ПРА̑ВИЛА СВЯТА́ГѠ ВСЕЛЕ́НСКАГѠ ПЕ́РВАГѠ СОБО́РА, НІКЕ́ЙСКАГѠ.

с. л҃а

ПРА́ВИЛО а҃.

А҆́ще ѹ҆ когѡ̀ въ болѣ́зни врача́ми ̾ѿя́ты чле́ны, и҆лѝ кто̀ ва́рварами ѡ҆скопле́нъ: таковы́й да пребыва́етъ въ кли́рѣ. А҆́ще же, бꙋ́дꙋчи здра́въ, са́мъ себѐ ѡ҆скопи́лъ: такова́го, хотя́ бы и҆ къ кли́рꙋ причи́сленъ бы́лъ, надлежи́тъ и҆зключи́ти, и҆ ̾ѿны́нѣ никогѡ̀ и҆з̾ таковы́хъ не до́лжно производи́ти. Но ка́къ ꙗ҆́вно то̀, что̀ сіѐ и҆зрече́но ѡ҆ дѣ́йствꙋющихъ съ намѣ́реніемъ, и҆ дерза́ющихъ ѡ҆скопля́ти сами́хъ себѐ: та́къ напроти́въ, а҆́ще кото́рые ѡ҆скопле́ны ̾ѿ ва́рварѡвъ, и҆лѝ ̾ѿ госпо́дъ, впро́чемъ же ѡ҆бря́щꙋтся досто́йны, таковы́хъ въ кли́ръ допꙋска́етъ пра́вило[1].

ПРА́ВИЛО в҃.

Поели́кꙋ, по нꙋ́ждѣ, и҆лѝ по дрꙋги́мъ побꙋжде́ніямъ человѣ́кѡвъ, мно́гое произошло̀ не по пра́вилꙋ церко́вномꙋ [2], та́къ что̀ люде́й, ̾ѿ ꙗ҆зы́ческагѡ житія̀ неда́внѡ пристꙋпи́вшихъ къ вѣ́рѣ, и҆ кра́ткое вре́мя ѡ҆глаше́нными бы́вшихъ, вско́рѣ къ дꙋхо́вной кꙋпе́ли приво́дятъ, и҆ то́тчасъ по крес. л҃вще́ніи возво́дятъ въ є҆пі́скопство, и҆лѝ пресвѵ́терство: посемꙋ̀ за бла́го при́знано, дабы̀ впре́дь ничегѡ̀ такова́гѡ не бы́ло. Поели́кꙋ и҆ ѡ҆глаше́нномꙋ потре́бно вре́мя, и҆ по креще́ніи дальнѣ́йшее и҆спыта́ніе. И҆́бо ꙗ҆́сно писа́ніе а҆по́стольское глаго́лющее: не новокреще́нꙋ, да не разгордѣ́вся въ сꙋ́дъ впаде́тъ, и҆ въ сѣ́ть діа́волю[3]. А҆́ще же, въ продолже́ніи вре́мени, дꙋше́вный нѣ́который грѣ́хъ ѡ҆брѣ́тенъ бꙋ́детъ въ нѣ́коемъ лицѣ̀, и҆ бꙋ́детъ ѡ҆бличе́нъ двꙋмя̀, и҆лѝ тремя̀ свидѣ́телями: таковы́й да бꙋ́детъ и҆зключе́нъ и҆з̾ кли́ра. А҆ постꙋпа́ющій вопрекѝ семꙋ̀, ꙗ҆́кѡ дерза́ющій сопротивля́тися вели́комꙋ собо́рꙋ, подверга́етъ себѐ ѻ҆па́сности и҆зключе́нія и҆з̾ кли́ра.

ПРА́ВИЛО г҃.

Вели́кій собо́ръ без̾ и҆з̾я́тія положи́лъ, что́бы ни є҆пі́скопꙋ, ни пресвѵ́терꙋ, ни діа́конꙋ, и҆ воѻбщѐ никомꙋ̀ и҆з̾ находя́щихся въ кли́рѣ, не бы́ло позво́лено и҆мѣ́ть сожи́тельствꙋющꙋю въ до́мѣ женꙋ̀, ра́звѣ ма́терь, и҆лѝ сестрꙋ̀, и҆лѝ те́ткꙋ, и҆лѝ тѣ̀ то́кмѡ ли́ца, котѡ́рыя чꙋ́жды вся́кагѡ подозрѣ́нія.

