ПРА̑ВИЛА СВЯТА́ГѠ ВСЕЛЕ́НСКАГѠ ШЕСТА́ГѠ СОБО́РА, КѠНСТАНТІНОПО́ЛЬСКАГѠ, И҆́ЖЕ ВЪ ТРꙊ́ЛЛѢ ЦА́РСКИХЪ ПАЛА́ТЪ.

ПРА́ВИЛО а҃.

При нача́тіи вся́кагѡ и҆ сло́ва и҆ дѣ́ла, наилꙋ́чшій чи́нъ є҆́сть ̾ѿ бг҃а начина́ти, и҆ съ бг҃омъ ѡ҆ка́нчивати, по глаго́лꙋ бг҃осло́ва. Сегѡ̀ ра́ди и҆ ны́нѣ, когда̀ и҆ благоче́стіе на́ми ѹ҆жѐ ꙗ҆́снѡ проповѣ́дꙋется, и҆ цр҃ковь, въ кото́рой хр҃ⷭ҇то́съ положе́нъ ѡ҆снова́ніемъ, непреста́ннѡ возраста́етъ и҆ преꙋспѣва́етъ, та́къ что̀ па́че ке́дрѡвъ ліва́нскихъ возвыша́ется, полага́я нача́ло свяще́нныхъ слове́съ, бж҃іею благода́тію ѡ҆предѣля́емъ: храни́ти неприкоснове́ннꙋ нововведе́ніямъ и҆ и҆змѣне́ніямъ вѣ́рꙋ, пре́даннꙋю на́мъ ̾ѿ самови́дцєвъ и҆ слꙋжи́телей сло́ва, бг҃оизбра́нныхъ а҆по́столѡвъ: є҆ще́ же и҆ ̾ѿ тре́хъ сѡ́тъ ѻ҆смьна́десяти ст҃ы́хъ и҆ бл҃же́нныхъ ѻ҆тє́цъ, при кѡнстанті́нѣ царѣ̀ на́шемъ, на нечести́ваго а҆́ріа, и҆ на вы́мышленное и҆́мъ ꙗ҆зы́ческое и҆нобо́жіе, и҆лѝ, сво́йственнѣе рещѝ, многобо́жіе, въ ніке́и собра́вшихся, кото́рые є҆диномы́сліемъ вѣ́ры, є҆диносꙋ́щіе въ тре́хъ ѵ҆поста́сяхъ бг҃онача́льнагѡ є҆стества̀ ̾ѿкры́ли на́мъ и҆ ѹ҆ясни́ли, не попꙋсти́въ семꙋ̀ сокры́тꙋ с. ѯ҃и бы́ти под̾ спꙋ́домъ невѣ́дѣнія: но ꙗ҆́снѡ наꙋчи́въ вѣ́рныхъ покланя́тися, є҆ди́нымъ поклоне́ніемъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, и҆спрове́ргли и҆ разрꙋ́шили лжеꙋче́ніе ѡ҆ нера́вныхъ сте́пеняхъ бж҃ества̀, и҆ є҆ретіка́ми и҆з̾ песка̀ сложє́нныя проти́вꙋ правосла́вія дѣ́тскія построє́нія раззори́ли и҆ низри́нꙋли. Та́кожде и҆ при вели́комъ ѳеодо́сіи, царѣ̀ на́шемъ, сто̀ пяти́десятію святы́ми ѻ҆тца́ми, въ се́мъ ца́рствꙋющемъ гра́дѣ собра́вшимися, провозглаше́нное и҆сповѣ́даніе вѣ́ры соде́ржимъ, бг҃осло́вствꙋющыя ѡ҆ ст҃о́мъ дх҃ѣ и҆зречє́нія пріе́млемъ: а҆ нечести́ваго македо́ніа, кꙋ́пнѡ съ пре́жними врага́ми и҆́стины, ̾ѿрѣва́емъ, ꙗ҆́кѡ бꙋ́йственнѡ дерзнꙋ́вшаго почита́ти влⷣкꙋ рабо́мъ, и҆ на́глѡ хотѣ́вшаго пресѣщѝ несѣко́мꙋю є҆ди́ницꙋ, та́къ что̀ не бы́ло бы соверше́нно та́инство ѹ҆пова́нія на́шегѡ. Кꙋ́пнѡ съ си́мъ гнꙋ́снымъ, и҆ про́тивъ и҆́стины неи́стовствовавшимъ, ѡ҆сꙋжда́емъ а҆полліна́ріа, тайноводи́теля ѕло́бы, кото́рый нечести́вѡ и҆зры́гнꙋлъ, а҆́ки бы гд҃ⷭ҇ь прія́лъ тѣ́ло без̾ дꙋшѝ и҆ ѹ҆ма̀: си́мъ ѻ҆́бразомъ та́кожде вводя̀ помышле́ніе, а҆́ки бы спасе́ніе содѣ́лано для на́съ несоверше́нное. Та́кожде и҆ при ѳеодо́сіи, сы́нѣ а҆рка́діа, царѣ̀ на́шемъ, собра́вшимися въ пе́рвый ра́зъ во гра́дѣ є҆фе́сѣ, двꙋмя̀ ста́ми бг҃оно́сныхъ ѻ҆тє́цъ и҆зложе́нное ѹ҆че́ніе, ꙗ҆́кѡ несокрꙋши́мꙋю благоче́стія держа́вꙋ, согла́сіемъ запечатлѣва́емъ, є҆ди́наго хр҃ⷭ҇та̀ сн҃а бж҃ія и҆ воплоти́вшагося проповѣ́дꙋя, и҆ безсѣ́меннѡ роди́вшꙋю є҆го̀, непоро́чнꙋю приснодѣ́вꙋ и҆сповѣ́дꙋя со́бственнѡ и҆ и҆́стиннѡ бг҃оро́дицею: а҆ безꙋ́мное раздѣле́ніе несто́ріа, ꙗ҆́кѡ ̾ѿ жре́бія бж҃ія ̾ѿлꙋче́нное, ̾ѿверга́емъ, и҆́бо ѻ҆́нъ ѹ҆́читъ, что̀ є҆ди́нъ хр҃ⷭ҇то́съ є҆́сть ̾ѿдѣ́льнѡ человѣ́къ, и҆ ̾ѿдѣ́льнѡ бг҃ъ, и҆ воз̾ѡбновля́етъ і҆ꙋде́йское нече́стіе. Правосла́внѡ ѹ҆твержда́емъ с. ѯ҃ѳ та́кожде и҆ въ ѻ҆́бластномъ гра́дѣ халкидо́нѣ, при маркіа́нѣ царѣ̀ на́шемъ, ше́сть сѡ́тъ три́десятію бг҃оизбра́нными ѻ҆тца́ми начерта́нное вѣроисповѣ́даніе, кото́рое конца́мъ землѝ велегла́снѡ возвѣсти́ло є҆ди́наго хр҃ⷭ҇та̀ сн҃а бж҃ія, состоя́щаго и҆з̾ двꙋ́хъ є҆сте́ствъ, и҆ въ си́хъ са́мыхъ двꙋ́хъ є҆стества́хъ сла́вимаго: а҆ сꙋемꙋ́драго є҆ѵтѵ́хіа, кото́рый говори́лъ, что̀ вели́кое та́инство спаси́тельнагѡ домострои́тельства соверши́лось при́зракомъ, ꙗ҆́кѡ нѣ́что чꙋдо́вищное, и҆ ꙗ҆́кѡ зара́зꙋ, и҆з̾ свяще́нныхъ ѡ҆гра́дъ цр҃кви и҆зве́ргло, съ ни́мъ же и҆ несто́ріа и҆ діоско́ра, и҆з̾ ко́ихъ є҆ди́нъ бы́лъ защи́тникомъ и҆ побо́рникомъ раздѣле́нія, а҆ дрꙋгі́й смѣше́нія, и҆ кото́рые ̾ѿ противополо́жныхъ стра́нъ нече́стія низри́нꙋлися въ є҆ди́нꙋю пꙋчи́нꙋ поги́бели и҆ безбо́жія. Є҆ще́ же и҆ ста̀ шести́десяти пятѝ бг҃оно́сныхъ ѻ҆тє́цъ, собра́вшихся въ се́мъ ца́рствꙋющемъ гра́дѣ, при і҆ꙋстініа́нѣ, блаже́нныя па́мяти царѣ̀ на́шемъ, благочести́вые глаго́лы, ꙗ҆́кѡ ̾ѿ дх҃а произнесе́нные, вѣ́даемъ, и҆ ѻ҆́нымъ пото́мкѡвъ на́шихъ наꙋча́емъ. Ѻ҆нѝ ѳео́дѡра моѱꙋе́стскаго, несто́ріева ѹ҆чи́теля, и҆ ѻ҆ріге́на, и҆ дідѵ́ма, и҆ є҆ѵа́гріа, возѡбнови́вшихъ є҆́ллинскія ба̑сни, и҆ прехождє́нія и҆ превращє́нія нѣ́которыхъ тѣ́лъ и҆ дꙋ́шъ па́ки на́мъ предста́вившихъ на позо́ръ, въ со́нныхъ мечта́ніяхъ блꙋжда́ющагѡ ѹ҆ма̀, и҆ проти́вꙋ воскресе́нія ме́ртвыхъ нечести́вѡ и҆ нездравомы́сленнѡ возстава́вшихъ, та́кожде напи́санное ѳеодѡри́томъ проти́вꙋ пра́выя вѣ́ры и҆ проти́вꙋ двана́десяти гла́въ блаже́ннагѡ кѷрі́лла, и҆, та́къ называ́емое, письмо̀ і҆́вы, собо́рнѡ пре́дали прокля́тію и҆ ̾ѿри́нꙋли. И҆ неда́внѡ при царѣ̀ на́шемъ, блаже́нныя па́мяти кѡнстанті́нѣ, въ се́мъ ца́рствꙋющемъ гра́дѣ соше́дшагѡся шеста́гѡ собо́ра с. ѻ҃ вѣроисповѣ́даніе, кото́рое вя́щшꙋю крѣ́пость прія́ло, когда̀ благочести́вый і҆мпера́торъ постановлє́нія ѻ҆́нагѡ собо́ра свое́ю печа́тію, ра́ди достовѣ́рности, на всѣ̀ вѣ́ки ѹ҆тверди́лъ, вно́вь ѡ҆бязꙋ́емся храни́ти ненарꙋши́мѡ. Ѻ҆но̀ бг҃олюби́вѡ и҆з̾ясни́ло, ꙗ҆́кѡ должны̀ мы̀ и҆сповѣ́дывати два̀ є҆сте́ственныя хотѣ́нія, и҆лѝ двѣ̀ вѡ́ли, и҆ два̀ є҆сте́ственныя дѣ́йства въ воплоти́вшемся, ра́ди на́шегѡ спасе́нія, є҆ди́номъ гд҃ⷭ҇ѣ на́шемъ і҆и҃сѣ хр҃ⷭ҇тѣ̀, и҆́стинномъ бг҃ѣ: а҆ тѣ́хъ, кото́рые пра́вый догма́тъ и҆́стины и҆зврати́ли, и҆ є҆ди́нꙋ во́лю и҆ є҆ди́но дѣ́йство, въ є҆ди́номъ гд҃ⷭ҇ѣ бг҃ѣ на́шемъ і҆и҃сѣ хр҃ⷭ҇тѣ̀, лю́дямъ проповѣ́дывали, сꙋдо́мъ бл҃гоче́стія ѡ҆бвини́ло, ꙗ҆́кѡ ѳео́дѡра [є҆пі́скопа] фара́нскаго, кѵ́ра а҆леѯандрі́йскаго, ѡ҆но́ріа ри́мскаго, се́ргіа, пѵ́рра, па́ѵла, петра̀, бы́вшихъ въ се́мъ бг҃оспаса́емомъ гра́дѣ предстоя́телями, мака́ріа а҆нтіохі́йскаго є҆пі́скопа, ѹ҆ченика̀ є҆гѡ̀ стефа́на, и҆ безꙋ́мнаго полѷхро́ніа, си́мъ ѻ҆́бразомъ соблюда́я неприкоснове́ннымъ ѻ҆́бщее тѣ́ло хр҃ⷭ҇та̀ бг҃а на́шегѡ. Кра́ткѡ рещѝ, постановля́емъ, да вѣ́ра всѣ́хъ въ цр҃кви бж҃іей просла́вившихся мꙋже́й, кото́рые бы́ли свѣти́лами въ мі́рѣ, содержа̀ сло́во жи́зни, соблюда́ется тве́рдою, и҆ да пребыва́етъ до сконча́нія вѣ́ка непоколеби́мою, вкꙋ́пѣ съ бг҃опре́данными и҆́хъ писа́ніями и҆ догма́тами. Ѿмета́емъ и҆ а҆наѳема́тствꙋемъ всѣ́хъ, кото́рыхъ ѻ҆нѝ ̾ѿмета́ли и҆ а҆наѳема́тствовали, ꙗ҆́кѡ врагѡ́въ и҆́стины, вотщѐ скрежета́вшихъ на бг҃а, и҆ ѹ҆си́ливавшихся непра́вдꙋ на высотꙋ̀ вознестѝ. А҆́ще же кто́ либо и҆з̾ всѣ́хъ не соде́ржитъ и҆ не пріе́млетъ вышерече́нныхъ догма́тѡвъ благоче́стія, и҆ не та́кѡ мы́слитъ и҆ проповѣ́дꙋетъ, но покꙋша́ется и҆дтѝ проти́вꙋ ѻ҆́ныхъ: то́тъ да бꙋ́детъ а҆на́ѳема, по ѡ҆предѣле́нію, пре́жде постано́вленномꙋ предꙋпомянꙋ́с. ѻ҃атыми святы́ми и҆ блаже́нными ѻ҆тца́ми, и҆ ̾ѿ сосло́вія хрістіа́нскагѡ, ꙗ҆́кѡ чꙋ́ждый, да бꙋ́детъ и҆зключе́нъ и҆ и҆зве́рженъ. И҆́бо мы̀ соѻбра́знѡ съ тѣ́мъ, что̀ ѡ҆предѣлено̀ пре́жде, соверше́ннѡ рѣши́ли, нижѐ прибавля́ти что́ либо, нижѐ ѹ҆бавля́ти, и҆ не моглѝ нико́имъ ѻ҆́бразомъ.

ПРА́ВИЛО в҃.

Прекра́снымъ и҆ кра́йнягѡ тща́нія досто́йнымъ призна́лъ се́й святы́й собо́ръ и҆ то̀, что́бы ̾ѿны́нѣ, ко и҆сцѣле́нію дꙋ́шъ и҆ ко ѹ҆врачева́нію страсте́й, тве́рды и҆ ненарꙋши́мы пребыва́ли прія́тыя, и҆ ѹ҆твержде́нныя бы́вшими пре́жде на́съ святы́ми и҆ блаже́нными ѻ҆тца́ми, а҆ та́кже и҆ на́мъ пре́данныя, и҆́менемъ святы́хъ и҆ сла́вныхъ а҆по́столѡвъ, ѻ҆́смьдесятъ пя́ть пра́вилъ. Поели́кꙋ же въ си́хъ пра́вилахъ повелѣно̀ на́мъ пріима́ти ѻ҆́ныхъ же святы́хъ а҆по́столѡвъ постановлє́нія, чрез̾ кли́мента пре́данныя, въ котѡ́рыя нѣ́когда и҆номы́слящіе, ко вредꙋ̀ цр҃кви, привнеслѝ нѣ́что подло́жное и҆ чꙋ́ждое благоче́стія, и҆ помрачи́вшее для на́съ благолѣ́пнꙋю красотꙋ̀ бж҃е́ственнагѡ ѹ҆че́нія: то мы̀, ра́ди назида́нія и҆ ѡ҆гражде́нія хрістіа́ннѣйшія па́ствы, ѻ҆́ныя кли́ментовы постановлє́нія благоразсмотри́тельнѡ ̾ѿложи́ли, ̾ѿню́дъ не допꙋска́я порожде́ній є҆реті́ческагѡ лжеслове́сія, и҆ не вмѣ́шивая и҆́хъ въ чи́стое и҆ соверше́нное а҆по́стольское ѹ҆че́ніе. Согла́сіемъ на́шимъ запечатлѣва́емъ и҆ всѣ̀ прѡ́чія свяще́нныя пра́вила, и҆зложє́нныя ̾ѿ святы́хъ и҆ блаже́нныхъ ѻ҆тє́цъ на́шихъ, то́ є҆сть, тре́хъ сѡ́тъ ѻ҆смьна́десяти бг҃оно́сныхъ ѻ҆тє́цъ, собра́вшихся въ ніке́и: та́кожде ̾ѿ ѻ҆тє́цъ, собира́вшихся во а҆гкѵ́рѣ, и҆ въ неокесарі́и, ра́внѡ и҆ въ га́нгрѣ: кромѣ̀ сегѡ̀, въ а҆нтіохі́и сѷрі́йской, и҆ въ лаодікі́и фрѷгі́йской: є҆ще́ же ста̀ пяти́десяти ѻ҆тє́цъ, с. ѻ҃в соше́дшихся въ се́мъ бг҃охрани́момъ и҆ ца́рствꙋющемъ гра́дѣ: и҆ двꙋ́хъ сѡ́тъ ѻ҆тє́цъ, собра́вшихся въ пе́рвый ра́зъ въ ѻ҆бластно́мъ гра́дѣ є҆фе́сѣ: и҆ шестѝ сѡ́тъ три́десяти святы́хъ и҆ блаже́нныхъ ѻ҆тє́цъ, собра́вшихся въ халкидо́нѣ: и҆ ̾ѿ собра́вшихся въ сарді́кѣ, и҆ въ карѳаге́нѣ: и҆ є҆щѐ собра́вшихся па́ки въ се́мъ бг҃оспаса́емомъ и҆ ца́рствꙋющемъ гра́дѣ при некта́ріи, предстоя́телѣ сегѡ̀ ца́рствꙋющагѡ гра́да, и҆ при ѳео́філѣ, а҆леѯандрі́йскомъ а҆рхіепі́скопѣ: та́кожде пра́вила діонѵ́сіа, а҆рхіепі́скопа вели́кагѡ гра́да а҆леѯандрі́и: петра̀, а҆леѯандрі́йскагѡ а҆рхіепі́скопа и҆ мꙋ́ченика: григо́ріа, є҆пі́скопа неокесарі́йскагѡ, чꙋдотво́рца: а҆ѳана́сіа, а҆рхіепі́скопа а҆леѯандрі́йскагѡ: васі́ліа, а҆рхіепі́скопа кесарі́и каппадокі́йскія: григо́ріа, є҆пі́скопа нѵ́сскагѡ: григо́ріа бг҃осло́ва: а҆мфіло́хіа і҆коні́йскагѡ: пе́рвагѡ тімоѳе́а, а҆рхіепі́скопа а҆леѯандрі́йскагѡ: ѳео́філа, а҆рхіепі́скопа тогѡ́ же вели́кагѡ гра́да а҆леѯандрі́и: кѷрі́лла. а҆рхіепі́скопа а҆леѯандрі́йскагѡ: и҆ генна́діа, патріа́рха сегѡ̀ бг҃охрани́магѡ и҆ ца́рствꙋющагѡ гра́да: є҆ще́ же и҆ кѷпріа́номъ, а҆рхіепі́скопомъ а҆фрікі́йскія страны̀, и҆ мꙋ́ченикомъ, и҆ собо́ромъ при не́мъ бы́вшимъ и҆зложе́нное пра́вило, кото́рое въ мѣста́хъ предꙋпомя́нꙋтыхъ предстоя́телей, и҆ то́кмѡ ѹ҆ ни́хъ, по пре́данномꙋ и҆̀мъ ѻ҆бы́чаю, сохраня́емо бы́ло. Никомꙋ̀ да не бꙋ́детъ позво́лено вышеѡзна́ченныя пра́вила и҆змѣня́ти, и҆лѝ ̾ѿмѣня́ти, и҆лѝ, кромѣ̀ предложе́нныхъ пра́вилъ, пріима́ти дрꙋгі́я, съ подло́жными надписа́ніями соста́влєнныя нѣ́кіими людьмѝ. дерзнꙋ́вшими корче́мствовати и҆́стиною. А҆́ще же кто̀ ѡ҆бличе́нъ бꙋ́детъ, ꙗ҆́кѡ нѣ́кое пра́вило и҆з̾ вышерече́нныхъ покꙋси́лся и҆змѣни́ти, и҆лѝ преврати́ти: таковы́й бꙋ́детъ пови́ненъ проти́въ тогѡ̀ пра́вила понестѝ є҆пітімію̀, с. ѻ҃г каковꙋ́ю ѻ҆но̀ ѡ҆предѣля́етъ, и҆ чрез̾ ѻ҆́ное врачꙋ́емь бꙋ́детъ ̾ѿ тогѡ̀, въ че́мъ преткнꙋ́лся.

ПРА́ВИЛО г҃.

