ПРА̑ВИЛА СВЯТА́ГѠ ПОМѢ́СТНАГѠ СОБО́РА ЛАОДІКІ́ЙСКАГѠ.

ПРА́ВИЛО а҃.

Свобо́днѡ и҆ зако́ннѡ соедини́вшымся вторы́мъ бра́комъ, а҆ не та́йнѡ совокꙋпи́вшымся, по проше́ствіи непродолжи́тельнагѡ вре́мени, и҆ по ѹ҆пражне́ніи въ моли́твахъ и҆ постѣ̀, до́лжно, по снисхожде́нію, дарова́ти ѻ҆бще́ніе.

ПРА́ВИЛО в҃.

Впа́дающихъ въ разли́чныя согрѣшє́нія, и҆ пребыва́ющихъ въ моли́твѣ, и҆сповѣ́даніи и҆ покая́ніи, и҆ ̾ѿ ѕлы́хъ дѣ́лъ соверше́ннѡ ѡ҆браща́ющихся, по́слѣ тогѡ̀ ка́къ по мѣ́рѣ согрѣше́нія дано̀ и҆̀мъ вре́мя покая́нія, ра́ди милосе́рдія и҆ бла́гости бж҃іей, вводи́ти въ ѻ҆бще́ніе.

ПРА́ВИЛО г҃.

Неда́внѡ креще́нныхъ не подоба́етъ производи́ти въ чи́нъ свяще́нническій.

ПРА́ВИЛО д҃.

Посвяще́нные не должны̀ дава́ти въ ро́стъ и҆ взима́ти ли́хвꙋ, и҆ та́къ называ́ємыя и҆міо́ліи, то́ є҆сть, полови́нный ро́стъ.

ПРА́ВИЛО є҃.

И҆збра́ніе въ церкѡ́вныя сте́пєни не должно̀ бы́ти въ присꙋ́тствіи слꙋ́шающихъ.

с. рѯ҃д

ПРА́ВИЛО ѕ҃.

Не попꙋска́ти є҆ретіка́мъ, коснѣ́ющымъ въ є҆́реси, входи́ти въ до́мъ бж҃ій.

ПРА́ВИЛО з҃.

Ѡ҆браща́ющихся ̾ѿ є҆́ресей, то́ є҆сть, новатіа́нъ, и҆лѝ фѡтініа́нъ, и҆лѝ четыренадеся́тникѡвъ, ка́къ ѡ҆глаше́нныхъ, та́къ и҆ вѣ́рныхъ по и҆́хъ мнѣ́нію, пріима́ти не пре́жде, ка́къ проклянꙋ́тъ вся́кꙋю є҆́ресь, ѻ҆со́беннѡ же тꙋ̀, въ кото́рой ѻ҆нѝ находи́лись: и҆ тогда̀ ѹ҆жѐ глаго́лемые ѹ҆ ни́хъ вѣ́рные, по и҆зꙋче́ніи сѷмво́ла вѣ́ры, да бꙋ́дꙋтъ пома́заны святы́мъ мѵ́ромъ, и҆ та́кѡ причаща́ются святы́хъ та̑инъ.

ПРА́ВИЛО и҃.

Ѡ҆браща́ющихся ̾ѿ є҆́реси та́къ называ́емыхъ фрѵ́гѡвъВтор. всел. соб. пра́в. з҃., хотя́ бы находи́лись въ мни́момъ ѹ҆ ни́хъ кли́рѣ, и҆ велича́йшими и҆менова́лись, со вся́кимъ тща́ніемъ ѡ҆глаша́ти и҆ крести́ти є҆пі́скопамъ и҆ пресвѵ́терамъ це́ркви.

ПРА́ВИЛО ѳ҃.

