ПРА̑ВИЛА СВЯТА́ГѠ ВСЕЛЕ́НСКАГѠ ВТОРА́ГѠ СОБО́РА, КѠНСТАНТІНОПО́ЛЬСКАГѠ.

ПРА́ВИЛО а҃.

Святы́е ѻ҆тцы̀, собра́вшіеся въ кѡнстантінопо́лѣ, ѡ҆предѣли́ли: да не ̾ѿмѣня́ется сѷмво́лъ вѣ́ры тре́хъ сѡ́тъ ѻ҆смина́десяти ѻ҆тцє́въ, бы́вшихъ на собо́рѣ въ ніке́и, что̀ въ віѳѵ́ніи, но да пребыва́етъ ѻ҆́ный непрело́женъ: и҆ да предае́тся а҆на́ѳемѣ вся́кая є҆́ресь, и҆ и҆́меннѡ: є҆́ресь є҆ѵноміа́нъ, а҆номе́євъ, а҆ріа́нъ и҆лѝ є҆ѵдоѯіа́нъ, полꙋаріа́нъ и҆лѝ дꙋхобо́рцєвъ, савелліа́нъ, маркелліа́нъ, фѡтініа́нъ, и҆ а҆полінаріа́нъ.

ПРА́ВИЛО в҃.

Ѻ҆бластны́е є҆пі́скопы да не простира́ютъ своея̀ вла́сти на цє́ркви, за предѣ́лами своея̀ ѻ҆́бласти, и҆ да не смѣ́шиваютъ церкве́й: но, по пра́виламъ, а҆леѯандрі́йскій є҆пі́скопъ да ѹ҆правля́етъ церква́ми то́кмѡ є҆гѵ́петскими: є҆пі́скопы восто́чные да нача́льствꙋютъ то́кмѡ на восто́кѣ, съ сохране́ніемъ преимꙋ́ществъ а҆нтіохі́йской це́ркви, пра́вилами ніке́йскими при́знанныхъ: та́кже є҆пі́скопы ѻ҆́бласти а҆сі́йскія да нача́льствꙋютъ с. м҃а то́кмѡ въ а҆сі́и: є҆пі́скопы понті́йскіе да и҆мѣ́ютъ въ свое́мъ вѣ́дѣніи дѣла̀ то́кмѡ понті́йскія ѻ҆́бласти, ѳракі́йскіе то́кмѡ ѳра́кіи. Не бы́въ приглашены̀, є҆пі́скопы да не прехо́дятъ за предѣ́лы своея̀ ѻ҆́бласти для рꙋкоположе́нія, и҆лѝ како́гѡ либо дрꙋга́гѡ церко́внагѡ распоряже́нія. При сохране́ніи же вышепи́саннагѡ пра́вила ѡ҆ церко́вныхъ ѻ҆бластя́хъ, ꙗ҆́вно є҆́сть, ꙗ҆́кѡ дѣла̀ ка́ждыя ѻ҆́бласти благоꙋчрежда́ти бꙋ́детъ собо́ръ тоя́ же ѻ҆́бласти, ка́къ ѡ҆предѣлено̀ въ ніке́и. Цє́ркви же бж҃іи, ѹ҆ и҆ноплеме́нныхъ наро́дѡвъ, долженствꙋ́ютъ бы́ти пра́вимы, по соблюда́вшемꙋся доны́нѣ ѻ҆быкнове́нію ѻ҆тцє́въ.

ПРА́ВИЛО г҃.

Кѡнстантінопо́льскій є҆пі́скопъ да и҆мѣ́етъ преимꙋ́щество че́сти по ри́мскомъ є҆пі́скопѣ, потомꙋ̀ что̀ гра́дъ ѻ҆́ный є҆́сть но́вый ри́мъ.

ПРА́ВИЛО д҃.

Ѡ҆ маѯі́мѣ кѵ́нікѣ, и҆ ѡ҆ произведе́нномъ и҆́мъ безчи́ніи въ кѡнстантінопо́лѣ: нижѐ маѯі́мъ бы́лъ, и҆лѝ є҆́сть є҆пі́скопъ, нижѐ поста́вленные и҆́мъ на какꙋ́ю бы то̀ ни бы́ло сте́пень кли́ра: и҆ содѣ́ланное для негѡ̀, и҆ содѣ́ланное и҆́мъ, всѐ ничто́жно.

ПРА́ВИЛО є҃.

Ѿноси́тельнѡ сви́тка[1] за́падныхъ: пріе́млемъ и҆ сꙋ́щихъ въ а҆нтіохі́и, и҆сповѣ́дающихъ є҆ди́но бж҃ество̀ ѻ҆ц҃а̀, и҆ сн҃а, и҆ ст҃а́гѡ дх҃а.

ПРА́ВИЛО ѕ҃.

