СВЯТА́ГѠ ГРИГО́РІЯ БГ҃ОСЛО́ВА ѡ҆ то́мъ, какі́я подоба́етъ чита́ти кни̑ги ве́тхагѡ и҆ но́вагѡ завѣ́та.

Дабы̀ не прельще́нъ бы́лъ ѹ҆́мъ тво́й чꙋ́ждыми кни́гами, и҆́бо ѡ҆брѣта́ются мнѡ́гія подлѡ́жныя писа̑нія, не пра́вѡ надпи̑санныя: то пріимѝ, возлю́бленный, сіѐ моѐ вѣ́рное и҆зчисле́ніе. І҆сторі́ческихъ кни́гъ древнѣ́йшія є҆вре́йскія премꙋ́дрости, всѣ́хъ двана́десять. Пе́рвая бытіѐ, пото́мъ и҆схо́дъ, леѵі́тъ, пото́мъ чи̑сла, пото́мъ второзако́ніе: пото́мъ і҆исꙋ́съ и҆ сꙋдіѝ: ѻ҆сма́я рꙋ́ѳь. Девя́тая и҆ деся́тая кни́ги, дѣя̑нія ца́рствъ, параліпоме́нѡнъ, и҆ послѣ́днею и҆мѣ́ешь є҆́здрꙋ. Стіхотво́рныхъ кни́гъ пя́ть: пе́рвая і҆́ѡва, пото́мъ даві́да, да́лѣе трѝ соломѡ́новы: є҆кклисіа́стъ, пѣ́снь пѣ́сней и҆ при̑тчи. Та́кожде пя́ть кни́гъ дх҃а проро́ческагѡ. Во є҆ди́нꙋ кни́гꙋ совокꙋпля́ются сіѝ двана́десять: ѡ҆сі́а, а҆мѡ́съ и҆ тре́тій міхе́й, пото́мъ і҆ѡи́ль, пото́мъ і҆ѡ́на, а҆вді́й, наꙋ́мъ, а҆ввакꙋ́мъ, софо́ніа, а҆гге́й, да́лѣе заха́ріа и҆ малахі́а. Сѐ є҆ди́на кни́га, втора́я же и҆са́іи: пото́мъ і҆еремі́а при́званный ̾ѿ младе́нчества: пото́мъ і҆езекі́иль и҆ даніи́лова благода́ть. Предложи́лъ ꙗ҆́ два́десять двѣ̀ кни́ги ве́тхагѡ завѣ́та, є҆вре́йскимъ бꙋ́квамъ равночи́слєнныя. По́слѣ сегѡ̀ счисля́й кни̑ги и҆ но́с. тѻ҃гвагѡ та́инства. Матѳе́й писа́лъ ѡ҆ чꙋдеса́хъ хр҃ⷭ҇то́выхъ для є҆вре́євъ, а҆ ма́ркъ для і҆та́ліи, лꙋка̀ для а҆ха́іи. Для всѣ́хъ же і҆ѡа́ннъ, вели́кій проповѣ́дникъ и҆ небоше́ствователь. Пото́мъ слѣ́дꙋютъ дѣя̑нія мꙋ́дрыхъ а҆по́столѡвъ, четырена́десять посла́ній па́ѵла. Се́дмь собо́рныхъ, и҆з̾ ко́ихъ є҆ди́но і҆а́кѡва, два̀ петро́вы, да́лѣе трѝ і҆ѡа́нновы, седмо́е же є҆́сть і҆ꙋ́дино. та́кѡ и҆мѣ́ешь всѐ. А҆́ще же какі́я сꙋ́ть све́рхъ си́хъ, не принадлежа́тъ къ при́знаннымъ.

с. тѻ҃д