На кла́дбища вся́кихъ є҆ретікѡ́въ, и҆лѝ въ та́къ и҆мєнꙋ́емыя ѹ҆ ни́хъ мꙋ́ченичєскія мѣста̀, да не бꙋ́детъ позво́лено церкѡ́внымъ ходи́ти для моли́твы, и҆лѝ для врачева́нія. А҆ ходя́щымъ, а҆́ще сꙋ́ть вѣ́рные, бы́ти лише́нными ѻ҆бще́нія церко́внагѡ на нѣ́кое вре́мя. Ка́ющихся же и҆ и҆сповѣ́дающихъ, ꙗ҆́кѡ согрѣши́ли, пріима́ти въ ѻ҆бще́ніе.

ПРА́ВИЛО і҃.

Не до́лжно церкѡ́внымъ, без̾ разбо́ра, совокꙋпля́ти дѣте́й свои́хъ бра́чнымъ сою́зомъ съ є҆ретіка́ми.

ПРА́ВИЛО а҃і.

Не до́лжно поставля́ти въ це́ркви та́къ и҆менꙋ́ємыя пресвѵ́теріды (ста̑рицы), и҆лѝ предсѣда́тєльницы.

с. рѯ҃є

ПРА́ВИЛО в҃і.

Є҆пі́скопѡвъ, по сꙋдꙋ̀ митрополі́тѡвъ и҆ ѻ҆кре́стныхъ є҆пі́скопѡвъ, поставля́ти на церко́вное нача́льство, и҆ прито́мъ таки́хъ, кото́рые съ да́внягѡ вре́мени и҆спы́таны и҆ въ сло́вѣ вѣ́ры, и҆ въ житіѝ соѻбра́зномъ пра́вомꙋ сло́вꙋ.

ПРА́ВИЛО г҃і.

Да не бꙋ́детъ позволя́емо сбо́рищꙋ наро́да, и҆збира́ти и҆мѣ́ющихъ произвести́ся во свяще́нство.

ПРА́ВИЛО д҃і.

Въ пра́здникъ па́схи не посыла́ти святы́хъ та̑инъ въ и҆ны́е прихо́ды, въ ви́дѣ благослове́нія.

ПРА́ВИЛО є҃і.

Кромѣ̀ пѣвцє́въ, состоя́щихъ въ кли́рѣ, на а҆мвѡ́нъ входя́щихъ и҆ по кни́гѣ пою́щихъ, не до́лжно и҆ны́мъ нѣ́котѡрымъ пѣ́ти въ це́ркви.

{комм.}По и҆з̾ясне́нію валсамѡ́на, пра́вило сіѐ запреща́етъ міря́намъ то́лькѡ восходи́ть на а҆мвѡ́нъ и҆ предначина́ть пѣ́ніе.

ПРА́ВИЛО ѕ҃і.

Въ сꙋббѡ́тꙋ чита́ти и҆ є҆ѵа́нгеліе съ дрꙋги́ми писа́ніями.

ПРА́ВИЛО з҃і.

Не до́лжно въ церко́вныхъ собра́ніяхъ ѱалмы̀ совокꙋпля́ти непреры́внѡ є҆ди́нъ къ дрꙋго́мꙋ, но чрез̾ промежꙋ́токъ по ѱалмѣ̀ бы́ти чте́нію.

ПРА́ВИЛО и҃і.

Є҆ди́но и҆ то́ежде слꙋже́ніе моли́твъ до́лженствꙋетъ бы́ти всегда̀, и҆ на девя́томъ часѣ̀ и҆ на вече́рни.

{комм.}По и҆з̾ясне́нію валсамѡ́на, сіѐ пра́вило пресѣка́етъ безпоря́дки нѣ́которыхъ, кото́рые на вече́рни ѹ҆потребля́ли, све́рхъ при́нятыхъ це́рковію, и҆́ми сами́ми соста́влєнныя моли̑твы.

с. рѯ҃ѕ

ПРА́ВИЛО ѳ҃і.

