СВЯТА́ГѠ ВСЕЛЕ́НСКАГѠ ЧЕТВЕ́РТАГѠ СОБО́РА, ХАЛКИДО́НСКАГѠ.

ПРА́ВИЛО а҃.

Ѿ святы́хъ ѻ҆тє́цъ, на ка́ждомъ собо́рѣ, доны́нѣ и҆зло́женныя пра̑вила соблюда́ти призна́ли мы̀ справедли́вымъ.

ПРА́ВИЛО в҃.

А҆́ще кото́рый є҆пі́скопъ за де́ньги рꙋкоположе́ніе ѹ҆чини́тъ, и҆ непродае́мꙋю благода́ть ѡ҆брати́тъ въ прода́жꙋ, и҆ за де́ньги поста́витъ є҆пі́скопа, и҆лѝ хѡрепі́скопа, и҆лѝ пресвѵ́тера, и҆лѝ діа́кона, и҆лѝ и҆на́го ко́его ̾ѿ чи́слящихся въ кли́рѣ, и҆лѝ произведе́тъ за де́ньги во і҆коно́ма, и҆лѝ є҆кді́ка[1] и҆лѝ парамона́ріа[2], и҆лѝ воѻбщѐ въ какꙋ́ю либо церко́внꙋю до́лжность, ра́ди гнꙋ́снагѡ прибы́тка своегѡ̀: таковы́й бы́въ ѡ҆бличе́нъ, ꙗ҆́кѡ на сіѐ покꙋси́лся, да бꙋ́детъ подве́рженъ лише́нію со́бственнагѡ сте́пени: и҆ поста́вленный и҆́мъ ̾ѿню́дь да не по́льзꙋется кꙋ́пленнымъ с. н҃д рꙋкоположе́ніемъ, и҆лѝ произво́дствомъ: но да бꙋ́детъ чꙋ́ждъ досто́инства, и҆лѝ до́лжности, котѡ́рыя полꙋчи́лъ за де́ньги. А҆́ще же ꙗ҆́вится кто̀ и҆ посре́дствꙋющимъ въ толи́кѡ гнꙋ́сномъ и҆ беззако́нномъ мздопрія́тіи: то и҆ се́й, а҆́ще є҆́сть и҆з̾ кли́ра, да бꙋ́детъ низве́рженъ со своегѡ̀ сте́пени: а҆́ще же міряни́нъ, и҆лѝ мона́шествꙋющій, да бꙋ́детъ пре́данъ а҆на́ѳемѣ.

ПРА́ВИЛО г҃.

Дошло̀ до свята́гѡ собо́ра, что̀ нѣ́которые и҆з̾ принадлежа́щихъ къ кли́рꙋ, ра́ди гнꙋ́снагѡ прибы́тка, берꙋ́тъ на ̾ѿкꙋ́пъ чꙋжі́я и҆мѣ̑нія, и҆ ѹ҆строя́ютъ мірскі́я дѣла̀, ѡ҆ бж҃іемъ слꙋже́ніи небрегꙋ́тъ, а҆ по дома́мъ мірски́хъ люде́й скита́ются, и҆ порꙋчє́нія по и҆мѣ́ніямъ пріе́млютъ, и҆з̾ сребролю́бія. Посемꙋ̀ ѡ҆предѣли́лъ святы́й и҆ вели́кій собо́ръ. что́бы впре́дь никто̀, ни є҆пі́скопъ, ни кли́рікъ, ни мона́шествꙋющій, не бра́лъ на ̾ѿкꙋ́пъ и҆мѣ́ній, и҆ въ распоряже́ніе мірски́ми дѣла́ми не встꙋпа́лъ: ра́звѣ то́кмѡ по зако́намъ при́званъ бꙋ́детъ къ неизбѣ́жномꙋ попечи́тельствꙋ над̾ малолѣ́тными, и҆лѝ є҆пі́скопъ гра́да порꙋ́читъ комꙋ̀ и҆мѣ́ть попече́ніе ѡ҆ церко́вныхъ дѣла́хъ, и҆лѝ ѡ҆ сирота́хъ, и҆ вдова́хъ безпомо́щныхъ, и҆ ѡ҆ ли́цахъ, котѡ́рымъ ѻ҆со́беннѡ нꙋ́жно ѡ҆каза́ть церко́внꙋю по́мощь, ра́ди стра́ха бж҃ія. А҆́ще же кто̀ впре́дь дерзне́тъ престꙋпи́ти сіѐ ѡ҆предѣле́ніе: таковы́й да бꙋ́детъ подве́ргнꙋтъ церко́вномꙋ наказа́нію.