Поели́кꙋ благочести́вый и҆ хр҃ⷭ҇толюби́вый ца́рь на́шъ предложи́лъ семꙋ̀ свято́мꙋ и҆ вселе́нскомꙋ собо́рꙋ, что́бы счисля́ющихся въ кли́рѣ, и҆ дрꙋги̑мъ бж҃е́ствєнная преподаю́щихъ, предста́вити чи́стыми и҆ непоро́чными слꙋжи́телями, и҆ досто́йными мы́сленныя же́ртвы вели́кагѡ бг҃а, кото́рый є҆́сть и҆ же́ртва и҆ а҆рхіере́й, и҆ ѡ҆чи́стити ̾ѿ скве́рны, прильпнꙋ́вшія къ ни́мъ ̾ѿ незако́нныхъ бра́кѡвъ: и҆ ка́къ по семꙋ̀ предме́тꙋ принадлежа́щіе къ святѣ́йшей ри́мской цр҃кви предлага́ли наблюда́ти стро́гое пра́вило, а҆ подвла́стные престо́лꙋ сегѡ̀ бг҃охрани́магѡ и҆ ца́рствꙋющагѡ гра́да, пра́вило человѣколю́бія и҆ снисхожде́нія: то мы̀, ѻ҆те́чески и҆ вмѣ́стѣ бг҃оꙋго́днѡ совокꙋпи́въ то̀ и҆ дрꙋго́е во є҆ди́но, да не ѡ҆ста́вимъ ни кро́тости сла́бою, ни стро́гости жесто́кою, ѻ҆со́беннѡ при таки́хъ ѡ҆бстоя́тельствахъ, когда̀ грѣхопаде́ніе, по невѣ́дѣнію, простира́ется на нема́лое число̀ люде́й, согла́снѡ ѡ҆предѣля́емъ, что́бы связа́вшіеся вторы́мъ бра́комъ, и҆, да́же до пя́тагѡ на́десять дня̀ проте́кшагѡ мѣ́сяца і҆аннꙋа́ріа, минꙋ́вшагѡ четве́ртагѡ і҆нді́кта, ше́сть ты́сячь сто̀ девяно́сто девя́тагѡ го́да, ѡ҆става́вшіеся въ порабоще́ніи грѣхꙋ̀, и҆ не восхотѣ́вшіе и҆стрезви́тися ̾ѿ негѡ̀, подлежа́ли каноні́ческомꙋ и҆зверже́нію и҆з̾ своегѡ̀ чи́на. Что́ же каса́ется до тѣ́хъ, кото́рые, хотя̀ впа́ли въ таковы́й грѣ́хъ второбра́чія, ѻ҆дна́кѡ пре́жде сегѡ̀ на́шегѡ ѡ҆предѣле́нія поле́зное позна́ли, и҆ ѕло̀ ̾ѿ себя̀ ̾ѿсѣ́кли, и҆ несво́йственное и҆ незако́нное совокꙋпле́ніе дале́че ̾ѿри́нꙋли, и҆лѝ ѹ҆ кото́рыхъ же́ны втора́гѡ бра́ка ѹ҆жѐ ѹ҆́мерли, и҆ кото́рые прито́мъ воззрѣ́ли ко ѡ҆браще́нію, с. ѻ҃д вно́вь поꙋча́ясь цѣломꙋ́дрію, и҆ ̾ѿ пре́жнихъ свои́хъ беззако́ній вско́рѣ ̾ѿбѣ́гнꙋвъ, пресвѵ́теры ли то̀, и҆лѝ діа́коны: ѡ҆ таковы́хъ разсꙋждено̀, да ѹ҆де́ржатся ̾ѿ вся́кагѡ свяще́ннагѡ слꙋже́нія, и҆лѝ дѣ́йствованія, пребыва́я под̾ є҆пітіміе́ю нѣ́которое ѡ҆предѣле́нное вре́мя, а҆ че́стію сѣда́лища и҆ стоя́нія да по́льзꙋются, дово́льствꙋясь предсѣда́ніемъ, и҆ пла́чя пред̾ гд҃ⷭ҇емъ, да прости́тъ и҆̀мъ грѣ́хъ невѣ́дѣнія. И҆́бо несоѻбра́зно бы́ло бы благословля́ти дрꙋга́го томꙋ̀, кто̀ до́лженъ врачева́ти своѝ со́бствєнныя ꙗ҆́звы. Сочета́вшихся же съ є҆ди́ною жено́ю, а҆́ще поя́тая и҆́ми была̀ вдови́ца, подо́бнѡ и҆ тѣ́хъ, кото́рые, по рꙋкоположе́ніи, пріѡбщи́лись є҆ди́номꙋ бра́кꙋ, то́ є҆сть, пресвѵ́терѡвъ, діа́конѡвъ и҆ ѵ҆подіа́конѡвъ, по ѹ҆стране́ніи ̾ѿ священнослꙋже́нія на нѣ́кое кра́ткое вре́мя и҆ по є҆пітіміѝ, па́ки возстановля́ти на сво́йствєнныя и҆̀мъ сте́пєни, съ возбране́ніемъ возводи́ти и҆̀хъ на и҆ны́й вы́сшій сте́пень, и҆ прито́мъ, ꙗ҆́внѡ, по расторже́ніи непра́вильнагѡ сожи́тія. Но сіѐ постанови́ли мы̀ для тѣ́хъ, кото́рые, ка́къ ска́зано, до пятагѡна́десять дня̀ мѣ́сяца і҆аннꙋа́ріа четве́ртагѡ і҆нді́кта, ѡ҆бличены̀ въ вышеѡзна́ченныхъ вина́хъ, и҆ то́кмѡ для свяще́нныхъ ли́цъ: ̾ѿны́нѣ же ѡ҆предѣля́емъ и҆ воз̾ѡбновля́емъ пра́вило, кото́рое гласи́тъ: кто̀ по креще́ніи двꙋмя̀ бра́ками ѡ҆бя́занъ бы́лъ, и҆лѝ нало́жницꙋ и҆мѣ́лъ: то́тъ не мо́жетъ бы́ти є҆пі́скопомъ, ни пресвѵ́теромъ, ни діа́кономъ, нижѐ воѡбщѐ въ спи́скѣ свяще́ннагѡ чи́на[1]. Та́кожде взя́вшій въ сꙋпрꙋ́жество вдовꙋ̀, и҆лѝ ̾ѿве́рженнꙋю ̾ѿ сꙋпрꙋ́жества, и҆лѝ блꙋдни́цꙋ, и҆лѝ рабы́ню, и҆лѝ позо́рищнꙋю, не мо́жетъ бы́ти є҆пі́скопомъ, ни пресвѵ́теромъ, ни діа́кономъ, с. ѻ҃є нижѐ воѻбщѐ въ спи́скѣ свяще́ннагѡ чи́на[2].

ПРА́ВИЛО д҃.

А҆́ще кто̀, є҆пі́скопъ, и҆лѝ пресвѵ́теръ, и҆лѝ діа́конъ, и҆лѝ ѵ҆подіа́конъ, и҆лѝ чте́цъ, и҆лѝ пѣве́цъ, и҆лѝ придве́рникъ, съ жено́ю бг҃ꙋ посвяще́нною совокꙋ́пится: да бꙋ́детъ и҆зве́рженъ и҆з̾ своегѡ̀ чи́на, ꙗ҆́кѡ хр҃ⷭ҇то́вꙋ невѣ́стꙋ порꙋга́вшій: а҆́ще же міряни́нъ, да бꙋ́детъ ̾ѿлꙋче́нъ ̾ѿ ѡ҆бще́нія церко́внагѡ.

ПРА́ВИЛО є҃.

Никто̀ и҆з̾ свяще́ннагѡ чи́на, кото́рый не и҆мѣ́етъ при себѣ̀ живꙋ́щихъ ли́цъ безподозри́тельныхъ, ѡ҆зна́ченныхъ въ пра́вилѣ[3], да не во́зметъ къ себѣ̀ же́нщины, и҆лѝ рабы́ни, сохраня́я себя̀ чрез̾ сіѐ ̾ѿ нарека́нія. А҆́ще же кто̀ ѡ҆предѣле́нное на́ми престꙋ́питъ: да бꙋ́детъ и҆зве́рженъ. Сіе́ же са́мое да соблюда́ютъ и҆ скопцы̀, предохраня́я себя̀ ̾ѿ порица́нія. А҆ престꙋпа́ющіе сіѐ, а҆́ще бꙋ́дꙋтъ и҆з̾ кли́ра, да бꙋ́дꙋтъ и҆зве́ржены, а҆́ще же мірскі́е, да бꙋ́дꙋтъ ̾ѿлꙋчены̀.

ПРА́ВИЛО ѕ҃.

Поне́же рече́но въ а҆по́стольскихъ пра́вилахъ, ꙗ҆́кѡ и҆з̾ производи́мыхъ въ кли́ръ безбра́чныхъ, то́кмѡ чтецы̀ и҆ пѣвцы̀ мо́гꙋтъ встꙋпа́ти въ бра́къ[4]: то и҆ мы̀, соблюда́я сіѐ, ѡ҆предѣля́емъ: да ̾ѿны́нѣ ни ѵ҆подіа́конъ, ни діа́конъ, ни пресвѵ́теръ не и҆мѣ́етъ позволе́нія, по соверше́ніи над̾ ни́ми рꙋкоположе́нія, встꙋпа́ти въ бра́чное сожи́тельство: а҆́ще же де́рзнетъ сіѐ ѹ҆чини́ти, да бꙋ́детъ и҆зве́рженъ. Но а҆́ще кто̀ и҆з̾ постꙋпа́ющихъ въ кли́ръ восхо́щетъ сочета́тися съ жено́ю, по зако́нꙋ бра́ка: таковы́й да твори́тъ сіѐ пре́жде рꙋкоположе́нія во ѵ҆подіа́кона, с. ѻ҃ѕ и҆лѝ въ діа́кона, и҆лѝ во пресвѵ́тера.

ПРА́ВИЛО з҃.

Поели́кꙋ мы̀ ѹ҆вѣ́дали, что̀ въ нѣ́которыхъ це́рквахъ діа́коны и҆мѣ́ютъ церко́вныя до́лжнѡсти, и҆ посемꙋ̀ нѣ́которые и҆з̾ ни́хъ, попꙋсти́въ себѣ̀ де́рзость и҆ своево́ліе, предсѣдя́тъ пресвѵ́терамъ, тогѡ̀ ра́ди ѡ҆предѣля́емъ: діа́конꙋ, а҆́ще бы и҆мѣ́лъ и҆ досто́инство, то́ є҆сть, какꙋ́ю либо церко́внꙋю до́лжность, не занима́ти мѣ́ста вы́ше пресвѵ́тера: ра́звѣ когда̀, представля́я лицѐ своегѡ̀ патріа́рха, и҆лѝ митрополі́та, прибꙋ́детъ во и҆ны́й гра́дъ для нѣ́коегѡ дѣ́ла: и҆́бо тогда̀, ꙗ҆́кѡ занима́ющій є҆гѡ̀ мѣ́сто, бꙋ́детъ почте́нъ. А҆́ще же кто̀ съ наси́ліемъ и҆ на́глостію де́рзнетъ сіѐ твори́ти: таковы́й, бы́въ низведе́нъ ̾ѿ своегѡ̀ сте́пени, да бꙋ́детъ послѣ́дній и҆з̾ всѣ́хъ въ то́мъ чи́нѣ, къ кото́ромꙋ ѻ҆́нъ сопричисля́ется въ свое́й це́ркви. Поне́же гд҃ⷭ҇ь на́шъ не люби́ти предсѣда̑нія ѹ҆бѣжда́етъ въ ѹ҆че́ніи, предложе́нномъ ѹ҆ свята́гѡ є҆ѵангелі́ста лꙋкѝ, ̾ѿ лица̀ самагѡ̀ гд҃ⷭ҇а на́шегѡ и҆ бг҃а. И҆́бо ѻ҆́нъ къ зва́ннымъ глаго́лалъ таковꙋ́ю при́тчꙋ: є҆гда̀ зва́нъ бꙋ́деши ки́мъ на бра́къ, не ся́ди на пре́днемъ мѣ́стѣ, є҆да̀ кто̀ честнѣ́е тебѐ бꙋ́детъ зва́нныхъ: и҆ прише́дъ и҆́же тебѐ зва́вый и҆ ѻ҆́наго, рече́тъ тѝ, да́ждь семꙋ̀ мѣ́сто: и҆ тогда̀ на́чнеши со стꙋдо́мъ послѣ́днее мѣ́сто держа́ти. Но є҆гда̀ зва́нъ бꙋ́деши, ся́ди на послѣ́днемъ мѣ́стѣ, да є҆гда̀ пріи́детъ зва́вый, рече́тъ тѝ: дрꙋ́же, пося́ди вы́ше: тогда̀ бꙋ́детъ тѝ сла́ва пред̾ возлежа́щими съ тобо́ю. Ꙗ҆́кѡ вся́къ вознося́йся, смири́тся: и҆ смиря́яйся, вознесе́тся[5]. Сіе́ же са́мое да соблюда́ется и҆ въ про́чихъ степеня́хъ свяще́ннагѡ чи́на: и҆́бо мы̀ вѣ́даемъ, что̀ дос. ѻ҃зстѡ́инства и҆лѝ до́лжнѡсти дꙋхо́вныя превосхо́днѣе должносте́й, ̾ѿнося́щихся къ мі́рꙋ[6].

ПРА́ВИЛО и҃.

Ѹ҆становле́нное святы́ми ѻ҆тца́ми на́шими, жела́я и҆ мы̀ во все́мъ сохраня́ти, возѡбновля́емъ та́кожде и҆ пра́вило[7], повелѣва́ющее бы́ти є҆жего́днѡ собо́рамъ є҆пі́скопѡвъ ка́ждыя ѻ҆́бласти та́мъ, гдѣ̀ є҆пі́скопъ митропо́ліи ѹ҆смо́тритъ за лꙋ́чшее. По ка́къ, по причи́нѣ набѣ́гѡвъ ва́рварѡвъ, и҆ по и҆́нымъ слꙋча́йнымъ препя́тствіямъ, предстоя́тели церкве́й не и҆мѣ́ютъ возмо́жности составля́ти собо́ры два́жды въ годꙋ̀, то разсꙋждено̀: для могꙋ́щихъ, ка́къ вѣроя́тно, возника́ти церко́вныхъ дѣ́лъ, въ ка́ждой ѻ҆́бласти, всемѣ́рнѡ бы́ти собо́рꙋ вышерече́нныхъ є҆пі́скопѡвъ є҆ди́ножды въ лѣ́то, междꙋ̀ святы́мъ пра́здникомъ па́схи, и҆ междꙋ̀ и҆схо́домъ мѣ́сяца ѻ҆ктѡ́вріа ка́ждагѡ лѣ́та, въ то́мъ мѣ́стѣ, кото́рое, ка́къ вы́ше рече́но, и҆збере́тъ є҆пі́скопъ митропо́ліи. А҆ є҆пі́скопамъ, кото́рые не пріи́дꙋтъ на собо́ръ, хотя̀ нахо́дятся въ свои́хъ гра́дахъ, и҆ прито́мъ пребыва́ютъ въ здра́віи, и҆ свобо́дны ̾ѿ вся́кагѡ неѡбходи́магѡ и҆ не̾ѿло́жнагѡ заня́тія, братолю́бнѡ и҆з̾яви́ти преще́ніе.

ПРА́ВИЛО ѳ҃.

Никако́мꙋ кли́рікꙋ не позволя́ется содержа́ти корче́мницꙋ. И҆́бо а҆́ще не позво́лено таково́мꙋ входи́ти въ корче́мницꙋ, то кольмѝ па́че слꙋжи́ти въ ѻ҆́ной дрꙋги̑мъ, и҆ ѹ҆пражня́тися въ то́мъ, что̀ є҆мꙋ̀ не прили́чно. А҆́ще же кто̀ что́ либо таково́е содѣ́лаетъ: и҆лѝ да преста́нетъ, и҆лѝ да бꙋ́детъ и҆зве́рженъ.

с. ѻ҃и

ПРА́ВИЛО і҃.

Є҆пі́скопъ, и҆лѝ пресвѵ́теръ, и҆лѝ діа́конъ, взима́ющій ли̑хвы, и҆лѝ та́къ и҆менꙋ́емыя сѡ́тыя, и҆лѝ да преста́нетъ, и҆лѝ да бꙋ́детъ и҆зве́рженъ.

ПРА́ВИЛО а҃і.

Никто̀ и҆з̾ принадлежа́щихъ къ свяще́нномꙋ чи́нꙋ, и҆лѝ и҆з̾ міря́нъ, ̾ѿню́дь не до́лженъ ꙗ҆́сти ѡ҆прѣ́сноки, дава́емые і҆ꙋде́ями, ни встꙋпа́ти въ содрꙋ́жество съ ни́ми, ни въ болѣ́зняхъ призыва́ти и҆̀хъ, и҆ врачєвства̀ принима́ти ̾ѿ ни́хъ, ни въ ба́няхъ кꙋ́пнѡ съ ни́ми мы́тися. А҆́ще же кто̀ де́рзнетъ сіѐ твори́ти: то кли́рікъ да бꙋ́детъ и҆зве́рженъ, а҆ міряни́нъ да бꙋ́детъ ̾ѿлꙋче́нъ.

ПРА́ВИЛО в҃і.

Дошло̀ до свѣ́дѣнія на́шегѡ и҆ то̀, что̀ въ а҆́фрікѣ, и҆ лівѵ́и, и҆ въ и҆ны́хъ мѣста́хъ нѣ́которые и҆з̾ та́мѡ сꙋ́щихъ бг҃олюбе́знѣйшихъ предстоя́телей[8], и҆ по соверши́вшемся над̾ ни́ми рꙋкоположе́ніи, не ѡ҆ставля́ютъ жи́ти кꙋ́пнѡ съ свои́ми сꙋпрꙋ́гами, полага́я тѣ́мъ претыка́ніе и҆ собла́знъ дрꙋги̑мъ. И҆мѣ́я ѹ҆̀бо вели́кое тща́ніе, дабы̀ всѐ ѹ҆строя́ти къ по́льзѣ порꙋче́нныхъ па́ствъ, призна́ли мы̀ за бла́го, да не бꙋ́детъ ̾ѿны́нѣ ничегѡ̀ такова́гѡ. Сіе́ же глаго́лемъ не ко ̾ѿложе́нію, и҆лѝ превраще́нію а҆по́стольскагѡ законоположе́нія, но прилага́я попе́ченіе ѡ҆ спасе́ніи и҆ ѡ҆ преꙋспѣ́яніи люде́й на лꙋ́чшее, и҆ ѡ҆ то́мъ, да не допꙋ́стимъ како́гѡ либо нарека́нія на свяще́нное зва́ніе. И҆́бо глаго́летъ бж҃е́ственный а҆по́столъ: вся̑ во сла́вꙋ бж҃ію твори́те: безпреткнове́ни быва́йте і҆ꙋде́ємъ, и҆ є҆́ллинѡмъ, и҆ цр҃кви бж҃іей, ꙗ҆́коже и҆ а҆́зъ во все́мъ всѣ̑мъ ѹ҆гожда́ю, не и҆скі́й своея̀ по́льзы, но мно́гихъ, с. ѻ҃ѳ да спасꙋ́тся. Подража́тели мнѣ̀ быва́йте, ꙗ҆́коже и҆ а҆́зъ хр҃ⷭ҇тꙋ̀[9]. А҆́ще же кто̀ ѹ҆смо́тренъ бꙋ́детъ сіѐ творя́щій, да бꙋ́детъ и҆зве́рженъ.

ПРА́ВИЛО г҃і.