Подоба́етъ во пе́рвыхъ, по бесѣ́дахъ є҆пі́скопскихъ, ѻ҆со́бѡ твори́ти моли́твꙋ ѡ҆б̾ ѡ҆глаше́нныхъ, а҆ по и҆зше́ствіи ѡ҆глаше́нныхъ, бы́ти моли́твѣ ѡ҆ ка́ющихся: когда́ же и҆ сіѝ пріи́дꙋтъ под̾ рꙋ́кꙋ, и҆ ̾ѿи́дꙋтъ, тогда̀ соверша́ти моли̑твы вѣ́рныхъ трѝ: є҆ди́нꙋ, то́ є҆сть пе́рвꙋю, въ молча́ніи, вторꙋ́ю же и҆ тре́тію съ возглаше́ніемъ и҆сполня́ти. Посе́мъ ѹ҆жѐ ми́ръ подава́ти, и҆ когда̀ пресвѵ́теры дадꙋ́тъ ми́ръ є҆пі́скопꙋ, тогда̀ и҆ міря́намъ взаи́мнѡ ми́ръ подава́ти, и҆ та́кѡ соверша́ти свято́е приноше́ніе. И҆ є҆ди́нымъ то́кмѡ ѡ҆свящє́ннымъ позво́лено входи́ти въ ѻ҆лта́рь, и҆ та́мѡ пріѡбща́тися.

ПРА́ВИЛО к҃.

Не подоба́етъ діа́конꙋ сидѣ́ти въ присꙋ́тствіи пресвѵ́тера, но съ повелѣ́ніемъ пресвѵ́тера сѣ́сти. Подо́бнѡ и҆ діа́конамъ, и҆мѣ́ти че́сть ̾ѿ ѵ҆подіа́конѡвъ и҆ ̾ѿ всѣ́хъ приче́тникѡвъ.

ПРА́ВИЛО к҃а.

Ѵ҆подіа́конамъ не подоба́етъ бы́ти на мѣ́стѣ діа́конѡвъ, и҆ каса́тися свяще́нныхъ сосꙋ́дѡвъ.

ПРА́ВИЛО к҃в.

Не до́лжно ни́зшемꙋ слꙋжи́телю церко́вномꙋ ѻ҆ра́рь носи́ти, ни двє́ри ѡ҆ставля́ти.

ПРА́ВИЛО к҃г.

Не до́лжно чтеца́мъ и҆лѝ пѣвца́мъ ѻ҆ра́рь носи́ти, и҆ та́кѡ чита́ти и҆ пѣ́ти.

ПРА́ВИЛО к҃д.

Не подоба́етъ ѡ҆свяще́нномꙋ лицꙋ̀, ̾ѿ пресвѵ́тера до діа́кона, и҆ пото́мъ комꙋ́ либо и҆з̾ церко́внагѡ чи́на, да́же до ѵ҆подіа́конѡвъ, и҆лѝ чтецє́въ, и҆лѝ пѣвцє́въ, и҆лѝ заклина́телей, и҆лѝ две́рникѡвъ, и҆лѝ и҆з̾ мона́шескагѡ чи́на, въ корче́мницꙋ входи́ти.

с. рѯ҃з

ПРА́ВИЛО к҃є.

Не подоба́етъ ѵ҆подіа́конꙋ раздава́ти хлѣ́бъ, и҆лѝ благословля́ти ча́шꙋ.

ПРА́ВИЛО к҃ѕ.

Не произведє́ннымъ ̾ѿ є҆пі́скопа, не до́лжно заклина́ти ни въ це́рквахъ, ни въ дома́хъ.

ПРА́ВИЛО к҃з.

Не подоба́етъ ѡ҆свящє́ннымъ ли́цамъ, и҆лѝ приче́тникамъ, и҆лѝ міря́намъ, призыва́ємымъ на трапе́зꙋ любвѝ, ѹ҆носи́ти ̾ѿ нея̀ ча̑сти: и҆́бо си́мъ причиня́ется ѡ҆скорбле́ніе церко́вномꙋ чи́нꙋ.