ПРА́ВИЛО д҃.

И҆́стиннѡ и҆ и҆́скреннѣ проходя́щіе мона́шеское житіѐ да ѹ҆досто́иваются прили́чныя че́сти. Но поели́кꙋ нѣ́которые, для ви́да ѹ҆потребля́я ѻ҆де́ждꙋ мона́шескꙋю, разстро́иваютъ цр҃кви и҆ гражда́нскія дѣ́ла, по произво́лꙋ ходя̀ по града́мъ, и҆ да́же монастырѝ са́ми с. н҃є для себя̀ составля́ти покꙋша́ются: то разсꙋждено̀, что́бы никто̀ нигдѣ̀ не созида́лъ, и҆ не ѡ҆сно́вывалъ монастыря̀, и҆лѝ моли́твеннагѡ до́ма, без̾ соизволе́нія є҆пі́скопа гра́да. Мона́шествꙋющіе же, въ ка́ждомъ гра́дѣ и҆ странѣ̀, да бꙋ́дꙋтъ въ подчине́ніи ѹ҆ є҆пі́скопа, да соблюда́ютъ безмо́лвіе, да прилежа́тъ то́кмѡ постꙋ̀ и҆ моли́твѣ, без̾ѿлꙋ́чнѡ пребыва́я въ тѣ́хъ мѣста́хъ, въ кото́рыхъ ̾ѿрекли́сь ̾ѿ мі́ра, да не вмѣ́шиваются ни въ церкѡ́вныя, ни въ житє́йскія дѣла̀, и҆ да не пріе́млютъ въ ни́хъ ѹ҆ча́стія, ѡ҆ставля́я своѝ монастырѝ: ра́звѣ то́кмѡ когда̀ бꙋ́детъ сіѐ позво́лено є҆пі́скопомъ гра́да, по неѡбходи́мой на́добности. Да не пріе́млется та́кже въ монастыря́хъ въ мона́шество никако́й ра́бъ, без̾ во́ли господи́на є҆гѡ̀. Престꙋпа́ющемꙋ же сіѐ на́ше ѡ҆предѣле́ніе, ѡ҆предѣли́ли мы̀ бы́ти чꙋ́ждымъ ѡ҆бще́нія церко́внагѡ, да не хꙋ́лится и҆́мя бж҃іе. Впро́чемъ є҆пі́скопꙋ гра́да надлежи́тъ и҆мѣ́ти ѡ҆ монастыря́хъ до́лжное попече́ніе.

ПРА́ВИЛО є҃.

Ѡ҆ є҆пі́скопахъ, и҆лѝ кли́рікахъ, преходя́щихъ и҆з̾ гра́да во гра́дъ, разсꙋждено̀, что́бы положє́нныя святы́ми ѻ҆тца́ми пра́вила пребыва́ли во свое́й си́лѣ.

ПРА́ВИЛО ѕ҃.

Рѣши́тельнѡ никого̀, ни во пресвѵ́тера, ни во діа́кона, нижѐ въ какꙋ́ю сте́пень церко́внагѡ чи́на, не рꙋкополага́ти и҆на́че, ка́къ съ назначе́ніемъ рꙋкополага́емагѡ и҆́меннѡ къ це́ркви гра́дской, и҆лѝ се́льской, и҆лѝ къ мꙋ́ченическомꙋ хра́мꙋ, и҆лѝ къ монастырю̀. Ѡ҆ рꙋкополага́емыхъ же без̾ то́чнагѡ назначе́нія, святы́й собо́ръ ѡ҆предѣли́лъ: поставле́ніе и҆́хъ почита́ти недѣйстви́тельнымъ, и҆ нигдѣ̀ не допꙋска́ти и҆̀хъ до слꙋже́нія, къ посрамле́нію поста́вившагѡ и҆̀хъ.

с. н҃ѕ

ПРА́ВИЛО з҃.

Вчинє́ннымъ є҆ди́ножды въ кли́ръ и҆ мона́хамъ, ѡ҆предѣли́ли мы̀ не встꙋпа́ти ни въ во́инскꙋю слꙋ́жбꙋ, ни въ мірскі́й чи́нъ: и҆на́че дерзнꙋ́вшихъ на сіѐ, и҆ не возвраща́ющихся съ раска́яніемъ къ томꙋ̀, что̀ пре́жде и҆збра́ли для бг҃а, предава́ти а҆на́ѳемѣ.

ПРА́ВИЛО и҃.