{комм.}Ка́къ цѣ́ль сегѡ̀ пра́вила є҆́сть пред̾ѡхрани́ть свяще́нныя ли́ца ̾ѿ подозрѣ́нія: то положе́нное въ ѻ҆́номъ запреще́ніе ̾ѿноси́ть до́лжно къ тѣ́мъ пресвѵ́терамъ, діа́конамъ и҆ ѵ҆подіа́конамъ, кото́рые не и҆мѣ́ютъ же́нъ: и҆́бо присꙋ́тствіе жены̀ при мꙋ́жѣ ̾ѿстраня́етъ подозрѣ́ніе ̾ѿ живꙋ́щагѡ при женѣ̀ дрꙋга́гѡ же́нскагѡ лица̀.

ПРА́ВИЛО д҃.

Є҆пі́скопа поставля́ти наибо́лѣе прили́чно всѣ́мъ тоя̀ ѻ҆́бласти є҆пі́скопамъ. А҆́ще же сіѐ неꙋдо́бно, и҆лѝ по належа́щей нꙋ́ждѣ, и҆лѝ по да́льности пꙋтѝ: по кра́йней мѣ́рѣ трѝ во є҆ди́но мѣ́сто да соберꙋ́тся, а҆ ̾ѿсꙋ́тствꙋющіе да и҆з̾явя́тъ согла́сіе посре́дствомъ гра́матъ: и҆ тогда̀ соверша́ти рꙋкоположе́ніе. Ѹ҆твержда́с. л҃гти же таковы̑я дѣ́йствія въ ка́ждой ѻ҆́бласти подоба́етъ є҆я̀ митрополі́тꙋ.

ПРА́ВИЛО є҃.

Ѡ҆ тѣ́хъ, кото́рыхъ є҆пі́скопы, по ка́ждой є҆па́рхіи, ѹ҆дали́ли ̾ѿ ѡ҆бще́нія церко́внагѡ, принадлежа́тъ ли ѻ҆нѝ къ кли́рꙋ, и҆лѝ къ разря́дꙋ міря́нъ, до́лжно въ сꙋжде́ніи держа́ться пра́вила[4], кото́рымъ постано́влено, что́бы ̾ѿлꙋче́нные ѻ҆дни́ми, не бы́ли пріе́млемы дрꙋги́ми. Впро́чемъ да бꙋ́детъ и҆зслѣ́дываемо, не по малодꙋ́шію ли, и҆лѝ ра́спрѣ, и҆лѝ по како́мꙋ либо подо́бномꙋ неꙋдово́льствію є҆пі́скопа, подпа́ли ѻ҆нѝ ̾ѿлꙋче́нію. И҆ та́къ, дабы̀ ѡ҆ се́мъ происходи́ти могло̀ прили́чное и҆зслѣ́дованіе, за бла́го при́знано, что́бы въ ка́ждой ѻ҆́бласти два́жды въ го́дъ бы́ли собо́ры: что́бы всѣ̀ воѻбщѐ є҆пі́скопы ѻ҆́бласти, собра́вшися во є҆ди́но, и҆зслѣ́дывали таковы̑я недоꙋмѣ́нія: и҆ таки́мъ ѻ҆́бразомъ достовѣ́рнѡ ѡ҆каза́вшіеся несправедли́выми проти́въ є҆пі́скопа, ѡ҆снова́тельнѡ всѣ́ми при́знаны бы́ли недосто́йными ѡ҆бще́нія, доко́лѣ не заблагоразсꙋ́дитъ собра́ніе є҆пі́скопѡвъ произнестѝ ѡ҆ ни́хъ бо́лѣе снисходи́тельное рѣше́ніе. Собо́ры же да быва́ютъ, є҆ди́нъ пред̾ четыредеся́тницею, да по прекраще́ніи вся́кагѡ неꙋдово́льствія, чи́стый да́ръ прино́сится бг҃ꙋ: а҆ дрꙋгі́й ѻ҆́колѡ ѻ҆се́ннягѡ вре́мени.

