Стихи́:

Я́ко изнача́ла и вы́шше пре́дано,

И́же боже́ственое и неизрече́нное

И преесте́ственое та́инство услугова́вшему,

Тебе́, провозвести́вшему воплоще́ние Ума́

Че́стию подо́бною, вся́ка плоть чтет, Сло́ве:

В два́десять шесты́й на пе́ние Гаврии́л тварь подви́же.

Сей святы́й архистрати́г Гаврии́л, еди́н есть от вели́ких князе́й небе́сных во́инств, и́же искони́ Бо́гом посыла́емь на зе́млю, и вся́ку доброде́тель творя́ челове́ческому естеству́. Егда́ же Моисе́й избежа́ от фарао́на, и учи́мь бе Гаврии́лом в пусты́не, тогда́ написа́ быте́йския кни́ги, и пе́рвыя ро́ды и ле́та. Заха́рии же служа́щу во свята́я святы́х, яви́ся ему́ Гаврии́л вели́кий арха́нгел, возвеща́я ему́ от непло́дове рождество́ Предте́чево, внима́й, глаго́ля, аз есмь благовеству́яй ти сло́во и́стинное, ра́дость бо исхода́тайствую ро́ду челове́чу. И паки сей же арха́нгел Гаврии́л, по́слан бысть от Бо́га во град Назаре́т к Деви́це Мари́и, благовеству́я Ей воплоще́ние Сы́на Бо́жия Сло́ва, И́же прии́дет и спасе́т всего́ ми́ра. Того́ ра́ди сотворя́ем ны́не собо́р вели́каго арха́нгела Гаврии́ла, искони́ творя́ща блага́я челове́ческому ро́ду, и ра́достно пра́зднуем. Да моли́твами его́ приимем вси грехо́в оставле́ние.

В ца́рство Диоклитиа́на и Максимиа́на нечести́вую царю́, Ирине́й священному́ченик в Галиле́йских страна́х уча́ше вся ве́ровати во Христа́, и облича́ше кумирослужи́тель, и тре́бы их разсы́паше. И того́ нетерпя́ще еллини, е́мше приведо́ша и связа́вше к Про́ву иге́мону. И ре́ша: Сего́ не терпя́ще де́рзости, поне́же укоря́ет бо́ги, и пропове́дает не́коего волхва́ Иису́са, его́же распя́ша жидо́встие лю́дие, сего предае́м тебе́. Ну́дяше же его́ иге́мон пожре́ти и́долом, и казнь вели́ку показа́ ему́. Ирине́й же ничто́же отвещав́аше ему́. И повеле́ иге́мон привести́ мучи́тельныя сосу́ды. И показа́ ему́ кол набие́н гвозде́й, и коно́б иму́щь смолу, и ру́ки желез́ны: И рече́ Ирине́ю: а́ще не поклони́шися бого́м, си́ми все́ми му́ками искуше́н бу́деши. И посе́м ка́мение ве́лие на вы́ю ти навяза́ти, и во глубине́ морсте́й погрузи́ти те́ло твое́. И рече́ Ирине́й: Сих всех мук, днесь или́ у́тро коне́ц бу́дет, а ве́чной му́це никогда́же конца́ есть: о не́йже Госпо́дь Иису́с Христо́с мой рече́: А́ще кто отве́ржется Мене́ пред челове́ки, отве́ргуся его́ и Аз пред а́нгелы на небесе́х. О́ го́ре отсту́пльшым от Него́: огнь бо их не уга́снет, и червь их не у́мрет. Да не ну́ди мене́ к тому́, но твори́ е́же хощеши. И повеле́ иге́мон главу́ его́ отсещи́ мече́м. И та́ко сконча́ся за Христа́ блаже́нный Ирине́й.

Стихи́:

Толи́ко огне́м попале́но бысть мно́жество му́ченик,

Ели́ко до дне́шняго дне ме́сяц дний и́мать.

