ПРА̑ВИЛА СВЯТА́ГѠ ПОМѢ́СТНАГѠ СОБО́РА НЕОКЕСАРІ́ЙСКАГѠ.

ПРА́ВИЛО а҃.

Пресвѵ́теръ, а҆́ще ѡ҆же́нится, да и҆зве́рженъ бꙋ́детъ ̾ѿ своегѡ̀ чи́на. А҆́ще же блꙋ́дъ и҆лѝ прелюбодѣ́йство сотвори́тъ: да бꙋ́детъ совсѣ́мъ и҆́згнанъ ̾ѿ ѡ҆бще́нія церко́внагѡ, и҆ низведе́нъ въ разря́дъ ка́ющихся.

ПРА́ВИЛО в҃.

Жена̀, совокꙋпи́вшаяся бра́комъ съ двꙋмя̀ бра́тіями, да бꙋ́детъ ̾ѿлꙋчена̀ ̾ѿ ѡ҆бще́нія церко́внагѡ до сме́рти. Но при сме́рти, а҆́ще ѡ҆бѣща́ется разрꙋши́ти бра́къ по выздоровле́ніи, да бꙋ́детъ по человѣколю́бію допꙋ́щена къ покая́нію. А҆́ще же ѹ҆́мретъ жена̀ и҆лѝ мꙋ́жъ въ таково́мъ бра́кѣ: ѡ҆ста́вшемꙋся трꙋ́дно покая́ніе.

ПРА́ВИЛО г҃.

Вре́мя покая́нія, ѡ҆предѣле́нное для впада́ющихъ во многобра́чіе, и҆звѣ́стно: впро́чемъ ѡ҆браще́ніе и҆ вѣ́ра и҆́хъ сокраща́ютъ вре́мя.

ПРА́ВИЛО д҃.

А҆́ще кто̀, вожделѣ́въ жены̀, рѣши́тся преспа́ти съ не́ю, но є҆гѡ̀ намѣ́реніе не приведе́тся въ дѣ́йствіе: ви́димо є҆́сть, ꙗ҆́кѡ благода́тію и҆зба́вленъ.

с. рм҃ѕ

ПРА́ВИЛО є҃.

Ѡ҆глаше́нный, входя́щій въ це́рковь, и҆ стоя́щій въ чи́нѣ ѡ҆глаше́нныхъ, ѡ҆бличе́нъ бы́въ во грѣхѣ̀, а҆́ще сопричи́сленъ бы́лъ преклоня́ющымъ колѣ́на, да низведе́тся въ разря́дъ слꙋ́шающихъ писа̑нія, преста́въ ̾ѿ грѣха̀. А҆́ще же и҆ пребыва́я междꙋ̀ слꙋ́шающими согрѣши́тъ: да и҆зго́нится и҆з̾ це́ркви.

ПРА́ВИЛО ѕ҃.

И҆мѣ́ющꙋю во чре́вѣ, подоба́етъ просвѣти́ти креще́ніемъ, когда̀ восхо́щетъ. И҆́бо нѣ́тъ въ се́мъ никако́гѡ ѡ҆бще́нія ѹ҆ ражда́ющія съ ражда́емымъ: поне́же во и҆сповѣ́даніи со́бственное ка́ждагѡ произволе́ніе показꙋ́ется.

ПРА́ВИЛО з҃.

Пресвѵ́терꙋ на бра́кѣ двоеже́нца не пи́ршествовати. Поне́же двоеже́нецъ и҆мѣ́етъ нꙋ́ждꙋ въ покая́ніи. Како́й же бы́лъ бы пресвѵ́теръ, кото́рый чрез̾ ѹ҆ча́ствованіе въ пи́ршествѣ ѡ҆добря́лъ бы таковы́е бра́ки;

ПРА́ВИЛО и҃.

