ПРА̑ВИЛА СВЯТА́ГѠ ПОМѢ́СТНАГѠ СОБО́РА А҆ГКѴ́РСКАГѠ.
с. рл҃з
ПРА́ВИЛО а҃.
Ѡ҆ пресвѵ́терахъ, кото́рые і҆дѡложе́ртвовали, пото́мъ возѡбнови́ли по́двигъ за вѣ́рꙋ, и҆ прито́мъ не по ѹ҆хищре́нію нѣ́коемꙋ, но по и҆́стинѣ, не дѣ́лая предвари́тельнагѡ приготовле́нія и҆ соглаше́нія къ томꙋ̀, да пока́жꙋтъ себя̀ а҆́ки бы подверга́емыхъ мꙋче́ніямъ, тогда̀ ка́къ ѹ҆потребля́емы бы́ли ѻ҆́ныя то́кмѡ для ви́да и҆ притво́рнѡ, разсꙋждено̀: да не лиша́ются че́сти сѣда́лища, но да не и҆мѣ́ютъ вла́сти соверша́ти приноше́ніе, проповѣ́дывати и҆ воѻбщѐ свяще́нническое что́ либо дѣ́йствовати.
ПРА́ВИЛО в҃.
Подо́бнѡ и҆ діа́конамъ і҆дѡложе́ртвовавшымъ, но пото́мъ возѡбнови́вшымъ по́двигъ вѣ́ры, присво́еннꙋю и҆̀мъ че́сть и҆мѣ́ти, но преста́ти и҆̀мъ ̾ѿ вся́кагѡ свяще́ннагѡ слꙋже́нія, ̾ѿ возноше́нія хлѣ́ба и҆ ча́ши, и҆ ̾ѿ провозглаше́нія моле́ній. А҆́ще же кото́рые и҆з̾ є҆пі́скопѡвъ ѹ҆смо́трятъ въ таковы́хъ нѣ́кій трꙋ́дъ, и҆лѝ смире́ніе кро́тости, и҆ восхотя́тъ нѣ́что бо́лѣе с. рл҃и да́ти, и҆лѝ ̾ѿя́ти: да бꙋ́детъ сіѐ въ и҆́хъ вла́сти.
ПРА́ВИЛО г҃.
Ѹ҆бѣга́ющымъ ̾ѿ гони́телей, и҆ ѹ҆ловлє́ннымъ, и҆лѝ прє́даннымъ ̾ѿ свои́хъ дома́шнихъ, и҆лѝ и҆ны́мъ ѻ҆́бразомъ лишє́ннымъ и҆мѣ́нія, и҆лѝ претерпѣ́вшымъ мꙋчє́нія, и҆лѝ вве́ржєннымъ въ темни́цꙋ, прито́мъ вопія́вшымъ, ꙗ҆́кѡ сꙋ́ть хрістіа́не, и҆ и҆стя́заннымъ, и҆ междꙋ̀ тѣ́мъ, и҆лѝ нѣ́что і҆дѡложе́ртвенное въ рꙋ́ки наси́ліемъ ѹ҆тѣсни́телей влага́емое, и҆лѝ нѣ́кꙋю пи́щꙋ по принꙋжде́нію прія́вшымъ, но непреры́внѡ и҆сповѣ́дывавшымъ, ꙗ҆́кѡ сꙋ́ть хрістіа́не, и҆ ско́рбь свою̀ ѡ҆ слꙋчи́вшемся съ ни́ми всегда̀ и҆з̾явля́ющымъ вся́кою скро́мностію, ѡ҆дѣя́ніемъ, и҆ смире́ніемъ жи́зни, таковы̑мъ, ꙗ҆́кѡ внѣ̀ грѣха̀ сꙋ́щымъ, да не возбрани́тся ѡ҆бще́ніе. А҆́ще же кѣ́мъ либо и҆ возбранено̀ бы́ло, ра́ди вя́щшей предѻсторо́жности, и҆лѝ по невѣ́дѣнію нѣ́которыхъ: неме́дленнѡ должны̀ при́няты бы́ти во ѡ҆бще́ніе. Сіѐ ̾ѿно́сится ра́внѡ и҆ къ сꙋ́щымъ ̾ѿ кли́ра, и҆ къ прѡ́чимъ, то́ є҆сть, къ міря́намъ. Бы́ло прито́мъ и҆зслѣ́дываемо и҆ то̀, мо́гꙋтъ ли міря́не, подве́ргшіеся томꙋ́ же са́момꙋ наси́лію, бы́ти производи́мы въ чи́нъ свяще́нный, и҆ разсꙋждено̀: производи́ти и҆ таковы́хъ ꙗ҆́кѡ ничто́же согрѣши́вшихъ, а҆́ще и҆ пре́жній ѻ҆́бразъ и҆́хъ житія̀ ѡ҆бря́щется пра́вымъ.