Сия́ бе́ста при Уиггури́фе царе́ го́тфстем, и Иулиа́не, и Гратиа́не, и Уалентиа́не же ри́мских царе́х. Пою́щым у́бо сим в це́ркви христиа́нстей, и Бо́га сла́вящым, посла́в Уиггури́ф, пожже́ це́ркви, и вся су́щыя в них сожже́, три́сте и осмь. А́ще принося́ше просфо́ру христиани́н, и́мше вопроша́ху его́: и а́ще Христа́ испове́дает, во огнь вмета́ху его́, в приноше́ния ме́сто Христо́ви тех бя́ху телеса́. И собира́ше тех мо́щи другаѓо кня́зя жена́, язы́ка го́тфскаго, христиа́на су́щи и правове́рна: Сия́ оста́вльши власть сы́ну своему́, е́мши же попы́, и от ме́ста до ме́ста преходя́щи, прии́де до земли́ Си́рския, и дщи ея́ с не́ю. Посе́м возвести́ сы́нови своему́, прише́дшу ему́, и и́де с ним, оста́вльши мо́щи святы́х у дще́ри. Дщи же прише́дши в Кизи́к, в ца́рство Уалентиа́на и Феодо́сия, и даде́ часть от мощей во гра́де на освяще́ние. А́лла же ше́дши па́ки в го́тфы со Агафо́ном, и ту ка́мением побие́на бы́ста и сконча́стася. Сама́ же последи́ Дукли́да с ми́ром у́спе.

Стихи́:

Кондра́те, дивлю́ся твоему́ благому́жествию:

Ка́ко без стра́ха му́жески бысть закла́н {бысть жене}.

Феодо́сие Бо́гу Жи́ву

То́чию живо́т его́ де́ля мече́м разори́в,

Мече́м да пролие́тся рече́, поне́ а́ще из ча́шу,

Ману́ил кровь моя́ глаго́лаше.

Сия́ бя́ху от восто́чныя страны́, и ви́дяще на всяк день христиа́ны от идолослужи́тель побива́емы, собесе́доваху сами себе́ сложи́вше е́же пребыва́ти во благоче́стии, да насле́дницы Ца́рствия небе́снаго бу́дут. И са́ми во́лею прише́дше опове́дашася са́ми страны́ тоя́ кня́зю, му́чащу тогда́ мно́ги христиа́ны. И ста́вше пред ним и себе́ христиа́ны испове́даша. И вве́ржени бы́ша в темни́цу. И по не́которых днех изведе́ни бы́вше, и на дре́ве на́зи пове́шени бы́вше. И по ре́бром стро́гани, и по о́строму ка́мению влачи́ми. Наконе́ц же главы́ им отсеко́ша.