Кли́ріки при богадѣ́льняхъ, монастыря́хъ и҆ хра́махъ мꙋ́ченическихъ, да пребыва́ютъ, по преда́нію святы́хъ ѻ҆тє́цъ, под̾ вла́стію є҆пі́скопѡвъ ка́ждагѡ гра́да, и҆ да не и҆сторга́ются, по де́рзости, и҆з̾ под̾ ѹ҆правле́нія своегѡ̀ є҆пі́скопа. А҆ дерза́ющіе нарꙋша́ти сіѐ постановле́ніе, каки́мъ бы то̀ ни бы́ло ѻ҆́бразомъ, и҆ неподчиня́ющіеся своемꙋ̀ є҆пі́скопꙋ, а҆́ще бꙋ́дꙋтъ кли́ріки, да подлежа́тъ наказа́ніямъ по пра́виламъ: а҆́ще же мона́шествꙋющіе, и҆лѝ міря́не, да бꙋ́дꙋтъ ̾ѿлꙋчены̀ ̾ѿ ѡ҆бще́нія церко́внагѡ.

ПРА́ВИЛО ѳ҃.

А҆́ще кото́рый кли́рікъ съ кли́рікомъ же и҆мѣ́етъ сꙋ́дное дѣ́ло: да не ѡ҆ставля́етъ своегѡ̀ є҆пі́скопа, и҆ да не перебѣга́етъ къ свѣ́тскимъ сꙋди́лищамъ. Но сперва̀ да произво́дитъ своѐ дѣ́ло ѹ҆ своегѡ̀ є҆пі́скопа, и҆лѝ, по и҆зволе́нію тогѡ́же є҆пі́скопа, и҆́збранные ѻ҆бѣ́ими сторона́ми да соста́вятъ сꙋ́дъ. А҆ кто̀ вопрекѝ семꙋ̀ постꙋ́питъ: да подлежи́тъ наказа́ніямъ по пра́виламъ. А҆́ще же кли́рікъ со свои́мъ, и҆лѝ со и҆ны́мъ є҆пі́скопомъ и҆мѣ́етъ сꙋ́дное дѣ́ло: да сꙋ́дится въ ѻ҆́бластномъ собо́рѣ. А҆́ще же на митрополі́та ѻ҆́бласти є҆пі́скопъ, и҆лѝ кли́рікъ, и҆мѣ́етъ неꙋдово́льствіе: да ѡ҆браща́ется и҆лѝ къ є҆ѯа́рхꙋ вели́кія ѻ҆́бласти, и҆лѝ къ престо́лꙋ ца́рствꙋющагѡ кѡнстантінопо́ля, и҆ пред̾ ни́мъ да сꙋ́дится.

с. н҃з

ПРА́ВИЛО і҃.

Не дозволя́ется кли́рікꙋ въ ѻ҆дно̀ и҆ то́жде вре́мя чи́слитися въ це́рквахъ двꙋ́хъ градѡ́въ, си́рѣчь въ то́й, къ кото́рой ѻ҆́нъ нача́льнѡ рꙋкоположе́нъ, и҆ въ то́й, къ кото́рой переше́лъ, ꙗ҆́кѡ бо́льшей, и҆з̾ жела́нія сꙋ́етной сла́вы. Творя́щихъ же сіѐ возвраща́ти къ со́бственной и҆́хъ це́ркви, къ кото́рой нача́льнѡ рꙋкополо́жены, и҆ та́мъ то́кмѡ и҆̀мъ слꙋжи́ти. А҆́ще же кто̀ ̾ѿ ѻ҆дно́й це́ркви въ дрꙋгꙋ́ю преведе́нъ: таковы́й да не и҆мѣ́етъ никако́гѡ ѹ҆ча́стія въ принадлежа́щемъ пре́жней це́ркви, ка́къ-то, въ зави́сящихъ ̾ѿ нея̀ мꙋ́ченическихъ хра́махъ, и҆лѝ въ богадѣ́льняхъ, и҆лѝ въ страннопріи́мныхъ дома́хъ. А҆ дерза́ющихъ, по́слѣ ѡ҆предѣле́нія сегѡ̀ вели́кагѡ и҆ вселе́нскагѡ собо́ра, дѣ́лати что́ либо ны́нѣ воспреща́емое, святы́й собо́ръ ѡ҆предѣли́лъ низлага́ти съ и҆́хъ сте́пени.

ПРА́ВИЛО а҃і.

Всѣ́мъ ѹ҆бѡ́гимъ, и҆ вспоможе́нія тре́бꙋющымъ, ѡ҆предѣли́ли мы̀, по ѹ҆достовѣре́ніи въ и҆́хъ бѣ́дности, ходи́ти съ ми́рными то́кмѡ церко́вными пи́смами, а҆ не съ представи́тельными гра́матами. Поне́же представи́тєльныя гра̑маты надлежи́тъ дава́ти то́кмѡ ли́цамъ, находя́щымся под̾ сомнѣ́ніемъ.

