ДОГМА́ТЪ тре́хъ сѡ́тъ шести́десяти седмѝ ст҃ы́хъ ѻ҆тє́цъ седма́гѡ вселе́нскагѡ собо́ра, ніке́йскагѡ.

Ѡ҆ і҆кѡнопочита́ніи.

Храни́мъ не нововво́днѡ всѣ̀, писа́ніемъ, и҆лѝ без̾ писа́нія ѹ҆стано́влєнныя для на́съ церкѡ́вныя преда̑нія, ̾ѿ ни́хъ же є҆ди́но є҆́сть і҆кѡ́ннагѡ живописа́нія и҆зѡбраже́ніе, ꙗ҆́кѡ повѣствова́нію є҆ѵа́нгельскія про́повѣди согласꙋ́ющее, и҆ слꙋжа́щее на́мъ ко ѹ҆вѣре́нію и҆́стиннагѡ, а҆ не воѡбража́емагѡ воплоще́нія бг҃а сло́ва, и҆ къ подо́бной по́льзѣ. Ꙗ҆̀же бо є҆ди́но дрꙋги́мъ ѹ҆казꙋ́ются, несомнѣ́ннѡ є҆ди́но дрꙋги́мъ ѹ҆ясня́ются. Си́мъ та́кѡ сꙋ́щымъ, а҆́ки ца́рскимъ пꙋте́мъ ше́ствꙋюще, послѣ́дꙋюще бг҃оглаго́ливомꙋ ѹ҆че́нію ст҃ы́хъ ѻ҆тє́цъ на́шихъ и҆ преда́нію каѳолі́ческія цр҃кве, [вѣ́мы бо, ꙗ҆́кѡ сія̀ є҆́сть дх҃а ст҃а́гѡ въ не́й живꙋ́щагѡ,] со вся́кою достовѣ́рностію и҆ тща́тельнымъ разсмотрѣ́ніемъ ѡ҆предѣля́емъ: подо́бнѡ и҆зѡбраже́нію ч҃ⷭ҇тна́гѡ и҆ животворя́щагѡ кр҃ⷭ҇та̀, полага́ти во ст҃ы́хъ бж҃іихъ цр҃квахъ, на сщ҃е́нныхъ сосꙋ́дахъ и҆ ѻ҆де́ждахъ, на стѣна́хъ и҆ на дска́хъ, въ дома́хъ и҆ на пꙋтя́хъ, ч҃ⷭ҇тны̑я и҆ ст҃ы̑я і҆кѡ́ны, напи̑санныя кра́скас. и҃ми и҆ и҆з̾ дро́бныхъ ка́меній и҆ и҆з̾ дрꙋга́гѡ спосо́бнагѡ къ томꙋ̀ вещества̀ ѹ҆строя́ємыя, ꙗ҆́коже і҆кѡ́ны гд҃ⷭ҇а и҆ бг҃а и҆ сп҃са на́шегѡ і҆и҃са хр҃ⷭ҇та̀, и҆ непоро́чныя влⷣчцы на́шея ст҃ы́я бг҃оро́дицы, та́кожде и҆ ч҃ⷭ҇тны́хъ а҆́гг҃лѡвъ, и҆ всѣ́хъ ст҃ы́хъ и҆ прпⷣбныхъ мꙋже́й. Є҆ли́кѡ бо ча́стѡ чрез̾ и҆зѡбраже́ніе на і҆кѡ́нахъ ви́димы быва́ютъ, потоли́кꙋ взира́ющіи на ѻ҆́ныя подвиза́емы быва́ютъ воспомина́ти и҆ люби́ти первоѻбра́зныхъ и҆̀мъ, и҆ че́ствовати и҆̀хъ лобыза́ніемъ и҆ почита́тельнымъ поклоне́ніемъ, не и҆́стиннымъ, по вѣ́рѣ на́шей, бг҃опоклоне́ніемъ, є҆́же подоба́етъ є҆ди́номꙋ бж҃ескомꙋ є҆стествꙋ̀, но почита́ніемъ по томꙋ̀ ѻ҆́бразꙋ, ꙗ҆́коже и҆зѡбраже́нію ч҃ⷭ҇тна́гѡ и҆ животворя́щагѡ кр҃ⷭ҇та̀ и҆ ст҃о́мꙋ є҆ѵⷢ҇лію и҆ про́чымъ ст҃ы́нямъ, ѳѷміа́момъ и҆ поставле́ніемъ свѣще́й че́сть воздае́тся, ꙗ҆ковы́й и҆ ѹ҆ дре́внихъ бл҃гоче́стный ѻ҆бы́чай бы́лъ. И҆́бо че́сть воздава́емая ѻ҆́бразꙋ прехо́дитъ къ первоѻбра́зномꙋ, и҆ покланя́ющійся і҆кѡ́нѣ, покланя́ется сꙋществꙋ̀ и҆зѡбраже́ннагѡ на не́й. Та́кѡ бо ѹ҆твержда́ется ѹ҆че́ніе ст҃ы́хъ ѻ҆тє́цъ на́шихъ, сі́есть, преда́ніе каѳолі́ческія цр҃кве, ̾ѿ конє́цъ до конє́цъ землѝ прія́вшія є҆ѵⷢ҇ліе.

с. а҃і