Ѡ҆ претерпѣ́ніи и҆лѝ постоя́нствѣ.

Наставля́я Гдⷭ҇ь ѹ҆ченикѝ своя̀, ка́кѡ невозвра́тною ного́ю послѣ́дствовати ́є҆мꙋ̀ подоба́етъ, воззва̀, гл҃я: Помина́йте женꙋ̀ Ло́товꙋ.[1] си́рѣчь: вѣ́сте ꙗ҆́кѡ жена̀ Ло́това, поне́же бѣгꙋ́ща и҆з̾ Содо́ма, ѡ҆бозрѣ́ся вспя́ть, тогѡ̀ ра́ди ѡ҆брати́ся в̾ сто́лпъ сла́ный. та́кѡ и҆ вы̀, а҆́ще не пребꙋ́дете неизмѣ́нны, но ѡ҆братите́ся къ пре́жднимъ: то̀ си́це ꙗ҆́коже та̀ жена̀ и҆лѝ подо́бнѣ л. са҃і ѡ҆б. ѻ҆́бразомъ и҆́нимъ, казни́ми бꙋ́дете. Є҆ще́ же и҆ при́тчею къ таково́мꙋ же в̾ добродѣ́телехъ невозвра́тнꙋ ше́ствію поꙋча́етъ, гл҃я:[2] никто́же возло́жъ рꙋ́кꙋ на ра́ло и҆ зря́й вспя́ть, ѹ҆пра́венъ ́є҆́сть в̾ црⷭ҇твіи Бж҃іи. Во а҆покали́ѱи же, сми́рнскія цр҃кве ́є҆пⷭ҇кпꙋ, (́є҆го́же А҆́гг҃ломъ нарица́етъ) а҆ в̾ лицѣ̀ ́є҆гѡ̀ и҆ всѣм, до сме́рти вѣ́рнꙋ бы́ти повелѣва́етъ. Пе́тръ а҆пⷭ҇лъ ѿверже́нія своегѡ̀ пла́кавыйся горкѡ, псꙋ̀ и҆ свиніѝ ѹ҆подобля́етъ сицевы́хъ, и҆̀же начина́юще [3] добродѣ́телнѡ жи́ти, па́ки на пе́рвое ѕлодѣя́ніе возвраща́тися ѡ҆быко́ша. Слꙋчи́ся (ре́къ) и҆̀мъ и҆́стинная при́тча: Пе́съ возврати́ся на свою̀ блево́тинꙋ, и҆ свинія̀ ѡ҆мы́вшися, въ ка́лъ ти́нный. Зрѝ коли́ко ́є҆́сть вездѣ̀ претерпѣ́ніе нꙋ́жно; коли́ко л. св҃і многобѣⷣно ́є҆́сть возвраще́ніе на дѣла̀ лꙋка́ва. Таковы́ми ѹ҆̀бо ѹ҆мꙋдри́вшеся, пребꙋ́дем и҆скꙋ́снѣйшіи на пꙋтѝ жи́зни сея̀, при́снѡ в̾ добродѣ́телехъ богатя́щеся, нижѐ рꙋ́къ, и҆спꙋсти́ти де́рзнемъ претерпѣва́юще до конца̀. Слы́шахомъ непостоя́нства ка́знь и҆ ѹ҆кори́знꙋ. внꙋши́мъ ́є҆щѐ и҆ претерпѣ́нія мздꙋ̀: до сме́рти бꙋ́ди вѣ́рен, и҆ да́мъ тебѣ̀ вѣне́цъ живота̀. Си́це подвиза́вшымся невозвра́тнѡ мч҃нкѡмъ, дѣ́вственникѡм, и҆сповѣ́дникѡм, и҆ про́стѡ всѣ́мъ до́блественникѡмъ, и҆ до́брѣ тече́ніе скончаⷡ҇шым, ѿложи́ся вѣне́цъ, то́же ѿда́стъ и҆̀мъ Гдⷭ҇ь в̾ де́нь ѻ҆́нъ. а҆́ще съ ни́ми просла́витися восхо́щемъ, поревнꙋ́им до́блести и҆́хъ. Потрꙋди́мся со тща́ніемъ, претерпи́мъ постояннѣ, та́кѡ л. св҃і ѡ҆б. теце́мъ, да пости́гнемъ, да не кто̀ воспяти́тся и҆ паде́тъ, и҆ бꙋ́детъ а҆́ки трава̀, ꙗ҆́же пре́жде восторже́нія и҆́зсше, и҆ тогда̀ и҆скꙋ́сится ѻ҆́гнемъ. Вѣ́мы, ꙗ҆́кѡ не спи́тъ сꙋпоста́тъ на́шъ діа́волъ.[4] но что́ ли бо и҆зѡбря́щетъ, сіѐ на собла́знъ и҆ преткнове́ніе полага́етъ текꙋ́щымъ: да и҆лѝ ѹ҆ме́длитъ на пꙋтѝ, и҆лѝ воспяти́тъ и҆́хъ, и҆лѝ па́сти сотвори́тъ. какова́гѡ паде́нія къ своемꙋ̀ ѹ҆потребля́етъ ѹ҆мышле́нію; проти́вѡ каковы́хъ ѕлоко́зненныхъ запя́тій ́є҆гѡ̀; ниеди́но же то́ль дѣ́йственно среⷣствіе ́є҆́сть, ꙗ҆́коже непрело́жное преⷣпрія́тіе, ́є҆́же всѐ до́брѣ претерпѣ́ти, и҆ до́брѣ зача́тое бл҃ги́мъ ѹ҆вѣнча́ти конце́мъ, да во всѣ́хъ дѣ́лѣхъ до́брыхъ нача́ло ѡ҆конче́нію, сре́дствіе же л. сг҃і ѻ҆бои́мъ согла́сно бꙋ́детъ.