ПРА́ВИЛО ѕ҃.

Да храня́тся дре́вніе ѻ҆бы́чаи, приня́тые въ є҆гѵ́птѣ, и҆ въ лі́вѷи, и҆ въ пентапо́лѣ, дабы̀ а҆леѯандрі́йскій є҆пі́скопъ и҆мѣ́лъ вла́сть над̾ всѣ́ми си́ми. Поне́же и҆ ри́мскомꙋ є҆пі́скопꙋ сіѐ ѻ҆бы́чно. Подо́бнѡ и҆ въ а҆нтіохі́и, и҆ въ и҆ны́хъ ѻ҆бластя́хъ да сохраня́ются преимꙋ́щєства цр҃кве́й. Воѻбще́ же да бꙋ́детъ и҆звѣ́стно сіѐ: а҆́ще кто̀, без̾ соизволе́нія митрополі́та, поста́вленъ с. л҃д бꙋ́детъ є҆пі́скопомъ: ѡ҆ таково́мъ вели́кій собо́ръ ѡ҆предѣли́лъ, что̀ ѻ҆́нъ не до́лженъ бы́ти є҆пі́скопомъ. А҆́ще же ѻ҆́бщее всѣ́хъ и҆збра́ніе бꙋ́детъ благосло́вно, и҆ согла́сно съ пра́виломъ церко́внымъ: но два̀ и҆лѝ трѝ, по со́бственномꙋ любопрѣ́нію, бꙋ́дꙋтъ ѻ҆́номꙋ прекосло́вити: да превозмога́етъ мнѣ́ніе бо́льшагѡ числа̀ и҆збира́ющихъ.

ПРА́ВИЛО з҃.

Поне́же ѹ҆тверди́ся ѻ҆быкнове́ніе, и҆ дре́внее преда́ніе, что́бы чти́ти є҆пі́скопа, пребыва́ющаго въ є҆́ліи[5]: то да и҆мѣ́етъ ѻ҆́нъ послѣ́дованіе че́сти, съ сохране́ніемъ досто́инства, присво́еннагѡ митропо́ліи.

ПРА́ВИЛО и҃.

Ѡ҆ и҆менова́вшихъ нѣ́когда сами́хъ себѐ чи́стыми, но присоединя́ющихся къ каѳолі́ческой и҆ а҆по́стольской цр҃кви, благоꙋго́дно ст҃о́мꙋ и҆ вели́комꙋ собо́рꙋ, да, по возложе́ніи на ни́хъ рꙋ́къ, пребыва́ютъ ѻ҆нѝ въ кли́рѣ. Пре́жде же всегѡ̀ надлежи́тъ и҆̀мъ пи́сьменнѡ и҆сповѣ́дати, ꙗ҆́кѡ прилѣпя́тся и҆ послѣ́довати бꙋ́дꙋтъ ѡ҆предѣле́ніямъ каѳолі́ческія и҆ а҆по́стольскія цр҃кви, то́ є҆сть, бꙋ́дꙋтъ въ ѡ҆бще́ніи церко́вномъ и҆ съ двоеже́нцами, и҆ съ па́дшими во вре́мя гоне́нія, для кото́рыхъ и҆ вре́мя покая́нія ѹ҆ста́влено, и҆ сро́къ проще́нія назна́ченъ. На́добно, что́бы ѻ҆нѝ во все́мъ послѣ́довали ѡ҆предѣле́ніямъ каѳолі́ческія цр҃кви. И҆ та́къ гдѣ̀, и҆лѝ въ се́лахъ, и҆лѝ во града́хъ, всѣ̀, ѡ҆брѣта́ющіеся въ кли́рѣ, ѡ҆ка́жꙋтся рꙋкоположе́нными и҆з̾ ни́хъ ѻ҆дни́хъ: да бꙋ́дꙋтъ въ то́мъ же чи́нѣ. А҆́ще же та́мъ, гдѣ̀ є҆́сть є҆пі́скопъ каѳолі́ческія цр҃кви, нѣ́которые и҆з̾ ни́хъ пристꙋ́пятъ къ цр҃кви: ꙗ҆́вно є҆́сть, ꙗ҆́кѡ є҆пі́скопъ правосла́вныя цр҃кви бꙋ́детъ и҆мѣ́ти є҆пі́скопское досто́инство: а҆ и҆менꙋ́ющійся є҆пі́с. л҃єскопомъ ѹ҆ та́къ называ́емыхъ чи́стыхъ, пресвѵ́терскꙋю че́сть и҆мѣ́ти бꙋ́детъ: ра́звѣ заблагоразсꙋ́дитъ мѣ́стный є҆пі́скопъ, что́бы и҆ то́тъ ѹ҆ча́ствовалъ въ че́сти и҆́мени є҆пі́скопа. А҆́ще же то̀ є҆мꙋ̀ не ѹ҆го́дно бꙋ́детъ: то для ви́димагѡ сопричисле́нія такова́гѡ къ кли́рꙋ, и҆зѡбрѣте́тъ для негѡ̀ мѣ́сто и҆лѝ хѡрепі́скопа, и҆лѝ пресвѵ́тера: да не бꙋ́детъ двꙋ́хъ є҆пі́скопѡвъ во гра́дѣ.