ПРА́ВИЛО д҃.
Ѡ҆ і҆дѡложе́ртвовавшихъ по принꙋжде́нію, и҆ све́рхъ тогѡ̀ пред̾ і҆́дѡлами пи́ршествовавшихъ, кото́рые бы́въ приведены̀ и҆ съ весе́лымъ ви́домъ вошлѝ, и҆ ѻ҆де́ждꙋ ѹ҆потреби́ли драгоцѣ́ннѣе ѻ҆быкнове́нной, и҆ ѹ҆ча́ствовали въ пригото́вленномъ пи́ршествѣ безпе́чнѡ, разсꙋждено̀: что́бы таковы́е находи́лись го́дъ въ числѣ̀ слꙋ́шающихъ писа̑нія, трѝ го́да въ числѣ̀ с. рл҃ѳ припа́дающихъ, два̀ го́да и҆мѣ́ли ѡ҆бще́ніе въ моли́твѣ то́кмѡ, и҆ пото́мъ встꙋпа́ли въ соверше́нное ѡ҆бще́ніе.
ПРА́ВИЛО є҃.
А҆ кото́рые вошлѝ въ ѡ҆дѣя́ніи печа́льномъ, и҆ возле́гши ѣ҆́ли, пла́чя междꙋ̀ тѣ́мъ во всѐ вре́мя возлежа́нія, тѣ̀, а҆́ще и҆спо́лнили трехлѣ́тнее вре́мя припа́данія, да пріи́мꙋтся въ ѡ҆бще́ніе, кромѣ̀ причаще́нія святы́хъ та̑инъ. А҆́ще же не ѣ҆́ли, то прове́дши два̀ лѣ́та междꙋ̀ припа́дающими, въ тре́тіе лѣ́то да бꙋ́дꙋтъ въ ѡ҆бще́ніи, кромѣ̀ причаще́нія, та́къ что́бы соверше́нное ѡ҆бще́ніе полꙋчи́ли по тре́хъ лѣ́тахъ. Но є҆пі́скопы да и҆мѣ́ютъ вла́сть, и҆спыта́въ ѻ҆́бразъ ѡ҆браще́нія, человѣколю́бствовати, и҆лѝ бо́льшее вре́мя покая́нія приложи́ти. Па́че всегѡ̀ да и҆спытꙋ́ется житіѐ предше́ствовавшее и҆скꙋше́нію, и҆ послѣ́довавшее за ѻ҆́нымъ, и҆ та́кѡ да размѣря́ется человѣколю́біе.
ПРА́ВИЛО ѕ҃.
