ПРА̑ВИЛА и҆́же во святы́хъ ѻ҆тца̀ на́шегѡ кѷрі́лла, а҆рхіепі́скопа а҆леѯандрі́йскагѡ.

Каноні́ческое посла́ніе къ до́мнꙋ, патріа́рхꙋ а҆нтіохі́йскомꙋ.

ПРА́ВИЛО а҃.

Ка́ждое дѣ́ло на́ше, когда̀ пря́мѡ послѣ́дꙋетъ пра́виламъ благочи́нія, не порожда́етъ для на́съ никако́гѡ смꙋще́нія, но и҆збавля́етъ на́съ ̾ѿ порица́нія нѣ́которыхъ, па́че же пріѡбрѣта́етъ на́мъ и҆ ѡ҆добре́ніе благомы́слящихъ. И҆́бо кто̀ не согласи́тся съ мнѣ́ніемъ безпристра́стнымъ, когда̀ ѻ҆но̀ произнесено̀ кѣ́мъ либо; И҆лѝ не бꙋ́детъ ли безꙋкори́зненъ, па́че же вся́кія похвалы̀ и҆спо́лненъ, сꙋ́дъ пра́вый и҆ зако́нный; Сіѐ пишꙋ̀ ны́нѣ, когда̀ твоѐ благоче́стіе въ твое́мъ писа́ніи, по́сланномъ ко мнѣ̀ и҆ къ преподо́бнѣйшемꙋ и҆ бл҃гочести́вѣйшемꙋ бра́тꙋ на́шемꙋ и҆ соєпі́скопꙋ про́клꙋ, и҆менꙋ́ешь петра̀ благоговѣ́йнѣйшимъ и҆ бг҃олюби́вѣйшимъ є҆пі́скопомъ: а҆ ѻ҆́нъ междꙋ̀ тѣ́мъ пла́четъ, и҆ почита́етъ себя̀ непра́вильнѡ ̾ѿрѣше́ннымъ ̾ѿ ввѣ́ренныя є҆мꙋ̀ це́ркви. Прили́чно же бы́ло бы и҆лѝ и҆мѣ́ти є҆мꙋ̀ и҆́мя свяще́нства кꙋ́пнѡ съ са́мою ве́щію, и҆лѝ, а҆́ще ѻ҆́нъ не бы́лъ досто́инъ предстоя́ти же́ртвенникꙋ бж҃ію, не бы́ти є҆мꙋ̀ почте́нꙋ и҆ с. тч҃а наименова́ніемъ є҆пі́скопа. Мо́жетъ бы́ть сло́во моѐ пока́жется твоемꙋ̀ бг҃олю́бію жесто́кимъ и҆ небратолю́бнымъ: но не таково̀ ѻ҆но̀ по и҆́стинѣ. И҆́бо мы̀ дꙋ́маемъ снисходи́тельны бы́ти къ ста́рцꙋ, ѡ҆ста́вивъ є҆мꙋ̀ є҆ди́но наименова́ніе. Но мно́гѡ лꙋ́чше бы́ло бы помы́слити и҆ дрꙋго́е. Ѻ҆́нъ глаго́летъ, ꙗ҆́кѡ мо́жетъ ѡ҆правда́ти себя̀: но є҆мꙋ̀ не дано̀ вре́мени на ѡ҆правда́ніе, и҆ не предло́жено разсмотрѣ́ти дѣ́ло по пра́виламъ. А҆́ще сіѐ бы́ло бы ѹ҆чине́но: то са́мое дѣлопроизво́дство, и҆лѝ ѡ҆бличи́ло бы въ не́мъ престꙋ́пника, дока́заннаго и҆ при́знаннаго, и҆ потомꙋ̀ не могꙋ́щаго рещѝ, ꙗ҆́кѡ ѡ҆би́женъ, и҆лѝ предста́вило бы є҆го̀ рѣши́тельнѡ неви́ннымъ, и҆ возврати́ло бы є҆мꙋ̀ нача́льство над̾ це́рковію, кото́рая была̀ є҆мꙋ̀ порꙋчена̀. Поели́кꙋ же ничегѡ̀ такова́гѡ не сдѣ́лано: то ѻ҆́нъ и҆ вопіе́тъ про́тивъ сегѡ̀, и҆ глаго́летъ, ꙗ҆́кѡ потерпѣ́лъ несно́снꙋю ѻ҆би́дꙋ, и҆ ꙗ҆́кѡ непра́веднѡ и҆зве́рженъ: присовокꙋпля́етъ же, ꙗ҆́кѡ и҆ всѐ, что̀ ѻ҆́нъ и҆мѣ́лъ со́бственнагѡ, ̾ѿя́то ѹ҆ негѡ̀. И҆ та́къ твоѐ преподо́біе пріе́мля въ разсꙋжде́ніе, чегѡ̀ тре́бꙋютъ бж҃е́ствєнныя пра̑вила, и҆ что̀ прили́чно це́ркви и҆ поста́влєннымъ въ не́й для свяще́ннагѡ слꙋже́нія, све́рхъ же сегѡ̀ ѹ҆ва́живъ и҆ на́ше писа́ніе, да ѡ҆тре́тъ сле́зы ста́рца. И҆ а҆́ще восхо́щетъ ѻ҆́нъ сꙋди́тися съ тѣ́ми, ко́и возлага́ли на него̀ престꙋплє́нія: то да сꙋ́дится по приня́томꙋ ѻ҆бы́чаю пред̾ твои́мъ бг҃оче́стіемъ, въ соприсꙋ́тствіи то́ є҆сть подчине́нныхъ тебѣ̀ благочести́вѣйшихъ є҆пі́скопѡвъ, кромѣ̀ тѣ́хъ, кото́рыхъ не пріи́метъ, ка́къ и҆́мъ подозрѣва́емыхъ. Мы̀ не полага́емъ, что́бы кто́ либо и҆з̾ благочести́вѣйшихъ є҆пі́скопѡвъ и҆мѣ́лъ враждє́бныя мы̑сли проти́вꙋ бра́та: но дабы̀ се́й предло́гъ не послꙋжи́лъ къ ѡ҆слабле́нію си́лы и҆мѣ́ющагѡ бы́ти сꙋда̀, а҆́ки бы се́й непра́веднѡ произведе́нъ бы́лъ, с. тч҃в то ни ма́лѡ не бꙋ́детъ ѡ҆скорби́тельно, а҆́ще нѣ́которые по сомнѣ́нію въ и҆́хъ безпристра́стіи, не бꙋ́дꙋтъ въ сꙋде́бномъ собра́ніи.