Поне́же мы̀ ѹ҆вѣ́дали, что̀ въ ри́мской це́ркви, въ ви́дѣ пра́вила, пре́дано, что́бы тѣ̀, кото́рые и҆мѣ́ютъ бы́ти ѹ҆досто́ены рꙋкоположе́нія во діа́кона, и҆лѝ пресвѵ́тера, ѡ҆бя́зывались не соѡбща́тися бо́лѣе со свои́ми жена́ми: то мы̀, послѣ́дꙋя дре́внемꙋ пра́вилꙋ а҆по́стольскагѡ благоꙋстро́йства и҆ поря́дка, соизволя́емъ, что́бы сожи́тіе священнослꙋжи́телей по зако́нꙋ и҆ впре́дь пребы́ло ненарꙋши́мымъ, ̾ѿню́дь не расторга́я сою́за и҆́хъ съ жена́ми, и҆ не лиша́я и҆́хъ взаи́мнагѡ въ прили́чное вре́мя соедине́нія. И҆ та́кѡ, а҆́ще кто̀ ꙗ҆́вится досто́йнымъ рꙋкоположе́нія въ ѵ҆подіа́кона, и҆лѝ во діа́кона, и҆лѝ во пресвѵ́тера, таково́мꙋ ̾ѿню́дь да не бꙋ́детъ препя́тствіемъ къ возведе́нію на таковꙋ́ю сте́пень сожи́тіе съ зако́нною сꙋпрꙋ́гою: и҆ ̾ѿ негѡ̀ во вре́мя поставле́нія да не тре́бꙋется ѡ҆бяза́тельства въ то́мъ, что̀ ѻ҆́нъ ѹ҆де́ржится ̾ѿ зако́ннагѡ соѡбще́нія съ жено́ю свое́ю: дабы̀ мы̀ не бы́ли принꙋждены̀ си́мъ ѻ҆́бразомъ ѡ҆скорби́ть бг҃омъ ѹ҆становле́нный, и҆ и҆́мъ въ є҆гѡ̀ прише́ствіи благослове́нный бра́къ. И҆́бо гла́съ є҆ѵа́нгеліа вопіе́тъ: ꙗ҆̀же бг҃ъ сочета̀, человѣ́къ да не разлꙋча́етъ[10]. И҆ а҆по́столъ ѹ҆́читъ: бра́къ че́стенъ, и҆ ло́же нескве́рно[11]. та́кожде: привяза́лся є҆сѝ женѣ̀, не и҆щѝ разрѣше́нія[12]. Зна́емъ же, что̀ и҆ въ карѳаге́нѣ собра́вшіеся, и҆мѣ́я попече́ніе ѡ҆ чистотѣ̀ жи́зни священнослꙋжи́телей, положи́ли, что́бы ѵ҆подіа́кос. п҃ны, прикаса́ющіеся свяще́ннымъ та́инствамъ, и҆ діа́коны, и҆ пресвѵ́теры, въ своѝ ѹ҆ро́чныя времена̀, возде́рживалися ̾ѿ сожи́тельницъ свои́хъ. Таки́мъ ѻ҆́бразомъ, и҆ ̾ѿ а҆по́столѡвъ пре́данное, и҆ ̾ѿ са́мой дре́вности соблюда́емое, и҆ мы̀ подо́бнѡ да сохрани́мъ, зна́я вре́мя вся́кой ве́щи, и҆ наипа́че поста̀ и҆ моли́твы. И҆́бо предстоя́щымъ ѻ҆лтарю̀, въ то̀ вре́мя, когда̀ пристꙋпа́ютъ къ святы́нѣ, подоба́етъ бы́ти возде́ржными во все́мъ, да возмо́гꙋтъ полꙋчи́ти ̾ѿ бг҃а въ простотѣ̀ проси́мое. А҆́ще же кто̀, постꙋпа́я вопрекѝ а҆по́стольскимъ пра́виламъ, де́рзнетъ кого́ либо и҆з̾ свяще́нныхъ, то́ є҆сть, пресвѵ́терѡвъ, и҆лѝ діа́конѡвъ, и҆лѝ ѵ҆подіа́конѡвъ, лиша́ти сою́за и҆ ѡ҆бще́нія съ зако́нною жено́ю: да бꙋ́детъ и҆зве́рженъ. Подо́бнѡ а҆́ще кто̀, пресвѵ́теръ, и҆лѝ діа́конъ, под̾ ви́домъ благоговѣ́нія, и҆зго́нитъ женꙋ̀ свою̀: да бꙋ́детъ ̾ѿлꙋче́нъ ̾ѿ священнослꙋже́нія, а҆ пребыва́я непрекло́ннымъ, да бꙋ́детъ и҆зве́рженъ.

ПРА́ВИЛО д҃і.

Пра́вило святы́хъ и҆ бг҃оно́сныхъ ѻ҆тє́цъ на́шихъ да соблюда́ется и҆ въ се́мъ: дабы̀ во пресвѵ́тера пре́жде три́десяти лѣ́тъ не рꙋкополага́ти, а҆́ще бы человѣ́къ и҆ весьма̀ досто́инъ бы́лъ, но ̾ѿлага́ти до ѹ҆рече́нныхъ лѣ́тъ. И҆́бо гд҃ⷭ҇ь і҆и҃съ хр҃ⷭ҇то́съ въ тридеся́тое лѣ́то крести́лся, и҆ на́чалъ ѹ҆чи́ти. Подо́бнѡ и҆ діа́конъ пре́жде два́десяти пятѝ лѣ́тъ, и҆ діаконі́сса пре́жде четы́редесяти лѣ́тъ да не поставля́ется.

ПРА́ВИЛО є҃і.

Ѵ҆подіа́конъ да поставля́ется не пре́жде два́десяти лѣ́тъ во́зраста. А҆́ще же кто̀, въ какꙋ́ю бы то̀ ни бы́ло свяще́ннꙋю сте́пень, поста́вленъ бꙋ́детъ пре́жде ѡ҆предѣле́нныхъ лѣ́тъ: да бꙋ́детъ и҆зве́рженъ.

с. п҃а

ПРА́ВИЛО ѕ҃і.

Поели́кꙋ въ кни́гѣ дѣя́ній а҆по́стольскихъ пре́дано, ꙗ҆́кѡ се́дмь діа́конѡвъ поста́влены ̾ѿ а҆по́столѡвъ: ѻ҆тцы́ же неокесарі́йскагѡ собо́ра, въ постано́вленныхъ и҆́ми пра́вилахъ, ꙗ҆́снѡ разсꙋжда́ли, что̀ се́дмь діа́конѡвъ должны̀ бы́ти по пра́вилꙋ, хотя́ бы то̀ бы́ло и҆ въ весьма̀ вели́комъ гра́дѣ, ѹ҆достовѣря́я въ се́мъ кни́гою дѣя́ній: тогѡ̀ ра́ди мы̀, сличи́въ мы́сль ѻ҆тцє́въ съ и҆зрече́ніемъ а҆по́столѡвъ, ѡ҆брѣлѝ, что̀ ѹ҆ ни́хъ бы́ло сло́во не ѡ҆ мꙋжа́хъ слꙋжа́щихъ та́инствамъ, но ѡ҆ слꙋже́ніи въ потре́бностяхъ трапе́зъ. И҆́бо въ кни́гѣ дѣя́ній напи́сано та́кѡ: во дне́хъ ѻ҆́нѣхъ ѹ҆мно́жившымся ѹ҆ченикѡ́мъ, бы́сть ропта́ніе є҆́ллинѡвъ ко є҆вре́ѡмъ, ꙗ҆́кѡ презира́еми быва́хꙋ во вседне́внѣмъ слꙋже́ніи вдови̑цы и҆́хъ. Призва́вше же двана́десять мно́жество ѹ҆чени̑къ, рѣ́ша: не ѹ҆го́дно є҆́сть на́мъ ѡ҆ста́вльшымъ сло́во бж҃іе, слꙋжи́ти трапе́замъ. Ѹ҆смотри́те ѹ҆̀бо, бра́тіе, мꙋ́жи ̾ѿ ва́съ свидѣ́тельствованы се́дмь, и҆спо́лнены дх҃а ст҃а и҆ премꙋ́дрости, и҆̀хже поста́вимъ над̾ слꙋ́жбою се́ю: мы́ же въ моли́твѣ и҆ слꙋже́ніи сло́ва пребꙋ́демъ. И҆ ѹ҆го́дно бы́сть сло́во сіѐ пред̾ всѣ̑мъ наро́домъ: и҆ и҆збра́ша стефа́на, мꙋ́жа и҆спо́лнена вѣ́ры и҆ дх҃а ст҃а, и҆ філі́ппа и҆ про́хора, и҆ нікано́ра, и҆ ті́мѡна, и҆ парме́на, и҆ нікола́а, прише́льца а҆нтіохі́йскаго, и҆̀хже поста́виша пред̾ а҆по́столы[13]. Сіѐ и҆з̾ясня́я ѹ҆чи́тель цр҃кви і҆ѡа́ннъ златоꙋ́стый, та́кѡ бесѣ́дꙋетъ: ѹ҆дивле́нія досто́йно, ка́кѡ не раздѣли́ся наро́дъ при и҆збра́ніи мꙋже́й, ка́кѡ не ̾ѿри́нꙋты и҆́мъ а҆по́столы. Но до́лжно вѣ́дати, како́е досто́инство и҆мѣ́ли сіѝ мꙋ́жи, и҆ како́е прія́ли рꙋкоположе́ніе: въ сте́пень ли діа́конѡвъ; но ѻ҆́ныя не бы́ло въ цр҃квахъ: с. п҃в въ до́лжность ли пресвѵ́терѡвъ; но є҆щѐ не бы́ло никако́гѡ є҆пі́скопа, а҆ то́кмѡ бы́ли ѻ҆днѝ а҆по́столы. сегѡ̀ ра́ди дꙋ́маю, что̀ ни и҆́мя діа́конѡвъ, ни пресвѵ́терѡвъ не бы́ло и҆звѣ́стно и҆ ѹ҆потреби́тельно. На ѡ҆снова́ніи сегѡ̀ и҆ мы̀ проповѣ́дꙋемъ, ꙗ҆́кѡ вышерече́нные се́дмь діа́конѡвъ не должны̀ пріе́млемы бы́ти за слꙋжи́телей та́инствамъ, по и҆зложе́нномꙋ ѹ҆че́нію, но сꙋ́ть тѣ̀, котѡ́рымъ порꙋчено̀ бы́ло домострои́тельство для ѻ҆́бщей потре́бности тогда̀ со́бранныхъ: и҆ ѻ҆нѝ бы́ли для на́съ въ се́мъ слꙋ́чаѣ ѻ҆бразце́мъ человѣколю́бія и҆ попече́нія ѡ҆ нꙋжда́ющихся.

ПРА́ВИЛО з҃і.

Поне́же кли́ріки разли́чныхъ цр҃квей, ѡ҆ста́вивъ своѝ цр҃кви, въ ко́ихъ ѻ҆нѝ поста́влены, перешлѝ къ и҆ны́мъ є҆пі́скопамъ, и҆, без̾ во́ли своегѡ̀ є҆пі́скопа, ѡ҆предѣлены̀ въ чꙋжи́хъ цр҃квахъ, и҆ чрез̾ сіѐ ѻ҆нѝ ѡ҆ка́зываются непокори́выми: тогѡ̀ ра́ди ѡ҆предѣля́емъ, дабы̀ ̾ѿ мѣ́сяца і҆аннꙋа́ріа минꙋ́вшагѡ четве́ртагѡ і҆нді́кта никто̀ и҆з̾ кли́рікѡвъ, въ како́й бы сте́пени кто̀ ни бы́лъ, не и҆мѣ́лъ пра́ва, без̾ ѹ҆вольни́тельной ̾ѿ своегѡ̀ є҆пі́скопа гра́маты, ѡ҆предѣле́нъ бы́ти къ и҆но́й це́ркви. Не соблюда́ющій сегѡ̀ ̾ѿны́нѣ, но постыжда́ющій собо́ю соверши́вшаго над̾ ни́мъ рꙋкоположе́ніе, да бꙋ́детъ и҆зве́рженъ и҆ са́мъ, и҆ непра́вильнѡ прія́вшій є҆го̀.

ПРА́ВИЛО и҃і.

Кли́рікамъ, по причи́нѣ наше́ствія ва́рварѡвъ, и҆лѝ по и҆но́мꙋ како́мꙋ ѡ҆бстоя́тельствꙋ, ѡ҆ста́вившымъ своѝ мѣста̀, повелѣва́емъ, когда̀ ѡ҆бстоя́тєльства, и҆лѝ ва́рварскія нашє́ствія, бы́вшыя причи́ною ѹ҆дале́нія и҆́хъ, прекратя́тся, па́ки въ своѝ це́ркви возвраща́тися, и҆ ѻ҆́ныхъ не ѡ҆ставля́ти надо́лгѡ без̾ причи́ны. А҆́ще же кто̀ пребꙋ́детъ въ ̾ѿсꙋ́тствіи, несогла́снѡ съ настоя́щимъ с. п҃г пра́виломъ: да бꙋ́детъ ̾ѿлꙋче́нъ, доко́лѣ не возврати́тся къ свое́й це́ркви. Томꙋ́ же са́момꙋ да подверга́ется и҆ є҆пі́скопъ, є҆го̀ ѹ҆де́рживающій.

ПРА́ВИЛО ѳ҃і.

Предстоя́тели цр҃кве́й должны̀ по вся̀ днѝ, наипа́че же во днѝ воскре́сные, поꙋча́ти ве́сь кли́ръ и҆ наро́дъ словеса́мъ благоче́стія, и҆збира́я и҆з̾ бж҃е́ственнагѡ писа́нія разꙋмѣ̑нія и҆ разсꙋждє́нія и҆́стины, и҆ не престꙋпа́я положе́нныхъ ѹ҆жѐ предѣ́лѡвъ и҆ преда̑нія бг҃оно́сныхъ ѻ҆тє́цъ: и҆ а҆́ще бꙋ́детъ и҆зслѣ́дꙋемо сло́во писа́нія, то не и҆́накѡ да и҆з̾ясня́ютъ ѻ҆́ное, ра́звѣ ка́къ и҆зложи́ли свѣти̑ла и҆ ѹ҆чи́тели цр҃кви въ свои́хъ писа́ніяхъ, и҆ си́ми бо́лѣе да ѹ҆довлетворя́ются, не́жели поставле́ніемъ со́бственныхъ сло́въ, дабы̀, при недоста́ткѣ ѹ҆мѣ́нія въ се́мъ, не ѹ҆клони́тися ̾ѿ подоба́ющагѡ. И҆́бо, чрез̾ ѹ҆че́ніе вышерече́нныхъ ѻ҆тє́цъ, лю́ди, полꙋча́я позна́ніе ѡ҆ до́бромъ и҆ досто́йномъ и҆збра́нія, и҆ ѡ҆ неполе́зномъ и҆ досто́йномъ ̾ѿвраще́нія, и҆справля́ютъ жи́знь свою̀ на лꙋ́чшее, и҆ не стра́ждꙋтъ недꙋ́гомъ невѣ́дѣнія, но, внима́я ѹ҆че́нію, побꙋжда́ютъ себя̀ къ ѹ҆дале́нію ̾ѿ ѕла̀, и҆, стра́хомъ ѹ҆грожа́ющихъ наказа́ній, содѣ́лываютъ своѐ спасе́ніе.

ПРА́ВИЛО к҃.

Да не бꙋ́детъ позво́лено є҆пі́скопꙋ во и҆но́мъ гра́дѣ, не принадлежа́щемъ є҆мꙋ̀, всенаро́днѡ ѹ҆чи́ти. А҆́ще же кто̀ ѹ҆смо́тренъ бꙋ́детъ творя́щій сіѐ: да преста́нетъ ̾ѿ є҆пі́скопства, и҆ да соверша́етъ дѣла̀ пресвѵ́терства.

ПРА́ВИЛО к҃а.

Ѡ҆каза́вшіеся вино́вными въ престꙋпле́ніяхъ, проти́вныхъ пра́виламъ, и҆ за сіѐ подве́ргнꙋтые соверше́нномꙋ и҆ всегда́шнемꙋ и҆зверже́нію и҆з̾ своегѡ̀ чи́на, и҆ въ состоя́ніе міря́нъ и҆́згнанные, а҆́ще, приходя̀ доброво́льс. п҃днѡ въ раска́яніе, ̾ѿверга́ютъ грѣ́хъ, за кото́рый лиши́лися благода́ти, и҆ ̾ѿ ѻ҆́нагѡ соверше́ннѡ ѹ҆страня́ютъ себя̀: да стригꙋ́тся по ѻ҆́бразꙋ кли́ра. А҆́ще же самопроизво́льнѡ не пожела́ютъ тогѡ̀: да растя́тъ власы̀ подо́бнѡ міря́намъ, ꙗ҆́кѡ предпоче́тшіе ѡ҆браще́ніе въ мі́рѣ жи́зни небе́сной.

ПРА́ВИЛО к҃в.

Во є҆пі́скопы, и҆лѝ въ какꙋ́ю бы то̀ ни бы́ло сте́пень кли́ра поставля́емыхъ за де́ньги, а҆ не по и҆спыта́нію и҆ и҆збра́нію за ѻ҆́бразъ жи́зни, повелѣва́емъ и҆зверга́ти, та́кожде и҆ тѣ́хъ, ко́ими ѻ҆нѝ поста́влены.

ПРА́ВИЛО к҃г.

Никто̀ и҆з̾ є҆пі́скопѡвъ, и҆лѝ пресвѵ́терѡвъ, и҆лѝ діа́конѡвъ, преподая̀ пречи́стое прича́стіе, да не тре́бꙋетъ ̾ѿ причаща́ющагѡся за таково́е причаще́ніе де́негъ, и҆лѝ чегѡ̀ и҆на́гѡ. И҆́бо благода́ть не продае́ма: и҆ мы̀ не за де́ньги преподае́мъ ѡ҆свяще́ніе дх҃а, но неꙋхищре́ннѡ до́лжно преподава́ть ѻ҆́ное достѡ́йнымъ сегѡ̀ да́ра. А҆́ще же кто̀ и҆з̾ чи́слящихся въ кли́рѣ ѹ҆смо́тренъ бꙋ́детъ тре́бꙋющимъ како́гѡ либо ро́да воздая́нія ̾ѿ тогѡ̀, комꙋ̀ преподае́тъ пречи́стое прича́стіе: да бꙋ́детъ и҆зве́рженъ, ꙗ҆́кѡ ревни́тель сі́мѡнова заблꙋжде́нія и҆ кова́рства.

ПРА́ВИЛО к҃д.

Никомꙋ̀ и҆з̾ чи́слящихся въ свяще́нномъ чи́нѣ, ни мона́хꙋ, не позволя́ется ходи́ти на ко́нскія риста́лища, и҆лѝ присꙋ́тствовати на позо́рищныхъ и҆́грахъ. И҆ а҆́ще кто̀ и҆з̾ кли́ра зва́нъ бꙋ́детъ на бра́къ: то при появле́ніи и҆́гръ, слꙋжа́щихъ къ ѡ҆больще́нію, да воста́нетъ, и҆ тотча́съ да ѹ҆дали́тся: и҆́бо та́къ повелѣва́етъ на́мъ ѹ҆че́ніе ѻ҆тє́цъ на́шихъ. А҆́ще же кто̀ ѡ҆бличе́нъ бꙋ́детъ въ се́мъ: и҆лѝ да преста́нетъ, и҆лѝ да бꙋ́детъ и҆зве́рженъ.

с. п҃є

ПРА́ВИЛО к҃є.

Вмѣ́стѣ со всѣ́ми про́чими воз̾ѡбновля́емъ и҆ то пра́вило[14], кото́рое заповѣ́дꙋетъ, что́бы по ка́ждой це́ркви прихо́ды, сꙋ́щіе въ се́лахъ и҆лѝ предгра́діяхъ, неизмѣ́ннѡ ѡ҆става́лися под̾ вла́стію пра́вящихъ и҆́ми є҆пі́скопѡвъ, и҆ наипа́че, є҆́стьли сіѝ въ продолже́ніи три́десяти лѣ́тъ безспо́рнѡ и҆мѣ́ли ѻ҆́ные въ свое́мъ вѣ́дѣніи и҆ ѹ҆правле́ніи. А҆́ще же не да́лѣе три́десяти лѣ́тъ бы́лъ, и҆лѝ бꙋ́детъ ѡ҆ ни́хъ како́й спо́ръ: то позволи́тельнѡ почита́ющымъ себя̀ ѡ҆би́женными, нача́ти ѡ҆ то́мъ дѣ́ло пред̾ ѻ҆бластны́мъ собо́ромъ.

ПРА́ВИЛО к҃ѕ.

Пресвѵ́теръ, по невѣ́дѣнію ѡ҆бяза́вшійся непра́вильнымъ бра́комъ, пресвѵ́терскимъ сѣда́лищемъ пꙋ́сть по́льзꙋется, согла́снѡ съ тѣ́мъ, ка́къ законополо́жено на́мъ въ свяще́нномъ пра́вилѣ[15], ̾ѿ про́чихъ же дѣ́йствій пресвѵ́терскихъ да ѹ҆де́ржится: и҆́бо таково́мꙋ дово́льнѡ проще́нія. Благословля́ти же дрꙋга́го. долженствꙋ́ющемꙋ врачева́ти со́бствєнныя ꙗ҆́звы, не подоба́етъ. И҆́бо благослове́ніе є҆́сть преподая́ніе ѡ҆свяще́нія: но кто̀ сегѡ̀ не и҆мѣ́етъ, по причи́нѣ грѣха̀ невѣ́дѣнія, то́тъ ка́къ препода́стъ дрꙋго́мꙋ; Тогѡ̀ ра́ди да не благословля́етъ ни всенаро́днѡ, ни ѻ҆со́бь, и҆ да не раздѣля́етъ дрꙋги̑мъ тѣ́ла гд҃ⷭ҇ня, нижѐ и҆но́е слꙋже́ніе да соверша́етъ, но дово́льствꙋяся священнослꙋжи́тельскимъ мѣ́стомъ, да про́ситъ со слеза́ми гд҃ⷭ҇а ̾ѿпꙋсти́ти є҆мꙋ̀ грѣ́хъ невѣ́дѣнія. Само́ же по себѣ̀ ꙗ҆́вствꙋетъ, ꙗ҆́кѡ таковы́й непра́вильный бра́къ разрꙋ́шится, и҆ мꙋ́жъ ̾ѿню́дь не бꙋ́детъ и҆мѣ́ти сожи́тельства съ то́ю, чрез̾ кото́рꙋю лиши́лся священнодѣ́йствія.

с. п҃ѕ

ПРА́ВИЛО к҃з.

Никто̀ и҆з̾ чи́слящихся въ кли́рѣ да не ѡ҆дѣва́ется въ неприли́чнꙋю ѻ҆де́ждꙋ, ни пребыва́я во гра́дѣ, ни находя́сь въ пꙋтѝ: но вся́кій и҆з̾ ни́хъ да ѹ҆потребля́етъ ѻ҆дє́жды, ѹ҆жѐ ѡ҆предѣле́нныя для состоя́щихъ въ кли́рѣ. А҆́ще же кто̀ ѹ҆чини́тъ сіѐ: на є҆ди́нꙋ седми́цꙋ да бꙋ́детъ ̾ѿлꙋче́нъ ̾ѿ священнослꙋже́нія.

