── Начало вечерни ──
[Иерей:Стоя пред святой трапезой, возглашает начальный возглас]
Иерей:Благослове́н Бог на́ш всегда́, ны́не и при́сно, и во ве́ки веко́в.
Чтец:Ами́нь.
Чтец:Прииди́те, поклони́мся Царе́ви на́шему Бо́гу.
Чтец:Прииди́те, поклони́мся и припаде́м Христу́, Царе́ви на́шему Бо́гу.
Чтец:Прииди́те, поклони́мся и припаде́м Самому́ Христу́, Царе́ви и Бо́гу на́шему.
Псалом предначинательный — 103
── Светильничные молитвы ──
[Иерей:Пред святыми дверьми став откровенною главою, глаголет молитвы светильничныя]
Иерей:Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу и вонми́ гла́су моле́ния на́шего. Сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди, си́лен в ми́лости, и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.
Иерей:Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, врачу́ и исцели́телю душ на́ших. Наста́ви нас ко приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.
Иерей:Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.
Иерей:Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.
Иерей:Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.
Иерей:Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.
Иерей:Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам, Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.
── Ектения великая (мирная) ──
Диакон:Ми́ром Го́споду помо́лимся.
Лик:Го́споди, поми́луй.
Диакон:О свы́шнем ми́ре и спасе́нии душ на́ших, Го́споду помо́лимся.
Лик:Го́споди, поми́луй.
Диакон:О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.
Лик:Го́споди, поми́луй.
Диакон:О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.
Лик:Го́споди, поми́луй.
Диакон:О Вели́ком Господи́не и отце́ на́шем Святе́йшем Патриа́рхе (имярек), и о господи́не на́шем преосвяще́ннейшем митрополи́те (или архиепи́скопе, или епи́скопе) (имярек), честне́м пресви́терстве, во Христе́ диа́констве, о всем при́чте и лю́дех, Го́споду помо́лимся.
Лик:Го́споди, поми́луй.
Диакон:О Богохрани́мей стране́ на́шей, власте́х и во́инстве ея́, Го́споду помо́лимся.
Лик:Го́споди, поми́луй.
Диакон:О граде́ сем (или о ве́си сей, или о святе́й оби́тели сей), вся́ком гра́де, стране́ и ве́рою живу́щих в них, Го́споду помо́лимся.
Лик:Го́споди, поми́луй.
Диакон:О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.
Лик:Го́споди, поми́луй.
Диакон:О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.
Лик:Го́споди, поми́луй.
Диакон:О изба́витися нам от вся́кия ско́рби, гне́ва и ну́жды, Го́споду помо́лимся.
Лик:Го́споди, поми́луй.
Диакон:Заступи́, спаси́, поми́луй и сохрани́ нас, Бо́же, Твое́ю благода́тию.
Лик:Го́споди, поми́луй.
Диакон:Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Лик:Тебе́, Го́споди.
Иерей:Я́ко подоба́ет Тебе́ вся́кая сла́ва, честь, и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Лик:Ами́нь.
Кафисма рядовая — кафисма рядовая
── Ектения малая ──
Диакон:Па́ки и па́ки ми́ром Го́споду помо́лимся.
Лик:Го́споди, поми́луй.
Диакон:Заступи́, спаси́, поми́луй и сохрани́ нас, Бо́же, Твое́ю благода́тию.
Лик:Го́споди, поми́луй.
Диакон:Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Лик:Тебе́, Го́споди.
Иерей:Я́ко Твоя́ держа́ва и Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Лик:Ами́нь.
── «Господи, воззвах» — псалмы ──
Лик:Го́споди, воззва́х к Тебе́, услы́ши мя́.
Услы́ши мя́, Го́споди.
Лик:Пе́рвый ли́к: Го́споди, воззва́х к Тебе́, услы́ши мя́:
вонми́ гла́су моле́ния моего́,
внегда́ воззва́ти ми́ к Тебе́.
Услы́ши мя́, Го́споди.
Лик:Вторы́й ли́к: Да испра́вится моли́тва моя́,
я́ко кади́ло пре́д Тобо́ю,
воздея́ние руку́ мое́ю,
же́ртва вече́рняя.
Услы́ши мя, Го́споди.