Ѡ҆ тѣ́хъ, кото́рые то́кмѡ ̾ѿ ѹ҆гроже́нія мꙋ́ками, и҆лѝ ̾ѿя́тіемъ и҆мѣ́ній, и҆лѝ и҆згна́ніемъ, поколеба́лися и҆ і҆дѡложе́ртвовали, и҆ до настоя́щагѡ вре́мени не пока́ялися: а҆ ны́нѣ, ко вре́мени сегѡ̀ собо́ра, пришлѝ и҆ воспрія́ли по́мыслъ ѡ҆браще́нія, разсꙋждено̀: да пріи́мꙋтся въ разря́дъ слꙋ́шающихъ писа̑нія до вели́кагѡ дня̀ па́схи: по вели́комъ же днѣ̀, да бꙋ́дꙋтъ трѝ лѣ́та въ разря́дѣ припа́дающихъ, пото́мъ є҆щѐ два̀ лѣ́та да бꙋ́дꙋтъ въ ѡ҆бще́ніи, кромѣ̀ причаще́нія, и҆ та́кѡ да вни́дꙋтъ въ соверше́нное ѡ҆бще́ніе, ꙗ҆́кѡ да и҆спо́лнится цѣ́лое шестилѣ́тіе покая́нія. А҆́ще же кото́рые пре́жде сегѡ̀ собо́ра при́няты на покая́ніе: съ тогѡ̀ вре́мени счисля́ти и҆̀мъ нача́ло шестилѣ́тія. Впро́чемъ же, а҆́ще приключи́тся и҆̀мъ ѻ҆па́сс. р҃мность и҆ бли́зость сме́рти ̾ѿ болѣ́зни, и҆лѝ ̾ѿ и҆на́гѡ нѣ́коегѡ слꙋ́чая: таковы́хъ пріима́ти съ ѹ҆сло́віемъ.
{комм.}Разꙋмѣ́ется то̀ ѹ҆сло́віе, что́бы, є҆́стьли ѡ҆ста́нꙋтся въ живы́хъ, и҆спо́лнили вре́мя покая́нія, по семꙋ̀ пра́вилꙋ.
ПРА́ВИЛО з҃.
Ѡ҆ тѣ́хъ, кото́рые пи́ршествовали въ ꙗ҆зы́ческій пра́здникъ, на мѣ́стѣ присво́енномъ ꙗ҆зы́чниками, но принеслѝ и҆ ѣ҆́ли своѝ со́бствєнныя снѣ̑ди, разсꙋждено̀: пріима́ти и҆̀хъ въ ѡ҆бще́ніе, по двꙋлѣ́тнемъ припа́даніи: но ка́ждаго ли до́лжно пріима́ти съ причаще́ніемъ святы́хъ та́инъ, є҆пі́скопское дѣ́ло є҆́сть разсꙋди́ти ѡ҆ се́мъ, та́кожде и҆ про́чꙋю жи́знь ка́ждагѡ и҆спыта́ти.
ПРА́ВИЛО и҃.
Два́жды и҆ три́жды і҆дѡложе́ртвовавшіе по принꙋжде́нію, четы́ре лѣ́та да бꙋ́дꙋтъ въ числѣ̀ припа́дающихъ, два̀ лѣ́та да бꙋ́дꙋтъ въ ѡ҆бще́ніи моли́твъ, кромѣ̀ причаще́нія, и҆ въ седмо́е лѣ́то да пріи́мꙋтся въ соверше́нное ѡ҆бще́ніе.
ПРА́ВИЛО ѳ҃.
А҆ кото́рые не то́кмѡ содѣ́лались ̾ѿстꙋ́пниками, но и҆ возстава́ли на бра́тій, и҆ принꙋжда́ли и҆̀хъ къ ̾ѿстꙋпле́нію, и҆лѝ бы́ли вино́вниками такова́гѡ принꙋжде́нія: тѣ̀ на трѝ лѣ́та да пріи́мꙋтъ мѣ́сто междꙋ̀ слꙋ́шающими писа̑нія, пото́мъ на ше́сть лѣ́тъ междꙋ̀ припа́дающими, є҆щѐ є҆ди́но лѣ́то да бꙋ́дꙋтъ въ ѡ҆бще́ніи, кромѣ̀ причаще́нія, та́къ что̀ и҆спо́лнивъ десятилѣ́тіе полꙋ́чатъ соверше́нное ѡ҆бще́ніе. Впро́чемъ и҆ въ сіѐ вре́мя да бꙋ́детъ наблюда́ема и҆ вся̀ про́чая и҆́хъ жи́знь.
ПРА́ВИЛО і҃.