Что́ же, вопрекѝ, сіѐ по́лзовати бꙋ́детъ. а҆́ще ны́нѣ вѣ́рꙋ твою̀ дѣ́лы и҆сповѣ́дꙋеши, ѹ҆́трѡ же, ѿме́щешися, каковы́я мзды̀ надѣ́ятися возмо́жеши, а҆́ще ны́нѣ чистотꙋ̀ храни́ши, а҆ ѹ҆́трѡ нечистотѣ̀ прикосне́шися; каковы́й пло́дъ тебѣ̀ принесе́тъ ны́нѣшнее смире́ніе, а҆́ще ѹ҆́трѡ превознесе́ши бро́вь твою̀; что̀ кро́тость твоя̀, ́є҆гда̀ дне́сь не ѿвѣщава́еши, ни вопрекѝ гл҃еши ѡ҆ѕлобля́ющымъ, ѹ҆́трѡ же то́ль свирѣ́пѣеши, ꙗ҆́кѡ ѹ҆жѐ тебѐ никто́же стерпѣ́ти возмо́жетъ; ѿ цѣломꙋ́дрія какова̀ бꙋ́детъ похвала̀; а҆́ще ны́нѣ по́стникъ, возде́ржникъ, и҆ стыдѣ́нія и҆спо́лненъ: ѹ҆́трѡ же ѡ҆бжи́рецъ, піа́ница, и҆ безстꙋ́днѣ на всѐ ѕло̀ л. сг҃і ѡ҆б. дерза́яй; Что̀ помоществꙋ́етъ сѐ; а҆́ще кто̀ Бг҃а дне́сь лю́битъ и҆ ближняго, а҆ ѹ҆́трѡ неради́тъ ѡ҆ си́хъ, ́є҆ще́ же и҆ ненави́дитъ и҆ ѡ҆би́дитъ бли́жняго; Ѽ бы не претвори́лся въ такова́го, и҆́же ра́дъ бы бы́лъ, да нижѐ бꙋ́детъ Бг҃ъ, хотя́й грѣ́шныхъ мꙋ́цѣ преда́ти: Ка́я добродѣ́тель сѐ: ꙗ҆́кѡ ны́нѣ бл҃гоꙋвѣ́тливъ, ти́хъ и҆ неѕло́бивъ: ѹ҆́трѡ немлⷭ҇рдъ и҆ лю́тъ а҆́ки ле́въ рыка́я; Ко́е приѡбрѣ́теніе тебѣ̀ бꙋ́детъ ѿсю́дꙋ; а҆́ще нн҃ѣ тре́бꙋющымъ твоегѡ̀ пода́си, а҆ ѹ҆́трѡ чꙋжда̑я хи́тростію, и҆лѝ наси́ліем похи́тиши. Ко́е сіѐ бл҃гоговѣ́ніе твоѐ; а҆́ще дне́сь пости́шися, и҆ мл҃твꙋ дѣ́еши: ѹ҆́трѡ же вся́кое беззако́ніе, и҆ всяк грѣ́хъ воѡбрази́ши въ дш҃ѝ твое́й. л. сд҃і Ме́рзское и҆ чꙋ́дное видѣ́ніе сіѐ, ́є҆́же кра́сное и҆мѣ́етъ нача́ло, а҆ коне́цъ ска́редный: мно́жае ме́рзостнѣе ́є҆́сть, ́є҆́же пе́рвою ча́стію ѹ҆́подобля́ется добродѣ́тели, но беззако́ніемъ ѡ҆кончева́ется.