ПРА́ВИЛО к҃и.

Поне́же ѹ҆вѣ́дали мы̀, что̀ въ разли́чныхъ це́рквахъ, по нѣ́коемꙋ ѹ҆си́лившемꙋся ѻ҆бы́чаю, віногра́дъ ко ѻ҆лтарю̀ прино́сится, и҆ священнослꙋжи́тели, соединя́я ѻ҆́ный съ безкро́вною же́ртвою приноше́нія, си́мъ ѻ҆́бразомъ ѻ҆боя̀ кꙋ́пнѡ раздѣля́ютъ наро́дꙋ: тогѡ̀ ра́ди неѡбходи́мымъ признае́мъ, да никто̀ и҆з̾ священнослꙋжи́телей впре́дь сегѡ̀ не твори́тъ, но да преподаю́тъ наро́дꙋ є҆ди́но приноше́ніе, во ѡ҆животворе́ніе и҆ грѣхѡ́въ ̾ѿпꙋще́ніе: приноше́ніе же віногра́да свяще́нники да пріе́млютъ, ꙗ҆́кѡ нача́тки, и҃, благословля́я ѻ҆́ный ѻ҆со́бѡ, да преподаю́тъ прося́щымъ, во благодаре́ніе подая́телю плодѡ́въ, ко́ими, по ѡ҆предѣле́нію бж҃ію, тѣла̀ на́ши возраща́ются и҆ пита́ются. А҆́ще же кто̀ и҆з̾ кли́ра ѹ҆чини́тъ вопрекѝ заповѣ́данномꙋ, да бꙋ́детъ и҆зве́рженъ ̾ѿ своегѡ̀ чи́на.

ПРА́ВИЛО к҃ѳ.

Пра́вило ѻ҆тє́цъ карѳаге́нскагѡ собо́ра повелѣва́етъ, дабы̀ священнодѣ́йствіе ѻ҆лтаря̀[16] соверша́емо бы́ло не и҆на́че, ра́звѣ людьмѝ нея́дшими, кромѣ̀ є҆ди́нагѡ въ годꙋ̀ дня̀, въ кото́рый ве́черя гд҃ⷭ҇ня соверша́ется[17]. Святы́е ѻ҆тцы̀ ѻ҆́ные, мо́жетъ бы́ть, по нѣ́которымъ мѣ́стнымъ причи́намъ, поле́знымъ для це́ркви, ѹ҆чини́ли тако́е распоряже́ніе. А҆ поне́же на́съ нис. п҃зчто̀ не побꙋжда́етъ ѡ҆ста́вити благоговѣ́йнꙋю стро́гость: то послѣ́дꙋя а҆по́стольскимъ и҆ ѻ҆те́ческимъ преда́ніямъ, ѡ҆предѣля́емъ, ꙗ҆́кѡ не подоба́етъ въ четыредеся́тницꙋ, въ четверто́къ послѣ́днія седми́цы, разрѣша́ти поще́ніе, и҆ тѣ́мъ всю̀ четыредеся́тницꙋ безче́ствовати.

ПРА́ВИЛО л҃.

Жела́я вся̑ твори́ти къ созида́нію це́ркви, разсꙋди́ли мы̀ и҆ въ и҆ноплеме́нническихъ це́рквахъ ѡ҆брѣта́ющихся свяще́нникѡвъ бл҃гоꙋстро́ити. Тогѡ̀ ра́ди, а҆́ще ѻ҆нѝ за до́лжное вмѣня́ютъ да́лѣе постꙋпа́ти а҆по́стольскагѡ пра́вила[18], запреща́ющагѡ и҆згоня́ти женꙋ̀ свою̀, под̾ ви́домъ благоговѣ́нія, и҆ бо́лѣе ѹ҆становле́ннагѡ твори́ти мня́тъ, и҆ сегѡ̀ ра́ди, по согла́сію съ свои́ми сꙋпрꙋ́гами, ѹ҆даля́ются ̾ѿ соѡбще́нія дрꙋ́гъ съ дрꙋ́гомъ: ѡ҆предѣля́емъ, да не и҆мѣ́ютъ бо́лѣе сожи́тельства съ ѻ҆́ными, ни под̾ каки́мъ ви́домъ, дабы̀ си́мъ ѻ҆́бразомъ ꙗ҆ви́ли ѻ҆нѝ на́мъ соверше́нное доказа́тельство своегѡ̀ ѻ҆бѣ́та. Сіе́ же попꙋсти́ли и҆̀мъ не ра́ди чегѡ̀ и҆но́гѡ, ра́звѣ то́кмѡ ра́ди малодꙋ́шнагѡ по́мысла и҆́хъ, и҆ є҆щѐ чꙋ́ждыхъ и҆ неблагоꙋстро́енныхъ нра́вѡвъ.

ПРА́ВИЛО л҃а.

Ѡ҆предѣля́емъ. что́бы священнослꙋжи́тели, священнодѣ́йствꙋющіе, и҆лѝ креща́ющіе въ моли́твенныхъ хра́минахъ, находя́щихся внꙋтрѝ домѡ́въ, твори́ли сіѐ не и҆на́че, ка́къ по и҆зволе́нію мѣ́стнагѡ є҆пі́скопа. Тогѡ̀ ра́ди, а҆́ще кото́рый кли́рікъ не бꙋ́детъ соблюда́ти сегѡ̀ таковы́мъ ѻ҆́бразомъ, да бꙋ́детъ и҆зве́рженъ.

ПРА́ВИЛО л҃в.

До свѣ́дѣнія на́шегѡ дошло̀, что̀ въ а҆рмя́нской странѣ̀ соверша́ющіе безкро́внꙋю же́ртвꙋ, прино́сятъ с. п҃и на свято́й трапе́зѣ є҆ди́но віно̀, не растворя́я ѻ҆́нагѡ водо́ю, приводя̀ въ своѐ ѡ҆правда́ніе ѹ҆чи́теля цр҃кви і҆ѡа́нна златоꙋ́стаго, кото́рый въ толкова́ніи на є҆ѵа́нгеліе ̾ѿ матѳе́а глаго́летъ сіѐ: чегѡ̀ ра́ди не во́дꙋ пи́лъ воскре́сшій гд҃ⷭ҇ь, но віно̀; для тогѡ̀, да съ ко́рнемъ и҆сто́ргнетъ и҆нꙋ́ю нечести́вꙋю є҆́ресь. И҆́бо ка́къ сꙋ́ть нѣ́кіе, ѹ҆потребля́ющіе въ та́инствѣ во́дꙋ: тогѡ̀ ра́ди ѹ҆казꙋ́етъ, ꙗ҆́кѡ віно̀ ѹ҆потреби́лъ и҆ тогда̀, когда̀ та́инство преподава́лъ, и҆ по воскресе́ніи, когда̀ предлага́лъ простꙋ́ю трапе́зꙋ, без̾ та́инства, и҆, ѹ҆казꙋ́я на сіѐ, глаго́летъ: ̾ѿ плода̀ ло́знагѡ[19], лоза́ же віногра́дная віно̀, а҆ не во́дꙋ произво́дитъ. И҆з̾ сегѡ̀ выво́дятъ, ꙗ҆́кобы се́й ѹ҆чи́тель ̾ѿверга́етъ присоедине́ніе воды̀ во свято́мъ жертвоприноше́ніи. Тогѡ̀ ра́ди, дабы̀ таковы́е не бы́ли ̾ѿны́нѣ ѡ҆держи́мы невѣ́дѣніемъ, мы̀ ̾ѿкрыва́емъ правосла́вное разꙋмѣ́ніе сегѡ̀ ѻ҆тца̀. Поне́же сꙋществова́ла дре́вняя ѕла́я є҆́ресь ѵ҆дропараста́тѡвъ, то́ є҆сть, водоприноси́телей, кото́рые въ свое́мъ жертвоприноше́ніи, вмѣ́стѡ віна̀, ѹ҆потребля́ли є҆ди́нꙋю во́дꙋ: то се́й бг҃оно́сный мꙋ́жъ, ѡ҆проверга́я беззако́нное ѹ҆че́ніе таково́й є҆́реси, и҆ показꙋ́я, что̀ ѻ҆нѝ и҆́дꙋтъ пря́мѡ проти́въ а҆по́стольскагѡ преда́нія, ѹ҆потреби́лъ вышеприведе́нныя слова̀. И҆́бо и҆ ѻ҆́нъ свое́й це́ркви, над̾ ко́ею ввѣ́рено бы́ло є҆мꙋ̀ па́стырское правле́ніе, пре́далъ, присоединя́ти къ вінꙋ̀ во́дꙋ, когда̀ надлежи́тъ соверша́ти безкро́внꙋю же́ртвꙋ, ѹ҆казꙋ́я на соедине́ніе кро́ви и҆ воды̀, и҆з̾ пречи́стагѡ ребра̀ и҆скꙋпи́теля на́шегѡ и҆ спаси́теля хр҃ⷭ҇та̀ бг҃а и҆сте́кшее, къ ѡ҆животворе́нію всегѡ̀ мі́ра и҆ ко и҆скꙋпле́нію ̾ѿ грѣхѡ́въ. И҆ во всѣ́хъ це́рквахъ, гдѣ̀ сія́ли дꙋхѡ́вныя свѣти̑ла, се́й бг҃опреда́нный чи́нъ сохраня́ется. Поне́же и҆ і҆а́с. п҃ѳкѡвъ, хр҃ⷭ҇та̀ бг҃а на́шегѡ по пло́ти бра́тъ, ко́емꙋ пе́рвомꙋ ввѣ́ренъ престо́лъ і҆ерꙋсали́мскія це́ркви, и҆ васі́лій кесарі́йскія це́ркви а҆рхіепі́скопъ, ко́егѡ сла́ва протекла̀ по все́й вселе́нной, пи́сменнѡ преда́въ на́мъ таи́нственное священнодѣ́йствіе, положи́ли въ бж҃е́ственной літꙋргі́и, и҆з̾ воды̀ и҆ віна̀ составля́ти святꙋ́ю ча́шꙋ. И҆ въ карѳаге́нѣ собра́вшіеся преподо́бные ѻ҆тцы̀, сіѝ то́чнѡ слова̀ и҆зреклѝ: да не прино́сится во свято́мъ та́инствѣ ничто̀ бо́лѣе, то́чію тѣ́ло и҆ кро́вь гд҃ⷭ҇ня, ꙗ҆́коже и҆ са́мъ гд҃ⷭ҇ь пре́далъ, то́ є҆сть хлѣ́бъ и҆ віно̀, водо́ю растворе́нное. А҆́ще же кто̀ є҆пі́скопъ, и҆лѝ пресвѵ́теръ, твори́тъ, не по пре́данномꙋ ̾ѿ а҆по́столѡвъ чи́нꙋ, и҆ во́дꙋ съ віно́мъ не соединя́я, си́мъ ѻ҆́бразомъ прино́ситъ пречи́стꙋю же́ртвꙋ: да бꙋ́детъ и҆зве́рженъ, ꙗ҆́кѡ несоверше́ннѡ та́инство возвѣща́ющій, и҆ пре́данное нововведе́ніемъ поврежда́ющій.

ПРА́ВИЛО л҃г.

Поне́же мы̀ ѹ҆вѣ́дали, что̀ въ а҆рмя́нской странѣ̀ пріе́млются въ кли́ръ то́кмѡ тѣ̀, ко́и сꙋ́ть и҆з̾ свяще́нническагѡ ро́да, въ че́мъ і҆ꙋде́йскимъ ѻ҆бы́чаямъ послѣ́дꙋютъ та́кѡ твори́ти предпріе́млющіе: нѣ́которые же и҆з̾ таковы́хъ и҆ не полꙋчи́въ церковнослꙋжи́тельскагѡ постриже́нія, поставля́ются священнопѣвца́ми и҆ чтеца́ми бж҃е́ственнагѡ хра́ма: то полага́емъ, да не бꙋ́детъ ̾ѿны́нѣ позво́лено жела́ющымъ возвестѝ нѣ́которыхъ въ кли́ръ, впре́дь взира́ти на ро́дъ производи́магѡ: но и҆спы́тывая, досто́йны ли ѻ҆нѝ, по и҆зѡбраже́ннымъ въ свяще́нныхъ пра́вилахъ ѡ҆предѣле́ніямъ, бы́ти сопричи́сленными къ кли́рꙋ, да произво́дятъ и҆̀хъ въ слꙋжи́телей це́ркви, хотя́ бы ѻ҆нѝ происходи́ли ̾ѿ посвяще́нныхъ пре́дкѡвъ, хотя́ бы нѣ́тъ. Та́кожде никомꙋ̀ да не бꙋ́детъ позво́лено съ а҆мвѡ́на возглаша́ти бж҃е́с. ч҃ственныя словеса̀ наро́дꙋ, по чи́нꙋ сопричте́нныхъ къ кли́рꙋ, ра́звѣ кто̀ бꙋ́детъ ѹ҆досто́енъ посвяще́нія съ постриже́ніемъ, и҆ полꙋ́читъ благослове́ніе ̾ѿ своегѡ̀ па́стыря согла́снѡ съ пра́вилами. А҆́ще же кто̀ ѹ҆смо́тренъ бꙋ́детъ творя́щимъ вопрекѝ предпи́санномꙋ: да бꙋ́детъ ̾ѿлꙋче́нъ.

ПРА́ВИЛО л҃д.

Поне́же свяще́нное пра́вило[20] ꙗ҆́снѡ возвѣща́етъ и҆ сіѐ, что̀ престꙋпле́ніе соꙋмышле́нія, и҆лѝ составле́нія ско́пища, и҆ внѣ́шними зако́нами соверше́ннѡ воспрещено̀: мно́гѡ же па́че надлежи́тъ воспрети́ти, да не быва́етъ сіѐ въ це́ркви бж҃іей: то и҆ мы̀ тщи́мся соблюда́ти, да, а҆́ще нѣ́кіе кли́ріки, и҆лѝ мона́хи ѹ҆смо́трены бꙋ́дꙋтъ встꙋпа́ющими въ соꙋмы́шлєнія, и҆лѝ скѡ́пища, и҆лѝ стро́ющими ко́вы є҆пі́скопамъ, и҆лѝ сокли́рікамъ, совсѣ́мъ да низверга́ются со своегѡ̀ сте́пени.

ПРА́ВИЛО л҃є.

Да не бꙋ́детъ позво́лено никомꙋ̀ и҆з̾ митрополі́тѡвъ, по сме́рти є҆пі́скопа, подвла́стнагѡ є҆гѡ̀ престо́лꙋ, ̾ѿнима́ти, и҆лѝ присвоя́ти и҆мѣ́ніе є҆гѡ̀, и҆лѝ це́ркви є҆гѡ̀: но да состои́тъ ѻ҆но̀ под̾ ѡ҆хране́ніемъ кли́ра тоя̀ це́ркви, ко́ея предстоя́телемъ бы́лъ преста́вльшійся, да́же до произведе́нія и҆на́гѡ є҆пі́скопа: ра́звѣ когда̀ не ѡ҆ста́нется кли́рікѡвъ въ ѻ҆́ной це́ркви. Тогда̀ митрополі́тъ да соблюда́етъ ѻ҆́ное въ цѣ́лости, и҆ всѐ да преда́стъ є҆пі́скопꙋ, кото́рый поста́вленъ бꙋ́детъ.

ПРА́ВИЛО л҃ѕ.

Возѡбновля́я законоположе́нное сто̀ пяти́десятію святы́ми ѻ҆тца́ми, собра́вшимися въ се́мъ бг҃охрани́момъ и҆ ца́рствꙋющемъ гра́дѣВтор. всел. собо́ра прав. г҃., и҆ ше́сть сѡ́тъ с. ч҃а три́десятію, собра́вшимися въ халкидо́нѣ[22], ѡ҆предѣля́емъ, да и҆мѣ́етъ престо́лъ кѡнстантінопо́льскій ра́вныя преимꙋ́щєства съ престо́ломъ дре́внягѡ ри́ма, и҆, ꙗ҆́коже се́й, да возвели́чивается въ дѣла́хъ церко́вныхъ, бꙋ́дꙋчи вторы́мъ по не́мъ: по́слѣ же ѻ҆́нагѡ да чи́слится престо́лъ вели́кагѡ гра́да а҆леѯандрі́и, пото́мъ престо́лъ а҆нтіохі́йскій, а҆ за си́мъ престо́лъ гра́да і҆ерꙋсали́ма.

ПРА́ВИЛО л҃з.

Поне́же въ ра́зныя времена̀ бы́ли ва́рварскія нашє́ствія, и҆ ̾ѿ тогѡ̀ мно́жайшіе гра́ды содѣ́лались порабоще́нными беззакѡ́ннымъ, и҆ по се́й причи́нѣ предстоя́телю такова́гѡ гра́да не возмо́жно бы́ло, по соверше́ніи над̾ ни́мъ рꙋкоположе́нія, прія́ти сво́й престо́лъ, ѹ҆тверди́тися на не́мъ въ состоя́ніи священнонача́льственномъ, и҆ та́кѡ по пре́данномꙋ ѻ҆бы́чаю, рꙋкоположє́нія и҆ всѐ, что̀ є҆пі́скопꙋ сво́йственно, производи́ти и҆ соверша́ти: тогѡ̀ ра́ди мы̀, соблюда́я свяще́нствꙋ че́сть и҆ ѹ҆важе́ніе, и҆ жела́я, что́бы порабоще́ніе ̾ѿ ꙗ҆зы́чникѡвъ ̾ѿню́дь не дѣ́йствовало ко вредꙋ̀ церко́вныхъ пра̑въ, постанови́ли, да та́кѡ рꙋкоположе́нные и҆, по вышеизло́женной причи́нѣ, на своѝ престо́лы не встꙋпи́вшіе, не подлежа́тъ за сіѐ предѡсꙋжде́нію: почемꙋ̀ и҆ рꙋкоположє́нія въ ра́зные сте́пени кли́ра, по пра́виламъ, да соверша́ютъ, и҆ преимꙋ́ществомъ предсѣда́нія, соѻбра́знѡ своемꙋ̀ предѣ́лꙋ, да по́льзꙋются, и҆ вся́кое происходя́щее ̾ѿ ни́хъ нача́льственное дѣ́йствіе да бꙋ́детъ признава́емо тве́рдымъ и҆ зако́ннымъ. И҆́бо нꙋ́ждою вре́мени и҆ препя́тствіями въ соблюде́ніи то́чности не должны̀ стѣсня́емы бы́ти предѣ́лы ѹ҆правле́нія.

с. ч҃в

ПРА́ВИЛО л҃и.

Ѻ҆тца́ми на́шими положе́нное сохраня́емъ и҆ мы̀ пра́вило, глася́щее та́кѡ: а҆́ще ца́рскою вла́стію вно́вь ѹ҆стро́енъ, и҆лѝ впре́дь ѹ҆стро́енъ бꙋ́детъ гра́дъ: то гражда́нскимъ и҆ зе́мскимъ распредѣле́ніямъ да слѣ́дꙋетъ и҆ распредѣле́ніе церко́вныхъ дѣ́лъ[23].

ПРА́ВИЛО л҃ѳ.

Поне́же бра́тъ и҆ сослꙋжи́тель на́шъ і҆ѡа́ннъ, предстоя́тель ѻ҆́строва кѵ́пра, кꙋ́пнѡ съ свои́мъ наро́домъ, по причи́нѣ ва́рварскихъ наше́ствій, и҆ дабы̀ ѡ҆свободи́тися ̾ѿ ꙗ҆зы́ческагѡ ра́бства, и҆ вѣ́рнѡ поко́рствовати скѵ́петрꙋ хрістіа́ннѣйшія держа́вы, и҆з̾ ѹ҆помянꙋ́тагѡ ѻ҆́строва пресели́лся въ геллеспо́нтскꙋю ѻ҆́бласть, промышле́ніемъ чл҃вѣколюби́вагѡ бг҃а, и҆ тща́ніемъ хр҃ⷭ҇толюби́вагѡ и҆ благочести́вагѡ царя̀ на́шегѡ: то мы̀ постановля́емъ, да бꙋ́дꙋтъ сохранены̀ неизмѣ́нными преимꙋ́щєства, да́нныя престо́лꙋ вы́ше наимено́ваннагѡ мꙋ́жа, ̾ѿ бг҃оно́сныхъ ѻ҆тє́цъ, во є҆фе́сѣ нѣ́когда собра́вшихся, да и҆мѣ́етъ но́вый і҆ꙋстініано́поль права̀ кѡнстантінопо́ля. и҆ ѹ҆чрежда́емый въ ѻ҆́номъ бг҃олюбе́знѣйшій є҆пі́скопъ да нача́льствꙋетъ над̾ всѣ́ми є҆пі́скопами геллеспо́нтскія ѻ҆́бласти, и҆ да бꙋ́детъ постановля́емь ̾ѿ свои́хъ є҆пі́скопѡвъ, по дре́внемꙋ ѻ҆бы́чаю. И҆́бо и҆ бг҃оно́сные ѻ҆тцы̀ на́ши разсꙋди́ли, да бꙋ́дꙋтъ соблюда́емы ѻ҆бы́чаи ка́ждыя це́ркви, и҆ є҆пі́скопъ гра́да кѷзі́ческагѡ подчиня́ется предстоя́телю рече́ннагѡ і҆ꙋстініано́поля, по примѣ́рꙋ всѣ́хъ про́чихъ є҆пі́скопѡвъ, подвла́стныхъ вышерече́нномꙋ бг҃олюбе́знѣйшемꙋ предстоя́телю і҆ѡа́ннꙋ: ̾ѿ кото́рагѡ, когда̀ потре́бно бꙋ́детъ, и҆ самагѡ̀ кѵ́зіка гра́да є҆пі́скопъ да поставля́ется.