ПРА́ВИЛО в҃.

Непра́веднѡ же ̾ѿя́тое ѹ҆ негѡ̀ и҆мꙋ́щество справедли́вость тре́бꙋетъ возврати́ти є҆мꙋ̀ по двꙋ́мъ причи́намъ: во пе́рвыхъ, поели́кꙋ не надлежа́ло бы́ти чемꙋ́ либо таково́мꙋ: во вторы́хъ, поели́кꙋ благочести́вѣйшихъ є҆пі́скопѡвъ, сꙋ́щихъ по все́й землѝ, весьма̀ ѡ҆горча́етъ и҆ въ кра́йнее неꙋдово́льствіе приво́дитъ тре́бованіе ̾ѿче́та въ слꙋча́ющихся ѹ҆ ни́хъ расхо́дахъ и҆з̾ дохо́дѡвъ церко́вныхъ, та́къ и҆ и҆з̾ приноше́ній ̾ѿ нѣ́которыхъ. И҆́бо ка́ждый и҆з̾ на́съ за своѐ вре́мя да́стъ ̾ѿче́тъ сꙋдіѝ всѣ́хъ. Ѹ҆́твари и҆ недви̑жимыя стяжа̑нія надлежи́тъ храни́ти це́рквамъ не ̾ѿчꙋжда́емыми: свобѡ́днымъ же бы́ти пра́вящымъ бж҃е́ственное свяще́нство въ распоряже́ніи слꙋча́ющимися въ и҆́хъ вре́мя расхо́дами.

ПРА́ВИЛО г҃.

Рꙋкописа́ніе же ̾ѿрече́нія да́лъ ѻ҆́нъ, ка́къ сказꙋ́етъ, не по со́бственномꙋ произволе́нію, но по нꙋ́ждѣ, по стра́хꙋ и҆ по ѹ҆гро́замъ ̾ѿ нѣ́которыхъ. Но и҆ кро́мѣ сегѡ̀, съ церко́вными постановле́ніями не соѻбра́зно, ꙗ҆́кѡ нѣ́кіе священнодѣ́йствователи представля́ютъ рꙋкописа́ніе ̾ѿрече́нія. И҆́бо а҆́ще досто́йны слꙋжи́ти, да пребыва́ютъ въ се́мъ: а҆́ще же не досто́йны, да ѹ҆даля́ются ̾ѿ слꙋже́нія не ̾ѿрече́ніемъ, но па́че ѡ҆сꙋжде́ніемъ по дѣла́мъ, проти́вꙋ ко́ихъ мо́жетъ кто́ либо вознестѝ вели́кій во́пль, ꙗ҆́кѡ происходя́щихъ внѣ̀ вся́кагѡ поря́дка. Цѣлꙋ́й съ тобо́ю бра́тію: сꙋ́щая же съ на́ми цѣлꙋ́етъ тебя̀ ѡ҆ гд҃ⷭ҇ѣ.

с. тч҃г

Є҆ГѠ́ ЖЕ къ є҆пі́скопамъ, сꙋ́щымъ въ лѷві́и и҆ пентапо́лѣ.