Ме́рзско па́че и҆ сіѐ, ́є҆́же а҆́ще бы и҆мѣ́ло лицѐ чл҃вѣ́ческое, пе́рсты лви́ные, чре́во те́лчее, скорпіѡ́новъ ѡ҆ши́бъ крилѣ̀ а҆́гг҃лстіи, но́зѣ же́лвіи, во́лчіи зꙋ́бы, хребе́тъ хамеліѡ́новъ. И҆стя́жемъ реч́єнная, и҆ разсмо́тримъ ѡ҆па́снѡ: а҆́ще не тако́въ, па́че же и҆ ска́реднѣйшій вся́къ, и҆́же а҆́кибы нѣ́что зачина́я добродѣ́телное, всѣ́хъ ѕѡ́лъ каса́ется, и҆ лꙋка́вствію храни́лище ́є҆́сть, жи́телствꙋя безчи́ннѡ. тѣ́мже а҆́ще и҆ не внѣ́шними зна́меніи, ѻ҆ба́че потаеннымъ нра́вомъ л. сд҃і ѡ҆б. рече́нное воѡбража́етъ подо́біе. Что̀ ѡ҆ сицевы́хъ глаго́летъ писа́ніе, вне́млемъ: [5] А҆́ще (речѐ) ѿбѣ́гше скверн ми́ра, в̾ ра́зꙋм Гдⷭ҇а и҆ Сп҃са на́шегѡ І҆и҃са Хрⷭ҇та̀, си́ми же па́ки спле́тшеся, побѣжда́еми быва́ютъ; бы́ша и҆̀мъ послѣ̑дняя гѡ́рша пе́рвыхъ.

Є҆ли́цы же до́брѣ наче́нше претерпѣва́ютъ в̾ по́двизѣхъ, пра́вѡ ше́ствꙋюще, не взира́юще вспя́ть, мно́гѡ па́че не возвраща́ющеся на пе́рвыя ѕлѡ́бы: да не ѡ҆печаля́ются разли̑чныя неꙋдѡ́бства и҆мꙋ́ще. Претерпи́мъ ма́лѡ, и҆ сѐ внеза́пꙋ гряде́тъ по́мощь ѿ вы́шнягѡ:[6] вси́ бо терпя́щіи ѡ҆ Гдⷭ҇ѣ пріи́мꙋтъ крѣ́пость. ѡ҆крила́тѣютъ ꙗ҆́кѡ ѻ҆рлѝ: текꙋ́тъ, и҆ не ѹ҆трꙋдя́тся.

л. с́є҃і