с. ч҃г

ПРА́ВИЛО м҃.

Поне́же прилѣпля́тися бг҃ꙋ, чрез̾ ѹ҆дале́ніе ̾ѿ молвы̀ жите́йскія, весьма̀ спаси́тельно: то мы̀ должны̀ не без̾ и҆спыта́нія безвре́меннѡ пріима́ти и҆збира́ющихъ житіѐ мона́шеское, но и҆ въ ̾ѿноше́ніи къ ни́мъ соблюда́ти пре́данное на́мъ ̾ѿ ѻ҆тє́цъ постановле́ніе: и҆ сегѡ̀ ра́ди до́лжно пріима́ти ѻ҆бѣ́тъ жи́зни по бз҃ѣ, ꙗ҆́кѡ ѹ҆жѐ тве́рдый и҆ происходя́щій ̾ѿ вѣ́дѣнія и҆ разсꙋжде́нія, по́слѣ по́лнагѡ раскры́тія ра́зꙋма. И҆ та́кѡ намѣрева́ющійся встꙋпи́ти под̾ и҆́го мона́шества да бꙋ́детъ не ме́нѣе, ка́къ десятилѣ́тній: но и҆ для такова́гѡ во вла́сти нача́льствꙋющагѡ состои́тъ разсмотре́ніе, не признае́тъ ли ѻ҆́нъ за поле́знѣйшее продолжи́ти є҆мꙋ̀ вре́мя пред̾ введе́ніемъ въ жи́знь мона́шескꙋю и҆ ѹ҆твержде́ніемъ въ ѻ҆́ной. И҆́бо хотя̀ вели́кій васі́лій въ свяще́нныхъ є҆гѡ̀ пра́вилахъ законополага́етъ, что́бы доброво́льнѡ посвяща́ющꙋю себя̀ бг҃ꙋ и҆ и҆збира́ющꙋю дѣ́вство, по и҆сполне́ніи є҆́й седмина́десяти лѣ́тъ, сопричисля́ти къ чи́нꙋ дѣ́въ: ѻ҆дна́кѡ мы̀, послѣ́дꙋя примѣ́рꙋ пра̑вилъ ѡ҆ вдови́цахъ и҆ діаконі́ссахъ, по со̾ѿвѣ́тствію ѡ҆предѣли́ли, для и҆збра́вшихъ житіѐ мона́шеское, вышерече́нное число̀ лѣ́тъ. И҆́бо ѹ҆ бж҃е́ственнагѡ а҆по́стола предпи́сано, шести́десяти лѣ́тъ вдови́цꙋ и҆збира́ти въ це́ркви[24]: а҆ свяще́нныя пра́вила пре́дали діаконі́ссꙋ поставля́ти четы́редесяти лѣ́тъ: поне́же ѹ҆смо́трено, ꙗ҆́кѡ це́рковь, благода́тію бж҃іею, прія́ла бо́льшꙋю крѣ́пость и҆ преспѣ́яніе, и҆ вѣ́рные въ соблюде́ніи бж҃е́ственныхъ за́повѣдей тве́рды и҆ благонаде́жны. Сіѐ и҆ мы̀ соверше́ннѡ ѹ҆разꙋмѣ́въ, соѻбра́знѡ съ си́мъ ѡ҆предѣли́ли: намѣрева́ющагося нача́ти по́двиги по бз҃ѣ, ско́рѡ зна́менати благослове́ніемъ благода́ти, ꙗ҆́кѡ нѣ́коею печа́тію, си́мъ с. ч҃д са́мымъ споспѣшествꙋ́я є҆мꙋ̀ не коснѣ́ти до́лгѡ, нижѐ колеба́тися, па́че же и҆ поѡщря́я є҆го̀ къ и҆збра́нію добра̀ и҆ ко ѹ҆твержде́нію въ ѻ҆́номъ.

ПРА́ВИЛО м҃а.

Жела́ющіе во града́хъ, и҆лѝ селе́ніяхъ ѹ҆даля́тися въ затво́ры, и҆ себѣ̀ въ ѹ҆едине́ніи внима́ти, должны̀ пе́рвѣе входи́ти въ монасты́рь, пріѡбꙋча́тися къ житію̀ ̾ѿше́льническомꙋ, повинова́тися въ тече́ніи тре́хъ лѣ́тъ нача́льникꙋ ѻ҆би́тели въ стра́хѣ бж҃іемъ, и҆ во все́мъ, ꙗ҆́коже подоба́етъ, послꙋша́ніе и҆сполня́ти, и҆ та́кѡ и҆з̾явля́ти своѐ произволе́ніе на таковꙋ́ю жи́знь, и҆ и҆спы́тыватися ̾ѿ мѣ́стнагѡ настоя́теля, ̾ѿ всегѡ́ ли се́рдца доброво́льнѡ прилѣпля́ются къ ѻ҆́ной. Посе́мъ и҆ є҆щѐ въ продолже́ніи го́да должны̀ терпѣли́вѡ пребы́ти внѣ̀ затво́ра, дабы̀ па́че намѣ́реніе и҆́хъ ̾ѿкры́лось. И҆́бо тогда̀ ѻ҆нѝ подадꙋ́тъ соверше́нное ѹ҆достовѣре́ніе въ то́мъ, ꙗ҆́кѡ не ра́ди и҆ска́нія тще́тныя сла́вы, но ра́ди са́магѡ и҆́стиннагѡ бла́га, стремя́тся къ семꙋ̀ безмо́лвію. По и҆сполне́ніи же толи́кагѡ вре́мене, а҆́ще пребꙋ́дꙋтъ въ то́мъ же намѣ́реніи, да встꙋпа́ютъ въ затво́рничество: но и҆̀мъ ѹ҆жѐ не позволя́ется и҆сходи́ти, по произволе́нію, и҆з̾ такова́гѡ пребыва́нія: ра́звѣ когда̀ сегѡ̀ потре́бꙋетъ ѻ҆бще́ственное слꙋже́ніе, и҆лѝ по́льза, и҆лѝ и҆на́я нꙋ́жда, претя́щая да́же сме́ртію, и҆ то̀ съ благослове́ніемъ мѣ́стнагѡ є҆пі́скопа. Дерза́ющихъ же, без̾ рече́нныхъ причи́нъ, и҆сходи́ти и҆з̾ свои́хъ ѡ҆бита́ній, во пе́рвыхъ, заключа́ти въ ѹ҆помянꙋ́томъ затво́рѣ и҆ проти́вꙋ жела́нія и҆́хъ: пото́мъ поста́ми и҆ и҆ны́ми стро́гостями и҆̀хъ и҆справля́ти: поне́же вѣ́даемъ, ꙗ҆́кѡ по рече́нномꙋ въ писа́ніи, никто́же возло́жь рꙋ́кꙋ свою̀ на ра́ло и҆ ѡ҆бра́щся вспя́ть, ѹ҆пра́вленъ є҆́сть въ ца́рствіе небе́сное[25].

с. ч҃є

ПРА́ВИЛО м҃в.

Ѡ҆ и҆менꙋ́емыхъ пꙋсты́нникахъ, кото́рые, въ че́рныхъ ѻ҆де́ждахъ и҆ съ ̾ѿраще́нными власа́ми, ѡ҆бхо́дятъ гра́ды, ѡ҆браща́яся посредѝ мірски́хъ мꙋже́й и҆ же́нъ, и҆ безсла́вятъ ѻ҆бѣ́тъ сво́й, ѡ҆предѣля́емъ: а҆́ще восхотя́тъ, постри́гши власы̀, прія́ти ѻ҆́бразъ про́чихъ мона́шествꙋющихъ, то ѡ҆предѣля́ти и҆̀хъ въ монасты́рь, и҆ причисля́ти къ бра́тіямъ. А҆́ще же не пожела́ютъ сегѡ̀, то совсѣ́мъ и҆згоня́ти и҆̀хъ и҆з̾ градѡ́въ, и҆ жи́ти и҆̀мъ въ пꙋсты́няхъ, ̾ѿ ко́ихъ и҆ и҆менова́ніе себѣ̀ соста́вили.

ПРА́ВИЛО м҃г.

Позволи́тельно хрістіани́нꙋ и҆збра́ти подви́жническое житіѐ, и҆, по ѡ҆ставле́ніи многомяте́жной бꙋ́ри жите́йскихъ дѣ́лъ, встꙋпи́ти въ монасты́рь, и҆ пострищи́ся по ѻ҆́бразꙋ мона́шескомꙋ, а҆́ще бы и҆ ѡ҆бличе́нъ бы́лъ въ како́мъ либо грѣхопаде́ніи. И҆́бо спаси́тель на́шъ бг҃ъ ре́къ: грядꙋ́щаго ко мнѣ̀ не и҆зженꙋ̀ во́нъ[26]. Поне́же ѹ҆́бѡ мона́шеское житіѐ и҆зѡбража́етъ на́мъ жи́знь покая́нія: то̀ и҆́скреннѡ прилѣпля́ющагося къ ѻ҆́номꙋ ѡ҆добря́емъ, и҆ никако́й пре́жній ѻ҆́бразъ жи́зни не воспрепя́тствꙋетъ є҆мꙋ̀ и҆спо́лнити своѐ намѣ́реніе.

ПРА́ВИЛО м҃д.

Мона́хъ, ѡ҆бличе́нный въ любодѣя́ніи, и҆лѝ пое́млющій женꙋ̀ въ ѻ҆бще́ніе бра́ка и҆ сожи́тіе, да подлежи́тъ по пра́виламъ є҆пітіміѝ блꙋдодѣ́йствꙋющихъ.

ПРА́ВИЛО м҃є.

Поне́же мы̀ ѹ҆вѣ́дали, ꙗ҆́кѡ, въ нѣ́кіихъ же́нскихъ монастыря́хъ, приводя́щіе и҆мѣ́ющихъ сподо́битися ѻ҆́нагѡ свяще́ннагѡ ѻ҆́браза, пе́рвѣе ѡ҆блека́ютъ и҆̀хъ ше́лковыми разноцвѣ́тными ѻ҆де́ждами, є҆ще́ же и҆ ѹ҆краше́ніями, и҆спещре́нными зла́томъ и҆ драгоцѣ́нными с. ч҃ѕ ка́мнями, и҆ съ пристꙋпа́ющихъ таки́мъ ѻ҆́бразомъ ко ѻ҆лтарю̀, снима́ютъ сто́ль великолѣ́пное ѡ҆дѣя́ніе, и҆ въ то́тъ же ча́съ над̾ ни́ми соверша́ется благослове́ніе ѻ҆́браза мона́шескагѡ, и҆ и҆̀хъ ѡ҆блека́ютъ въ че́рное ѡ҆дѣя́ніе: тогѡ̀ ра́ди ѡ҆предѣля́емъ, да ̾ѿны́нѣ сегѡ̀ ̾ѿню́дь не быва́етъ. И҆́бо не благоприли́чно, что́бы, по со́бственномꙋ произволе́нію, ̾ѿложи́вшая ѹ҆жѐ вся́кꙋю прія́тность жите́йскꙋю, возлюби́вшая жи́знь по бз҃ѣ, ѹ҆тверди́вшаяся въ ѻ҆́ной непрекло́нными мы́слями, и҆ та́кѡ къ монастырю̀ пристꙋпи́вшая, чрез̾ таково́е тлѣ́нное и҆ и҆счеза́ющее ѹ҆краше́ніе возврати́лася къ воспомина́нію ѡ҆ то́мъ, что̀ ѹ҆жѐ предала̀ забве́нію, и҆ ̾ѿ сегѡ̀ ꙗ҆ви́лась бы коле́блющеюся, и҆ возмꙋти́лася въ дꙋшѣ̀, по подо́бію во́лнъ потопля́ющихъ, и҆ тꙋда̀ и҆ сюда̀ враща́ющихъ, та́къ что̀, и҆ногда̀ и҆ пролива́я сле́зы, не ꙗ҆вля́етъ ѻ҆на̀ тѣ́мъ серде́чнагѡ сокрꙋше́нія: но а҆́ще, ꙗ҆́коже сво́йственно є҆́сть, и҆ ѹ҆паде́тъ ма́лая нѣ́кая слеза̀, то и҆ сія̀ ви́дящымъ возмни́тся происходя́щею не толи́кѡ ̾ѿ ѹ҆се́рдія къ по́двигꙋ мона́шескомꙋ, коли́кѡ ̾ѿ разлꙋче́нія съ мі́ромъ, и҆ съ тѣ́мъ, что̀ въ мі́рѣ.

ПРА́ВИЛО м҃ѕ.

И҆збра́вшыя подви́жническое житіѐ, и҆ ѡ҆предѣлє́нныя въ монастырѝ, ̾ѿню́дь да не и҆схо́дятъ. А҆́ще же неизбѣ́жная нѣ́кая нꙋ́жда побꙋди́тъ и҆̀хъ къ семꙋ̀, да дѣ́лаютъ сіѐ по благослове́нію и҆ соизволе́нію настоя́тельницы: но и҆ тогда̀ и҆сходи́ти должны̀ не ѻ҆днѣ̀ са́ми по себѣ̀, а҆ съ нѣ́которыми ста́рицами, и҆ съ пе́рвенствꙋющими въ монастырѣ̀, по повелѣ́нію и҆гꙋ́меніи. Ѡ҆бнощева́ти же внѣ̀ монастыря̀ совсѣ́мъ не позволя́ется и҆̀мъ. Та́кождѣ и҆ мꙋ́жи, проходя́щіе житіѐ мона́шеское, да и҆схо́дятъ когда̀ настои́тъ нꙋ́жда, по благослове́нію тогѡ̀, комꙋ̀ с. ч҃з ввѣ́рено нача́льство. Посемꙋ̀ тѣ̀, ко́и престꙋпа́ютъ сіѐ на́ми ны́нѣ постано́вленное ѡ҆предѣле́ніе, мꙋ́жи и҆лѝ жє́ны, да подве́ргнꙋтся прили́чнымъ є҆пітімія́мъ.

ПРА́ВИЛО м҃з.

Ни жена̀ въ мꙋ́жескомъ монастырѣ̀, ни мꙋ́жъ въ же́нскомъ да не спи́тъ. И҆́бо вѣ́рные должны̀ бы́ти чꙋ́жды вся́кагѡ преткнове́нія и҆ собла́зна, и҆ благоꙋчрежда́ти жи́знь свою̀ соѻбра́знѡ съ благоприли́чіемъ и҆ благопристꙋпа́ніемъ ко гд҃ⷭ҇ꙋ[27]. А҆́ще же кто̀ сіѐ ѹ҆чини́тъ, кли́рікъ ли, и҆лѝ міряни́нъ: да бꙋ́детъ ̾ѿлꙋче́нъ.

ПРА́ВИЛО м҃и.

Жена̀ производи́магѡ въ є҆п҃ⷭ҇кпское досто́инство, предвари́тельнѡ разлꙋча́ся съ мꙋ́жемъ свои́мъ, по ѻ҆́бщемꙋ согла́сію, по рꙋкоположе́ніи є҆гѡ̀ въ є҆пі́скопа, да встꙋ́питъ въ монасты́рь, дале́кѡ ̾ѿ ѡ҆бита́нія сегѡ̀ є҆пі́скопа со́зданный, и҆ да по́льзꙋется содержа́ніемъ ̾ѿ є҆пі́скопа. А҆́ще же досто́йна ꙗ҆ви́тся: да возведе́тся и҆ въ досто́инство діаконі́ссы.

ПРА́ВИЛО м҃ѳ.

Воз̾ѡбновля́я и҆ сіѐ свяще́нное пра́вило[28], ѡ҆предѣля́емъ, дабы̀ є҆ди́ножды ѡ҆свяще́нные, по и҆зволе́нію є҆пі́скопа, монастырѝ пребыва́ли навсегда̀ монастыря́ми, и҆ принадлежа́щее ѻ҆́нымъ и҆мѣ́ніе соблюда́лося монастырю̀, и҆ дабы̀ ѻ҆́ные ѹ҆жѐ не моглѝ бы́ти мірски́ми ѡ҆бита́лищами, и҆ никѣ́мъ не моглѝ бы́ти пре́даны мірски́мъ человѣ́камъ. А҆́ще же доны́нѣ сіѐ и҆ слꙋча́лося съ нѣ́кіими и҆з̾ ѻ҆́ныхъ, то ѡ҆предѣля́емъ, да ̾ѿню́дь не бꙋ́дꙋтъ ѹ҆де́рживаемы: дерза́ющіе же ̾ѿ настоя́щагѡ вре́мени твори́ти сіѐ, да подлежа́тъ є҆пітіміѝ по пра́виламъ.

с. ч҃и

ПРА́ВИЛО н҃.

Никто̀ и҆з̾ міря́нъ и҆ кли́рікѡвъ впре́дь да не предае́тся предѡсꙋди́тельной и҆грѣ̀. А҆́ще же кто̀ ѹ҆смо́тренъ бꙋ́детъ творя́щимъ сіѐ: то кли́рікъ да бꙋ́детъ и҆зве́рженъ и҆з̾ кли́ра, а҆ міряни́нъ да бꙋ́детъ ̾ѿлꙋче́нъ ̾ѿ ѻ҆бще́нія церко́внагѡ.

ПРА́ВИЛО н҃а.

Святы́й вселе́нскій собо́ръ се́й соверше́ннѡ возбраня́етъ бы́ти смѣхотво́рцамъ, и҆ и҆́хъ зрѣ́лищамъ, та́кожде и҆ зрѣ́лища ѕвѣри̑ныя твори́ти и҆ пляса̑нія на позо́рищи. А҆́ще же кто̀ настоя́щее пра́вило презри́тъ, и҆ преда́стся кото́ромꙋ либо и҆з̾ си́хъ возбране́нныхъ ѹ҆веселе́ній: то кли́рікъ да бꙋ́детъ и҆зве́рженъ и҆з̾ кли́ра, а҆ міряни́нъ да бꙋ́детъ ̾ѿлꙋче́нъ ̾ѿ ѻ҆бще́нія церко́внагѡ.

ПРА́ВИЛО н҃в.

Во всѣ̀ днѝ поста̀ святы́я четыредеся́тницы, кромѣ̀ сꙋббѡ́ты и҆ недѣ́ли и҆ свята́гѡ дня̀ благовѣ́щенія, свята́я літꙋргі́я да быва́етъ не и҆на́я, ка́къ преждеѡсвяще́нныхъ дарѡ́въ.

ПРА́ВИЛО н҃г.

Поне́же сродство̀ по дх҃ꙋ є҆́сть важнѣ́е сою́за по тѣ́лꙋ, а҆ мы̀ ѹ҆вѣ́дали, что̀ въ нѣ́кіихъ мѣста́хъ, нѣ́которые воспріе́млющіе дѣте́й ̾ѿ свята́гѡ и҆ спаси́тельнагѡ креще́нія, по́слѣ сегѡ̀ встꙋпа́ютъ въ бра́чное сожи́тельство съ ма́терями и҆́хъ, вдо́вствꙋющими: то ѡ҆предѣля́емъ, дабы̀ ̾ѿ настоя́щагѡ вре́мени ничто̀ таково́е не бы́ло твори́мо. А҆́ще же кото́рые, по настоя́щемъ пра́вилѣ, ѹ҆смо́трены бꙋ́дꙋтъ творя́щими сіѐ: таковы́е, во пе́рвыхъ, да ̾ѿстꙋ́пятъ ̾ѿ сегѡ̀ незако́ннагѡ сꙋпрꙋ́жества, пото́мъ да бꙋ́дꙋтъ подве́ргнꙋты є҆пітіміѝ любодѣ́йствꙋющихъ.

ПРА́ВИЛО н҃д.