Псалмы стихословятся до положенного числа стихир — 140, 141, 129, 116
Стихиры на «Господи, воззвах»на 6
- А́ще беззако́ния на́зриши, Го́споди, Го́споди, кто́ постои́т? Я́ко у тебе́ очище́ние е́сть.Часослов
- Ра́дуйся, живоно́сный Кре́сте,
благоче́стия непобеди́мая побе́да,
дверь ра́йская,
ве́рных утвержде́ние,
Це́ркве огражде́ние,
и́мже тля разори́ся и упраздни́ся,
и попра́ся сме́ртная держа́ва,
и вознесо́хомся от земли́ к Небе́сным;
ору́жие непобеди́мое,
бесо́в сопротивобо́рче,
сла́ва му́чеников,
преподо́бных я́ко вои́стину удобре́ние,
приста́нище спасе́ния,
да́руяй ми́ру ве́лию ми́лость.Минея - И́мене ра́ди Твоего́ потерпе́х Тя́ Го́споди, потерпе́ душа́ моя́ в сло́во Твое́, упова́ душа́ моя́ на Го́спода.Часослов
- Ра́дуйся, Госпо́день Кре́сте,
и́мже разреши́ся от кля́твы челове́чество,
су́щия ра́дости зна́мение,
прогоня́яй враги́ во твое́м воздви́жении, всече́стне,
нам помо́щниче, царе́й держа́во,
кре́пость пра́ведных,
свяще́нников благоле́пие,
вообража́емый, и лю́тых избавля́яй,
жезл си́лы, и́мже пасе́мся,
ору́жие ми́ра, его́же со стра́хом обстоя́т Ангели,
Христа́ Боже́ственная сла́ва,
подаю́щаго ми́ру ве́лию ми́лость.Минея - От стра́жи у́тренния до но́щи, от стра́жи у́тренния да упова́ет Изра́иль на Го́спода.Часослов
- Ра́дуйся, слепы́х наста́вниче,
немощны́х врачу́,
воскресе́ние всех уме́рших,
воздви́гнувый ны, во тлю па́дшия,
Кре́сте честны́й,
и́мже разруши́ся кля́тва, и процвете́ нетле́ние,
и земни́и обожи́хомся,
и диа́вол всеконе́чно низве́ржеся.
Днесь воздвиза́ема тя ви́дяще рука́ми архиере́йскими,
возно́сим Вознесе́ннаго посреде́ тебе́
и тебе́ покланя́емся,
почерпа́юще бога́тно ве́лию ми́лость.Минея - Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний eго́.Часослов
- Благочести́вым всеору́жием оде́явся,
побо́рник яви́лся еси́ Христа́ Всецаря́,
Ники́то страстоте́рпче,
я́коже дре́вле Гедео́н всекре́пкий,
иноплеме́нных полки́ низложи́в
до́блественным твои́м дерзнове́нием.Минея - Хвали́те Го́спода вси язы́цы, похвали́те Его́ вси́ лю́дие.Часослов
- Иноплеме́ннаго, му́чениче, пора́товал еси́
всеси́льною ве́рою Спа́совою, богому́дре,
претерпе́вый стра́сти.
Тем му́дре ва́рвары обрати́л еси́
ко Творцу́ и Влады́це всех,
и сла́вят Его́ благочести́во.Минея - Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.Часослов
- Нача́тки, му́чениче, от ва́рвар Христу́ сла́ву принесы́й,
яви́лся еси́ страда́лец богоглаго́ливый,
и, у́мер за Тро́ицу,
тем я́вственно и вене́ц восприя́л еси́,
и, я́ко свети́ло, сия́еши боголе́пно
в ми́ре, достосла́вне.Минея
Слава
- Свети́льника му́чеников тя позна́хом,
Ники́то, Христо́в страда́льче:
ты бо, су́щаго на земли́ досто́инства сла́ву оста́вив
и оте́ческое безбо́жие возненави́дев,
бо́ги их сокруши́л еси́
и победи́тельно ва́рвары посрами́л еси́,
за Христа́ му́ченичество испове́дания испо́лнил еси́
и во́ин Небе́снаго Бо́га был еси́.