ПРА́ВИЛО в҃і.

Дошло̀ до на́съ, ꙗ҆́кѡ нѣ́кіе, вопрекѝ церко́внымъ постановле́ніямъ, прибѣ́гнꙋвъ ко властя́мъ, посре́дствомъ прагматі́ческихъ гра́матъ, є҆ди́нꙋю ѻ҆́бласть на двѣ̀ разсѣ́кли, ꙗ҆́кѡ бы́ти ̾ѿ сегѡ̀ во є҆ди́ной ѻ҆́бласти двꙋ́мъ митрополі́тамъ. Посемꙋ̀ ѡ҆предѣли́лъ святы́й собо́ръ, да ничто̀ таково́е твори́ти впре́дь не дерза́етъ є҆пі́скопъ. И҆́бо покꙋси́вшійся на то̀ низве́рженъ бꙋ́детъ со своегѡ̀ сте́пени. Гра́дъ же, кото́рый по ца́рскимъ с. н҃и гра́матамъ почте́нъ и҆менова́ніемъ митропо́ліи, є҆ди́ною че́стію да дово́льствꙋется, та́къ ка́къ и҆ є҆пі́скопъ ѹ҆правля́ющій є҆гѡ̀ це́рковію, съ сохране́ніемъ со́бственныхъ пра́въ и҆́стинной митропо́ліи.

ПРА́ВИЛО г҃і.

Кли́рікамъ чꙋжы́мъ и҆ незна́ємымъ въ дрꙋго́мъ гра́дѣ, без̾ представи́тельной гра́маты со́бственнагѡ и҆́хъ є҆п҃ⷭ҇кпа, ̾ѿню́дь нигдѣ̀ не слꙋжи́ти.

ПРА́ВИЛО д҃і.

Поне́же въ нѣ́которыхъ є҆па́рхіяхъ позво́лено чтеца́мъ и҆ пѣвца́мъ встꙋпа́ти въ бра́къ: то ѡ҆предѣли́лъ святы́й собо́ръ, что́бы никомꙋ̀ и҆з̾ ни́хъ не бы́ло позво́лено бра́ти себѣ̀ въ женꙋ̀ и҆новѣ́рнꙋю: что́бы роди́вшіе ѹ҆жѐ дѣте́й ̾ѿ такова́гѡ бра́ка, и҆ пре́жде сегѡ̀ ѹ҆жѐ крести́вшіе и҆̀хъ ѹ҆ є҆ретікѡ́въ, приводи́ли и҆̀хъ къ ѡ҆бще́нію съ каѳолі́ческою це́рковію: а҆ не крести́вшіе не моглѝ крести́ти и҆̀хъ ѹ҆ є҆ретікѡ́въ, ни совокꙋпля́ти бра́комъ съ є҆ретіко́мъ, и҆лѝ і҆ꙋде́емъ, и҆лѝ ꙗ҆зы́чникомъ: ра́звѣ въ тако́мъ то́кмѡ слꙋ́чаѣ, когда̀ лицѐ, сочетава́ющееся съ правосла́внымъ лице́мъ, ѡ҆бѣща́етъ прейтѝ въ правосла́внꙋю вѣ́рꙋ. А҆ кто̀ престꙋ́питъ сіѐ ѡ҆предѣле́ніе ст҃а́гѡ собо́ра: то́тъ да подлежи́тъ є҆пітіміѝ по пра́виламъ.

ПРА́ВИЛО є҃і.

Въ діаконі́ссы поставля́ти женꙋ̀, не пре́жде четы́редесяти лѣ́тъ во́зраста, и҆ прито́мъ по тща́тельномъ и҆спыта́ніи. А҆́ще же прія́вши рꙋкоположе́ніе, и҆ пребы́вши нѣ́которое вре́мя въ слꙋже́ніи, встꙋ́питъ въ бра́къ: такова́я, ка́къ ѡ҆скорби́вшая благода́ть бж҃ію, да бꙋ́детъ предана̀ а҆на́ѳемѣ, вмѣ́стѣ съ тѣ́мъ, кто̀ совокꙋпи́лся съ не́ю.

ПРА́ВИЛО ѕ҃і.

