ПОСЛА́НІЕ КАНОНІ́ЧЕСКОЕ, и҆́же во святы́хъ ѻ҆тца̀ на́шегѡ діонѵ́сіа а҆рхіепі́скопа а҆леѯандрі́йскагѡ и҆ и҆сповѣ́дника, къ є҆пі́скопꙋ васілі́дꙋ.

с. сѯ҃ѳ

ПРА́ВИЛО а҃.

Въ посла́ніи ко мнѣ̀, вѣ́рнѣйшій и҆ просвѣще́ннѣйшій сы́нъ мо́й, ты̀ вопроша́лъ меня̀: въ кото́рый ча́съ до́лжно прекраща́ти по́стъ пред̾ дне́мъ па́схи; И҆́бо нѣ́которые бра́тія ѹ҆твержда́ютъ, ка́къ сказꙋ́ешь, что̀ до́лжно дѣ́лати сіѐ въ пѣтелоглаше́ніе: а҆ дрꙋгі́е, что̀ до́лжно съ ве́чера. Находя́щіеся въ ри́мѣ бра́тія, ка́къ говоря́тъ, ѡ҆жида́ютъ пѣ́тела: а҆ ѡ҆ находя́щихся здѣ́сь ты̀ сказа́лъ, что̀ ѻ҆нѝ ра́нѣе прекраща́ютъ по́стъ. Ты̀ взыскꙋ́ешь положи́ти то́чное вре́мя, и҆ соверше́ннѡ ѡ҆предѣле́нный ча́съ: но сіѐ и҆ не ѹ҆до́бно, и҆ не безѻпа́сно. И҆́бо, что̀ по́слѣ вре́мени воскресе́нія гд҃ⷭ҇а на́шегѡ надлежи́тъ начина́ти пра́зднество и҆ весе́ліе, а҆ до тогѡ̀ поще́ніями смиря́ти дꙋ́шы, сіѐ всѣ̀ согла́снѡ признаю́тъ. Но въ посла́ніи твое́мъ ко мнѣ̀ ты̀ доказа́лъ весьма̀ здра́вѡ, и҆ согла́снѡ съ разꙋмѣ́ніемъ бж҃е́ственныхъ є҆ѵа́нгелій, что̀ въ ни́хъ не ѡ҆ка́зывается ничегѡ̀ ѡ҆предѣле́ннагѡ ѡ҆ часѣ̀ воскресе́нія. И҆́бо є҆ѵанс. с҃ѻгелі́сты разли́чнѡ ѡ҆писа́ли приходи́вшихъ ко гро́бꙋ въ ра́зныя времена̀, и҆ реклѝ, что̀ всѣ̀ ѻ҆нѝ ѡ҆брѣлѝ гд҃ⷭ҇а ѹ҆жѐ воскре́сшимъ. По́здѣ въ сꙋббѡ́тꙋ, ка́къ ре́къ матѳе́й[1]: заꙋ́тра, є҆щѐ сꙋ́щей тмѣ̀, ка́къ пи́шетъ і҆ѡа́ннъ[2]: ѕѣлѡ̀ ра́нѡ, ка́къ лꙋка̀[3]: и҆ ѕѣлѡ̀ заꙋ́тра, возсія́вшꙋ со́лнцꙋ, ка́къ глаго́летъ ма́ркъ[4]. Но когда̀ воскре́съ, сегѡ̀ ꙗ҆́снѡ ни кото́рый не показа́лъ. Несомнѣ́нно же то̀, что̀ въ ве́черъ сꙋббѡ́ты свѣта́ющꙋ дню̀, пе́рвомꙋ ̾ѿ сꙋббѡ́тъ, на гро́бъ прише́дшіе, ѹ҆жѐ не ѡ҆брѣлѝ гд҃ⷭ҇а лежа́щимъ въ не́мъ. И҆ да не представля́емъ є҆ѵангелі́стѡвъ ни разногла́сными, нижѐ противорѣ́чащими ѻ҆ди́нъ дрꙋго́мꙋ. Но а҆́ще и҆ возмни́тся бы́ти нѣ́кое разносло́віе ѡ҆ вопроша́емомъ: а҆́ще согласꙋ́ясь всѣ̀, ꙗ҆́кѡ въ то́й нощѝ возше́лъ свѣ́тъ мі́ра, гд҃ⷭ҇ь на́шъ, разли́чнѡ глаго́лютъ ѡ҆ часѣ̀: то мы̀ да тщи́мся благоразꙋ́мнѡ и҆ вѣ́рнѡ согласи́ти рече́нное. Рече́нное матѳе́емъ чита́ется та́кѡ: по́здѣ же въ сꙋббѡ́тꙋ, свѣта́ющи во є҆ди́нꙋ ̾ѿ сꙋббѡ́тъ, пріи́де