Поели́кꙋ мно́гіе, жела́я привестѝ въ замѣша́тельство, и҆ низпрове́ргнꙋти церко́вное благочи́ніе, вражс. м҃вде́бнѡ и҆ клеветни́чески вымышля́ютъ на пра́вящихъ це́рквами правосла́вныхъ є҆пі́скопѡвъ нѣ́кія вины̑, не съ и҆ны́мъ каки́мъ намѣ́реніемъ, ка́къ то́кмѡ, дабы̀ помрачи́ти до́брꙋю сла́вꙋ свяще́нникѡвъ, и҆ произвестѝ смятє́нія въ ми́рномъ наро́дѣ: тогѡ̀ ра́ди святы́й собо́ръ сте́кшихся въ кѡнстантінопо́лѣ є҆пі́скопѡвъ заблагоразсꙋди́лъ: не без̾ и҆зслѣ́дованія допꙋска́ти ѡ҆бвини́телей, нижѐ позволя́ти вся́комꙋ приноси́ти ѡ҆бвинє́нія на прави́телей це́ркви, но и҆ не всѣ̑мъ возбраня́ти. Но а҆́ще кто̀ принесе́тъ на є҆пі́скопа нѣ́кꙋю со́бственнꙋю, то́ є҆сть, ча́стнꙋю жа́лобꙋ, ка́къ-то, въ притяза́ніи и҆́мъ и҆мѣ́нія, и҆лѝ въ и҆но́й како́й либо потерпѣ́нной ̾ѿ негѡ̀ непра́вдѣ: при таковы́хъ ѡ҆бвине́ніяхъ не пріима́ти въ разсꙋжде́ніе, ни лица̀ ѡ҆бвини́теля, ни вѣ́ры є҆гѡ̀. Подоба́етъ бо вся́чески, и҆ со́вѣсти є҆пі́скопа бы́ти свобо́дною, и҆ ѡ҆б̾явля́ющемꙋ себя̀ ѡ҆би́женнымъ ѡ҆брѣстѝ правосꙋ́діе, какі́я бы вѣ́ры ѻ҆́нъ ни бы́лъ. А҆́ще же возводи́мая на є҆пі́скопа вина̀ бꙋ́детъ церко́вная: тогда̀ подоба́етъ разсмотря́ти лицѐ ѡ҆бвини́теля. И҆ во пе́рвыхъ не позволя́ти є҆ретіка́мъ приноси́ти ѡ҆бвинє́нія на правосла́вныхъ є҆пі́скопѡвъ по дѣла́мъ церко́внымъ. Є҆ретіка́ми же и҆менꙋ́емъ ка́къ тѣ́хъ, кото́рые и҆зда́вна чꙋ́ждыми це́ркви ѡ҆б̾я́влены, та́къ и҆ тѣ́хъ, кото́рые по́слѣ тогѡ̀ на́ми а҆на́ѳемѣ пре́даны: кромѣ́ же сегѡ̀ и҆ тѣ́хъ, кото́рые хотя̀ притворя́ются, бꙋ́дто вѣ́рꙋ на́шꙋ и҆сповѣ́дꙋютъ здра́вѡ, но кото́рые ̾ѿдѣли́лись, и҆ собира́ютъ собра̑нія проти́въ на́шихъ пра́вильнѡ поста́вленныхъ є҆пі́скопѡвъ. Є҆ще́ же, а҆́ще кото́рые и҆з̾ принадлежа́щихъ къ це́ркви, за нѣ́кія вины̑, пре́жде бы́ли ѡ҆сꙋждены̀ и҆ и҆зве́ржены, и҆лѝ ̾ѿлꙋчены̀ и҆з̾ кли́ра, и҆лѝ и҆з̾ разря́да міря́нъ: и҆ си̑мъ да не бꙋ́детъ позво́лено ѡ҆бвис. м҃гня́ти є҆пі́скопа, доко́лѣ не ѡ҆чи́стятъ себя̀ ̾ѿ ѡ҆бвине́нія, кото́ромꙋ са́ми подпа́ли. Та́кожде и҆ ̾ѿ тѣ́хъ, ко́и са́ми предвари́тельнѡ подве́рглися доно́сꙋ, доно́сы на є҆пі́скопа, и҆лѝ на дрꙋги́хъ и҆з̾ кли́ра мо́гꙋтъ пріе́млемы бы́ти не пре́жде, ра́звѣ когда̀ несомнѣ́ннѡ ꙗ҆вя́тъ свою̀ неви́нность проти́вꙋ возведе́нныхъ на ни́хъ ѡ҆бвине́ній. А҆́ще же нѣ́которые, не бꙋ́дꙋчи ни є҆ретікѝ, ни ̾ѿлꙋче́нные ̾ѿ ѻ҆бще́нія церко́внагѡ, ни ѡ҆сꙋжде́нные, и҆лѝ предвари́тельнѡ ѡ҆бвине́нные въ каки́хъ либо престꙋпле́ніяхъ, ска́жꙋтъ, ꙗ҆́кѡ и҆мѣ́ютъ нѣ́что донестѝ на є҆пі́скопа по дѣла́мъ церко́внымъ: таковы̑мъ святы́й собо́ръ повелѣва́етъ, во пе́рвыхъ предста́вити своѝ ѡ҆бвинє́нія всѣ́мъ є҆пі́скопамъ ѻ҆́бласти, и҆ пред̾ ни́ми подтвержда́ти дово́дами своѝ доно́сы на є҆пі́скопа подве́ргшагося ̾ѿвѣ́тꙋ. А҆́ще же є҆пі́скопы соедине́нныхъ є҆па́рхій, па́че ча́янія, не въ си́лахъ бꙋ́дꙋтъ возстанови́ти поря́докъ, по возводи́мымъ на є҆пі́скопа ѡ҆бвине́ніямъ: тогда̀ ѡ҆бвини́тели да пристꙋ́пятъ къ бо́льшемꙋ собо́рꙋ є҆пі́скопѡвъ вели́кія ѻ҆́бласти, по се́й причи́нѣ созыва́емыхъ: но не пре́жде мо́гꙋтъ ѻ҆нѝ настоя́ти на своѐ ѡ҆бвине́ніе, ка́къ пи́сьменнѡ поста́вивъ себя̀ под̾ стра́хомъ ѻ҆дина́кагѡ наказа́нія съ ѡ҆бвиня́емымъ, а҆́ще вы̀, по произво́дствꙋ дѣ́ла, ѡ҆каза́лися клеве́щꙋщими на ѡ҆бвиня́емаго є҆пі́скопа. Но а҆́ще кто̀, презрѣ́въ, по предвари́тельномꙋ дозна́нію, постановле́нное рѣше́ніе, де́рзнетъ, и҆лѝ слꙋ́хъ ца́рскій ѹ҆трꙋжда́ти, и҆лѝ сꙋды̀ мірски́хъ нача́льникѡвъ, и҆лѝ вселе́нскій собо́ръ безпоко́ити, къ ѡ҆скорбле́нію че́сти всѣ́хъ є҆пі́скопѡвъ ѻ҆́бласти: таковы́й ̾ѿню́дь да не бꙋ́детъ пріе́млемь съ свое́ю жа́лобою, ꙗ҆́кѡ нане́сшій ѡ҆скорбле́ніе пра́виламъ, и҆ нарꙋ́шившій церко́вное благочи́ніе.