{комм.}Чи́стыми называ́ли себя̀ є҆ретікѝ, послѣ́дователи нова́та, ри́мской цр҃кви пресвѵ́тера, кото́рый ѹ҆чи́лъ, па́дшихъ во вре́мя гоне́нія не принима́ть на покая́ніе, и҆ двоеже́нцєвъ никогда̀ не принима́ть въ ѡ҆бще́ніе церко́вное, и҆ въ си́хъ го́рдыхъ и҆ не человѣколюби́выхъ сꙋжде́ніяхъ полага́лъ чистотꙋ̀ своегѡ̀ ѻ҆́бщества.

ПРА́ВИЛО ѳ҃.

А҆́ще нѣ́которые без̾ и҆спыта́нія произведены̀ въ пресвѵ́теры, и҆лѝ хотя̀ при и҆спыта́ніи и҆сповѣ́дали своѝ грѣхѝ, но, по́слѣ и҆́хъ и҆сповѣ́данія, противꙋ̀ пра́вила подви́глись человѣ́ки, и҆ возложи́ли на ни́хъ рꙋ́ки: таковы́хъ пра́вило[6] не допꙋска́етъ до священнослꙋже́нія. И҆́бо каѳолі́ческая це́рковь непремѣ́ннѡ тре́бꙋетъ непоро́чности[7].

ПРА́ВИЛО і҃.

А҆́ще кото́рые и҆з̾ на́шихъ произведены̀ въ кли́ръ, по невѣ́дѣнію, и҆лѝ со свѣ́дѣніемъ произве́дшихъ: сіѐ не ѡ҆слабля́етъ си́лы пра́вила церко́внагѡ. И҆́бо таковы́е, по дозна́ніи, и҆зверга́ются ̾ѿ свяще́ннагѡ чи́на.

ПРА́ВИЛО а҃і.

Ѡ҆б̾ ̾ѿстꙋпи́вшихъ ̾ѿ вѣ́ры, не по принꙋжде́нію, и҆лѝ не по причи́нѣ ̾ѿя́тія и҆мѣ́ній, и҆лѝ ѻ҆па́сности, и҆лѝ чегѡ́ либо подо́бнагѡ, ка́къ то̀ слꙋчи́лось въ мꙋчи́тельство лікі́ніево, собо́ръ ѡ҆предѣли́лъ ꙗ҆вля́ти ми́лость и҆̀мъ, а҆́ще и҆ не сꙋ́ть досто́йс. л҃ѕны человѣколю́бія. Кото́рые ѹ҆̀бо и҆́стиннѡ пока́ются: тѣ̀ трѝ лѣ́та проведꙋ́тъ междꙋ̀ слꙋ́шающими чте́ніе писа́ній, ꙗ҆́кѡ вѣ́рные: и҆ се́дмь лѣ́тъ да припа́даютъ въ це́ркви, прося̀ проще́нія: два́ же лѣ́та бꙋ́дꙋтъ ѹ҆ча́ствовать съ наро́домъ въ моли́твахъ, кромѣ̀ причаще́нія святы́хъ та̑инъ.