марі́а магдали́на, и҆ дрꙋга́я марі́а ви́дѣти гро́бъ. И҆ сѐ трꙋ́съ бы́сть ве́лій: а҆́нгелъ бо гд҃ⷭ҇ень сше́дъ съ небесѐ, пристꙋ́пль ̾ѿвалѝ ка́мень, и҆ сѣдя́ше на не́мъ: бѣ́ же зра́къ є҆гѡ̀ ꙗ҆́кѡ мо́лнія, и҆ ѡ҆дѣя́ніе є҆гѡ̀ бѣло̀ ꙗ҆́кѡ снѣ́гъ. Ѿ стра́ха же є҆гѡ̀ сотрясо́шася стрегꙋ́щіи, и҆ бы́ша ꙗ҆́кѡ ме́ртви. Ѿвѣща́въ же а҆́нгелъ, речѐ жена́мъ: не бо́йтеся вы̀, вѣ́мъ бо, ꙗ҆́кѡ і҆и҃са распя́таго и҆́щете: нѣ́сть здѣ̀, воста́ бо, ꙗ҆́коже речѐ[5]. Нѣ́которые возмня́тъ, ꙗ҆́кѡ рече́ніе, по́здѣ, по ѻ҆́бщемꙋ ѹ҆потребле́нію сло́ва, ѡ҆знача́етъ ве́черъ сꙋббѡ́ты: но разсꙋди́тельнѣе внима́ющіе рекꙋ́тъ, ꙗ҆́кѡ не сіѐ, но глꙋбо́кꙋю но́щь: и҆́бо по́с. сѻ҃аздѣ зна́менꙋетъ ѹ҆медле́ніе и҆ до́лгое вре́мя. И҆ въ ѡ҆значе́ніе, ꙗ҆́кѡ ѡ҆ но́щи глаго́летъ, а҆ не ѡ҆ ве́черѣ, присовокꙋпи́лъ: свита́ющи во є҆ди́нꙋ ̾ѿ сꙋббѡ́тъ. И҆ пришлѝ, є҆щѐ не а҆рѡма́ты нося̀, ка́къ реклѝ дрꙋгі́е є҆ѵангелі́сты, но ви́дѣти гро́бъ, и҆ ѡ҆брѣлѝ произше́дшее землетрясе́ніе, и҆ а҆́нгела сѣдя́щаго на ка́мени, и҆ ѹ҆слы́шали ̾ѿ негѡ̀: нѣ́сть здѣ̀, воста̀. Подо́бнѡ і҆ѡа́ннъ глаго́летъ: во є҆ди́нꙋ ̾ѿ сꙋббѡ́тъ марі́а магдали́на пріи́де заꙋ́тра, є҆щѐ сꙋ́щей тмѣ̀, ко гро́бꙋ: и҆ ви́дѣ ка́мень взя́тъ ̾ѿ гро́ба[6]: и҆ та́къ, по семꙋ̀ є҆ѵангелі́стꙋ, є҆щѐ тмѣ̀ сꙋ́щей, ѻ҆на̀ вы́шла ко гро́бꙋ. Лꙋка́ же глаго́летъ: въ сꙋббѡ́тꙋ ѹ҆́бѡ ѹ҆молча́ша по за́повѣди: во є҆ди́нꙋ же ̾ѿ сꙋббѡ́тъ, ѕѣлѡ̀ ра́нѡ пріидо́ша на гро́бъ, нося́ще ꙗ҆̀же ѹ҆гото́ваша а҆рѡма́ты: ѡ҆брѣто́ша же ка́мень ̾ѿвале́нъ ̾ѿ гро́ба[7]. Глꙋбо́кое ѹ҆́тро зна́менꙋетъ мо́жетъ бы́ть начина́ющійся свѣ́тъ ѹ҆́треннія зарѝ пе́рвагѡ дня̀ седми́цы. И҆́бо ѹ҆жѐ соверше́ннѡ прошла̀ сꙋббѡ́та, со все́ю по не́й но́щію, и҆ начина́лся дрꙋгі́й де́нь, когда̀ пришлѝ нося́щыя а҆рѡма́ты и҆ мѵ̑ра. Ѿкꙋ́да ꙗ҆́вствꙋетъ, ꙗ҆́кѡ гд҃ⷭ҇ь воскре́съ задо́лгѡ пред̾ си́мъ. Семꙋ̀ послѣ́дꙋетъ и҆ ма́ркъ, глаго́ля: кꙋпи́ша а҆рѡма́ты, да прише́дше пома́жꙋтъ є҆го̀, и҆ ѕѣлѡ̀ заꙋ́тра во є҆ди́нꙋ ̾ѿ сꙋббѡ́тъ пріидо́ша на гро́бъ, возсія́вшꙋ со́лнцꙋ[8]. И҆ се́й ре́къ: ѕѣлѡ̀ заꙋ́тра, что̀ є҆динознамена́тельно съ выраже́ніемъ, въ глꙋбо́кое ѹ҆́тро, и҆ присовокꙋпи́лъ: возсія́вшꙋ со́лнцꙋ. Ꙗ҆́вно, ꙗ҆́кѡ и҆зше́ствіе