с. м҃д

ПРА́ВИЛО з҃.

Присоединя́ющихся къ правосла́вію, и҆ къ ча́сти спаса́емыхъ и҆з̾ є҆ретікѡ́въ пріе́млемъ, по слѣ́дꙋющемꙋ чиноположе́нію и҆ ѻ҆бы́чаю. А҆ріа́нъ, македоніа́нъ, савватіа́нъ и҆ наватіа́нъ, и҆менꙋ́ющихъ себя̀ чи́стыми и҆ лꙋ́чшими, четыренадесятидне́вникѡвъ, и҆лѝ тетраді́тѡвъ, и҆ а҆полінарі́стѡвъ, когда̀ ѻ҆нѝ даю́тъ рꙋкописа̑нія и҆ проклина́ютъ вся́кꙋю є҆́ресь, не мꙋ́дрствꙋющꙋю, ка́къ мꙋ́дрствꙋетъ свята́я бж҃ія каѳолі́ческая и҆ а҆по́стольская це́рковь, пріе́млемъ, запечатлѣва́я, то́ є҆сть, помазꙋ́я святы́мъ мѵ́ромъ во пе́рвыхъ чело̀, пото́мъ ѻ҆́чи, и҆ но́здри, и҆ ѹ҆ста̀, и҆ ѹ҆́ши, и҆ запечатлѣва́я и҆̀хъ глаго́лемъ: печа́ть да́ра дх҃а ст҃а́гѡ. Є҆ѵноміа́нъ же, є҆динокра́тнымъ погрꙋже́ніемъ креща́ющихся, и҆ монтані́стѡвъ, и҆менꙋ́емыхъ здѣ́сь фрѵ́гами, и҆ савелліа́нъ, держа́щихся мнѣ́нія ѡ҆ сыноѻ́тчествѣ, и҆ и҆но́е нетерпи́мое творя́щихъ, и҆ всѣ́хъ про́чихъ є҆ретікѡ́въ, [и҆́бо мно́гѡ здѣ́сь таковы́хъ, наипа́че выходя́щихъ и҆з̾ гала́тскія страны̀] всѣ́хъ, кото́рые и҆з̾ ни́хъ жела́ютъ присоединены̀ бы́ти къ правосла́вію, пріе́млемъ, ꙗ҆́коже ꙗ҆зы́чникѡвъ. Въ пе́рвый де́нь дѣ́лаемъ и҆̀хъ хрістіа́нами, во вторы́й ѡ҆глаше́нными, пото́мъ въ тре́тій заклина́емъ и҆̀хъ, съ троекра́тнымъ дꙋнове́ніемъ въ лицѐ, и҆ во ѹ҆́ши: и҆ та́кѡ ѡ҆глаша́емъ и҆̀хъ, и҆ заставля́емъ пребыва́ти въ це́ркви, и҆ слꙋ́шати писа̑нія, и҆ тогда̀ ѹ҆жѐ креща́емъ и҆̀хъ.

с. м҃є