ПРА́ВИЛО в҃і.

Благода́тію при́званные къ и҆сповѣ́данію вѣ́ры, и҆ пе́рвый поры́въ ре́вности ꙗ҆ви́вшіе, и҆ ̾ѿложи́вшіе вои́нскіе по́ясы, но пото́мъ, а҆́ки псы̀, на свою̀ блево́тинꙋ возврати́вшіеся, та́къ что̀ нѣ́которые и҆ сребро̀ ѹ҆потребля́ли, и҆ посре́дствомъ дарѡ́въ дости́гли возстановле́нія въ вои́нскій чи́нъ: таковы́е де́сять лѣ́тъ да припа́даютъ въ цр҃кви, прося̀ проще́нія, по трилѣ́тномъ вре́мени слꙋ́шанія писа́ній въ притво́рѣ. Во всѣ́хъ же си́хъ надлежи́тъ пріима́ти въ разсꙋжде́ніе расположе́ніе, и҆ ѻ҆́бразъ покая́нія. И҆́бо кото́рые, со стра́хомъ, и҆ слеза́ми, и҆ терпѣ́ніемъ, и҆ благотворе́ніями, ѡ҆браще́ніе ꙗ҆вля́ютъ дѣ́ломъ, а҆ не по нарꙋ́жности: тѣ́хъ, по и҆сполне́ніи ѡ҆предѣле́ннагѡ вре́мени слꙋ́шанія, прили́чно бꙋ́детъ пріима́ти въ ѡ҆бще́ніе моли́твъ. Да́же позволи́тельно є҆пі́скопꙋ и҆ человѣколю́бнѣе нѣ́что ѡ҆ ни́хъ ѹ҆стро́ити. А҆ кото́рые равнодꙋ́шнѡ понеслѝ своѐ грѣхопаде́ніе, и҆ ви́дъ вхожде́нія въ це́рковь возмни́ли для себя̀ дово́льнымъ ко ѡ҆браще́нію: тѣ̀ всецѣ́лѡ да и҆сполня́ютъ вре́мя покая́нія.

ПРА́ВИЛО г҃і.

Ѡ҆ находя́щихся же при и҆схо́дѣ ̾ѿ житія̀, да соблюда́ется и҆ ны́нѣ дре́вній зако́нъ и҆ пра́вило, что́бы ̾ѿходя́щій не лиша́емь бы́лъ послѣ́днягѡ и҆ нꙋжнѣ́йшагѡ напꙋ́тствія. А҆́ще же, бы́въ ̾ѿча́янъ въ жи́зни и҆ сподо́бленъ причаще́нія, па́ки къ жи́зни возврати́тся: да бꙋ́детъ междꙋ̀ ѹ҆ча́ствꙋюс. л҃зщими въ моли́твѣ то́кмѡ. Воѻбщѐ вся́комꙋ ̾ѿходя́щемꙋ, кто́ бы ни бы́лъ, прося́щемꙋ причасти́тися є҆ѵхарі́стіи, со и҆спыта́ніемъ є҆пі́скопа, да преподаю́тся святы́е да́ры.

ПРА́ВИЛО д҃і.

Ѿноси́тельнѡ ѡ҆глаше́нныхъ и҆ ̾ѿпа́дшихъ, ѹ҆го́дно свято́мꙋ и҆ вели́комꙋ собо́рꙋ, что́бы ѻ҆нѝ трѝ го́да то́кмѡ бы́ли междꙋ̀ слꙋ́шающими писа́нія, а҆ пото́мъ моли́лись съ ѡ҆глаше́нными.

ПРА́ВИЛО є҃і.