Дѣ́вѣ, посвяти́вшей себя̀ гд҃ⷭ҇ꙋ бг҃ꙋ, ра́внѡ и҆ мона́шес. н҃ѳствꙋющымъ, не позволя́ется встꙋпа́ти въ бра́къ. А҆́ще же ѡ҆брѣтꙋ́тся творя́щіи сіѐ: да бꙋ́дꙋтъ лишены̀ ѡ҆бще́нія церко́внагѡ. Впро́чемъ ѡ҆предѣли́ли мы̀ мѣ́стномꙋ є҆пі́скопꙋ и҆мѣ́ти по́лнꙋю вла́сть въ ѡ҆каза́ніи таковы̑мъ человѣколю́бія.

ПРА́ВИЛО з҃і.

По ка́ждой є҆па́рхіи, въ се́лахъ, и҆лѝ предгра́діяхъ сꙋ́щіе прихо́ды, должны̀ неизмѣ́ннѡ пребыва́ти под̾ вла́стію завѣ́дывающихъ ѻ҆́ными є҆пі́скопѡвъ: и҆ наипа́че, а҆́ще, въ продолже́ній три́десяти лѣ́тъ, безспо́рнѡ и҆мѣ́ли ѻ҆́ные въ свое́мъ вѣ́дѣніи и҆ ѹ҆правле́ніи. А҆́ще же не да́лѣе три́десяти лѣ́тъ бы́лъ, и҆лѝ бꙋ́детъ ѡ҆ ни́хъ како́й спо́ръ: то да бꙋ́детъ позво́лено почита́ющымъ себя̀ ѡ҆би́женными, нача́ти ѡ҆ то́мъ дѣ́ло пред̾ ѻ҆бластны́мъ собо́ромъ. А҆́ще же кто̀ бꙋ́детъ ѡ҆би́женъ ̾ѿ своегѡ̀ митрополі́та: да сꙋ́дится пред̾ є҆ѯа́рхомъ вели́кія ѻ҆́бласти, и҆лѝ пред̾ кѡнстантінопо́льскимъ престо́ломъ, ꙗ҆́коже рече́но вы́ше. Но а҆́ще ца́рскою вла́стію вно́вь ѹ҆стро́енъ, и҆лѝ впре́дь ѹ҆стро́енъ бꙋ́детъ гра́дъ: то распредѣле́ніе церко́вныхъ прихо́дѡвъ да послѣ́дꙋетъ гражда́нскомꙋ и҆ зе́мскомꙋ поря́дкꙋ.

ПРА́ВИЛО и҃і.

Соꙋмы́шленіе, и҆лѝ составле́ніе ско́пища, а҆́ки престꙋпле́ніе, соверше́ннѡ воспрещено̀ и҆ внѣ́шними зако́нами: кольмѝ па́че до́лжно возбраня́ти въ цр҃кви бж҃іей, дабы̀ сегѡ̀ не бы́ло. А҆́ще ѹ҆́бѡ нѣ́кіе и҆з̾ кли́ра, и҆лѝ мона́шествꙋющіе ѡ҆ка́жꙋтся ѡ҆бязꙋ́ющими дрꙋ́гъ дрꙋ́га кля́твою, и҆лѝ стро́ющими ко́вы є҆пі́скопамъ, ли́бо свои́мъ соприче́тникамъ: совсѣ́мъ да бꙋ́дꙋтъ низве́ржены со своегѡ̀ сте́пени.

ПРА́ВИЛО ѳ҃і.

Дошло̀ до слꙋ́ха на́шегѡ, что̀ въ ѻ҆бластя́хъ не быва́етъ, ѹ҆становле́нныхъ пра́с. ѯ҃вилами, собо́рѡвъ є҆пі́скопѡвъ, и҆ ̾ѿ сегѡ̀ мно́гія церко́вныя дѣла̀, тре́бꙋющыя и҆справле́нія, ѡ҆стаю́тся въ небреже́ніи. Посемꙋ̀ ѡ҆предѣли́лъ святы́й собо́ръ, согла́снѡ съ пра́вилами святы́хъ ѻ҆тє́цъ, что́бы въ ка́ждой ѻ҆́бласти є҆пі́скопы два́жды въ годꙋ̀ собира́лися во є҆ди́но, гдѣ̀ назна́читъ є҆пі́скопъ митропо́ліи, и҆ и҆справля́ли всѐ, что̀ ̾ѿкро́ется. А҆ є҆пі́скопамъ, кото́рые не пріи́дꙋтъ на собо́ръ, хотя̀ нахо́дятся въ свои́хъ гра́дахъ, и҆ прито́мъ пребыва́ютъ въ здра́віи, и҆ свобо́дны ̾ѿ вся́кагѡ неѡбходи́магѡ и҆ не̾ѿло́жнагѡ заня́тія, братолю́бнѡ сказа́ти сло́во преще́нія.