Три́десять по́прищ от Антиохи́и Си́рския, бя́ше село́, нарица́емое Марини́а. Вне́м же роди́вшуся и воспита́ну бы́вшу, сему́ Ма́лху, и бя́ше чты́й Бо́га. Роди́теля же его́ тща́хуся привести́ ему́ жену́. Сему́ же у́бо мы́слящу бежа́ти, и и́ночествоти, и сше́дшу ему в Вири́ю, и пребы́сть уне́коих муже́й духо́вных, подвиза́я у́бо себе́ е́же угоди́ти Бо́гу. Уме́ршу же отцу́ его́, мы́сляше Малх возврати́тися всвоя́ си к ма́тери свое́й. И помы́слившу ему́ в себе́, яко ма́ти моя́ у́мрет, и вла́стель бу́ду всем дома́шним ея́. И свая разда́м на потре́бу ни́щим, а други́м сози́жду монасты́рь себе́. Такову́ю же мысль он отцу́ своему́ духо́вному испове́дав, и запреще́н от него́ быв, па́чеже и бесо́вское помышле́ние таково́е на ре́к. Не восхоте́вшу же Ма́лху повину́тися оте́ческим сло́ве се́м, изы́де о́тай и́здому своего́ и от и́де в Еде́с. Слы́шав же та́мо о срацы́ньстем наше́ствии, и жда́ше себе́ спу́тников. Собра́вше же ся их число́м, до седми́десят, и иду́ще, и той беспеча́лен идя́ше с ни́ми. И абие мно́жество ненаде́жно яви́ся срацы́ньское, и внеза́пу сих об скочи́вше, и вси и схва́тани бы́вше. Прилучи́жеся еди́ному му́рину я́ти Ма́лха, с не́коею жено́ю в плен, и бо́рзо на вельблу́де обе́ма повеле́ ити́. Ско́рым же ше́ствием вельблу́ду и ду́щу. Малх же с жено́ю седя́ще нане́м, и я́тся о жену́, е́же ни́зу не ри́нутися. Она́же е́мшися за́нь, и на вельблу́де с плете́ся кре́пко сни́м, и неспадо́ста с него́. Не то́чию же се приложи́ся Ма́лху, но и вельблу́жья мяса́ и млека́ предлага́ху ему́, тому́же не хотя́щу я́сти. Господи́ну же ею́ в своя́ прише́дшу, и приведе́ я а́ки рабу́ ксвое́й жене́. И́же о́ноя повеле́нием приста́влен бысть носи́ти во́ду, и гно́й помета́ти, коне́чнее же о́вцы пасти́. Такову́ у́бо рабо́ту подъе́м Малх, оте́ческаго ра́ди преслуша́ния. Помышля́шеже Малх во уме́ свое́м патриа́рха Иа́кова, и сыны́ его́, и в проро́цех вели́каго царя́ Дави́да, я́ко о́вчия ра́ди па́ствы внеза́пу ца́рство обре́те. И та́ко угожда́ющу Ма́лху господи́ну своему́, е́же о прилежа́нии к па́стве. Ви́девже господи́н Ма́лха во свое́м приле́жно и чи́сто и небла́знено служа́ща ему́, и помышля́ше оне́м, ка́ко бы ему́ возме́здие сотвори́ти ве́рныя ра́ди рабо́ты ма́лховы и умы́сли да́ти зама́лха плене́ную жену́, я́же сним бя́ше приведена́. И призва́в Ма́лха и рече́ ему́ обне́й. Он же нача́ от пира́тися такова́го де́ла, сказу́я ему́ и́ноческое свое́ житие́, и несво́дну бы́ти тому́ де́лу. Му́рин же извлече́ меч, и претя́ше Ма́лху сме́ртию. Тем же убоя́вся Малх, и нехотя́ поя́т ю. И то бе помы́слив и рече́, лу́чши ми есть самому́ себе́ уби́ти, не́жели с жено́ю смеси́тися. И бысть в ско́рби вели́це и в тузе́ Малх. Жена́ же его разсмотри́вши, и позна́ его́ ди́вна, и она́ же целому́дрена су́щи. И рече́ к Ма́лху, сотвори́ма еди́н сове́т, да бу́дема безвся́кого смеше́ния, стра́ха ра́ди Бо́жия, и да сохрани́ма себе́ чи́ста и непоро́чна о́тай, и по́ймет на́ма ве́ру господи́н на́ю. И уго́ден бысть таковы́й сове́т Ма́лху. Но помышля́ше