Поставля́емые во діа́конѡвъ, а҆́ще при са́момъ поставле́ніи засвидѣ́тельствовали, и҆ ѡ҆б̾яви́ли, что̀ ѻ҆нѝ и҆мѣ́ютъ нꙋ́ждꙋ ѡ҆жени́тися, с. рм҃а и҆ не мо́гꙋтъ без̾ тогѡ̀ пребы́ти: таковы́е по́слѣ сегѡ̀ ѡ҆жени́вшись, да пребыва́ютъ въ свое́мъ слꙋже́ніи, поели́кꙋ сіѐ позво́лено бы́ло и҆̀мъ ̾ѿ є҆пі́скопа: а҆́ще же кото́рые, ѹ҆молча́въ ѡ҆ се́мъ и҆ приня́въ рꙋкоположе́ніе съ тѣ́мъ, что́бы пребы́ти без̾ жени́твы, по́слѣ встꙋпи́ли въ бра́къ: таковы̑мъ преста́ти ̾ѿ діа́конскагѡ слꙋже́нія.
{комм.}Сіѐ распоряже́ніе помѣ́стнагѡ собо́ра, є҆́сть мѣ́стное и҆з̾я́тіе и҆з̾ пра́вила а҆по́стольскагѡ к҃ѕ. Шесты́й вселе́нскій собо́ръ, ѕ҃ пра́виломъ свои́мъ, прекрати́лъ сіѐ и҆з̾я́тіе, и҆ подтверди́лъ держа́ться а҆по́стольскагѡ пра́вила въ то́чности.
ПРА́ВИЛО а҃і.
Дѣ́въ ѡ҆брꙋче́нныхъ, и҆ пото́мъ и҆ны́ми похи́щенныхъ, разсꙋждено̀: возвраща́ти пред̾ѡбрꙋчи́вшымъ, а҆́ще бы и҆ наси́ліе претерпѣ́ли ̾ѿ похи́тившихъ.
ПРА́ВИЛО в҃і.
Пре́жде креще́нія і҆дѡложе́ртвовавшихъ, и҆ пото́мъ крести́вшихся, разсꙋждено̀ производи́ти въ чи́нъ свяще́нный, ꙗ҆́кѡ ѡ҆мы́вшихъ грѣ́хъ.
ПРА́ВИЛО г҃і.
Не подоба́етъ хорепі́скопамъ поставля́ти пресвѵ́терѡвъ и҆лѝ діа́конѡвъ: но нижѐ є҆пі́скопамъ и҆ны́хъ градѡ́въ во и҆ны́е, кромѣ̀ позволе́нія є҆пі́скопа, чрез̾ гра́матꙋ по ка́ждой є҆па́рхіи.
ПРА́ВИЛО д҃і.
Состоя́щымъ въ кли́рѣ, пресвѵ́терамъ и҆лѝ діа́конамъ, кото́рые возде́рживаются ̾ѿ мя́съ, ѡ҆предѣлено̀, каса́тися ѻ҆́ныхъ, и҆ пото́мъ, а҆́ще восхотя́тъ, воздержа́тися ̾ѿ ѻ҆́ныхъ. А҆́ще же не восхотя́тъ сегѡ̀, та́къ что̀ не бꙋ́дꙋтъ ꙗ҆́сти и҆ ѻ҆во́щей, полага́емыхъ съ мяса́ми, и҆ не покоря́тся семꙋ̀ пра́вилꙋ: да бꙋ́дꙋтъ низложены̀ ̾ѿ своегѡ̀ чи́на.
ПРА́ВИЛО є҃і.
И҆з̾ принадлежа́щагѡ це́ркви, а҆́ще что̀ про́дали прес. рм҃всвѵ́теры въ небы́тность ѹ҆ ни́хъ є҆пі́скопа, да востре́бꙋетъ ѻ҆́ное це́рковь. Є҆пі́скопа же разсꙋжде́нію предоставля́ется, а҆́ще досто́итъ возврати́ти цѣ́нꙋ, и҆лѝ нѝ: поне́же ча́стѡ быва́етъ, что̀ дохо́ды ̾ѿ про́даннагѡ съ и҆збы́ткомъ ѹ҆жѐ возврати́ли кꙋпи́вшымъ цѣ́нꙋ ѻ҆́нагѡ.