ПРА́ВИЛО к҃.

Кли́рікамъ, ѡ҆предѣле́ннымъ къ це́ркви, не позволи́тельно, ка́къ ѹ҆жѐ мы̀ постанови́ли, ѡ҆предѣля́тися къ це́ркви и҆на́гѡ гра́да: но должны̀ бы́ти дово́льными то́ю, въ кото́рой нача́льнѡ ѹ҆досто́ены слꙋже́нія, за и҆сключе́ніемъ тѣ́хъ то́кмѡ, ко́и, лиша́сь ѻ҆те́чества своегѡ̀, по нꙋ́ждѣ прешлѝ въ дрꙋгꙋ́ю це́рковь. А҆́ще же кото́рый є҆пі́скопъ, по́слѣ ѡ҆предѣле́нія сегѡ̀, пріи́метъ кли́ріка принадлежа́щаго дрꙋго́мꙋ є҆пі́скопꙋ: то сꙋждено̀ на́ми бы́ти внѣ̀ ѡ҆бще́нія церко́внагѡ и҆ прія́томꙋ, и҆ прія́вшемꙋ, доко́лѣ переше́дшій кли́рікъ не возврати́тся во свою̀ це́рковь.

ПРА́ВИЛО к҃а.

Ѿ кли́рікѡвъ, и҆лѝ міря́нъ, донося́щихъ на є҆пі́скопѡвъ, и҆лѝ на кли́рікѡвъ, не принима́ти доно́са про́стѡ и҆ без̾ и҆зслѣ́дованія: но предвари́тельнѡ и҆звѣ́дывати ѻ҆бще́ственное ѡ҆ ни́хъ мнѣ́ніе.

ПРА́ВИЛО к҃в.

Не позволя́ется кли́рікамъ, по сме́рти своегѡ̀ є҆пі́скопа расхища́ти вє́щи є҆мꙋ̀ принадлежа́вшыя, ка́къ сіѐ воспрещено̀ и҆ дре́вними пра́вилами[3]. Творя́щіи же с. ѯ҃а сіѐ подверга́ются ѻ҆па́сности низложе́нными бы́ти со своегѡ̀ сте́пени.

ПРА́ВИЛО к҃г.

Дошло̀ до слꙋ́ха свята́гѡ собо́ра, что̀ нѣ́которые и҆з̾ кли́ра и҆ мона́шествꙋющіе, не и҆мѣ́я никаки́хъ порꙋче́ній ̾ѿ своегѡ̀ є҆пі́скопа, а҆ и҆ны́е, да́же бы́въ ̾ѿлꙋчены̀ и҆́мъ ̾ѿ ѡ҆бще́нія церко́внагѡ, прихо́дятъ въ ца́рствꙋющій гра́дъ кѡнстантінопо́ль, и҆ въ ѻ҆́номъ до́лгѡ жи́тельствꙋютъ, творя̀ смятє́нія, и҆ нарꙋша́я церко́вное ѹ҆стро́йство, и҆ да́же до́мы нѣ́которыхъ разстро́иваютъ. Тогѡ̀ ра́ди ѡ҆предѣли́лъ святы́й собо́ръ: во пе́рвыхъ, посре́дствомъ є҆кді́ка святѣ́йшія кѡнстантінопо́льскія цр҃кви, напомина́ти и҆̀мъ, да ѹ҆даля́тся и҆з̾ ца́рствꙋющагѡ гра́да. А҆́ще же безсты́днѡ продолжа́ти бꙋ́дꙋтъ тѣ́ же дѣла̀: то ѹ҆даля́ти и҆̀хъ и҆з̾ ѻ҆́нагѡ и҆ нево́лею, посре́дствомъ тогѡ́ же є҆кді́ка, и҆ возвраща́ти къ свои́мъ мѣста́мъ.

ПРА́ВИЛО к҃д.

Є҆ди́ножды ѡ҆свящє́ннымъ, по и҆зволе́нію є҆пі́скопа, монастыря́мъ пребыва́ти монастыря́ми навсегда̀: принадлежа́щыя и҆̀мъ вє́щи сохраня́ти, и҆ впре́дь не бы́ти ѻ҆́нымъ мірски́ми жили́щами. Попꙋска́ющіе же семꙋ̀ бы́ти, да подлежа́тъ наказа́ніямъ по пра́виламъ.

ПРА́ВИЛО к҃є.