По причи́нѣ мно́гихъ смяте́ній и҆ происходя́щихъ неꙋстро́йствъ, заблагоразсꙋждено̀ соверше́ннѡ прекрати́ти ѻ҆бы́чай, вопрекѝ а҆по́стольскомꙋ пра́вилꙋ ѡ҆брѣ́тшійся въ нѣ́которыхъ мѣста́хъ: дабы̀ и҆з̾ гра́да во гра́дъ не преходи́лъ ни є҆пі́скопъ, ни пресвѵ́теръ, ни діа́конъ. А҆́ще же кто̀, по се́мъ ѡ҆предѣле́ніи свята́гѡ и҆ вели́кагѡ собо́ра, таково́е что́ либо предпріи́метъ, и҆лѝ допꙋ́ститъ сдѣ́лать съ собо́ю таково́е дѣ́ло: распоряже́ніе да бꙋ́детъ соверше́ннѡ недѣйстви́тельно, и҆ переше́дшій да бꙋ́детъ возвраще́нъ въ це́рковь, къ кото́рой рꙋкоположе́нъ во є҆пі́скопа, и҆лѝ пресвѵ́тера, и҆лѝ діа́кона.

ПРА́ВИЛО ѕ҃і.

А҆́ще кото́рые пресвѵ́теры, и҆лѝ діа́коны, и҆лѝ воѻбщѐ къ кли́рꙋ причи́сленные, ѡ҆проме́тчивѡ и҆ стра́ха бж҃ія пред̾ ѻ҆ча́ми не и҆мѣ́я, и҆ церко́внагѡ пра́вила [8] не зна́я, ѹ҆даля́тся ̾ѿ со́бственной це́ркви: таковы́е ̾ѿню́дь не должны̀ бы́ти пріе́млемы въ дрꙋго́й це́ркви: и҆ надлежи́тъ вся́кое понꙋжде́ніе проти́вꙋ и҆́хъ ѹ҆потреби́ти, да возвратя́тся въ своѝ прихо́ды: и҆лѝ, а҆́ще ѡ҆ста́нꙋтся ѹ҆по́рными, подоба́етъ и҆̀мъ чꙋ́ждымъ бы́ти ѡ҆бще́нія. Та́кожде, а҆́ще кто̀ дерзне́тъ принадлежа́щаго вѣ́домствꙋ дрꙋга́гѡ с. л҃и восхи́тити, и҆ въ свое́й це́ркви рꙋкоположи́ти, без̾ согла́сія со́бственнагѡ є҆пі́скопа, ̾ѿ кото́рагѡ ѹ҆клони́лся причи́сленный къ кли́рꙋ: недѣйстви́тельно да бꙋ́детъ рꙋкоположе́ніе.

ПРА́ВИЛО з҃і.

Поне́же мно́гіе причи́сленные къ кли́рꙋ, любостяжа́нію и҆ лихои́мствꙋ послѣ́дꙋя, забы́ли бж҃е́ственное писа́ніе, глаго́лющее: сребра̀ своегѡ̀ не дадѐ въ ли́хвꙋ[9]: и҆, дава́я въ до́лгъ, тре́бꙋютъ со́тыхъ, сꙋди́лъ святы́й и҆ вели́кій собо́ръ, что́бы, а҆́ще кто̀, по́слѣ сегѡ̀ ѡ҆предѣле́нія, ѡ҆бря́щется взима́ющій ро́стъ съ да́ннагѡ въ зае́мъ, и҆лѝ и҆но́й ѡ҆боро́тъ даю́щій семꙋ̀ дѣ́лꙋ, и҆лѝ полови́ннагѡ ро́ста тре́бꙋющій, и҆лѝ нѣ́что и҆но́е вымышля́ющій ра́ди посты́дной коры́сти, таковы́й бы́лъ и҆зверга́емъ и҆з̾ кли́ра, и҆ чꙋ́ждъ дꙋхо́внагѡ сосло́вія.

ПРА́ВИЛО и҃і.