А҆́ще жена̀ нѣ́коегѡ міряни́на, прелюбодѣ́йствовавъ, ѡ҆бличена̀ бꙋ́детъ въ то́мъ ꙗ҆́внѡ: то ѻ҆́нъ не мо́жетъ пріитѝ въ слꙋже́ніе церко́вное. А҆́ще же по рꙋкоположе́ніи мꙋ́жа впаде́тъ въ прелюбодѣ́йство: то ѻ҆́нъ до́лженъ развести́ся съ не́ю. А҆́ще же сожи́тельствꙋетъ: не мо́жетъ каса́тися слꙋже́нія, є҆мꙋ̀ порꙋче́ннагѡ.

ПРА́ВИЛО ѳ҃.

Пресвѵ́теръ, а҆́ще согрѣши́въ тѣ́ломъ, произведе́нъ, и҆ и҆сповѣ́дꙋетъ, что̀ согрѣши́лъ пре́жде рꙋкоположе́нія, да не священнодѣ́йствꙋетъ, сохраня́я прѡ́чія преимꙋ́щєства, ра́ди дрꙋги́хъ добродѣ́телей. И҆́бо про́чіе грѣхѝ, ка́къ мно́гіе сказꙋ́ютъ, разрѣша́етъ и҆ рꙋкоположе́ніе. А҆́ще же са́мъ не и҆сповѣ́дꙋетъ, а҆ ѡ҆бличе́нъ бы́ти с. рм҃з ꙗ҆́внѡ не мо́жетъ: вла́стенъ са́мъ въ себѣ̀.

ПРА́ВИЛО і҃.

Подо́бнѡ и҆ діа́конъ, а҆́ще впаде́тъ въ то́тъ же грѣ́хъ, да низведе́нъ бꙋ́детъ въ чи́нъ проста́гѡ слꙋжи́теля це́ркви.

ПРА́ВИЛО а҃і.

Во пресвѵ́тера пре́жде три́десяти лѣ́тъ, а҆́ще и҆ по всемꙋ̀ досто́йный человѣ́къ, да не поставля́ется: но да ѡ҆ста́вится въ ѡ҆жида́ніи. И҆́бо гд҃ⷭ҇ь і҆и҃съ хр҃ⷭ҇то́съ въ тридеся́тое лѣ́то крести́лся, и҆ на́чалъ ѹ҆чи́ти.

ПРА́ВИЛО в҃і.

А҆́ще кто̀ въ болѣ́зни просвѣще́нъ креще́ніемъ, то не мо́жетъ произведе́нъ бы́ти во пресвѵ́тера: и҆́бо вѣ́ра є҆гѡ̀ не ̾ѿ произволе́нія, но ̾ѿ нꙋжды̀: ра́звѣ то́кмѡ ра́ди по́слѣ ̾ѿкры́вшіяся добродѣ́тели и҆ вѣ́ры, и҆ ра́ди скꙋ́дости въ лю́дяхъ досто́йныхъ.

ПРА́ВИЛО г҃і.

Се́льскіе пресвѵ́теры въ гра́дской це́ркви не мо́гꙋтъ священнодѣ́йствовати въ присꙋ́тствіи є҆пі́скопа, и҆лѝ пресвѵ́терѡвъ гра́да, та́кожде ни преподава́ти хлѣ́бъ, ни ча́шꙋ во вре́мя моли́твы. А҆́ще же сіѝ въ ̾ѿсꙋ́тствіи, а҆ се́льскій є҆ди́нъ приглаше́нъ для моли́твы: то преподае́тъ.

ПРА́ВИЛО д҃і.

Но хорепі́скопы, поста́вленные во ѻ҆́бразъ седми́десяти а҆по́столѡвъ, ꙗ҆́кѡ сослꙋжи́тели є҆пі́скопа, священнодѣ́йствꙋютъ и҆ въ гра́дской це́ркви, пріе́мля че́сть ра́ди попече́нія ѡ҆ ни́щихъ.

ПРА́ВИЛО є҃і.

По первонача́льномꙋ пра́вилꙋ, діа́конамъ седмѝ бы́ти до́лжно, а҆́ще и҆ весьма̀ вели́къ гра́дъ. Въ се́мъ ѹ҆достовѣ́ренъ бꙋ́деши и҆з̾ кни́ги дѣя́ній а҆по́стольскихъ.

с. рм҃и