ПРА́ВИЛО к҃и.

Не подоба́етъ въ хра́махъ гд҃ⷭ҇нихъ и҆лѝ въ цр҃квахъ соверша́ти, та́къ и҆менꙋ́ємыя, трапє́зы любвѝ, и҆ въ до́мѣ бж҃іемъ ꙗ҆́сти, и҆ возлежа́ніе твори́ти.

ПРА́ВИЛО к҃ѳ.

Не подоба́етъ хрістіа́намъ і҆ꙋде́йствовати, и҆ въ сꙋббѡ́тꙋ пра́здновати, но дѣ́лати и҆̀мъ въ се́й де́нь: а҆ де́нь воскре́сный преимꙋ́щественнѡ пра́здновати, а҆́ще мо́гꙋтъ, ꙗ҆́кѡ хрістіа́намъ. А҆́ще же ѡ҆бря́щꙋтся і҆ꙋде́йствꙋющіе: да бꙋ́дꙋтъ а҆на́ѳема ̾ѿ хр҃ⷭ҇та̀.

ПРА́ВИЛО л҃.

Не подоба́етъ ѡ҆свяще́нномꙋ лицꙋ̀, и҆лѝ приче́тникꙋ, и҆лѝ мона́хꙋ, мы́тися въ ба́нѣ съ же́нами, нижѐ вся́комꙋ хрістіа́нинꙋ и҆лѝ міряни́нꙋ: и҆́бо сіѐ є҆́сть пе́рвое ѡ҆бвине́ніе ̾ѿ ꙗ҆зы́чникѡвъ.

ПРА́ВИЛО л҃а.

Не подоба́етъ со вся́кимъ є҆ретіко́мъ заключа́ти бра́чный сою́зъ, и҆лѝ ̾ѿдава́ти таковы̑мъ сынѡ́въ и҆лѝ дще́рей, но па́че бра́ти ̾ѿ ни́хъ, а҆́ще ѡ҆бѣща́ются хрістіа́нами бы́ти.

ПРА́ВИЛО л҃в.

Не подоба́етъ ̾ѿ є҆ретікѡ́въ принима́ти благословє́нія, кото́рыя сꙋ́ть сꙋеслѡ́вія па́че, не́жели благословє́нія.

с. рѯ҃и

ПРА́ВИЛО л҃г.

Не подоба́етъ моли́тися съ є҆ретіко́мъ, и҆лѝ ̾ѿщепе́нцемъ.

ПРА́ВИЛО л҃д.

Вся́комꙋ хрістіани́нꙋ не подоба́етъ ѡ҆ставля́ти мꙋ́ченикѡвъ хр҃ⷭ҇то́выхъ, и҆ ̾ѿходи́ти ко лжемꙋ́ченикамъ, кото́рые, то́ є҆сть, ѹ҆ є҆ретікѡ́въ нахо́дятся, и҆лѝ са́ми є҆ретіка́ми бы́ли. И҆́бо сіѝ ѹ҆далены̀ ̾ѿ бг҃а: тогѡ̀ ра́ди прибѣга́ющіе къ ни́мъ да бꙋ́дꙋтъ под̾ кля́твою.

ПРА́ВИЛО л҃є.

Не подоба́етъ хрістіа́намъ ѡ҆ставля́ти це́рковь бж҃ію, и҆ ̾ѿходи́ти, и҆ а҆́гг҃лѡвъ и҆менова́ти, и҆ твори́ти собра̑нія. Сіѐ ̾ѿве́ржено. Тогѡ̀ ра́ди, а҆́ще кто̀ ѡ҆бря́щется ѹ҆пражня́ющимся въ таково́мъ та́йномъ і҆дѡлослꙋже́ніи, да бꙋ́детъ а҆на́ѳема: поне́же ѡ҆ста́вилъ гд҃ⷭ҇а на́шего і҆и҃са хр҃ⷭ҇та̀, сн҃а бж҃ія, и҆ пристꙋпи́лъ къ і҆дѡлослꙋже́нію.