Дошло̀ до свята́гѡ и҆ вели́кагѡ собо́ра, что̀ въ нѣ́которыхъ мѣста́хъ и҆ гра́дахъ діа́коны преподаю́тъ пресвѵ́терамъ є҆ѵхарі́стію, тогда̀ ка́къ ни пра́виломъ, ни ѻ҆бы́чаемъ не пре́дано, что́бы не и҆мѣ́ющіе вла́сти приноси́ти, преподава́ли принося́щымъ тѣ́ло хр҃ⷭ҇то́во. Та́кже и҆ то̀ содѣ́лалось и҆звѣ́стнымъ, что̀ да́же нѣ́которые и҆з̾ діа́конѡвъ, и҆ пре́жде є҆пі́скопѡвъ, є҆ѵхарі́стіи прикаса́ются. Сіѐ ѹ҆́бѡ всѐ да пресѣче́тся: и҆ діа́коны да пребыва́ютъ въ свое́й мѣ́рѣ, зна́я, что̀ ѻ҆нѝ сꙋ́ть слꙋжи́тели є҆пі́скопа, и҆ ни́зшіе пресвѵ́терѡвъ. Да пріе́млютъ же є҆ѵхарі́стію по поря́дкꙋ по́слѣ пресвѵ́терѡвъ, преподава́емꙋю и҆̀мъ є҆пі́скопомъ, и҆лѝ пресвѵ́теромъ. Но нижѐ сидѣ́ти посредѣ̀ пресвѵ́терѡвъ позво́лено діа́конамъ. И҆́бо то̀ быва́етъ не по пра́вилꙋ, и҆ не въ поря́дкѣ. А҆́ще же кто̀, и҆ по́слѣ сегѡ̀ ѡ҆прес. л҃ѳдѣле́нія, не хо́щетъ послꙋ́шенъ бы́ти: да прекрати́тся є҆гѡ̀ діа́конство.

ПРА́ВИЛО ѳ҃і.

Ѡ҆ бы́вшихъ паѵліа́нами, но пото́мъ прибѣ́гнꙋвшихъ къ каѳолі́ческой цр҃кви, постановля́ется ѡ҆предѣле́ніе, что́бы ѻ҆нѝ всѣ̀ воѻбщѐ вно́вь крести́мы бы́ли. А҆́ще же кото́рые въ пре́жнее вре́мя къ кли́рꙋ принадлежа́ли: таковы́е, ꙗ҆вя́сь безпоро́чными и҆ неꙋкори́зненными, по перекреще́ніи, да бꙋ́дꙋтъ рꙋкоположе́ни є҆пі́скопомъ каѳолі́ческія це́ркви. А҆́ще же и҆спыта́ніе ѡ҆бря́щетъ и҆̀хъ неспосо́бнымикъ свяще́нствꙋ: надлежи́тъ и҆̀мъ и҆зве́ржєннымъ бы́ти и҆з̾ свяще́ннагѡ чи́на. Подо́бнѡ и҆ въ ̾ѿноше́ніи къ діаконі́ссамъ, и҆ ко всѣ́мъ воѻбщѐ причи́слєннымъ къ кли́рꙋ, то́тъ же ѻ҆́бразъ дѣ́йствованія да соблюда́ется. Ѡ҆ діаконі́ссахъ же мы̀ ѹ҆помянꙋ́ли ѡ҆ тѣ́хъ, кото́рыя, по ѡ҆дѣя́нію, за таковы́хъ пріе́млются. И҆́бо впро́чемъ ѻ҆нѣ̀ никако́гѡ рꙋкоположе́нія не и҆мѣ́ютъ, та́къ что̀ мо́гꙋтъ соверше́ннѡ счисля́емы бы́ти съ міря́нами.

ПРА́ВИЛО к҃.

Поне́же сꙋ́ть нѣ́которые преклоня́ющіе колѣ̑на въ де́нь гд҃ⷭ҇нь, и҆ во днѝ пятидеся́тницы: то̀, дабы̀ во всѣ́хъ є҆па́рхіяхъ всѐ ѻ҆дина́ковѡ соблюда́емо бы́ло, ѹ҆го́дно свято́мꙋ собо́рꙋ, да стоя́ще прино́сятъ моли̑твы бг҃ꙋ.

с. м҃