О нас моли́ся Благоде́телю всех,
е́же уще́дрити и спасти́ ду́ши на́ша.Минея
И ныне, Богородичен
- Проро́ков гла́си
Дре́во свято́е предвозвести́ша,
и́мже дре́вния свободи́ся кля́твы сме́ртныя Ада́м,
тварь же, днесь возноси́му тому́, совозвыша́ет глас,
от Бо́га прося́щи бога́тыя ми́лости;
но, Еди́ный в благоутро́бии безме́рный, Влады́ко,
очище́ние бу́ди нам,
и спаси́ ду́ши на́ша.Минея - Вход, проки́мен, глас 7: Бог наш на Небеси́ и на земли́,
вся, ели́ка восхоте́, сотвори́.Минея
[Входа нет]
Лик:Све́те ти́хий святы́я сла́вы,
Безсме́ртнаго, Отца́ Небе́снаго,
Свята́го Блаже́ннаго, Иису́се Христе́:
прише́дше на за́пад со́лнца,
ви́девше све́т вече́рний,
пое́м Отца́, Сы́на и Свята́го Ду́ха, Бо́га;
досто́ин еси́ во вся́ времена́
пе́т бы́ти гла́сы преподо́бными,
Сы́не Бо́жий, живо́т дая́й:
те́мже ми́р Тя́ сла́вит.
── Перед прокимном ──
Диакон:Во́нмем.
Иерей:Ми́р все́м.
Лик:И ду́хови твоему́.
Диакон:Прему́дрость, во́нмем.
Прокимен дня
нечем заполнить: не задан день недели
── «Сподоби, Господи» ──
Чтец:Сподо́би, Го́споди, в ве́чер се́й без греха́ сохрани́тися на́м;
благослове́н еси́, Го́споди Бо́же оте́ц на́ших,
и хва́льно и просла́влено и́мя Твое́ во ве́ки, ами́нь.
Чтец:Бу́ди, Го́споди, ми́лость Твоя́ на на́с, я́коже упова́хом на Тя́. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.
Чтец:Го́споди, ми́лость Твоя́ во ве́к, де́л руку́ Твое́ю не пре́зри: Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху, ны́не и при́сно, и во ве́ки веко́в, ами́нь.
── Ектения просительная ──
Диакон:Испо́лним вече́рнюю моли́тву на́шу Го́сподеви.
Лик:Го́споди, поми́луй.
Диакон:Заступи́, спаси́, поми́луй и сохрани́ нас, Бо́же, Твое́ю благода́тию.
Лик:Го́споди, поми́луй.
Диакон:Ве́чера всего́ соверше́нна, свя́та, ми́рна и безгре́шна у Го́спода про́сим.
Лик:Пода́й, Го́споди.
Диакон:А́нгела ми́рна, ве́рна наста́вника, храни́теля душ и теле́с на́ших у Го́спода про́сим.
Лик:Пода́й, Го́споди.
Диакон:Проще́ния и оставле́ния грехо́в и прегреше́ний на́ших у Го́спода про́сим.
Лик:Пода́й, Го́споди.
Диакон:До́брых и поле́зных душа́м нашим, и ми́ра мiрови у Го́спода про́сим.
Лик:Пода́й, Го́споди.
Диакон:Про́чее вре́мя живота́ на́шего в ми́ре и покая́нии сконча́ти у Го́спода про́сим.
Лик:Пода́й, Го́споди.
Диакон:Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.
Лик:Пода́й, Го́споди.
Диакон:Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Лик:Тебе́, Го́споди.
Иерей:Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Лик:Ами́нь.
Иерей:Ми́р все́м.
Лик:И ду́хови твоему́.
Диакон:Главы́ на́ша Го́сподеви прикло́ним.
Лик:Тебе́, Го́споди.
Иерей:Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.
Стихиры на стиховне
- Крест, воздвиза́емь,
на нем Вознесе́ннаго Страсть пречи́стую
пе́ти повелева́ет тва́ри всей.
На том бо уби́в нас уби́вшаго,
умерщвле́нныя оживи́л есть,
и удобри́, и на Небесе́х жи́ти сподо́би, я́ко Милосе́рд,
премно́жеством бла́гости.
Тем, ра́дующеся, вознесе́м и́мя Его́
и Того́ возвели́чим кра́йнее снизхожде́ние.Минея - К Тебе́ возведо́х о́чи мои́, живу́щему на небеси́; се я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дрит ны́.Часослов
- Моисе́й предобрази́ тя,
ру́ки просте́р на высоту́,
и побежда́ше Амали́ка мучи́теля,
Кре́сте честны́й,
ве́рных похвало́,
страда́льцев утвержде́ние,
апо́столов удобре́ние,
пра́ведных побо́рниче,
всех преподо́бных спаси́телю.