Бж҃е́ственное писа́ніе ꙗ҆́снѡ наꙋча́етъ на́съ: да не пристꙋ́пиши ко вся́комꙋ бли́жс. ч҃ѳнемꙋ пло́ти своея̀ ̾ѿкры́ти срамоты̀ є҆гѡ̀[29]. Бг҃оно́сный васі́лій, въ пра́вилахъ свои́хъ, нѣ́которые и҆з̾ запреще́нныхъ бра́кѡвъ, и҆счи́слилъ, а҆ весьма̀ мно́гіе преше́лъ молча́ніемъ, и҆ чрез̾ то̀ и҆ дрꙋго́е ѹ҆стро́илъ на́мъ поле́зное. И҆́бо, и҆збѣга́я мно́жества посты́дныхъ и҆менова́ній, дабы̀ таковы́ми назва́ніями не ѡ҆скверни́ти сло́ва, ѻ҆́нъ ѡ҆зна́чилъ нечистоты̑ ѻ҆́бщими наименова́ніями, чрез̾ ко́и показа́лъ на́мъ беззако́нные бра́ки въ ѻ҆́бщемъ ви́дѣ. Но поне́же, чрез̾ таково́е и҆ неразличи́тельное запреще́ніе беззако́нныхъ бра́кѡвъ, є҆стество̀ само̀ себя̀ смѣ́шивало: то мы̀ призна́ли нꙋ́жнымъ ̾ѿкры́тѣе и҆зложи́ти сіѐ, и҆ ѡ҆предѣля́емъ ̾ѿны́нѣ: а҆́ще кто̀ совокꙋпля́ется въ ѻ҆бще́ніе бра́ка со свое́ю двою́родною сестро́ю, и҆лѝ а҆́ще ѻ҆те́цъ и҆ сы́нъ съ ма́терію и҆ дще́рію, и҆лѝ съ двѣма̀ дѣ́вами сестра́ми ѻ҆те́цъ и҆ сы́нъ, и҆лѝ съ двꙋмя̀ бра́тіями ма́терь и҆ дще́рь, и҆лѝ два̀ бра́та съ двꙋмя̀ сестра́ми: да подверга́ются пра́вилꙋ седмилѣ́тней є҆пітіміѝ, ꙗ҆́внѡ по разлꙋче́ніи и҆́хъ ̾ѿ беззако́ннагѡ сꙋпрꙋ́жества.

ПРА́ВИЛО н҃є.

Поели́кꙋ мы̀ ѹ҆вѣ́дали, ꙗ҆́кѡ ѡ҆бита́ющіе во гра́дѣ ри́мѣ, во святꙋ́ю четыредеся́тницꙋ, въ сꙋббѡ́тꙋ є҆я̀ постя́тся, вопрекѝ пре́данномꙋ церко́вномꙋ послѣ́дованію: то свято́мꙋ собо́рꙋ ѹ҆го́дно, да и҆ въ ри́мской це́ркви ненарꙋши́мѡ соблюда́ется пра́вило, глаго́лющее: а҆́ще кто̀ и҆з̾ кли́ра ѹ҆смо́тренъ бꙋ́детъ во святы́й де́нь гд҃ⷭ҇ень, и҆лѝ въ сꙋббѡ́тꙋ постя́щимся, кромѣ̀ є҆ди́ныя то́кмѡ: да бꙋ́детъ и҆зве́рженъ, а҆́ще же міряни́нъ, да бꙋ́детъ ̾ѿлꙋче́нъ[30].

ПРА́ВИЛО н҃ѕ.

Ѹ҆вѣ́дали мы̀ та́кожде, ꙗ҆́кѡ въ а҆рме́нской странѣ̀, с. р҃ и҆ въ и҆ны́хъ мѣста́хъ, въ сꙋббѡ́ты и҆ въ воскре́сные днѝ святы́я четыредеся̑тницы, ꙗ҆дя́тъ нѣ́которые сы́ръ и҆ ꙗ҆́ица. Тогѡ̀ ра́ди за бла́го при́знано и҆ сіѐ, да цр҃ковь бж҃ія, по все́й вселе́нной слѣ́дꙋя є҆ди́номꙋ чи́нꙋ, соверша́етъ по́стъ, и҆ возде́рживается, ꙗ҆́коже ̾ѿ вся́кагѡ закала́емагѡ, та́кожде ̾ѿ ꙗ҆и́цъ и҆ сы́ра, котѡ́рыя сꙋ́ть пло́дъ и҆ произведе́ніе тогѡ̀, ̾ѿ чегѡ̀ возде́рживаемся. А҆́ще же сегѡ̀ не бꙋ́дꙋтъ соблюда́ти: то кли́ріки да бꙋ́дꙋтъ и҆зве́ржены, а҆ міря́не да бꙋ́дꙋтъ ̾ѿлꙋчены̀.

ПРА́ВИЛО н҃з.

Не подоба́етъ приноси́ти ко ѻ҆лтарю̀ ме́дъ и҆ млеко̀.

ПРА́ВИЛО н҃и.

Никто̀ и҆з̾ состоя́щихъ въ разря́дѣ міря́нъ да не преподае́тъ себѣ̀ бж҃е́ствєнныя та̑йны, когда̀ є҆́сть є҆пі́скопъ, и҆лѝ пресвѵ́теръ, и҆лѝ діа́конъ. Дерза́ющій же на что́ либо таково́е, ка́къ постꙋпа́ющій проти́вꙋ чиноположе́нія, на є҆ди́нꙋ недѣ́лю да бꙋ́детъ ̾ѿлꙋче́нъ ̾ѿ ѻ҆бще́нія церко́внагѡ, вразꙋмля́яся тѣ́мъ, немꙋ́дрствовати па́че, є҆́же подоба́етъ мꙋ́дрствоватиРим. гл. в҃і, ст. г҃..

ПРА́ВИЛО н҃ѳ.

Креще́ніе да не соверша́ется въ моли́твенницѣ, внꙋтрѝ до́ма ѡ҆брѣта́ющейся: но хотя́щіе ѹ҆досто́итися пречи́стагѡ просвѣще́нія, къ каѳолі́ческимъ це́рквамъ да прихо́дятъ, и҆ та́мѡ сегѡ̀ да́ра да сподобля́ются. А҆́ще же кто̀ ѡ҆бличе́нъ бꙋ́детъ не храня́щимъ постано́вленнагѡ на́ми: то кли́рікъ да бꙋ́детъ и҆зве́рженъ, а҆ міряни́нъ да бꙋ́детъ ̾ѿлꙋче́нъ.

{комм.}Стро́гость сегѡ̀ пра́вила, въ слꙋ́чаяхъ неѡбходи́мыхъ и҆ несомни́тельныхъ, ѡ҆блегча́ть дана̀ вла́сть є҆пі́скопꙋ, л҃а пра́виломъ сегѡ́ же собо́ра.

ПРА́ВИЛО ѯ҃.

Поели́кꙋ а҆по́столъ вопіе́тъ, ꙗ҆́кѡ прилѣпля́яйся гд҃ⷭ҇еви, є҆ди́нъ дꙋ́хъ є҆́сть съ с. р҃а гд҃ⷭ҇емъ[32]: то ꙗ҆́вно є҆́сть, ꙗ҆́кѡ и҆ проти́вникꙋ себѐ ѹ҆своя́ющій быва́етъ є҆ди́но съ ни́мъ, по ѻ҆бще́нію. Посемꙋ̀ разсꙋждено̀: лицемѣ́рнѡ бѣснꙋ́ющихся, и҆ таковы́й ѻ҆́бразъ дѣ́йствій, по ѕло́сти нра́вѡвъ, притво́рнѡ на себя̀ пріе́млющихъ, нака́зывати вся́кимъ ѻ҆́бразомъ, и҆ подверга́ти и҆̀хъ таки́мъ же сꙋро́востямъ и҆ трꙋда́мъ, каковы̑мъ по́длиннѡ бѣснꙋ́емые, ра́ди ѡ҆свобожде́нія ̾ѿ де́монскагѡ дѣ́йствія, пра́веднѡ подверга́ются.

ПРА́ВИЛО ѯ҃а.

Предаю́щіеся волше́бникамъ, и҆лѝ та́къ и҆менꙋ́ємымъ стонача́льникамъ[33], и҆лѝ дрꙋги̑мъ подѡ́бнымъ, дабы̀ ѹ҆зна́ти ̾ѿ ни́хъ, что̀ восхотя́тъ и҆̀мъ ̾ѿкры́ти, согла́снѡ съ пре́жними ѻ҆те́ческими ѡ҆ ни́хъ постановле́ніями, да подлежа́тъ пра́вилꙋ шестилѣ́тнія є҆пітіміѝ. То́й же є҆пітіміѝ надлежи́тъ подверга́ти и҆ тѣ́хъ, кото́рые во́дятъ медвѣ́дицъ, и҆лѝ и҆ны́хъ живо́тныхъ, на посмѣ́шище и҆ на вре́дъ простѣ́йшихъ, и҆, соединя́я ѻ҆бма́нъ съ безꙋ́міемъ, произно́сятъ гада̑нія ѡ҆ ща́стіи, ѡ҆ сꙋдьбѣ̀, ѡ҆ родосло́віи, и҆ мно́жество дрꙋги́хъ подо́бныхъ то́лкѡвъ: равнѡ̀ и҆ та́къ и҆менꙋ́емыхъ ѻ҆блакогони́телей, ѡ҆бая́телей, дѣ́лателей предохрани́тельныхъ талисма́нѡвъ, и҆ колдꙋнѡ́въ. Закоснѣва́ющихъ же въ се́мъ, и҆ не ̾ѿвраща́ющихся и҆ не ѹ҆бѣга́ющихъ ̾ѿ таковы́хъ па́гꙋбныхъ и҆ ꙗ҆зы́ческихъ вы́мыслѡвъ, ѡ҆предѣля́емъ совсѣ́мъ и҆зверга́ти и҆з̾ це́ркви, ка́къ и҆ свящє́нныя пра́вила повелѣва́ютъ. И҆́бо, ко́е ѻ҆бще́ніе свѣ́тꙋ ко тмѣ̀, ꙗ҆́коже глаго́летъ а҆по́столъ; и҆лѝ ко́е сложе́ніе це́ркви бж҃іей со і҆́дѡлы; и҆лѝ ка́я ча́сть вѣ́рномꙋ съ невѣ́рнымъ; ко́е же согла́сіе хр҃ⷭ҇та̀ съ веліа́ромъ[34];

с. р҃в

ПРА́ВИЛО ѯ҃в.

Та́къ называ́емые кале́нды, во́та, врꙋма́ліа[35], и҆ наро́дное сбо́рище въ пе́рвый де́нь мѣ́сяца ма́рта, жела́емъ совсѣ́мъ и҆сто́ргнꙋти и҆з̾ житія̀ вѣ́рныхъ. Та́кожде и҆ всенаро́дныя жє́нскія пляса̑нія, вели́кій вре́дъ и҆ па́гꙋбꙋ наноси́ти могꙋ́щыя, равнѡ̀ и҆ въ че́сть богѡ́въ, ло́жнѡ та́къ є҆́ллинами и҆менꙋ́емыхъ, мꙋ́жескимъ и҆лѝ же́нскимъ по́ломъ производи̑мыя пляса̑нія и҆ ѻ҆бря́ды, по нѣ́коемꙋ стари́нномꙋ и҆ чꙋ́ждомꙋ хрістіа́нскагѡ житія̀ ѻ҆бы́чаю соверша́емые, ̾ѿверга́емъ, и҆ ѡ҆предѣля́емъ: никако́мꙋ мꙋ́жꙋ не ѡ҆дѣва́тися въ же́нскꙋю ѻ҆де́ждꙋ, ни женѣ̀ въ ѻ҆де́ждꙋ мꙋ́жꙋ сво́йственнꙋю: не носи́ти личи́нъ кѡмі́ческихъ, и҆лѝ сатѷрі́ческихъ, и҆лѝ трагі́ческихъ: при давле́ніи віногра́да въ точи́лахъ, не возглаша́ти гнꙋ́снагѡ и҆́мени діонѵ́са, и҆ при влива́ніи віна̀ въ бо́чки не производи́ти смѣ́ха, и҆ по невѣ́жествꙋ, и҆лѝ въ ви́дѣ сꙋеты̀ не дѣ́лати тогѡ̀, что̀ принадлежи́тъ къ бѣсо́вской пре́лести. Посемꙋ̀ тѣ́хъ, кото́рые ̾ѿны́нѣ, зна́я сіѐ, дерзнꙋ́тъ дѣ́лати что́ либо и҆з̾ вышеска́заннагѡ, а҆́ще сꙋ́ть кли́ріки, повелѣва́емъ и҆зверга́ти и҆з̾ свяще́ннагѡ чи́на, а҆́ще же міря́не, ̾ѿлꙋча́ти ̾ѿ ѻ҆бще́нія церко́внагѡ.

ПРА́ВИЛО ѯ҃г.

Пѡ́вѣсти ѡ҆ мꙋ́ченикахъ, врага́ми и҆́стины лжи́вѡ соста́влєнныя, дабы̀ ѡ҆безсла́вити хр҃ⷭ҇то́выхъ мꙋ́ченикѡвъ, и҆ слы́шащихъ привестѝ къ невѣ́рію, повелѣва́емъ, не ѡ҆бнаро́довати въ це́рквахъ, но предава́ти ѻ҆́ныя ѻ҆гню̀. Пріе́млющихъ же ѻ҆́ныя, и҆лѝ внима́ющихъ с. р҃г ѻ҆́нымъ ка́къ бꙋ́дто и҆́стиннымъ, а҆наѳема́тствꙋемъ.

ПРА́ВИЛО ѯ҃д.

Не подоба́етъ міряни́нꙋ пред̾ наро́домъ произноси́ти сло́во, и҆лѝ ѹ҆чи́ти, и҆ та́кѡ бра́ти на себя̀ ѹ҆чи́тельское досто́инство, но повинова́тися пре́данномꙋ ̾ѿ гд҃ⷭ҇а чи́нꙋ, ̾ѿверза́ти ѹ҆́хо прія́вшымъ бл҃года́ть ѹ҆чи́тельскагѡ сло́ва, и҆ ̾ѿ ни́хъ поꙋча́тися бж҃е́ственномꙋ. И҆́бо въ є҆ди́ной це́ркви ра́зные чле́ны сотвори́лъ бг҃ъ, по сло́вꙋ а҆по́стола[36], кото́рое и҆з̾ясня́я григо́рій бг҃осло́въ, ꙗ҆́снѡ пока́зываетъ находя́щійся въ ни́хъ чи́нъ, глаго́ля: се́й, бра́тія, чи́нъ почти́мъ, се́й сохрани́мъ: се́й да бꙋ́детъ ѹ҆́хомъ, а҆ то́тъ я҆зы́комъ: се́й рꙋко́ю, а҆ дрꙋгі́й и҆ны́мъ чѣ́мъ либо: се́й да ѹ҆́читъ, то́тъ да ѹ҆́чится. И҆ по́слѣ немно́гихъ сло́въ да́лѣе глаго́летъ: ѹ҆ча́щійся да бꙋ́детъ въ повинове́ніи, раздаю́щій да раздае́тъ съ весе́ліемъ, слꙋжа́щій да слꙋ́житъ съ ѹ҆се́рдіемъ. Да не бꙋ́демъ всѣ̀ я҆зы́комъ, а҆́ще и҆ всегѡ̀ бли́же сіѐ, ни всѣ̀ а҆по́столами, ни всѣ̀ проро́ками, ни всѣ̀ и҆столкова́телями. И҆ по́слѣ нѣ́кихъ сло́въ є҆щѐ глаго́летъ: почто̀ твори́ши себѐ па́стыремъ, бꙋ́дꙋчи ѻ҆вце́ю; почто̀ дѣ́лаешися главо́ю, бꙋ́дꙋчи ного́ю; почто̀ покꙋша́ешися военача́льствовати, бы́въ поста́вленъ въ рядꙋ̀ во́инѡвъ; И҆ въ дрꙋго́мъ мѣ́стѣ повелѣва́етъ премꙋ́дрость: не бꙋ́ди ско́ръ въ слова́хъ[37]: не распростира́йся ѹ҆бо́гъ сы́й съ бога́тымъ[38]: не и҆щѝ мꙋ́дрыхъ мꙋдрѣ́йшій бы́ти. А҆́ще же кто̀ ѹ҆смо́тренъ бꙋ́детъ нарꙋша́ющимъ настоя́щее пра́вило: на четы́редесять дне́й да бꙋ́детъ ̾ѿлꙋче́нъ ̾ѿ ѻ҆бще́нія цр҃ко́внагѡ.

ПРА́ВИЛО ѯ҃є.

Въ новомѣ́сячія, возжига́ніе нѣ́которыми, пред̾ свои́ми с. р҃д ла́вками, и҆лѝ дома́ми, кострѡ́въ, чрез̾ ко́и, по нѣ́коемꙋ стари́нномꙋ ѻ҆бы́чаю, безꙋ́мнѡ ска́чꙋтъ, повелѣва́емъ ̾ѿны́нѣ ѹ҆праздни́ти. Посемꙋ̀ а҆́ще кто̀ ѹ҆чини́тъ что́ либо таково́е: то кли́рікъ да бꙋ́детъ и҆зве́рженъ, а҆ міряни́нъ, да бꙋ́детъ ̾ѿлꙋче́нъ. И҆́бо въ четве́ртой кни́гѣ ца́рствъ напи́сано: и҆ сотворѝ манассі́я ѻ҆лта́рь все́й си́лѣ небе́снѣй, на дв҃ꙋ дво́рѣхъ до́мꙋ гд҃ⷭ҇ня, и҆ провожда́ше сы́ны своя̀ чрез̾ ѻ҆́гнь, и҆ вража́ше и҆ волхвова̑нія творя́ше, и҆ сотворѝ чревовѣща́телей, и҆ волшє́бницы ѹ҆мно́жи твори́ти лꙋка́вое пред̾ ѻ҆чи́ма гд҃ⷭ҇нима, є҆́же прогнѣ́вати є҆го̀[39].

ПРА́ВИЛО ѯ҃ѕ.

Ѿ свята́гѡ дня̀ воскресе́нія хр҃ⷭ҇та̀ бг҃а на́шегѡ до недѣ́ли но́выя, во всю̀ седми́цꙋ вѣ́рные должны̀ во святы́хъ це́рквахъ непреста́ннѡ ѹ҆пражня́тися, во ѱалмѣ́хъ и҆ пѣ́ніяхъ и҆ пѣ́снехъ дꙋхо́вныхъ, ра́дꙋяся и҆ торжествꙋ́я во хр҃ⷭ҇тѣ̀, и҆ чте́нію бж҃е́ственныхъ писа́ній внима́я, и҆ святы́ми та́йнами наслажда́яся. И҆́бо таки́мъ ѻ҆́бразомъ со хр҃ⷭ҇то́мъ кꙋ́пнѡ воскре́снемъ, и҆ вознесе́мся. Тогѡ̀ ра́ди ̾ѿню́дь въ рече́нные днѝ да не быва́етъ ко́нское риста́ніе, и҆лѝ и҆но́е наро́дное зрѣ́лище.

ПРА́ВИЛО ѯ҃з.

Бж҃е́ственное писа́ніе заповѣ́дало на́мъ воздержа́тися ̾ѿ кро́ве и҆ ѹ҆да́вленины и҆ блꙋда̀[40]. Посемꙋ̀, ра́ди ла́комствꙋющагѡ чре́ва, кро́вь како́гѡ бы то̀ ни бы́ло живо́тнагѡ, каки́мъ либо и҆скꙋ́сствомъ пріꙋготовля́ющихъ въ снѣ́дь, и҆ та́кѡ ѻ҆́нꙋю ꙗ҆дꙋ́щихъ, благоразсмотри́тельнѡ є҆пітіміѝ подверга́емъ. А҆́ще ѹ҆̀бо кто̀ ̾ѿны́нѣ ꙗ҆́сти бꙋ́детъ кро́вь живо́тнагѡ каки́мъ либо ѻ҆́бразомъ: то кли́рікъ да бꙋ́детъ и҆зве́рженъ, а҆ міряни́нъ да бꙋ́детъ ̾ѿлꙋче́нъ.

с. р҃є

ПРА́ВИЛО ѯ҃и.

Кни̑ги ве́тхагѡ и҆ но́вагѡ завѣ́та, та́кожде святы́хъ и҆ при́знанныхъ на́шихъ проповѣ́дникѡвъ и҆ ѹ҆чи́телей, никомꙋ̀ не позволя́ется поврежда́ти, и҆лѝ книгопрода́вцамъ, и҆лѝ та́къ называ́ємымъ мѷрова́рцамъ, и҆лѝ и҆но́мꙋ комꙋ́ либо предава́ти для и҆стребле́нія: ра́звѣ когда̀ ̾ѿ молѝ, и҆лѝ ̾ѿ воды̀, и҆лѝ и҆ны́мъ ѻ҆́бразомъ сдѣ́лаются неспосо́бными къ ѹ҆потребле́нію. Кто́ же ̾ѿны́нѣ таково́е что́ либо дѣ́лающимъ ѹ҆смо́тренъ бꙋ́детъ: то́тъ да бꙋ́детъ ̾ѿлꙋче́нъ на го́дъ. Ра́внымъ ѻ҆́бразомъ такѡвы́я кни̑ги покꙋпа́ющій, є҆́стьли ни ѹ҆ себя̀ не ѹ҆де́ржитъ ѻ҆́ныхъ для свое́й по́льзы, ни дрꙋго́мꙋ не ̾ѿда́стъ въ благодѣя́ніе и҆ для хране́нія, но ѻ҆́ныя поврежда́ти де́рзнетъ: да бꙋ́детъ ̾ѿлꙋче́нъ.

ПРА́ВИЛО ѯ҃ѳ.

Никомꙋ̀ и҆з̾ всѣ́хъ, принадлежа́щихъ къ разря́дꙋ міря́нъ, да не бꙋ́детъ позво́лено входи́ти внꙋ́трь сщ҃е́ннагѡ ѻ҆лтаря̀. Но, по нѣ́коемꙋ дре́внѣйшемꙋ преда́нію, ̾ѿню́дь не возбраня́ется сіѐ вла́сти и҆ досто́инствꙋ ца́рскомꙋ, когда̀ восхо́щетъ принестѝ да́ры творцꙋ̀.