ПРА́ВИЛО ѕ҃і.
Ѡ҆ скотоло́жствовавшихъ, и҆лѝ скотоло́жствꙋющихъ. Кото́рые впа́ли въ се́й грѣ́хъ пре́жде двадесятилѣ́тнягѡ во́зраста, тѣ̀, бы́въ пятьна́десять лѣ́тъ междꙋ̀ припа́дающими, да полꙋ́чатъ ѡ҆бще́ніе въ моли́твахъ пото́мъ, пребы́въ пя́ть лѣ́тъ въ се́мъ ѡ҆бще́ніи, да пристꙋ́пятъ къ причаще́нію святы́хъ та̑инъ. Да и҆спытꙋ́ется же и҆ житіѐ и҆́хъ въ то̀ вре́мя, когда̀ нахо́дятся въ разря́дѣ припа́дающихъ, и҆, смотря̀ по томꙋ̀, да сподобля́ются человѣколю́бія. Пребы́вшіе же до́лгѡ въ се́мъ грѣхѣ̀, до́лгѡ да ѹ҆де́ржатся въ разря́дѣ припа́дающихъ. А҆ кото́рые преше́дши ѡ҆зна́ченный во́зрастъ, и҆ же́нъ и҆мѣ́я, впа́ли въ таковы́й грѣ́хъ: тѣ̀ два́десять пя́ть лѣ́тъ пребы́въ междꙋ̀ припа́дающими, да полꙋча́ютъ ѡ҆бще́ніе въ моли́твахъ. Пото́мъ и҆спо́лнивъ пя́ть лѣ́тъ во ѡ҆бще́ніи моли́твъ, да сподо́бятся причаще́нія. А҆́ще же нѣ́которые, и҆ же́нъ и҆мѣ́я, и҆ преше́дши пятидесятилѣ́тній во́зрастъ, впа́ли въ се́й грѣ́хъ: таковы́е при и҆схо́дѣ ̾ѿ сея̀ жи́зни да сподо́бятся причаще́нія.
ПРА́ВИЛО з҃і.
Скотоло́жникамъ и҆ прокажє́ннымъ, и҆лѝ ѡ҆прока́зившымъ, святы́й собо́ръ повелѣ́лъ моли́тися съ ѡ҆бꙋрева́емыми.
{комм.}Наименова́ніе ѡ҆бꙋрева́емыхъ ѡ҆знача́етъ и҆лѝ недопꙋска́емыхъ въ це́рковь, и҆ моля́щихся внѣ̀, є҆́стьли слꙋчи́тся, и҆ на вѣ́трѣ и҆ под̾ дожде́мъ, и҆лѝ бѣснꙋ́емыхъ.
с. рм҃г
ПРА́ВИЛО и҃і.
А҆́ще кото́рые, бы́въ поста́влены во є҆пі́скопѡвъ, но не бы́въ при́няты є҆па́рхіею, въ кото́рꙋю наречены̀, восхотя́тъ на и҆ны́я є҆па́рхіи настꙋпа́ти, и҆ поста́вленныхъ та́мѡ ѹ҆тѣсня́ти, и҆ воздвига́ти проти́вꙋ и҆́хъ возмꙋщє́нія: таковы́хъ ̾ѿлꙋча́ти ̾ѿ ѡ҆бще́нія церко́внагѡ. А҆́ще же восхотя́тъ съ пресвѵ́терами сидѣ́ти, гдѣ̀ пре́жде бы́ли пресвѵ́терами: не ̾ѿима́ти ̾ѿ ни́хъ сея̀ че́сти. А҆́ще же бꙋ́дꙋтъ воздвига́ти смятє́нія проти́вꙋ поста́вленныхъ та́мѡ є҆пі́скопѡвъ: лиша́ти и҆̀хъ и҆ пресвѵ́терскія че́сти, и҆ бы́ти и҆̀мъ ̾ѿрѣшє́ннымъ.