Тем, тя воздвиза́ема зря́щи, тварь весели́тся
и торжеству́ет, сла́вящи Христа́,
тобо́ю разстоя́щая собра́вшаго кра́йнею бла́гостию.Минея - Поми́луй нас Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, и уничиже́ния го́рдых.Часослов
- Кре́сте пречестны́й,
его́же обстоя́т чи́ни а́нгельстии, веселя́щеся,
днесь воздвиза́емь,
Боже́ственным манове́нием возно́сиши вся
окраде́нием сне́ди отгна́нныя
и в смерть попо́лзшияся.
Те́мже тя сердцы́ и устна́ми, ве́рнии, лобыза́юще,
свяще́ние почерпа́ем,
возноси́те, вопию́ще, Христа́, Преблага́го Бо́га,
и Того́ покланя́йтеся Боже́ственному подно́жию.Минея
Слава
- Побе́ды тезоимени́т показа́лся еси́,
му́чениче всече́стне Ники́то,
в по́двизе пропове́дав Христа́ Бо́га на́шего,
и пред цари́ и мучи́тели Того́ испове́дал еси́.
Тем не преста́й моля́ся о ми́ре ми́ра, и христолюби́вых царе́х,
и о всех па́мять твою́ соверша́ющих ве́рно
Еди́ному Человеколю́бцу,
изба́вити вся́каго гне́ва.Минея
И ныне, Богородичен
- Глас проро́ка Твоего́ Моисе́я, Бо́же,
испо́лнися, глаго́ляй:
у́зрите Живо́т ваш ви́сящь пред очесы́ ва́шими.
Днесь Крест воздвиза́ется,
и мир от ле́сти свобожда́ется,
днесь Христо́во Воскресе́ние обновля́ется,
и концы́ земли́ ра́дуются,
в кимва́лех дави́дски песнь Тебе́ принося́ще и глаго́люще:
соде́лал еси́ спасе́ние посреде́ земли́, Бо́же,
Крест и Воскресе́ние,
и́хже ра́ди нас спасл еси́, Бла́же и Человеколю́бче,
Всеси́льне Го́споди, сла́ва Тебе́.Минея
Настоятель:Ны́не отпуща́еши раба́ Твоего́, Влады́ко,
по глаго́лу Твоему́ с ми́ром:
я́ко ви́деста о́чи мои́ спасе́ние Твое́,
е́же еси́ угото́вал пред лице́м всех люде́й,
све́т во открове́ние язы́ков,
и сла́ву люде́й Твои́х Изра́иля.
── Трисвятое по «Отче наш» ──
Чтец:Святы́й Бо́же, Святы́й Кре́пкий, Святы́й Безсме́ртный, поми́луй на́с(трижды)
Чтец:Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Чтец:Пресвята́я Тро́ице, поми́луй на́с; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Чтец:Го́споди, поми́луй.(трижды)
Чтец:Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Чтец:О́тче на́ш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хле́б на́ш насу́щный да́ждь на́м дне́сь; и оста́ви на́м до́лги на́ша, я́коже и мы́ оставля́ем должнико́м на́шим; и не введи́ на́с во искуше́ние, но изба́ви на́с от лука́ваго.
Иерей:Я́ко Твое́ есть Ца́рство, и си́ла, и сла́ва, Отца́, и Сына́, и Свята́го Ду́ха, ны́не и при́сно, и во ве́ки веко́в.
Лик:Ами́нь.
Тропарь
- Му́ченик Твой, Го́споди, Ники́та
во страда́нии свое́м вене́ц прия́т нетле́нный от Тебе́, Бо́га на́шего:
име́яй бо кре́пость Твою́,
мучи́телей низложи́,
сокруши́ и де́монов немощны́я де́рзости.
Того́ моли́твами
спаси́ ду́ши на́ша.Минея - Крест Христо́в, я́ко не́кое ору́жие, усе́рдно восприи́м,
и к боре́нию враго́в прите́кл еси́,
и, за Христа́ пострада́в,
последи́ огне́м свяще́нную твою́ ду́шу Го́споду пре́дал еси́,
отону́дуже и даро́в исцеле́ния
от Него́ сподо́бился еси́ прия́ти,
великому́чениче Ники́то.