Поели́кꙋ нѣ́которые митрополі́ты, ꙗ҆́коже на́мъ содѣ́лалось гла́снымъ, небрегꙋ́тъ ѡ҆ ввѣ́ренныхъ и҆̀мъ па́ствахъ, и҆ ̾ѿлага́ютъ поставле́ніе є҆пі́скопѡвъ: тогѡ̀ ра́ди ѡ҆предѣли́лъ святы́й собо́ръ, что́бы поставлє́нія є҆пі́скопѡвъ соверша́емы бы́ли въ продолже́ніи тре́хъ мѣ́сяцєвъ: ра́звѣ неизбѣ́жная нꙋ́жда заста́витъ продли́ти вре́мя ̾ѿлага́тельства. Не творя́щій сегѡ̀ подлежи́тъ церко́вной є҆пітіміѝ. Междꙋ̀ тѣ́мъ дохо́ды вдо́вствꙋющія це́ркви (ѯ҃в) да сохраня́ются въ цѣ́лости и҆коно́момъ є҆я̀.

ПРА́ВИЛО к҃ѕ.

Поели́кꙋ въ нѣ́которыхъ це́рквахъ, ꙗ҆́коже на́мъ содѣ́лалось гла́снымъ, є҆пі́скопы ѹ҆правля́ютъ церко́внымъ и҆мꙋ́ществомъ без̾ и҆коно́мѡвъ: тогѡ̀ ра́ди разсꙋждено̀ вся́кой це́ркви, и҆мѣ́ющей є҆пі́скопа, и҆мѣ́ти и҆з̾ со́бственнагѡ кли́ра и҆коно́ма, кото́рый бы распоряжа́лъ церко́внымъ и҆мꙋ́ществомъ, по во́лѣ своегѡ̀ є҆пі́скопа: дабы̀ домострои́тельство церко́вное не без̾ свидѣ́телей бы́ло, дабы̀ ̾ѿ сегѡ̀ не расточа́лося є҆я̀ и҆мꙋ́щество, и҆ дабы̀ не па́дало нарека́нія на свяще́нство. А҆́ще же кто̀ сегѡ̀ не ѹ҆чини́тъ: таковы́й пови́ненъ бж҃е́ственнымъ пра́виламъ.

ПРА́ВИЛО к҃з.

Похища́ющихъ же́нъ для сꙋпрꙋ́жества и҆лѝ содѣ́йствꙋющихъ, и҆лѝ соизволя́ющихъ похити́телямъ, святы́й собо́ръ ѡ҆предѣли́лъ: а҆́ще бꙋ́дꙋтъ кли́ріки, низлага́ти со сте́пени и҆́хъ: а҆́ще же міря́не, предава́ти а҆на́ѳемѣ.

ПРА́ВИЛО к҃и.

Во все́мъ послѣ́дꙋя ѡ҆предѣле́ніямъ святы́хъ ѻ҆тє́цъ, и҆ признава́я чи́танное ны́нѣ пра́вило ста̀ пяти́десяти бг҃олюбе́знѣйшихъ є҆пі́скопѡвъ, бы́вшихъ въ собо́рѣ во днѝ благочести́выя па́мяти ѳеодо́сія, въ ца́рствꙋющемъ гра́дѣ кѡнстантінопо́лѣ, но́вомъ ри́мѣ, то́жде са́мое и҆ мы̀ ѡ҆предѣля́емъ и҆ постановля́емъ ѡ҆ преимꙋ́ществахъ святѣ́йшія це́ркви тогѡ́жде кѡнстантінопо́ля, но́вагѡ ри́ма. И҆́бо престо́лꙋ ве́тхагѡ ри́ма ѻ҆тцы̀ прили́чнѡ да́ли преимꙋ́щєства: поели́кꙋ то̀ бы́лъ ца́рствꙋющій гра́дъ. Слѣ́дꙋя томꙋ́ же побꙋжде́нію и҆ сто̀ пятьдеся́тъ бг҃олюбе́знѣйшіе є҆пі́скопы, предоста́вили ра́вныя преимꙋ́щєства святѣ́йшемꙋ престо́лꙋ но́вагѡ ри́ма, пра́с. ѯ҃гведнѡ разсꙋди́въ, да гра́дъ, полꙋчи́вшій че́сть бы́ти гра́домъ царя̀ и҆ сѷгкли́та, и҆ и҆мѣ́ющій ра́вныя преимꙋ́щєства съ ве́тхимъ ца́рственнымъ ри́момъ, и҆ въ церко́вныхъ дѣла́хъ возвели́ченъ бꙋ́детъ подо́бнѡ томꙋ̀, и҆ бꙋ́детъ вторы́й по не́мъ. Посемꙋ̀ то́кмѡ митрополі́ты ѻ҆́бластей, понті́йскія, а҆сі́йскія и҆ ѳракі́йскія, и҆ та́кожде є҆пі́скопы ѹ҆ и҆ноплеме́нникѡвъ вышерече́нныхъ ѻ҆́бластей, да поставля́ются ̾ѿ вышерече́ннагѡ святѣ́йшагѡ престо́ла святѣ́йшія кѡнстантінопо́льскія цр҃кви: си́рѣчь, ка́ждый митрополі́тъ вышепомя́нꙋтыхъ ѻ҆́бластей, съ є҆пі́скопами ѻ҆́бласти, должны̀ поставля́ти є҆пархіа́льныхъ є҆пі́скопѡвъ, ка́къ предпи́сано бж҃е́ственными пра́вилами. А҆ са́мые митрополі́ты вышеꙋпомя́нꙋтыхъ ѻ҆́бластей должны̀ поставля́емы бы́ти, ка́къ рече́но, кѡнстантінопо́льскимъ а҆рхіепі́скопомъ, по ѹ҆чине́ніи согла́снагѡ, по ѻ҆бы́чаю, и҆збра́нія, и҆ по представле́ніи є҆мꙋ̀ ѻ҆́нагѡ.

