ своея́. Он же а́бие пове́рг свире́ль, и пе́сни своя́ свире́льныя, преложи́в на духо́вныя, и в след его́ в пусты́ню и́де. И быв триле́та. И до́бре потруди́вся, в пе́снех и в моли́твах всю свою́ жизнь сконча́в. И к блаже́нному житию́ потща́вся, в святы́х лик дости́же в чин пра́ведных.

Рече́ блаже́ный Па́вел взови́ убо́гия и прича́стника сотвори́ трапе́зе твое́й Христа́. То есть в сла́ву Бо́жию и́же а́ще на путь и́деши и то в сла́ву Бо́жию и́же на путь ити́ то вели́т ити́ в це́рковь или́ к боля́щим или́ погребу́? пи́щу нести́ или́ в манасты́рь уте́хи ра́ди душеполе́зны. И потре́бная донеси́ то ти есть ходи́л в сла́ву Бо́жию. А и́же до́ма седи́ши и в сла́ву Бо́жию седи́ши, а егда́ игра́ют руса́лия или́ скоморо́си или́ пия́ница кли́чут и безче́стие творя́т или́ срамосло́вие не нака́занных челове́к или́ кака́ собори́ща и́долских игр тых в той год пребу́ди до́ма и не исходя́ то ти в сла́ву Бо́жию. Сиде́л есть блаже́ный Нифо́нт зря сих слезя́щих вели́кою печа́лью одержи́м. О такове́й поги́бели о преле́стней глаго́лаше. Я́коже бо собира́еть (г/т)друбаво́е? . Моли́тва же сбира́еть а́нгелы Бо́жия. Та́коже сопе́ли и гу́сли собира́ют око́ло себе́ безсту́дныя бе́сы, держа́ и́же сопе́лника в сласть любя́й гу́сли честь те́мнаго бе́са и́же жела́ет пожре́ти весь мир. И се глаго́ля моля́ше вся хрестья́не удали́тися от игр и отъи́сти дия́воля наипа́че и́же во свое́ име́ние. Даю́т бе́су лука́вому и́же есть руса́лия или́ ини́и скоморо́си, и а́ще сих не оста́нется с куми́ры службники́ и́мат бы́ти во скре́жете зу́бнем.

Реко́ста свята́я апо́стола Петр и Па́вел, повелева́ема лю́дем шесть дней де́лати, в субо́ту же и в неде́лю упраздни́тися в це́рковь уче́ния ра́ди благове́рнаго. Субо́ту у́бо рече́м, созда́ния ра́ди дел. А неде́лю воскресе́ния ра́ди. Вели́кую же неде́лю всю, и я́же по ней, да пра́зднуют раби́, я́ко о́ва стра́сти есть Христо́вы, о́ва же Воскресе́ния. Вознесе́ние же, ра́ди Христо́ва строе́ния. Пятьдеся́тницу да пра́зднуют, прише́ствия ра́ди Свята́го Ду́ха, да́ннаго ве́ровавшым в Христа́. Рождество́ да пра́зднуют, поне́же в той день не нача́емый Дар челове́ком даде́ся, е́же роди́тися Бо́жию Сло́ву от Мари́и Де́вы на спасе́ние ми́ру. Богоявле́ния день да пра́зднуют, поне́же в том яви́ся Христо́во Божество́, свиде́тельствующу Ему́ в креще́нии Отцу́, и Паракли́ту в виде́нии голуби́не показа́вшу предстоя́щим свиде́тельствованнаго. Дни апо́стольския да пра́зднуют, ученики́ бо бы́ша Христо́вы, и Свята́го Ду́ха сподо́бишася прия́ти. День же Стефа́на первому́ченика, поче́тша Христа́, па́че живота́. И моли́твы сотворя́ем во у́трие, и в 3 час, и в 6, и в 9, и в ве́чер и в куроглаше́ние. И во у́трие, я́ко у́бо освяти́ нас Христо́с, препроводи́в нощь, и наве́д день. Тре́тий же, я́ко отве́т Госпо́дь прия́т от Пила́та. Шесты́й же час, я́ко в той распя́тся. Девя́тый же час, я́ко в той подиви́шася вся, Влады́це су́щу ра́спяту, де́рзости нечести́вых иуде́й нетерпя́щи тварь госпо́дня досажде́ния. С ве́чера же благодаря́ще, я́ко нам даде́, от дневны́х трудо́в поко́й в нощи́. В куроглаше́нии же, часа́ ра́ди благове́щения прише́ствия дне, на де́лание све́тлых и чи́стых до́брых дел. Бо́гу на́шему сла́ва, ны́не и при́сно и во ве́ки веко́в;