ПРА̑ВИЛА СВЯТА́ГѠ ПОМѢ́СТНАГѠ СОБО́РА ГА́НГРСКАГѠ.
ПРА́ВИЛО а҃.
А҆́ще кто̀ порица́етъ бра́къ, и҆ жено́ю вѣ́рною и҆ благочести́вою, съ мꙋ́жемъ свои́мъ совокꙋпля́ющеюся, гнꙋша́ется, и҆лѝ порица́етъ ѻ҆́нꙋю, ꙗ҆́кѡ не могꙋ́щꙋю вни́ти въ ца́рствіе: да бꙋ́детъ под̾ кля́твою.
ПРА́ВИЛО в҃.
А҆́ще кто̀, съ благоговѣ́ніемъ и҆ вѣ́рою, ꙗ҆дꙋ́щаго мя́со [кро́мѣ кро́ви, і҆дѡложе́ртвеннагѡ и҆ ѹ҆да́вленины] ѡ҆сꙋжда́етъ, а҆́ки бы, по причи́нѣ ѹ҆потребле́нія ѻ҆́нагѡ, не и҆мѣ́ющаго ѹ҆пова́нія: да бꙋ́детъ под̾ кля́твою.
ПРА́ВИЛО г҃.
А҆́ще кто̀ ѹ҆́читъ раба̀, под̾ предло́гомъ благоче́стія, презира́ти господи́на, ѹ҆клоня́тися ̾ѿ слꙋже́нія, и҆ не съ ѹ҆се́рдіемъ и҆ вся́кою че́стію слꙋжи́ти господи́нꙋ своемꙋ̀: да бꙋ́детъ под̾ кля́твою.
ПРА́ВИЛО д҃.
А҆́ще кто̀ ѡ҆ пресвѵ́терѣ, встꙋпи́вшемъ въ бра́къ, разсꙋжда́етъ, ꙗ҆́кѡ не досто́итъ причаща́тися приноше́нія, когда̀ таковы́й соверши́лъ літꙋргі́ю: да бꙋ́детъ под̾ кля́твою.
ПРА́ВИЛО є҃.
А҆́ще кто̀ ѹ҆́читъ невозбра́ннѡ пренебрега́ти до́мъ с. рм҃ѳ бж҃ій, и҆ быва́ющыя въ не́мъ собра̑нія: да бꙋ́детъ под̾ кля́твою.
ПРА́ВИЛО ѕ҃.
А҆́ще кто̀ кромѣ̀ це́ркви ѻ҆со́бѡ собра̑нія составля́етъ, и҆, презира́я це́рковь, церкѡ́вная твори́ти хо́щетъ, не и҆мѣ́я съ собо́ю пресвѵ́тера по во́лѣ є҆пі́скопа: да бꙋ́детъ под̾ кля́твою.
ПРА́ВИЛО з҃.
А҆́ще кто̀ церкѡ́вныя плодоприношє́нія пріима́ти, и҆лѝ раздава́ти внѣ̀ це́ркви хо́щетъ, без̾ во́ли є҆пі́скопа, и҆лѝ тогѡ̀, комꙋ̀ порꙋчены̀ таковы̑я, и҆ не по во́лѣ є҆гѡ̀ твори́ти хо́щетъ: да бꙋ́детъ под̾ кля́твою.
ПРА́ВИЛО и҃.
А҆́ще кто̀ дае́тъ, и҆лѝ пріе́млетъ плодоприношє́нія ми́мѡ є҆пі́скопа, и҆лѝ поста́вленнагѡ ѹ҆правля́ти благотворе́ніями: и҆ даю́щій, и҆ пріе́млющій, да бꙋ́детъ под̾ кля́твою.
ПРА́ВИЛО ѳ҃.
А҆́ще кто̀ дѣ́вствꙋетъ, и҆лѝ возде́рживается, ѹ҆даля́яся ̾ѿ бра́ка, ꙗ҆́кѡ гнꙋша́ющійся и҆́мъ, а҆ не ра́ди са́мыя добро́ты и҆ святы́ни дѣ́вства: да бꙋ́детъ под̾ кля́твою.
ПРА́ВИЛО і҃.
А҆́ще кто̀ и҆з̾ дѣ́вствꙋющихъ ра́ди гд҃ⷭ҇а, бꙋ́детъ превозноси́тися над̾ бракосочета́вшимися: да бꙋ́детъ под̾ кля́твою.
ПРА́ВИЛО а҃і.
А҆́ще кто̀ презира́етъ творя́щихъ ве́чєри любвѝ по вѣ́рѣ, и҆ созыва́ющихъ бра́тію въ че́сть гд҃ⷭ҇а, и҆ не хо́щетъ и҆мѣ́ти ѻ҆бще́ніе въ приглаше́ніяхъ, ни́зкимъ почита́я твори́мое: да бꙋ́детъ под̾ кля́твою.
ПРА́ВИЛО в҃і.
А҆́ще кто̀ и҆з̾ мꙋже́й, ра́ди мни́магѡ подви́жничества, ѹ҆потребля́етъ сꙋро́вꙋю ве́рхнюю ѻ҆де́ждꙋ, и҆, а҆́ки с. р҃н бы ̾ѿ сегѡ̀ полꙋча́я пра́ведность, ѡ҆сꙋжда́етъ тѣ́хъ, кото́рые со благоговѣ́ніемъ но́сятъ ше́лкѡвыя ѡ҆дѣя̑нія, и҆ ѹ҆потребля́ютъ ѻ҆́бщꙋю и҆ ѻ҆быкнове́ніемъ при́нятꙋю ѻ҆де́ждꙋ: да бꙋ́детъ под̾ кля́твою.
ПРА́ВИЛО г҃і.