ПРА́ВИЛО ѳ҃і.
Да́вшіе ѻ҆бѣ́тъ дѣ́вства и҆ нарꙋ́шившіе ѻ҆бѣ́тъ, да и҆спо́лнятъ є҆пітімію̀ двоебра́чныхъ. Дѣ́вамъ же, соединя́ющымся жи́тельствомъ съ нѣ́кіими, а҆́ки съ бра́тіями, мы̀ сіѐ возбрани́ли.
ПРА́ВИЛО к҃.
А҆́ще чія̀ жена̀ прелюбодѣ́йствовала, и҆ кто́ либо прелюбодѣ́йствовалъ: таковы̑мъ надлежи́тъ въ се́дмь лѣ́тъ пріитѝ въ соверше́нное ѡ҆бще́ніе, по сте́пенямъ къ томꙋ̀ ведꙋ́щымъ.
ПРА́ВИЛО к҃а.
Же́намъ, ̾ѿ прелюбодѣя́нія зача́вшымъ, и҆ и҆стреби́вшымъ пло́дъ, и҆ занима́ющымся составле́ніемъ дѣтогꙋби́тельныхъ ѻ҆тра́въ, пре́жнимъ ѡ҆предѣле́ніемъ, возбранено̀ бы́ло причаще́ніе святы́хъ та̑инъ до кончи́ны: и҆ по семꙋ̀ и҆ постꙋпа́ютъ. И҆зы́скивая же нѣ́что бо́лѣе снисходи́тельное, мы̀ ѡ҆предѣли́ли таковы̑мъ проходи́ти десятилѣ́тнее вре́мя покая́нія, по сте́пенямъ ѹ҆стано́влєннымъ.
ПРА́ВИЛО к҃в.
Вино́вные въ во́льныхъ ѹ҆бі́йствахъ, да бꙋ́дꙋтъ въ разря́дѣ припа́дающихъ: сос. рм҃дверше́ннагѡ же ѡ҆бще́нія да ѹ҆досто́иваются при концѣ̀ жи́зни.
ПРА́ВИЛО к҃г.
Винѡ́внымъ въ нево́льныхъ ѹ҆бі́йствахъ пре́жнее ѡ҆предѣле́ніе повелѣва́етъ, въ се́дмь лѣ́тъ, по сте́пенямъ ѹ҆стано́влєннымъ достига́ти соверше́ннагѡ ѡ҆бще́нія: но́вое же ѡ҆предѣле́ніе, и҆сполня́ти пятилѣ́тнее вре́мя въ покая́ніи.
ПРА́ВИЛО к҃д.
Волхвꙋ́ющіе, и҆ послѣ́дꙋющіе ꙗ҆зы́чєскимъ ѻ҆бы́чаямъ, и҆лѝ вводя́щіе нѣ́кихъ въ до́мы своѝ, ра́ди и҆зыска́нія волше́бствъ, и҆лѝ и҆ ра́ди ѡ҆чище́нія, да подверга́ются пра́вилꙋ пятилѣ́тнягѡ покая́нія, по сте́пенямъ ѹ҆стано́влєннымъ: трѝ лѣ́та припа́данія, и҆ два̀ лѣ́та моли́твъ без̾ пріѡбще́нія святы́хъ та̑инъ.
ПРА́ВИЛО к҃є.
Нѣ́кто ѡ҆брꙋчи́вшій себѣ̀ ѻ҆трокови́цꙋ, сперва̀ растли́лъ є҆я̀ сестрꙋ̀, ꙗ҆́кѡ и҆ бере́менной бы́ти є҆́й: а҆ пото́мъ ѡ҆жени́лся ѡ҆брꙋче́нною, а҆ растлѣ́нная ѹ҆дави́лася. Совино́вныхъ повелѣно̀, въ продолже́ніи десятѝ лѣ́тъ, по ѹ҆стано́влєннымъ сте́пенямъ покая́нія, прія́ти въ число̀ стоя́щихъ на моли́твѣ съ вѣ́рными.
с. рм҃є