Моли́ Христа́ Бо́га
спасти́ся душа́м на́шим.Минея
Лик:Сла́ва, и ны́не:
Богородичен отпустительный
пусто
── Ектения сугубая ──
Диакон:Рцем вси от всея́ души́, и от всего́ помышле́ния на́шего рцем.
Лик:Го́споди, поми́луй.(трижды)
Диакон:Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.
Лик:Го́споди, поми́луй.(трижды)
Диакон:Поми́луй нас, Бо́же, по вели́цей ми́лости Твое́й, мо́лим Ти́ ся́, услы́ши и поми́луй.
Лик:Го́споди, поми́луй.(трижды)
Диакон:Еще́ мо́лимся о Вели́ком Господи́не и отце́ на́шем Святе́йшем Патриа́рхе имярек, и о господи́не на́шем преосвяще́ннейшем митрополи́те (или архиепи́скопе, или епи́скопе) (имярек), и о всей во Христе́ бра́тии на́шей.
Лик:Го́споди, поми́луй.(трижды)
Диакон:Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.
Лик:Го́споди, поми́луй.(трижды)
Диакон:Еще́ мо́лимся о бра́тиях на́ших, свяще́нницех, священномона́сех, и всем во Христе́ бра́тстве на́шем.
Лик:Го́споди, поми́луй.(трижды)
Диакон:Еще́ мо́лимся о блаже́нных и приснопа́мятных созда́телех свята́го хра́ма сего́ (аще во обители: святы́я оби́тели сея́), и о всех преждепочи́вших отце́х и бра́тиях, зде лежа́щих и повсю́ду, правосла́вных.
Лик:Го́споди, поми́луй.(трижды)
Диакон:Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (аще во обители: святы́я оби́тели сея́).
Лик:Го́споди, поми́луй.(трижды)
Диакон:Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.
Лик:Го́споди, поми́луй.(трижды)
Иерей:Го́споди Бо́же наш, приле́жное сие́ моле́ние приими́ от Твои́х раб, и поми́луй нас по мно́жеству ми́лости Твоея́, и щедро́ты Твоя́ низпосли́ на ны и на вся лю́ди Твоя́, ча́ющыя от Тебе́ бога́тыя ми́лости.
Иерей:Я́ко ми́лостив и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Лик:Ами́нь.
── Перед отпустом ──
Диакон:Прему́дрость!
Лик поёт
- Благослови́.наша формула
Иерей:Сый благослове́н Христо́с, Бог наш, всегда́, ны́не и при́сно, и во ве́ки веко́в.
Лик:Ами́нь. Утверди́, Бо́же, святу́ю правосла́вную ве́ру, правосла́вных христиа́н во ве́к ве́ка.
── Отпуст вечерни (вседневный) ──
Иерей:Пресвята́я Богоро́дице, спаси́ на́с.
Лик:Честне́йшую Херуви́м:
Иерей:сла́ва Тебе́ Христе́ Бо́же, Упова́ние на́ше, сла́ва Тебе́.
Лик:Сла́ва, и ны́не:
Лик:Го́споди, поми́луй.(трижды)
Лик поёт
- Благослови́.наша формула
[Иерей:Обратився от святых дверей на запад к людем, глаголет отпуст]
Отпуст книги (если книга его печатает)
пусто
Отпуст
- Христо́с, и́стинный Бог наш, моли́твами Пречи́стыя Своея́ Ма́тере,Отпуст собран по частям; состав — по Служебнику
- (и свята́го, его́же есть храм — престол не выбран)престол, у которого служат: настройка прихода
- Свята́го великому́ченика Ники́ты,святой дня — из выбранной памяти
- святы́х и пра́ведных богооте́ц Иоаки́ма и А́нны,Отпуст собран по частям; состав — по Служебнику
- и всех святы́х, поми́лует и спасе́т нас, я́ко благ и человеколю́бец.Отпуст собран по частям; состав — по Служебнику
Лик:Вели́каго господи́на и отца́ на́шего имярек, Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго имярек, митрополи́та (или архиепи́скопа, или епи́скопа егоже есть область), да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.
Лик:Ис полла́ эти, де́спота.