житие́ монасты́рьское еже име́яше. Та́же бежа́ти хотя́ше Малх. Жена́же моля́шеся е́же после́довати ему́, и ту в не́коем же́ньстем о ста́вити монастыри́. О́нже обеща́ся ей. Реце́ же вели́цей теку́щи та́мо. Она́же на бежа́ние пригото́вистася, и ме́ха с ши́ста ко́жана, и наду́ста ею́ тве́рдо, и завяза́вша, и ко́ждо у́бо ею́ по еди́ному в зем, и в реку́ но́щию вле́зша и поплы́ста. И имя́ста ме́ха та я́ко и ладия́, но́зеже свои́ в ве́сел ме́сто. И устреми́стася к пла́ванию, в се́дша на́меха, иреки́ пре идо́ста путь. И нача́ста ити́ путе́м, не то́чию же но́щию, но идне́м, аще и от со́лнца сгара́ема. И та́ко у́бо путе́м Бо́га благодаря́ща идо́ста, отстра́хаже ча́сто озира́ющася. И ви́деста не́когда господи́на своего́ му́рина, с еди́ным рабо́м на бо́рзых вельблу́дах гоня́ща в след ею́, меча́ на́га держа́ща в руку́ своею́. И я́ко ви́де Малх и жена́, у́же приближа́ющася и́ма, и ужасо́стася, и бы́ста я́ко ме́ртва. Посмотре́нию же у́бо Бо́жию, яви́ся подземле́ю верте́п глубо́к предъочи́ма ею́, и в нидо́ста та́мо стра́ха ра́ди му́ринова, и обрето́ста внем льви́цу стра́шну сщеня́тем. И зна́мением кре́стным себе́ огради́ста, и ста́ша в еди́ном у́гле верте́па притесни́вшася, ча́юща от зве́ря снеде́ну бы́ти и́ма. Достиго́ста же гоня́щей верте́па му́рин с рабо́м, и связа́вша вельблу́да пред верте́пом. И повеле́ му́рин рабу́ вни́ти в верте́п и извести́ я. Са́мже держа́ меч наг стоя́ предвраты́ верте́па, да внегда́ изы́дета, сам посече́т я. Вше́дшу же рабу́ в верте́п, и а́бие напра́сно скочи́вши лви́ца, и похи́тивши того́ загорта́нь и удави́ и, изанесе́ его в свое́ гнездо́. Ма́лхже и жена́ ви́деста сия́, и просла́виста Бо́га. Му́рин же мнев, я́ко немо́жет одоле́ти раб ею́, и непокоря́ютася изы́ти. Держа́ меч наг вни́де иса́м впеще́ру, и а́бие скочи́вши льви́ца порази́вши и уби́ его́. Беглеца́же отакове́м чюдеси́, возда́ста благодаре́ние Бо́гу, ожида́юстаже себе́ лви́цею изъяде́нем бы́ти. Льви́ца же взе́мши щеня́ свое́, изы́де из верте́па. Тогда же и она́ изыдо́ста, и обрето́ста велблу́да привя́зана с хле́бом и питие́м, и ядо́ста и обвесели́стася благодари́ста Бо́га. И седо́ста навелблу́да, ив де́сять дней проидо́ста пусты́ню. И идо́ста во град не́кий. Гра́да же того́ князь пусти́л бя́ше к ду́ксу месопотами́йскому, е́же купи́ти ему́ велблу́да. Дукс же, купи́в вельблу́д унею́. И до́бре напу́тьствова ею́ и обвесели́в, посла́ я ра́достно во своя́ си. Тогда́ мних Малх сотвори́в обеща́ние свое́. И вне́коем монастыри́ же́ньсте жену́ оста́ви. Сам же прише́л во оби́тель отню́дуже изше́л бя́ше, у́же отцу́ о́ному уме́ршу, и испове́да бра́тии вся сбы́вшаяся ему́. И отто́ле узнав коли́кая пострада́в. И бя́ше седя́ в монастыри́, пове́дая бра́тии, никто́же бо ослу́шався роди́телей свои́х спасе́тся. Аз бо бра́тие ослуша́ния ра́ди плене́н бых пога́ными, имя́со ядо́х, и млеко́ кобы́лие пих, но то́кмо сохрани́ мене́ Госпо́дь от жены́ и до се́ле. Сла́ва Бо́гу изба́вльшему рек и преда́ста святе́й свои́ ду́ше в ру́це Госпо́дни.