{комм.}Ѡ҆сꙋжда́ются є҆ретікѝ, не моля́щіеся бг҃ꙋ и҆ хр҃ⷭ҇тꙋ̀, а҆ то́лькѡ а҆́гг҃ламъ, а҆́ки бы творца́мъ и҆ прави́телямъ мі́ра.

ПРА́ВИЛО л҃ѕ.

Не подоба́етъ ѡ҆свящє́ннымъ и҆лѝ приче́тникамъ, бы́ти волше́бниками, и҆лѝ ѡ҆бая́телями, и҆лѝ числогада́телями, и҆лѝ а҆строло́гами, и҆лѝ дѣ́лати та́къ и҆менꙋ́ємыя предохрани́лища, котѡ́рыя сꙋ́ть ѹ҆́зы дꙋ́шъ и҆́хъ. Нося́щихъ же ѻ҆́ныя повелѣ́ли мы̀ и҆зверга́ти и҆з̾ це́ркви.

ПРА́ВИЛО л҃з.

Не до́лжно принима́ти пра́здничные да́ры, посыла́емые ̾ѿ і҆ꙋде́євъ, и҆лѝ є҆ретікѡ́въ, нижѐ пра́здновати съ ни́ми.

ПРА́ВИЛО л҃и.

Не до́лжно принима́ти ̾ѿ і҆ꙋде́євъ ѻ҆прѣсно́ки, и҆лѝ пріѡбща́тися нече́стіямъ и҆́хъ.

с. рѯ҃ѳ

ПРА́ВИЛО л҃ѳ.

Не до́лжно пра́здновати съ ꙗ҆зы́чниками и҆ пріѡбща́тися безбо́жію и҆́хъ.

ПРА́ВИЛО м҃.

Є҆пі́скопамъ, на собо́ръ призыва́емымъ, не подоба́етъ небрещѝ, но и҆тѝ и҆ вразꙋмля́ти, и҆лѝ вразꙋмля́тися ко благоꙋстрое́нію це́ркви, и҆ про́чагѡ. А҆́ще же пренебреже́тъ таковы́й, то са́мъ себѐ ѡ҆бвини́тъ: ра́звѣ а҆́ще по болѣ́зни ѡ҆ста́нется.

ПРА́ВИЛО м҃а.

Ѡ҆свяще́нномꙋ, и҆лѝ приче́тникꙋ не до́лжно пꙋтеше́ствовати без̾ пра́вильныя гра́маты ̾ѿ є҆пі́скопа.

ПРА́ВИЛО м҃в.

Ѡ҆свяще́нномꙋ, и҆лѝ приче́тникꙋ не до́лжно пꙋтеше́ствовати без̾ повелѣ́нія є҆пі́скопа.

ПРА́ВИЛО м҃г.

Не подоба́етъ слꙋга́мъ церкѡ́внымъ и҆ на ма́лое вре́мя ѡ҆ставля́ти двє́ри, дабы̀ въ молитвосло́віи ѹ҆пражня́тися.

ПРА́ВИЛО м҃д.

Не подоба́етъ женѣ̀ въ ѻ҆лта́рь входи́ти.

ПРА́ВИЛО м҃є.

По двꙋ́хъ седми́цахъ четыредеся́тницы, не до́лжно принима́ти къ креще́нію.

{комм.}Пра́вило сіѐ ̾ѿно́сится къ креще́нію во́зрастныхъ, кото́рое, по дре́внемꙋ ѻ҆бы́чаю, соверша́лось въ вели́кꙋю сꙋббѡ́тꙋ. Кто̀ снача́ла четыредеся́тницы, и҆лѝ по кра́йней мѣ́рѣ, въ тече́ніи двꙋ́хъ пе́рвыхъ недѣ́ль є҆я̀, не и҆з̾яви́лъ рѣши́тельнагѡ жела́нія приня́ть креще́ніе, и҆ не на́чалъ гото́виться: того̀ пра́вило не позволя́етъ принима́ть къ креще́нію въ сію̀ четыредеся́тницꙋ, а҆ ѡ҆жида́ть дальнѣ́йшагѡ ѹ҆смотре́нія є҆гѡ̀ ѹ҆се́рдія къ вѣ́рѣ.