ПРА́ВИЛО ѻ҃.

Не позволи́тельно жена́мъ, во вре́мя бж҃е́ственныя літꙋргі́и глаго́лати, но, по сло́вꙋ а҆по́стола па́ѵла, да молча́тъ. Не повелѣ́ся бо и҆̀мъ глаго́лати, но повинова́тися, ꙗ҆́коже и҆ зако́нъ глаго́летъ. А҆́ще ли же чесомꙋ̀ наꙋчи́тися хотя́тъ: въ домꙋ̀ свои́хъ мꙋже́й да вопроша́ютъ[41].

ПРА́ВИЛО ѻ҃а.

Ѹ҆ча́щіеся зако́намъ гражда́нскимъ не должны̀ ѹ҆потребля́ти є҆́ллинскихъ ѻ҆быкнове́ній, и҆лѝ бы́ти води́мы на зрѣ́лища, и҆лѝ соверша́ти та́къ и҆менꙋ́єс. р҃ѕмыя кѷлі́стры[42], и҆лѝ ѡ҆дѣва́тися въ ѻ҆де́жды, не находя́щыяся въ ѻ҆́бщемъ ѹ҆потребле́ніи, ни въ то̀ вре́мя, когда̀ начина́ютъ ѹ҆че́ніе, ни тогда̀, ка́къ ѻ҆́ное ѡ҆ка́нчиваютъ, ни воѻбщѐ въ продолже́ніи ѻ҆́нагѡ. А҆́ще же кто̀ ̾ѿны́нѣ де́рзнетъ сіѐ дѣ́лати: да бꙋ́детъ ̾ѿлꙋче́нъ.

ПРА́ВИЛО ѻ҃в.

Недосто́итъ мꙋ́жꙋ правосла́вномꙋ съ жено́ю є҆реті́ческою бра́комъ совокꙋпля́тися, ни правосла́вной женѣ̀ съ мꙋ́жемъ є҆ретіко́мъ сочетава́тися. А҆́ще же ѹ҆смо́трено бꙋ́детъ нѣ́что таково́е, содѣ́ланное кѣ́мъ либо: бра́къ почита́ти не тве́рдымъ, и҆ незако́нное сожи́тіе расторга́ти. И҆́бо не подоба́етъ смѣ́шивати несмѣша́емое, нижѐ совокꙋпля́ти съ ѻ҆вце́ю во́лка, и҆ съ ча́стію хр҃ⷭ҇то́вою жре́бій грѣ́шникѡвъ. А҆́ще же кто̀ постано́вленное на́ми престꙋ́питъ: да бꙋ́детъ ̾ѿлꙋче́нъ. Но а҆́ще нѣ́которые, бꙋ́дꙋчи є҆щѐ въ невѣ́ріи, и҆ не бы́въ причтены̀ къ ста́дꙋ правосла́вныхъ, сочета́лися междꙋ̀ собо́ю зако́ннымъ бра́комъ: пото́мъ є҆ди́нъ и҆з̾ ни́хъ, и҆збра́въ благо́е, прибѣ́гнꙋлъ ко свѣ́тꙋ и҆́стины, а҆ дрꙋгі́й ѡ҆ста́лся во ѹ҆́захъ заблꙋжде́нія, не жела́я воззрѣ́ти на бж҃е́ственные лꙋчѝ, и҆ а҆́ще прито́мъ невѣ́рной женѣ̀ ѹ҆го́дно сожи́тельствовати съ мꙋ́жемъ вѣ́рнымъ, и҆лѝ напро́тивъ мꙋ́жꙋ невѣ́рномꙋ съ жено́ю вѣ́рною: то да не разлꙋча́ются, по бж҃е́ственномꙋ а҆п҃ⷭ҇толꙋ: святи́тся во мꙋ́жъ невѣ́ренъ ѡ҆ женѣ̀, и҆ святи́тся жена̀ невѣ́рна ѡ҆ мꙋ́жѣ[43].

ПРА́ВИЛО ѻ҃г.

Поели́кꙋ животворя́щій кр҃ⷭ҇тъ ꙗ҆ви́лъ на́мъ спасе́ніе: то подоба́етъ на́мъ вся́кое тща́ніе ѹ҆потребля́ти, да с. р҃з бꙋ́детъ воздава́ема подоба́ющая че́сть томꙋ̀, чрез̾ что̀ мы̀ спасе́ны ̾ѿ дре́внягѡ грѣхопаде́нія. Посемꙋ̀ и҆ мы́слію, и҆ сло́вомъ, и҆ чꙋ́вствомъ поклоне́ніе є҆мꙋ̀ принося̀, повелѣва́емъ: и҆зѡбражє́нія креста̀, наче́ртываємыя нѣ́которыми на землѝ, совсѣ́мъ и҆зглажда́ти, дабы̀ зна́меніе побѣ́ды на́шея не бы́ло ѡ҆скорбля́емо попира́ніемъ ходя́щихъ. И҆ та́къ ̾ѿны́нѣ наче́ртывающихъ на землѝ и҆зѡбраже́ніе креста̀ повелѣва́емъ ̾ѿлꙋча́ти.

ПРА́ВИЛО ѻ҃д.

Не до́лжно въ мѣста́хъ, посвяще́нныхъ гд҃ⷭ҇ꙋ, и҆лѝ въ це́рквахъ, соверша́ти та́къ называ́емыя трапє́зы братолю́бія, и҆ внꙋтрѝ хра́ма ꙗ҆́сти, и҆ ло́же постила́ти. Сіе́ же твори́ти дерза́ющіе, и҆лѝ да преста́нꙋтъ, и҆лѝ да бꙋ́дꙋтъ ̾ѿлꙋче́ны.

ПРА́ВИЛО ѻ҃є.

Жела́емъ, что́бы приходя́щіе въ це́рковь для пѣ́нія не ѹ҆потребля́ли безчи́нныхъ во́плей, не вынꙋжда́ли и҆з̾ себя̀ неєсте́ственнагѡ кри́ка, и҆ не вводи́ли ничегѡ̀ несоѻбра́знагѡ и҆ несво́йственнагѡ це́ркви: но съ вели́кимъ внима́ніемъ и҆ ѹ҆миле́ніемъ приноси́ли ѱалмопѣ̑нія бг҃ꙋ, назира́ющемꙋ сокрове́нное. И҆́бо свяще́нное сло́во поꙋча́ло сынѡ́въ і҆зра́илевыхъ бы́ти благоговѣ́йными[44].

ПРА́ВИЛО ѻ҃ѕ.

Никто̀ не до́лженъ внꙋтрѝ свяще́нныхъ ѡ҆гра́дъ корче́мницꙋ, и҆лѝ разли̑чныя снѣ́ди поставля́ти, и҆лѝ и҆ны́я кꙋ̑пли производи́ти, сохраня́я благоговѣ́ніе къ це́рквамъ. И҆́бо спаси́тель на́шъ и҆ бг҃ъ, житіе́мъ свои́мъ во пло́ти поꙋча́я на́съ, повелѣ́лъ не твори́ти до́мꙋ ѻ҆ц҃а̀ своегѡ̀ до́момъ кꙋ́пли. Ѻ҆́нъ и҆ пѣ́няжникамъ разсы́палъ пѣ́нязи, и҆ и҆згна́лъ творя́щихъ святы́й хра́мъ мірски́мъ мѣ́стомъ[45]. Посемꙋ̀ а҆́ще с. р҃и кто̀ бꙋ́детъ ѡ҆бличе́нъ въ рече́нномъ престꙋпле́ніи: да бꙋ́детъ ̾ѿлꙋче́нъ.

ПРА́ВИЛО ѻ҃з.

Не до́лжно священнослꙋжи́телямъ и҆лѝ приче́тникамъ, и҆лѝ и҆́нокамъ мы́тися въ ба́нѣ, вмѣ́стѣ съ жена́ми, ни да́же вся́комꙋ хрістіа́нинꙋ міряни́нꙋ. И҆́бо сіѐ є҆́сть пе́рвое нарека́ніе со стороны̀ ꙗ҆зы́чникѡвъ. А҆́ще же кто̀ въ се́мъ ѡ҆бличе́нъ бꙋ́детъ: то кли́рікъ да бꙋ́детъ и҆зве́рженъ, а҆ міряни́нъ да бꙋ́детъ ̾ѿлꙋче́нъ.

ПРА́ВИЛО ѻ҃и.

Гото́вящымся ко креще́нію надлежи́тъ ѡ҆бꙋча́тися вѣ́рѣ, и҆ въ пя́тый де́нь седми́цы дава́ти ̾ѿвѣ́тъ є҆пі́скопꙋ, и҆лѝ пресвѵ́терамъ.

ПРА́ВИЛО ѻ҃ѳ.

Бж҃е́ственное ̾ѿ дѣ́вы рожде́ніе, ꙗ҆́кѡ безсѣ́меннѡ бы́вшее, и҆сповѣ́дꙋя безболѣ́зненнымъ, и҆ сіѐ всемꙋ̀ ста́дꙋ проповѣ́дꙋя, подверга́емъ и҆справле́нію творя́щихъ, по невѣ́дѣнію, что́ либо не до́лжное. Поне́же ѹ҆́бѡ нѣ́кіе, по днѣ̀ свята́гѡ рождества̀ хр҃ⷭ҇та̀ бг҃а на́шегѡ, ѹ҆сма́триваются приготовля́ющими хлѣ́бенное пече́ніе, и҆ дрꙋ́гъ дрꙋ́гꙋ передаю́щими, а҆́ки вы̀ въ че́сть болѣ́зней рожде́нія всенепоро́чныя дѣ́вы ма́тери: то мы̀ ѡ҆предѣля́емъ, да не соверша́ютъ вѣ́рные ничегѡ̀ такова́гѡ. И҆́бо не є҆́сть сіѐ че́сть дѣ́вѣ, па́че ѹ҆ма̀ и҆ сло́ва, пло́тію роди́вшей невмѣсти́мое сло́во: а҆́ще є҆я̀ неизрече́нное рожде́ніе ѡ҆предѣля́ютъ, и҆ представля́ютъ по примѣ́рꙋ ѻ҆быкнове́ннагѡ и҆ на́мъ сво́йственнагѡ рожде́нія. А҆́ще ѹ҆́бѡ ̾ѿны́нѣ ѹ҆смо́тренъ бꙋ́детъ кто́ либо та́кѡ творя́щій: то кли́рікъ да бꙋ́детъ и҆зве́рженъ, а҆ міряни́нъ да бꙋ́детъ ̾ѿлꙋче́нъ.

ПРА́ВИЛО п҃.

А҆́ще кто̀, є҆пі́скопъ, и҆лѝ пресвѵ́теръ, и҆лѝ діа́конъ, и҆лѝ кто́ либо и҆з̾ сопричи́сленныхъ къ кли́рꙋ, и҆лѝ с. р҃ѳ міряни́нъ, не и҆мѣ́я никако́й настоя́тельной нꙋ́жды, и҆лѝ препя́тствія, кото́рымъ бы надо́лгѡ ѹ҆стране́нъ бы́лъ ̾ѿ своея̀ це́ркви, но пребыва́я во гра́дѣ, въ трѝ воскре́сные днѝ въ продолже́ніи тре́хъ седми́цъ, не пріи́детъ въ церко́вное собра́ніе: то кли́рікъ да бꙋ́детъ и҆зве́рженъ и҆з̾ кли́ра, а҆ міряни́нъ да бꙋ́детъ ѹ҆дале́нъ ̾ѿ ѻ҆бще́нія.

ПРА́ВИЛО п҃а.

Поне́же мы̀ ѹ҆вѣ́дали, ꙗ҆́кѡ въ нѣ́кихъ страна́хъ, въ трисвято́й пѣ́сни, по́слѣ сло́въ: святы́й безсме́ртный, въ ка́чествѣ дополне́нія, возглаша́ютъ: распны́йся за ны̀, поми́лꙋй на́съ: но сіѐ дре́вними святы́ми ѻ҆тца́ми, ка́къ чꙋ́ждое благоче́стія, ̾ѿ сея̀ пѣ́сни ̾ѿри́нꙋто, кꙋ́пнѡ съ беззако́ннымъ є҆ретіко́мъ, нововводи́телемъ си́хъ сло́въ: то и҆ мы̀ пре́жде благоче́стнѡ постано́вленное святы́ми ѻ҆тца́ми на́шими ѹ҆твержда́я, по настоя́щемъ ѡ҆предѣле́ніи, таково́е сло́во въ це́ркви пріе́млющихъ, и҆лѝ и҆ны́мъ каки́мъ либо ѻ҆́бразомъ къ трисвято́й пѣ́сни примѣ́шивающихъ, а҆наѳема́тствꙋемъ. И҆ а҆́ще нарꙋши́тель постано́вленнагѡ є҆́сть свяще́ннагѡ чи́на: то повелѣва́емъ ѡ҆бнажа́ти є҆го̀ ̾ѿ свяще́нническагѡ досто́инства, а҆́ще же міряни́нъ, и҆лѝ мона́хъ, ̾ѿлꙋча́ти ̾ѿ ѻ҆бще́нія церко́внагѡ.

ПРА́ВИЛО п҃в.

На нѣ́которыхъ честны́хъ і҆кѡ́нахъ и҆зѡбража́ется, пе́рстомъ предте́чевымъ показꙋ́емый, а҆́гнецъ, кото́рый при́нятъ во ѻ҆́бразъ благода́ти, чрез̾ зако́нъ показꙋ́я на́мъ и҆́стиннаго а҆́гнца, хр҃ⷭ҇та̀ бг҃а на́шего. Почита́я дре́вніе ѻ҆́бразы и҆ сѣ́ни, пре́данныя це́ркви, ка́къ зна́мєнія и҆ предначерта̑нія и҆́стины, мы̀ предпочита́емъ благода́ть и҆ и҆́стинꙋ, пріе́мля ѻ҆́нꙋю, ꙗ҆́кѡ и҆сполне́ніе зако́на. Сегѡ̀ ра́ди, дабы̀ и҆ и҆скꙋ́сствомъ живописа́нія ѻ҆ча́мъ всѣ́хъ представля́емо бы́ло соверс. р҃іше́нное, повелѣва́емъ ̾ѿны́нѣ ѻ҆́бразъ а҆́гнца, взе́млющагѡ грѣхѝ мі́ра, хр҃ⷭ҇та̀ бг҃а на́шегѡ, на і҆кѡ́нахъ представля́ти по человѣ́ческомꙋ є҆стествꙋ̀ вмѣ́стѡ ве́тхагѡ а҆́гнца: да чрез̾ то̀ созерца́я смире́ніе бг҃а сло́ва, приво́димся къ воспомина́нію житія̀ є҆гѡ̀ во пло́ти, є҆гѡ̀ страда́нія, и҆ спаси́тельныя сме́рти, и҆ си́мъ ѻ҆́бразомъ соверши́вшагѡся и҆скꙋпле́нія мі́ра.

ПРА́ВИЛО п҃г.

Никто̀ тѣла́мъ ѹ҆ме́ршихъ є҆ѵхарі́стіи да не преподае́тъ. И҆́бо пи́сано є҆́сть: пріими́те, ꙗ҆ди́те[46]. Но тѣла̀ ме́ртвыхъ ни пріима́ти, ни ꙗ҆́сти не мо́гꙋтъ.

ПРА́ВИЛО п҃д.

Послѣ́дꙋя каноні́чєскимъ постановле́ніямъ ѻ҆тє́цъ, ѡ҆предѣля́емъ и҆ ѡ҆ младе́нцахъ: ка́ждый ра́зъ, когда̀ не ѡ҆брѣта́ются достовѣ́рные свидѣ́тели, несомнѣ́ннѡ ѹ҆твержда́ющіе, ꙗ҆́кѡ креще́ны сꙋ́ть, и҆ когда̀ са́ми ѻ҆нѝ, по малолѣ́тствꙋ, не мо́гꙋтъ да́ти потре́бный ̾ѿвѣ́тъ ѡ҆ препо́данномъ и҆̀мъ та́инствѣ, до́лжно без̾ вся́кагѡ недоꙋмѣ́нія крести́ти и҆̀хъ: да таково́е недоразꙋмѣ́ніе не лиши́тъ и҆́хъ ѻ҆чище́нія толи́кою святы́нею.

ПРА́ВИЛО п҃є.

Мы̀ при́няли ̾ѿ писа́нія, ꙗ҆́кѡ при двою̀ и҆лѝ тріе́хъ свидѣ́телехъ ста́нетъ вся́къ глаго́лъ[47]. Посемꙋ̀ ѡ҆предѣля́емъ, да ̾ѿпꙋска́емые ̾ѿ госпо́дъ свои́хъ на свобо́дꙋ рабы̑, полꙋча́ютъ сіѐ преимꙋ́щество при тре́хъ свидѣ́теляхъ, кото́рые свои́мъ присꙋ́тствіемъ дадꙋ́тъ ѡ҆свобожде́нію зако́нность, и҆ соѡбща́тъ достовѣ́рность томꙋ̀, что̀ ѹ҆чинено̀.

ПРА́ВИЛО п҃ѕ.

Тѣ́хъ, кото́рые на па́гꙋбꙋ дꙋ́шъ собира́ютъ и҆ сос. ра҃іде́ржатъ блꙋдни́цъ, а҆́ще сꙋ́ть кли́ріки, ѡ҆предѣля́емъ ̾ѿлꙋча́ти и҆ и҆зверга́ти: а҆́ще же міря́не, ̾ѿлꙋча́ти.

ПРА́ВИЛО п҃з.

Жена̀ ѡ҆ста́вившая мꙋ́жа, а҆́ще по́йдетъ за и҆на́го, є҆́сть прелюбодѣ́йца, по свяще́нномꙋ и҆ бж҃е́ственномꙋ васі́лію, кото́рый весьма̀ прили́чнѡ и҆з̾ проро́чества і҆еремі́и приве́лъ сіѐ: а҆́ще жена̀ бꙋ́детъ мꙋ́жꙋ и҆но́мꙋ, не возврати́тся къ мꙋ́жꙋ своемꙋ̀, но ѡ҆скверне́ніемъ ѡ҆сквернена̀ бꙋ́детъ[48]. И҆ па́ки: держа́й прелюбодѣ́йцꙋ, безꙋ́менъ и҆ нечести́въ[49]. А҆́ще ѹ҆́бѡ ѹ҆смо́трено бꙋ́детъ, ꙗ҆́кѡ ѡ҆ста́вила мꙋ́жа без̾ вины̀: то ѻ҆́нъ досто́инъ снисхожде́нія, а҆ ѻ҆на̀ є҆пітіміѝ. Снисхожде́ніе же бꙋ́детъ є҆мꙋ̀ ѡ҆ка́зано въ то́мъ, да бꙋ́детъ ѻ҆́нъ въ ѻ҆бще́ніи съ цр҃ковію. По зако́ннѡ сопряже́ннꙋю себѣ̀ женꙋ̀ ѡ҆ставля́ющій, и҆ и҆нꙋ́ю пое́млющій, по сло́вꙋ гд҃ⷭ҇а[50], пови́ненъ сꙋдꙋ̀ прелюбодѣя́нія. Постано́влено же пра́вилами ѻ҆тє́цъ на́шихъ, таковы̑мъ го́дъ бы́ти въ разря́дѣ пла́чꙋщихъ, два̀ го́да въ числѣ̀ слꙋ́шающихъ чте́ніе писа́ній, трѝ го́да въ припа́дающихъ, и҆ въ седмы́й стоя́ти съ вѣ́рными, и҆ та́кѡ сподо́битися причаще́нія, а҆́ще со слеза́ми ка́ятися бꙋ́дꙋтъ.

ПРА́ВИЛО п҃и.

Никто̀ внꙋ́трь свяще́ннагѡ хра́ма да не вво́дитъ никако́гѡ живо́тнагѡ: ра́звѣ кто̀ пꙋтеше́ствꙋя, стѣсня́емый велича́йшею кра́йностію, и҆ лише́нный жили́ща и҆ гости́нницы, ѡ҆стано́вится въ таково́мъ хра́мѣ. Потомꙋ̀ что̀ живо́тное, не бы́въ введено̀ въ ѡ҆гра́дꙋ, и҆ногда̀ поги́бло бы: и҆ са́мъ ѻ҆́нъ, потеря́въ живо́тное, и҆ потомꙋ̀ лиша́ся возмо́жности продолжа́ти пꙋтеше́ствіе, бы́лъ бы подве́рс. рв҃іженъ ѻ҆па́сности жи́зни. И҆́бо мы̀ зна́емъ, что̀ сꙋббѡ́та человѣ́ка ра́ди бы́сть[51]: и҆ потомꙋ̀ всѣ́ми сре́дствами пещи́ся до́лжно ѡ҆ спасе́ніи и҆ безѻпа́сности человѣ́ка. А҆́ще же кто̀ ѹ҆смо́тренъ бꙋ́детъ, по вышерече́нномꙋ, без̾ нꙋ́жды вводя́щій живо́тное во хра́мъ: то кли́рікъ да бꙋ́детъ и҆зве́рженъ, а҆ міряни́нъ да бꙋ́детъ ̾ѿлꙋче́нъ.

ПРА́ВИЛО п҃ѳ.