Гла́ду у́бо бы́вшу во стране́ вполаго́нстей и честно́му му́жу Филаре́ту во отню́дную нищету́ прише́дшу и не иму́щу отку́ду пита́ти жену́ и де́ти, пшени́ца бо оскуде́ и зла́та не бысть. Нището́ю содержи́мь, пое́м осля́ свое́ се бо еди́но ему́ избы́сться. И́де во ину́ страну́ к не́коему дру́гу его́ и зая́т пшени́цы спудо́в шесть и возложи́в на осля́ до́иде во своя́ ра́дости насы́тив жену́ и де́ти. Я́коже седя́ше почива́я от ше́ствия пути́ того́ прии́де нищь прося́ еди́ного решета́ пшени́цы и рече́ Авра́мский он страць? К жене́ се́ющей пшени́цу, о же́но хоте́л бых да́ти бра́ту спуд еди́н. Она́ же рече́ к нему́ спуд еди́н дай же мне и ча́дом твои́м по спу́ду. И рабы́ни та́коже. А избы́ток дай иде́же кому́ждо хо́щеши. Се же к ней возре́в глаго́ла разсмея́вся, а мне ча́сти не твори́ши ли. Си же рече́ ты а́нгел еси́ а не челове́к и бра́шна не тре́буеши, а́щебо тре́бовал бых хлеб, не бы заи́мную пшени́цу ю́же принесе́ толи́ко по́прищь, дая́л ине́м. Гне́вающижеся па́ки си рече́, мене́ си ра́ди дай же ему́ спу́да два. Блаже́ный же рече́ же́но благослове́на ты Го́сподеви и насы́пав спу́ды два дасть бра́ту. Си и́же ражже́нным се́рдцем огне́м паля́ющи рече́ к нему́ не ми́лостивно а́ще мудра́ бых я́ко и ты, дала́ бых ему́ и тре́тий спуд. В той же час уме́рив блаже́ный от пшени́це тре́тий спуд, даст убо́гому и отсла́ его́. Жена́ велми́ смя́тшися и боля́щи се́рдцем едва́ возмо́же раздели́ти избы́ток пшени́це вопию́ще всему́ до́мови, и се же заивано? нището́ю же па́ки содержи́ма. Вку́пе с ча́ды и не терпя́ще ча́да плаче́внаго воздыха́ния и слез алчбы́ бо ничесо́же тя́жие. Шед к сусе́дом испроси́ ма́ло хле́ба взае́м. И собра́вши ди́ю? лободу́ и свари́вши предложи́вши стра́стным де́тем. И я́ша и спо́ша к ве́черу бо бе ста́рца и́же отца́ ни во сне помина́ху. Яде́ния ра́ди ста́рець воста́в просте́р на не́бо ру́це хвалу́ Бо́гу воздая́ше глаго́ля, благода́рствую Тя Го́споди Бо́же Мой, я́ко не оста́вил еси́ раба́ своего́, и не пре́зриши всех упова́ющих на Тя.

Седя́й на трапе́зе моли́ся. Принося́ хлеб ко усто́м да́вшему ти Бо́гу хвалу́ возда́й. И ча́шу тя помяни́ да́вшего ти весе́лие. И в ри́зу облача́яся благодари́ Бо́га да́вшего ти в оде́жу одева́яся. Возда́ти любо́вь к Бо́гу, и́же в зиме́ и ле́те дае́ть нам оде́жу и пи́щу да́руеть. Сконча́вшуся дни хвали́ Го́спода, со́лнце во дни дарова́вшего на просвеще́ние, огнь же в нощи́ дарова́вшего на ину́ю потре́бу. Егда́ же воздре́ши но́щью на не́бо, и на зве́здную добро́ту, помоли́ся Влады́це и Бо́гу до́брому ли трецю́? Зау́тра же освеща́ем моли́ся Бо́гу да́вшему ти свет, на приложе́ние животу́ на́шему. Бо́гу на́шему сла́ва, ны́не и при́сно и во ве́ки веко́в.