ПРА́ВИЛО м҃ѕ.

Креща́ємымъ до́лжно и҆зꙋча́ти вѣ́рꙋ, и҆ въ пя́тый де́нь седми́цы дава́ти ̾ѿвѣ́тъ є҆пі́скопꙋ, и҆лѝ пресвѵ́терамъ.

ПРА́ВИЛО м҃з.

Въ болѣ́зни прія́вшымъ креще́ніе, и҆ пото́мъ полꙋс. р҃ѻчи́вшымъ здра́віе, подоба́етъ и҆зꙋча́ти вѣ́рꙋ, и҆ познава́ти, ꙗ҆́кѡ бж҃е́ственнагѡ да́ра сподо́билися.

ПРА́ВИЛО м҃и.

Подоба́етъ просвѣща́ємымъ бы́ти помазꙋ́ємымъ пома́заніемъ небе́снымъ, и҆ бы́ти прича́стниками ца́рствія бж҃ія.

ПРА́ВИЛО м҃ѳ.

Не подоба́етъ въ четыредеся́тницꙋ приноси́ти святы́й хлѣ́бъ, ра́звѣ то́кмѡ въ сꙋббѡ́тꙋ, и҆ въ де́нь воскре́сный.

{комм.}То́ є҆сть: не должна̀ бы́ть по́лная літꙋргі́а. Но мо́жетъ бы́ть літꙋргі́а преждеѡсвяще́нныхъ дарѡ́въ, по н҃в пра́вилꙋ шеста́гѡ вселе́нскагѡ собо́ра.

ПРА́ВИЛО н҃.

Въ четверто́къ послѣ́днія седми́цы четыредеся́тницы не подоба́етъ разрѣша́ти по́стъ, и҆ всю̀ четыредеся́тницꙋ безче́ствовати: но до́лжно во всю̀ четыредеся́тницꙋ пости́тися съ сꙋхояде́ніемъ.

ПРА́ВИЛО н҃а.

Не подоба́етъ въ четыредеся́тницꙋ днѝ рожде́нія мꙋ́ченикѡвъ пра́здновати, но соверша́ти па́мять ст҃ы́хъ мꙋ́ченикѡвъ въ сꙋббѡ́ты и҆ въ днѝ воскре́сные.

ПРА́ВИЛО н҃в.

Не подоба́етъ въ четыредеся́тницꙋ соверша́ти бра́ки, и҆лѝ пра́здновати днѝ рожде́нія.

ПРА́ВИЛО н҃г.

Не подоба́етъ хрістіа́намъ, на бра́ки ходя́щымъ, скака́ти и҆лѝ пляса́ти, но скро́мнѡ вечеря́ти и҆ ѡ҆бѣ́дати, ка́къ прили́чно хрістіа́намъ.

ПРА́ВИЛО н҃д.

Не подоба́етъ ѡ҆свящє́ннымъ, и҆лѝ приче́тникамъ зрѣ́ти позо́рищныя представлє́нія на бра́кахъ и҆лѝ на пи́ршествахъ: но пре́жде вхожде́нія позо́рищныхъ ли́цъ востава́ти и҆̀мъ и҆ ̾ѿходи́ти.

с. рѻ҃а

ПРА́ВИЛО н҃є.

Не подоба́етъ ѡ҆свящє́ннымъ, и҆лѝ приче́тникамъ, слага́яся, дѣ́лати пи́ршєства, ни да́же міря́намъ.

ПРА́ВИЛО н҃ѕ.