ПРА́ВИЛО к҃ѳ.

Є҆пі́скопа низводи́ти на пресвѵ́терскій сте́пень є҆́сть святота́тство. А҆́ще же нѣ́кая пра́ведная вина̀ ̾ѿстраня́етъ є҆го̀ ̾ѿ є҆пі́скопскагѡ дѣ́йства: то не до́лженъ ѻ҆́нъ занима́ти и҆ пресвѵ́терскагѡ мѣ́ста. Но а҆́ще без̾ вся́кія вины̀ ̾ѿстране́нъ ̾ѿ своегѡ̀ досто́инства: то да бꙋ́детъ возстановле́нъ въ досто́инство є҆пі́скопства.

ПРА́ВИЛО л҃.

Поели́кꙋ благоговѣ́йнѣйшіе є҆пі́скопы є҆гѵ́петскіе ̾ѿложи́ли, въ настоя́щее вре́мя, подписа́ти посла́ніе святѣ́йшагѡ а҆рхіепі́скопа льва̀, не а҆́ки бы проти́вяся каѳолі́ческой вѣ́рѣ, но представля́я сꙋществꙋ́ющій въ є҆гѵ́петской ѻ҆́бласти ѻ҆бы́чай, ничегѡ̀ такова́гѡ не дѣ́лати без̾ соизволе́нія и҆ ѡ҆предѣле́нія своегѡ̀ а҆рхіепі́скопа, и҆ про́сятъ ̾ѿсро́чити и҆̀мъ до поставле́нія с. ѯ҃д бꙋ́дꙋщагѡ є҆пі́скопа вели́кагѡ гра́да а҆леѯандрі́и: тогѡ̀ ра́ди за пра́ведное и҆ человѣколю́бное дѣ́ло призна́ли мы̀, ѡ҆ста́вити и҆̀хъ въ свое́мъ са́нѣ въ ца́рствꙋющемъ гра́дѣ, и҆ да́ти и҆̀мъ сро́чное вре́мя до поставле́нія а҆рхіепі́скопа вели́кагѡ гра́да а҆леѯандрі́и. Посемꙋ̀, пребыва́я въ свое́мъ са́нѣ, и҆лѝ да предста́вятъ порꙋчи́телей, а҆́ще возмо́жно и҆̀мъ сіѐ, и҆лѝ кля́твеннымъ ѡ҆бѣща́ніемъ да ̾ѿвратя́тъ сомнѣ́ніе.

с. ѯ҃є

Святы́е ѻ҆тцы̀ пя́тагѡ вселе́нскагѡ собо́ра, собра́вшіеся въ кѡнстантінопо́лѣ преимꙋ́щественнѡ для ѹ҆твержде́нія халкидо́нскагѡ вселе́нскагѡ четве́ртагѡ собо́ра, ѻ҆со́бенныхъ пра́вилъ, ̾ѿнося́щихся къ благочи́нію церко́вномꙋ, не соста́вили, ка́къ сіѐ ꙗ҆́вствꙋетъ и҆з̾ втора́гѡ пра́вила шеста́гѡ вселе́нскагѡ собо́ра, въ ко́емъ, при ѹ҆каза́ніи на пра̑вила про́чихъ святы́хъ собо́рѡвъ, ѡ҆ пра́вилахъ пя́тагѡ вселе́нскагѡ собо́ра не ѹ҆помина́ется.

с. ѯ҃з