ПРА́ВИЛО д҃.

Подоба́етъ и҆мѣ́ти попече́ніе ѡ҆ все́мъ, что̀ поле́зно и҆ неѡбходи́мо къ назида́нію наро́да, и҆ что̀ слꙋ́житъ къ сла́вѣ святы́хъ церкве́й. И҆́бо въ писа́ніи ска́зано: благоговѣ́йны сотвори́те сы́ны і҆зра́илевы[1]. Ѻ҆тцы̀ монастыре́й, находя́щихся въ ѳи́вской ѻ҆́бласти, мꙋ́жи бл҃гочести́вые и҆ проходя́щіе житіѐ ди́вное, прише́дши въ а҆леѯандрі́ю, бы́въ вопроша́емы мно́ю ѡ҆ состоя́ніи та́мошнихъ монастыре́й, ѡ҆б̾яви́ли, ꙗ҆́кѡ мно́гіе соблазня́ются по слѣ́дꙋющей причи́нѣ. Нѣ́которые, встꙋпи́въ неда́внѡ въ бра́къ, и҆ вы́шедши ка́кбы и҆з̾ са́магѡ бра́чнагѡ черто́га, ѹ҆ловля́ютъ нѣ́которыхъ и҆з̾ бг҃олюбе́знѣйшихъ є҆пі́скопѡвъ, и҆, мо́жетъ бы́ть, потомꙋ̀ что̀ никто̀ не ѡ҆бнарꙋ́живаетъ и҆́хъ состоя́нія, рꙋкополага́ются въ священнослꙋжи́тели, то́ є҆сть, въ пресвѵ́теры. Дрꙋгі́е и҆з̾ са́мыхъ монастыре́й бы́въ и҆́згнаны, ꙗ҆́кѡ безчи́нные, та́кожде восхища́ютъ рꙋкоположе́ніе, и҆, содѣ́лавшись сщ҃еннослꙋжи́телями, вхо́дятъ въ тѣ̀ са́мые монастырѝ, и҆з̾ ко́ихъ и҆́згнаны, и҆ хотя́тъ приноси́ти безкро́внꙋю же́ртвꙋ, и҆ и҆сполня́ти всѐ, что̀ прили́чно священнослꙋжи́теямъ. А҆ ̾ѿ сегѡ̀ происхо́с. тч҃ддитъ. ꙗ҆́кѡ нѣ́которые, зна́ющіе и҆̀хъ, ѹ҆клоня́ются и҆ ̾ѿ церко́вныхъ собра́ній, и҆ не хотя́тъ причаща́тися, когда̀ ѻ҆нѝ слꙋ́жатъ. И҆ та́къ поели́кꙋ всѐ, ка́къ рече́но мно́ю, подоба́етъ на́мъ твори́ти для назида́нія наро́да: то да наблюда́етъ за си́мъ ва́ше благоче́стіе: и҆ а҆́ще кто̀ и҆мѣ́етъ бы́ти рꙋкоположе́нъ въ священнослꙋжи́теля, и҆спытꙋ́йте є҆гѡ̀ житіѐ, та́кожде, и҆мѣ́етъ ли ѻ҆́нъ женꙋ̀, и҆лѝ нѣ́тъ, ка́къ и҆ когда̀ поя́лъ є҆ѐ, и҆ не и҆з̾ числа́ ли ѻ҆́нъ и҆зве́рженныхъ ̾ѿ дрꙋга́гѡ благочести́вѣйшагѡ є҆пі́скопа, и҆лѝ и҆з̾ монастыря̀, и҆ тогда̀, а҆́ще ѡ҆бря́щется безпоро́чнымъ, рꙋкополага́ти є҆го̀. Таки́мъ ѻ҆́бразомъ мы̀ соблюде́мъ въ чистотѣ̀ свою̀ со́вѣсть, и҆ въ безꙋкори́зненности свяще́нное и҆ досточти́мое слꙋже́ніе.

ПРА́ВИЛО є҃.

А҆́ще же нѣ́кіе, бꙋ́дꙋчи ѡ҆глаше́нными, подве́ргнꙋтые ̾ѿлꙋче́нію, въ наказа́ніе за грѣхопадє́нія, пото́мъ приближа́ются къ сме́рти: то да креща́ются, и҆ да не ̾ѿхо́дятъ ̾ѿ жи́зни сея̀ без̾ прича́стія бл҃года́ти, то́ є҆сть, без̾ пріѡбще́нія святы́хъ та̑инъ. И҆́бо ка́жется и҆ сіѐ согла́сно съ ѹ҆ста́вами це́ркви. Привѣ́тствꙋйте сꙋ́щихъ съ ва́ми бра́тій. Сꙋ́щіе же съ на́ми привѣ́тствꙋютъ ва́съ ѡ҆ гд҃ⷭ҇ѣ.

с. тч҃є