Не подоба́етъ пресвѵ́терамъ пре́жде вхо́да є҆пі́скопа входи́ти и҆ сидѣ́ти въ ѻ҆лтарѣ̀, но съ є҆пі́скопомъ входи́ти, кромѣ̀ слꙋ́чая, когда̀ є҆пі́скопъ не́мощенъ и҆лѝ въ ̾ѿсꙋ́тствіи.

ПРА́ВИЛО н҃з.

Не подоба́етъ въ ма́лыхъ гра́дахъ и҆ се́лахъ поставля́ти є҆пі́скопѡвъ, но періоде́ѵтѡвъ[2]: а҆ поста́влєннымъ ѹ҆жѐ пре́жде, ничегѡ̀ не твори́ти без̾ во́ли є҆пі́скопа гра́да. Та́кожде и҆ пресвѵ́терамъ ничегѡ̀ не твори́ти без̾ во́ли є҆пі́скопа.

ПРА́ВИЛО н҃и.

Не подоба́етъ є҆пі́скопамъ, и҆лѝ пресвѵ́терамъ, соверша́ти приноше́ніе въ дома́хъ.

ПРА́ВИЛО н҃ѳ.

Не подоба́етъ въ це́ркви глаго́лати ѱалмы̀ не свяще́нные, и҆лѝ кни̑ги не ѡ҆предѣлє́нныя пра́виломъ, но то́кмѡ въ пра́вилахъ ѡ҆зна́чєнныя кни́ги ве́тхагѡ и҆ но́вагѡ завѣ́та.

ПРА́ВИЛО ѯ҃.

Чита́ти подоба́етъ кни́ги сіѝ, ве́тхагѡ завѣ́та: а҃, бытіѐ мі́ра. в҃, и҆схо́дъ и҆з̾ є҆гѵ́пта. г҃, леѵі́тъ. д҃, чи́сла. є҃, второзако́ніе. ѕ҃, і҆исꙋ́съ наѵи́нъ. з҃, сꙋдіѝ, рꙋ́ѳь. и҃, є҆сѳи́рь. ѳ҃, ца́рствъ пе́рвая и҆ втора́я. і҃, ца́рствъ тре́тія и҆ четве́ртая. а҃і, параліпо́менонъ пе́рвая и҆ втора́я. в҃і, є҆́здры пе́рвая и҆ втора́я. г҃і, кни́га ѱалмѡ́въ ста̀ пяти́десяти. д҃і, при̑тчи соломѡ́на. є҃і, є҆кклисіа́стъ. ѕ҃і, пѣ́снь пѣ́сней. з҃і, с. рѻ҃в і҆́ѡвъ. и҃і, двана́десять проро́кѡвъ. ѳ҃і, и҆са́іа. к҃, і҆еремі́а, варꙋ́хъ, пла́чь и҆ посла́ніе. к҃а, і҆езекі́иль. к҃в, даніи́лъ. Но́вагѡ же завѣ́та, є҆ѵⷢ҇лій четы́ре: ̾ѿ матѳе́а, ̾ѿ ма́рка, ̾ѿ лꙋкѝ, ̾ѿ і҆ѡа́нна, дѣя̑нія а҆п҃ⷭ҇льскія, посла́ній собо́рныхъ се́дмь сі́и: і҆а́кѡва є҆ди́но, петра̀ два̀, і҆ѡа́нна трѝ, і҆ꙋ́ды є҆ди́но: посла́ній па́ѵловыхъ четырена́десять, къ ри́млянѡмъ є҆ди́но, къ корі́нѳянѡмъ два̀, къ гала́тѡмъ є҆ди́но, къ є҆фесе́ємъ є҆ди́но, къ філіпписі́ємъ є҆ди́но, къ колосса́ємъ є҆ди́но, къ солꙋ́нянѡмъ два̀, къ є҆вре́ємъ є҆ди́но, къ тімоѳе́ю два̀, къ ті́тꙋ є҆ди́но, и҆ къ філимо́нꙋ є҆ди́но.