А҆́ще нѣ́кая жена̀, ра́ди мни́магѡ подви́жничества, премѣни́тъ ѡ҆дѣя́ніе, и҆, вмѣ́стѡ ѻ҆быкнове́нныя же́нскія ѻ҆де́жды, ѡ҆блече́тся въ мꙋжскꙋ́ю: да бꙋ́детъ под̾ кля́твою.
ПРА́ВИЛО д҃і.
А҆́ще кото́рая жена̀ ѡ҆ста́витъ мꙋ́жа, и҆ ̾ѿитѝ восхо́щетъ, гнꙋша́яся бра́комъ: да бꙋ́детъ под̾ кля́твою.
ПРА́ВИЛО є҃і.
А҆́ще кто̀ дѣте́й свои́хъ ѡ҆ставля́етъ и҆ не пита́етъ, и҆ не приво́дитъ, по возмо́жности, къ подоба́ющемꙋ благоче́стію, но, под̾ предло́гомъ ̾ѿше́льничества, неради́тъ ѡ҆ ни́хъ: да бꙋ́детъ под̾ кля́твою.
ПРА́ВИЛО ѕ҃і. А҆́ще котѡ́рыя дѣ́ти, под̾ предло́гомъ благоче́стія, ѡ҆ста́вятъ свои́хъ роди́телей, наипа́че вѣ́рныхъ, и҆ не воздадꙋ́тъ подоба́ющія че́сти роди́телямъ, да бꙋ́дꙋтъ под̾ кля́твою. Впро́чемъ правовѣ́ріе да бꙋ́детъ и҆́ми соблюда́емо предпочти́тельнѡ.
ПРА́ВИЛО з҃і.
А҆́ще кото́рая жена̀, ра́ди мни́магѡ подви́жничества, ѡ҆стриже́тъ власы̀, котѡ́рыя да́лъ є҆́й бг҃ъ въ напомина́ніе подчине́нности: такова́я, ꙗ҆́кѡ нарꙋша́ющая за́повѣдь подчине́нности, да бꙋ́детъ под̾ кля́твою.
ПРА́ВИЛО и҃і.
А҆́ще кто̀, ра́ди мни́магѡ подви́жничества, пости́тся въ де́нь воскре́сный: да бꙋ́детъ под̾ кля́твою.
ПРА́ВИЛО ѳ҃і.
А҆́ще кто̀ и҆з̾ подви́жникѡвъ, без̾ тѣле́сныя нꙋ́жды, возно́сится и҆ разрѣша́етъ посты̀, пре́данные къ ѻ҆́бс. рн҃ащемꙋ соблюде́нію и҆ храни́мые це́рковію. пребыва́я прито́мъ въ по́лномъ ра́зꙋмѣ: да бꙋ́детъ под̾ кля́твою.
ПРА́ВИЛО к҃.
А҆́ще кто̀, прише́дши въ надме́нное расположе́ніе, гнꙋша́ясь ѡ҆сꙋжда́етъ собра̑нія въ че́сть мꙋ́ченикѡвъ, и҆ соверша́ємыя въ ѻ҆́ныхъ слꙋжє́нія и҆ па́мяти и҆́хъ: да бꙋ́детъ под̾ кля́твою.
ПРА́ВИЛО к҃а.
Сія̑ же пи́шемъ, поставля́я прегра̑ды не тѣ̑мъ, кото́рые въ це́ркви бж҃іей, по писа́нію, подви́жничествовати жела́ютъ, но тѣ̑мъ, кото́рые подви́жничество пріе́млютъ въ по́водъ го́рдости, возно́сятся над̾ живꙋ́щими про́стѡ, и҆ вопрекѝ писа́ніямъ и҆ церкѡ́внымъ пра́виламъ вво́дятъ но́вѡсти. Таки́мъ ѻ҆́бразомъ мы̀ и҆ дѣ́вство, со смире́ніемъ соедине́нное, чти́мъ, и҆ воздержа́ніе, съ че́стностію и҆ благоче́стіемъ соблюда́емое, пріе́млемъ, и҆ смире́нное ̾ѿше́льничество ̾ѿ мірски́хъ дѣ́лъ ѡ҆добря́емъ, и҆ бра́чное че́стное сожи́тельство почита́емъ, и҆ бога́тства съ пра́вдою и҆ благотворе́ніемъ не ѹ҆ничижа́емъ: и҆ простотꙋ̀ и҆ малоцѣ́нность ѻ҆де́ждъ, ѹ҆потребля́емыхъ то́кмѡ ра́ди попече́нія ѡ҆ тѣ́лѣ неизы́сканнагѡ, похваля́емъ: а҆ и҆знѣ́женнагѡ въ мя́гкой ѻ҆де́ждѣ хожде́нія ̾ѿвраща́емся. И҆ до́мы бж҃іи почита́емъ, и҆ собра̑нія быва́ющыя въ ни́хъ, ꙗ҆́кѡ святы̑я и҆ полє́зныя пріе́млемъ, незаключа́я благоче́стія въ дома́хъ, но почита́я вся́кое мѣ́сто, со́зданное во и҆́мя бж҃іе, и҆ хожде́ніе въ це́рковь бж҃ію на по́льзꙋ ѻ҆́бщꙋю пріе́млемъ: и҆ и҆збы́точествꙋющыя благотворє́нія бра́тій, по преда́ніямъ, посре́дствомъ це́ркви ни́щымъ быва́ющыя, ѹ҆блажа́емъ: и҆, да рече́мъ вкра́тцѣ, жела́емъ, да быва́ютъ въ це́ркви вся̀ приня̑тая ̾ѿ бж҃е́ственныхъ писа́ній и҆ а҆по́стольскихъ преда́ній.
с. рн҃в