и҆ пꙋ́ть и҆́хъ нача́лся въ глꙋбо́кое ѹ҆́тро, и҆ ѕѣлѡ̀ ра́нѡ: въ ше́ствіи же и҆ замедле́ніи ѹ҆ гро́ба продли́ли ѻ҆нѝ вре́мя до восхожде́нія со́лнца. И҆ тогда̀ ю҆́ноша въ бѣ́лыхъ ри́захъ ре́къ и҆̀мъ: воста̀, нѣ́сть здѣ̀[9]. Положи́въ сіѐ та́кѡ с. сѻ҃в бы́ти, тре́бꙋющымъ то́чнагѡ разрѣше́нія, въ кото́рый ча́съ, и҆лѝ въ кото́рꙋю полови́нꙋ часа̀, и҆лѝ че́тверть часа̀ подоба́етъ начина́ти весе́ліе ѡ҆ воскресе́ніи гд҃ⷭ҇а на́шегѡ и҆з̾ ме́ртвыхъ, мы̀ ̾ѿвѣ́тствꙋемъ. Чрезмѣ́рнѡ поспѣша́ющихъ и҆ пре́жде полꙋ́ночи хотя̀ не задо́лгѡ престаю́щихъ ̾ѿ поста̀ не ѡ҆добря́емъ, ꙗ҆́кѡ малодꙋ́шныхъ и҆ невозде́ржныхъ, ꙗ҆́кѡ прекраща́ющихъ тече́ніе не мно́гѡ не доко́нчанное. И҆́бо, ка́къ глаго́летъ мꙋ́дрый мꙋ́жъ, не малова́жно въ жи́зни и҆ то̀, а҆́ще недостае́тъ не мно́гагѡ. А҆ хотя́щихъ бы́ти послѣ́дними въ разрѣше́ніи поста̀, простира́ющихся до да́льнѣйшагѡ предѣ́ла, и҆ терпя́щихъ до четве́ртыя стра́жи, въ кото́рꙋю сп҃си́тель на́шъ, ходя̀ по мо́рю, ꙗ҆ви́лся пла́вающымъ, ѡ҆добря́емъ, ꙗ҆́кѡ мꙋ́жественныхъ и҆ трꙋдолюби́выхъ. Не стꙋжа́емъ же мно́гѡ и҆ тѣ̑мъ, кото́рые, по ѻ҆со́бенномꙋ своемꙋ̀ побꙋжде́нію, и҆лѝ по свое́й возмо́жности, междꙋ̀ тѣ́мъ и҆ дрꙋги́мъ вре́менемъ, ѹ҆споко́иваются ̾ѿ поста̀. И҆́бо и҆ ше́сть по́стныхъ дне́й не всѣ̀ ра́внѡ и҆ є҆диноѻбра́знѡ провожда́ютъ: но ѻ҆днѝ пребыва́я без̾ пи́щи, пропꙋска́ютъ всѣ̀ ѻ҆́ные, дрꙋгі́е же два̀, и҆ны́е трѝ, и҆ны́е четы́ре, а҆ и҆ны́е и҆ ни ѻ҆дногѡ̀. Потрꙋди́вшымся соверше́ннѡ въ пропꙋще́ніи цѣ́лыхъ дне́й без̾ пи́щи, пото́мъ ѹ҆томи́вшымся, и҆ є҆два̀ не лиша́ющымся всѣ́хъ си́лъ, прости́тельно скорѣ́е вкꙋси́ти. А҆́ще же нѣ́которые, не то́лькѡ не пропꙋска́вшіе дне́й без̾ пи́щи, но нижѐ пости́вшіеся, и҆лѝ да́же роско́шествовавшіе въ четы́ре предыдꙋ́щіе дня̀, пото́мъ же доше́дши до послѣ́днихъ двꙋ́хъ дне́й, и҆ сіѝ то́кмѡ два̀ днѝ, пято́къ и҆ сꙋббѡ́тꙋ, прове́дши без̾ пи́щи, нѣ́что вели́кое и҆ свѣ́тлое твори́ти мня́тъ, когда̀ пребꙋ́дꙋтъ въ постѣ̀ до зарѝ: не дꙋ́маю, что́бы таковы́е соверши́ли по́двигъ с. сѻ҃г ра́вный тѣ̑мъ, кото́рые бо́льшее число̀ дне́й подвиза́лись въ поще́ніи. Сіѐ, по моемꙋ̀ разꙋмѣ́нію, написа́лъ ꙗ҆́, подава́я совѣ́тъ.