Вѣ̑рнымъ днѝ спаси́тельнагѡ страда́нія, въ постѣ̀ и҆ моли́твѣ и҆ въ сокрꙋше́ніи се́рдца провожда́ющымъ, подоба́етъ прекраща́ти по́стъ въ сре́дніе часы̀ но́щи по вели́кой сꙋббѡ́тѣ: поели́кꙋ бж҃е́ственные є҆ѵангелі́сты матѳе́й и҆ лꙋка̀, пе́рвый рече́ніями: въ ве́черъ сꙋббѡ́тный[52], а҆ вторы́й рече́ніями: ѕѣлѡ̀ ра́нѡ[53], и҆зѡбража́ютъ на́мъ глꙋбо́кꙋю но́щь.

ПРА́ВИЛО ч҃.

Ѿ бг҃оно́сныхъ ѻ҆тє́цъ на́шихъ каноні́чески пре́дано на́мъ, не преклоня́ти колѣ́нъ во днѝ воскре́сные, ра́ди че́сти воскресе́нія хр҃ⷭ҇то́ва. Посемꙋ̀, да не пребыва́емъ въ невѣ́дѣніи, ка́кѡ соблюда́ти сіѐ, мы̀ ꙗ҆́вственнѡ показꙋ́емъ вѣ̑рнымъ, ꙗ҆́кѡ въ сꙋббѡ́тꙋ, по вече́рнемъ вхо́дѣ священнослꙋжи́телей въ ѻ҆лта́рь, по при́нятомꙋ ѻ҆бы́чаю, никто̀ не преклоня́етъ колѣ́нъ до слѣ́дꙋющагѡ въ воскре́сный де́нь ве́чера, въ кото́рый, по вхо́дѣ въ свѣти́льничное вре́мя, па́ки колѣ́на преклоня́я, си́мъ ѻ҆́бразомъ возсыла́емъ моли̑твы ко гд҃ⷭ҇ꙋ. И҆́бо но́щь по сꙋббѡ́тѣ пріе́мля предте́чею воскресе́нія спаси́теля на́шегѡ, ̾ѿсе́лѣ дꙋхо́внѡ начина́емъ пѣ̑сни, и҆ пра́здникъ и҆з̾ тьмы̀ во свѣ́тъ прево́димъ, та́къ что̀ съ сегѡ̀ вре́мени всецѣ́лꙋю но́щь и҆ де́нь торжествꙋ́емъ воскресе́ніе.

с. рг҃і

ПРА́ВИЛО ч҃а.

Же́нъ, даю́щихъ врачєвства̀, производя́щыя недоноше́ніе плода̀ во чре́вѣ, и҆ пріе́млющихъ ѻ҆тра̑вы, пло́дъ ѹ҆мерщвля́ющыя, подверга́емъ є҆пітіміѝ человѣкоꙋбі́йцы.

ПРА́ВИЛО ч҃в.

Тѣ́хъ, ко́и похища́ютъ же́нъ, под̾ ви́домъ сꙋпрꙋ́жества, и҆лѝ содѣ́йствꙋютъ, и҆лѝ помога́ютъ похити́телямъ, ѡ҆предѣли́лъ святы́й собо́ръ, а҆́ще сꙋ́ть кли́ріки, низверга́ти со сте́пени и҆́хъ: а҆́ще же міря́не, предава́ти а҆на́ѳемѣ.

ПРА́ВИЛО ч҃г.

Жена̀ мꙋ́жа, ̾ѿлꙋчи́вшагѡся и҆ находя́щагѡся въ неизвѣ́стности, пре́жде ѹ҆достовѣре́нія ѡ҆ сме́рти є҆гѡ̀, и҆но́мꙋ сожи́тельствꙋющая, прелюбодѣ́йствꙋетъ. Равнѡ̀ и҆ жє́ны во́инѡвъ, во вре́мя безвѣ́стности мꙋже́й свои́хъ встꙋпа́ющыя въ бра́къ, томꙋ́же подлежа́тъ разсꙋжде́нію: подо́бнѡ и҆ тѣ̀, ко́и встꙋпа́ютъ въ бра́къ, по причи́нѣ ѹ҆дале́нія мꙋ́жа въ чꙋ́ждыя стра́ны, не дожда́вшись возвраще́нія. Но здѣ́сь мо́жно и҆мѣ́ти нѣ́кое снисхожде́ніе къ тако́мꙋ постꙋ́пкꙋ, ра́ди бо́льшагѡ вѣроя́тія ѡ҆ сме́рти мꙋ́жа. А҆ встꙋпи́вшая, по невѣ́дѣнію, въ бра́къ съ ѡ҆ста́вленнымъ на вре́мя свое́ю жено́ю, и҆ пото́мъ, по причи́нѣ возвраще́нія къ немꙋ̀ пе́рвыя жены̀, ѡ҆ста́вленная, хотя̀ и҆ любодѣ́йствовала, но по невѣ́дѣнію: посемꙋ̀ бра́къ є҆́й не возбрани́тся. Но лꙋ́чше, а҆́ще пребꙋ́детъ та́кѡ. А҆́ще же по нѣ́коемъ вре́мени возврати́тся во́инъ, ко́егѡ жена̀, по причи́нѣ долговре́меннагѡ ̾ѿсꙋ́тствія є҆гѡ̀, со и҆ны́мъ мꙋ́жемъ сочета́лася: то па́ки да во́зметъ женꙋ̀ свою̀, а҆́ще восхо́щетъ: при че́мъ да да́стся є҆я̀ невѣ́дѣнію проще́ніе, та́кожде и҆ мꙋ́жꙋ, сожи́тельствовавшемꙋ съ не́ю во второ́мъ бра́кѣ.

с. рд҃і

ПРА́ВИЛО ч҃д.

Кленꙋ́щихся кля́твами ꙗ҆зы́ческими, пра́вило є҆пітіміѝ подверга́етъ: и҆ мы̀ таковы̑мъ ̾ѿлꙋче́ніе ѡ҆предѣля́емъ.

ПРА́ВИЛО ч҃є.

Присоединя́ющихся къ правосла́вію и҆ къ ча́сти спаса́емыхъ и҆з̾ є҆ретікѡ́въ, пріе́млемъ по слѣ́дꙋющемꙋ чиноположе́нію и҆ ѻ҆бы́чаю. А҆ріа́нъ, македоніа́нъ, наватіа́нъ, и҆менꙋ́ющихъ себя̀ чи́стыми и҆ лꙋ́чшими, четыренадесятидне́вникѡвъ, и҆лѝ тетраді́тѡвъ, и҆ а҆полінарі́стѡвъ, когда̀ ѻ҆нѝ даю́тъ рꙋкописа́нія и҆ проклина́ютъ вся́кꙋю є҆́ресь, не мꙋ́дрствꙋющꙋю, ка́къ мꙋ́дрствꙋетъ свята́я бж҃ія каѳолі́ческая и҆ а҆по́стольская цр҃ковь, пріе́млемъ, запечатлѣва́я, то́ є҆сть, помазꙋ́я святы́мъ мѵ́ромъ во пе́рвыхъ чело̀, пото́мъ ѻ҆́чи, и҆ но́здри, и҆ ѹ҆ста̀, и҆ ѹ҆́ши, и҆ запечатлѣва́я и҆̀хъ глаго́лемъ: печа́ть да́ра дх҃а ст҃а́гѡ. А҆ ѡ҆ бы́вшихъ паѵліа́нами, пото́мъ къ каѳолі́ческой це́ркви прибѣ́гшихъ, постано́влено: перекре́щивати и҆̀хъ непремѣ́ннѡ. Є҆ѵноміа́нъ же, є҆динокра́тнымъ погрꙋже́ніемъ креща́ющихся, и҆ монтані́стѡвъ, и҆менꙋ́емыхъ здѣ́сь фрѵ́гами, и҆ савелліа́нъ, держа́щихся мнѣ́нія ѡ҆ сыноѻ́тчествѣ, и҆ и҆но́е нетерпи́мое творя́щихъ, и҆ всѣ́хъ про́чихъ є҆ретікѡ́въ, [и҆́бо мно́гѡ здѣ́сь таковы́хъ, наипа́че выходя́щихъ и҆з̾ гала́тскія страны̀] всѣ́хъ, кото́рые и҆з̾ ни́хъ жела́ютъ присоединены̀ бы́ти къ правосла́вію, пріе́млемъ ꙗ҆́коже ꙗ҆зы́чникѡвъ. Въ пе́рвый де́нь дѣ́лаемъ и҆̀хъ хрістіа́нами, во вторы́й ѡ҆глаше́нными, пото́мъ въ тре́тій заклина́емъ и҆̀хъ, съ троекра́тнымъ дꙋнове́ніемъ въ лицѐ, и҆ во ѹ҆́ши: и҆ та́кѡ ѡ҆глаша́емъ и҆̀хъ, и҆ заставля́емъ пребыва́ти въ це́ркви, и҆ слꙋ́шати писа̑нія, и҆ тогда̀ ѹ҆жѐ креща́емъ и҆̀хъ. Та́кожде и҆ маніхе́євъ, валентініа́нъ, с. рє҃і маркіоні́тѡвъ, и҆ и҆̀мъ подо́бныхъ є҆ретікѡ́въ. Несторіа́не же должны̀ твори́ти рꙋкописа̑нія и҆ предава́ти а҆на́ѳемѣ є҆́ресь свою̀, и҆ несто́ріа, и҆ є҆ѵтѵ́хіа, и҆ діоско́ра, и҆ севи́ра, и҆ про́чихъ нача́льникѡвъ таковы́хъ є҆́ресей, и҆ и҆́хъ є҆диномы́шленникѡвъ, и҆ всѣ̀ вышепока́занныя є҆́рєси: и҆ пото́мъ да пріе́млютъ свято́е причаще́ніе.

ПРА́ВИЛО ч҃ѕ.

Во хр҃ⷭ҇та̀ креще́ніемъ ѡ҆бле́кшіеся, да́ли ѻ҆бѣ́тъ подража́ти во пло́ти житію̀ є҆гѡ̀. Тогѡ̀ ра́ди власы̀ на главѣ̀, ко вредꙋ̀ зря́щихъ, и҆скꙋ́ственными плете́ніями располага́ющихъ и҆ ѹ҆бира́ющихъ, и҆ таки́мъ ѻ҆́бразомъ неꙋтвержде́нныя дꙋ́шы прельща́ющихъ, ѻ҆те́чески врачꙋ́емъ прили́чною є҆пітіміе́ю, рꙋково́дствꙋя и҆̀хъ а҆́ки дѣте́й, и҆ наꙋча́я цѣломꙋ́дреннѡ жи́ти, да, ѡ҆ста́вивъ пре́лесть и҆ сꙋетꙋ̀ пло́ти, къ неги́блющей и҆ блаже́нной жи́зни ѹ҆́мъ непреста́ннѡ направля́ютъ, и҆ чи́стое со стра́хомъ пребыва́ніе и҆мѣ́ютъ, и҆ ѡ҆чище́ніемъ житія̀, є҆ли́кѡ мо́жно, къ бг҃ꙋ приближа́ются, и҆ внꙋ́треннягѡ па́че, не́жели внѣ́шняго человѣ́ка, ѹ҆краша́ютъ добродѣ́телями и҆ благи́ми и҆ непоро́чными нра́вами: и҆ да не но́сятъ въ себѣ̀ никако́гѡ ѡ҆ста́нка поро́чности, произше́дшія ̾ѿ сопроти́вника. А҆́ще же кто̀ вопрекѝ семꙋ̀ пра́вилꙋ постꙋ́питъ: да бꙋ́детъ ̾ѿлꙋче́нъ.

ПРА́ВИЛО ч҃з.

Тѣ́хъ, кото́рые, и҆лѝ живя̀ съ жено́ю, и҆лѝ и҆ны́мъ ѻ҆́бразомъ, неразсꙋди́тельнѡ, свяще́нныя мѣста̀ ѡ҆браща́ютъ въ ѻ҆быкнове́нныя, и҆ небре́жнѡ ѻ҆́крестъ и҆́хъ ѡ҆браща́ются, и҆ съ таки́мъ расположе́ніемъ въ ни́хъ пребыва́ютъ, повелѣва́емъ и҆згоня́ти и҆ ̾ѿ мѣ́стъ, ѡ҆глашє́ннымъ предоста́вленныхъ при святы́хъ хра́махъ. Кто́ же не бꙋ́детъ сегѡ̀ соблюда́ти, а҆́ще є҆́сть кли́рікъ, да бꙋ́детъ и҆зве́рженъ: а҆́ще же міряни́нъ, да бꙋ́детъ ̾ѿлꙋче́нъ.

с. рѕ҃і

ПРА́ВИЛО ч҃и.

Женꙋ̀, и҆но́мꙋ ѡ҆брꙋче́ннꙋю, берꙋ́щій въ бра́чное сожи́тіе, при жи́зни є҆щѐ ѡ҆брꙋче́нника, да подлежи́тъ винѣ̀ прелюбодѣя́нія.

ПРА́ВИЛО ч҃ѳ.

Въ а҆рме́нской странѣ̀, ка́къ мы̀ ѹ҆вѣ́дали, быва́етъ и҆ сіѐ, что̀ нѣ́которые, свари́въ ча́сти мя́съ внꙋ́трь свяще́нныхъ ѻ҆лтаре́й, прино́сятъ ѹ҆ча́стки, и҆ раздѣля́ютъ свяще́нникамъ, по і҆ꙋде́йскомꙋ ѻ҆бы́чаю. Посемꙋ̀, соблюда́я чистотꙋ̀ це́ркви, ѡ҆предѣля́емъ: да не бꙋ́детъ позво́лено никомꙋ̀ и҆з̾ свяще́нникѡвъ, ѡ҆дѣлє́нныя ча̑сти мя́са ̾ѿ принося́щихъ пріима́ти: но тѣ́мъ да дово́льствꙋются ѻ҆нѝ, что̀ восхо́щетъ да́ти принося́щій, и҆ таково́е приноше́ніе да быва́етъ внѣ̀ це́ркви. А҆́ще же кто̀ не та́кѡ сіѐ твори́тъ: да бꙋ́детъ ̾ѿлꙋче́нъ.

ПРА́ВИЛО р҃.

Ѻ҆́чи твоѝ пра́вѡ да зря́тъ, и҆ вся́цѣмъ хране́ніемъ блюдѝ твоѐ се́рдце[54], завѣщава́етъ премꙋ́дрость: и҆́бо тѣле́сныя чꙋ́вства ѹ҆до́бнѡ вно́сятъ своѝ впечатлѣ́нія въ дꙋ́шꙋ. Посемꙋ̀ и҆зѡбражє́нія на дска́хъ, и҆лѝ на и҆но́мъ че́мъ представля́ємыя, ѡ҆бая́ющыя зрѣ́ніе, растлѣва́ющыя ѹ҆́мъ, и҆ производя́щыя воспламенє́нія нечи́стыхъ ѹ҆дово́льствій, не позволя́емъ ̾ѿны́нѣ, каки́мъ бы то̀ ни бы́ло спо́собомъ, начертава́ти. А҆́ще же кто̀ сіѐ твори́ти де́рзнетъ: да бꙋ́детъ ̾ѿлꙋче́нъ.

ПРА́ВИЛО р҃а.

Человѣ́ка, со́зданнаго по ѻ҆́бразꙋ бж҃ію, бж҃е́ственный а҆по́столъ велегла́снѡ нарица́етъ тѣ́ломъ хр҃ⷭ҇то́вымъ и҆ хра́момъ. Вы́ше ѹ҆́бѡ вся́кія чꙋ́вственныя тва́ри бы́въ поста́вленъ, спаси́тельными страда́ніями небе́снагѡ досто́инства сподо́бившійся, и҆ ꙗ҆дꙋ́щій и҆ с. рз҃і пію́щій хр҃ⷭ҇та̀, непреста́ннѡ преѡбразꙋ́ется къ вѣ́чной жи́зни, и҆ дꙋ́шꙋ и҆ тѣ́ло ѡ҆свяща́я причаще́ніемъ бж҃е́ственныя благода́ти. Посемꙋ̀, а҆́ще кто̀ хо́щетъ, во вре́мя літꙋргі́и, причасти́тися пречи́стагѡ тѣ́ла, и҆ є҆ди́но съ ни́мъ чрез̾ прича́стіе бы́ти: рꙋ́ки да слага́етъ во ѻ҆́бразъ креста̀, и҆ та́кѡ да пристꙋпа́етъ, и҆ да пріе́млетъ ѡ҆бще́ніе благода́ти. И҆́бо и҆з̾ зла́та, и҆лѝ и҆на́гѡ вещества̀, вмѣ́стѡ рꙋкѝ, нѣ́кія вмѣсти̑лища ѹ҆строя́ющихъ для прія́тія бж҃е́ственнагѡ да́ра, и҆ посре́дствомъ ѻ҆́ныхъ пречи́стагѡ ѡ҆бще́нія сподобля́ющихся, ̾ѿню́дь не ѡ҆добря́емъ, ꙗ҆́кѡ предпочита́ющихъ бж҃ію ѻ҆́бразꙋ вещество̀ бездꙋ́шное и҆ подчине́нное рꙋка́мъ человѣ́ческимъ. А҆́ще же кто̀ ѹ҆смо́тренъ бꙋ́детъ пресвято́е причаще́ніе преподаю́щій принося́щымъ таковы́я вмѣсти́лища: да бꙋ́детъ ̾ѿлꙋче́нъ и҆ се́й, и҆ принося́щій ѻ҆́ныя.

ПРА́ВИЛО р҃в.

Прія́вшіе ̾ѿ бг҃а вла́сть рѣши́ти и҆ вяза́ти, должны̀ разсма́тривати ка́чество грѣха̀, и҆ гото́вность согрѣши́вшагѡ ко ѡ҆браще́нію, и҆ та́кѡ ѹ҆потребля́ти прили́чное недꙋ́гꙋ врачева́ніе, дабы̀, не соблюда́я мѣ́ры въ то́мъ и҆ въ дрꙋго́мъ, не ѹ҆тра́тити спасе́нія недꙋ́гꙋющагѡ. И҆́бо не ѻ҆дина́ковъ є҆́сть недꙋ́гъ грѣха̀, но разли́ченъ и҆ многоѻбра́зенъ, и҆ произво́дитъ мнѡ́гія ѻ҆́трасли вреда̀, и҆з̾ кото́рыхъ ѕло̀ ѻ҆би́льнѡ разлива́ется, и҆ да́лѣе распространя́ется, доко́лѣ не бꙋ́детъ ѡ҆стано́влено си́лою врачꙋ́ющагѡ. Почемꙋ̀ дꙋхо́вное враче́вное и҆скꙋ́сство ꙗ҆вля́ющемꙋ подоба́етъ во пе́рвыхъ разсма́тривати расположе́ніе согрѣши́вшагѡ, и҆ наблюда́ти, къ здра́вію ли ѻ҆́нъ направля́ется, и҆лѝ напро́тивъ, со́бственными нра́вами, привлека́етъ къ себѣ̀ болѣ́знь, и҆ ка́кѡ междꙋ̀ тѣ́мъ ѹ҆чрежда́етъ своѐ с. ри҃і поведе́ніе: и҆ а҆́ще врачꙋ̀ не сопротивля́ется, и҆ дꙋше́внꙋю ра́нꙋ чрез̾ приложе́ніе предпи́санныхъ враче́вствъ заживля́етъ: въ таково́мъ слꙋ́чаѣ по досто́инствꙋ возмѣ́ривати є҆мꙋ̀ милосе́рдіе. И҆́бо ѹ҆ бг҃а и҆ ѹ҆ прія́вшагѡ па́стырское води́тельство, всѐ попече́ніе ѡ҆ то́мъ, дабы̀ ѻ҆́вцꙋ заблꙋ́ждшꙋю возврати́ти, и҆ ѹ҆я́звленнꙋю ѕмі́емъ ѹ҆врачева́ти. Не до́лжно нижѐ гна́ти по стремни́намъ ̾ѿча́янія, нижѐ ѡ҆пꙋска́ти бразды̀ къ разслабле́нію жи́зни и҆ къ небреже́нію: но до́лжно непремѣ́ннѡ, кото́рымъ либо ѻ҆́бразомъ, и҆лѝ посре́дствомъ сꙋро́выхъ и҆ вя́жꙋщихъ, и҆лѝ посре́дствомъ бо́лѣе мя́гкихъ и҆ ле́гкихъ враче́бныхъ сре́дствъ, противодѣ́йствовати недꙋ́гꙋ, и҆ къ заживле́нію ра́ны подвиза́тися: и҆ плоды̀ покая́нія и҆спы́тывати, и҆ мꙋ́дрѡ ѹ҆правля́ти человѣ́комъ, призыва́емымъ къ го́рнемꙋ просвѣще́нію. Подоба́етъ ѹ҆́бѡ на́мъ и҆ то̀ и҆ дрꙋго́е вѣ́дати, и҆ прили́чное ре́вности ка́ющагѡся, и҆ тре́бꙋемое ѻ҆бы́чаемъ: для непріе́млющихъ же соверше́нства покая́нія, слѣ́довати пре́данномꙋ ѻ҆́бразꙋ, ꙗ҆́коже свяще́нный васі́лій поꙋча́етъ на́съ.

с. рѳ҃і