ПРА́ВИЛО в҃.

Ѡ҆ же́нахъ, находя́щихся въ ѡ҆чище́ніи, позволи́тельно ли и҆̀мъ въ тако́мъ состоя́ніи входи́ти въ до́мъ бж҃ій, и҆зли́шнимъ почита́ю и҆ вопроша́ти. И҆́бо не дꙋ́маю, что́бы ѻ҆нѣ̀, а҆́ще сꙋ́ть вѣ̑рныя и҆ благочести̑выя, находя́сь въ тако́мъ состоя́ніи, дерзнꙋ́ли и҆лѝ пристꙋпи́ти къ свято́й трапе́зѣ, и҆лѝ коснꙋ́тися тѣ́ла и҆ кро́ви хр҃ⷭ҇то́вы. И҆́бо и҆ жена̀ и҆мѣ́вшая дванадесятилѣ́тнее кровотече́ніе, ра́ди и҆сцѣле́нія, прикоснꙋ́лася не є҆мꙋ̀, но то́кмѡ воскри́лію. Моли́тися, въ како́мъ бы кто̀ ни бы́лъ состоя́ніи, и҆ ка́къ бы ни бы́лъ расположе́нъ, помина́ти гд҃ⷭ҇а, и҆ проси́ти по́мощи, не возбра́нно є҆́сть. Но пристꙋпа́ти къ томꙋ̀, є҆́же є҆́сть свята̑я святы́хъ, да запрети́тся не совсѣ́мъ чи́стомꙋ дꙋше́ю и҆ тѣ́ломъ.

ПРА́ВИЛО г҃.

Встꙋпи́вшіе же въ бра́къ са́ми себѣ̀ должны̀ бы́ти довлѣ́ющими сꙋдія́ми. И҆́бо ѻ҆нѝ слы́шали па́ѵла пи́шꙋщагѡ, ꙗ҆́кѡ подоба́етъ возде́рживатися дрꙋ́гъ ̾ѿ дрꙋ́га, по согла́сію, до вре́мени, дабы̀ ѹ҆пражня́тися въ моли́твѣ, и҆ пото́мъ па́ки кꙋ́пнѡ бы́ти[10].

ПРА́ВИЛО д҃.

Тѣ̀, котѡ́рымъ приключи́лось не произво́льное нощно́е и҆стече́ніе, та́кже да послѣ́дꙋютъ свое́й со́вѣсти, и҆ да и҆спытꙋ́ютъ сами́хъ себя̀, нахо́дятся ли ̾ѿ сегѡ̀ въ сомнѣ́ніи, и҆лѝ нѣ́тъ: подо́бнѡ ка́къ и҆ ѡ҆ пи́щѣ глаго́летъ а҆по́столъ: а҆́ще ꙗ҆́стъ сомня́яйся, ѡ҆сꙋжда́ется[11]. И҆ въ се́мъ слꙋ́чаѣ вся́къ пристꙋпа́ющій къ бг҃ꙋ да и҆мѣ́етъ благꙋ́ю с. сѻ҃д со́вѣсть и҆ благодерзнове́ніе, по со́бственномꙋ помышле́нію.

Сіѝ вопрошє́нія ты̀ возлю́бленне, ꙗ҆́кѡ почита́ющій на́съ [и҆́бо, без̾ сомнѣ́нія, не ꙗ҆́кѡ не зна́ющій] предложи́лъ на́мъ, располага́я на́съ бы́ти є҆диномы́сленными и҆ є҆динодꙋ́шными съ тобо́ю, ка́къ и҆ є҆смы̀. Ꙗ҆́ же не та́къ, ка́къ ѹ҆чи́тель, но та́къ ка́къ прили́чно на́мъ собесѣ́довати дрꙋ́гъ дрꙋ́гꙋ, со вся́кою простото́ю, моѐ мнѣ́ніе на средꙋ̀ предложи́лъ. Разсꙋдѝ ѡ҆б̾ ѻ҆́номъ, благоразсꙋди́тельнѣйшій сы́не мо́й, и҆ напишѝ мнѣ̀, а҆́ще что̀ предста́вится тебѣ̀ справедли́вѣйшее и҆ лꙋ́чшее, и҆ли́ же, а҆́ще ѹ҆смо́тришь та́кѡ бы́ти. Жела́ю тебѣ̀, возлю́бленный сы́не мо́й, здра́вствовати и҆ въ ми́рѣ слꙋжи́ти гд҃ⷭ҇ꙋ.

с. сѻ҃є