Ѡ҆ пра́вилѣ жи́зни.

Въ зда́ніихъ ма́лыхъ и҆ велича́йших, и҆ не то́кмѡ в̾ зда́ніихъ, но во вся́ческихъ ве́щехъ жите́йскихъ, ко́е ли бо дѣ́ло мѣ́ра, и҆ вре́мя кра́ситъ: л. с҃д ѡ҆б. без̾ вре́мене же, и҆ без̾ мѣ́ры, вся̑ сꙋ́ть без̾ѡбра̑зна, вся̑ растлѣ̑нна, безприли́чна, и҆ непол́є́зна сꙋ́ть, тогѡ̀ ра́ди и҆ Є҆клісіа́стъ вся́кой ве́щи и҆ вся́комꙋ дѣ́лꙋ вре́мя налага́етъ, Всѣ́мъ (речѐ)[1] го́дъ, и҆ вся́кой ве́щи вре́мя, вре́мя ражда́ти, вре́мя ѹ҆мре́ти. вре́мя сади́ти, и҆ вре́мя растерза́ти сажде́ніе. вре́мя ѹ҆би́ти, и҆ вре́мя цѣли́ти. вре́мя разрꙋши́ти и҆ созда́ти. вре́мя рыда́ти, и҆ вре́мя ликова́ти. вре́мя пла́катися, и҆ вре́мя смѣя́тися. вре́мя раскида́ти ка́меніе, и҆ вре́мя собира́ти. вре́мя ѡ҆дѣя́нія, и҆ вре́мя терпѣ́ти ѡ҆скꙋдѣ́ніе. вре́мя взыска́ти, и҆ вре́мя погꙋби́ти. вре́мя храни́ти, и҆ вре́мя и҆з̾я́ти. вре́мя л. с҃́є раздра́ти, и҆ вре́мя соши́ти. вре́мя молча́ти, и҆ вре́мя гл҃ати. вре́мя возлюби́ти, и҆ вре́мя возненави́дѣти. вре́мя бра́ни, и҆ вре́мя ми́ра. та́же гл҃етъ: Ко́е и҆зѡби́ліе творя́щагѡ, в̾ ни́хже спѣши́тъ; и҆ па́ки речѐ: Вся́ч́єская сотвор́є́нная добрѝ сꙋ́ть во вре́мя своѐ. А҆́ще бо кто̀ и҆ ма́лое что̀ сотвори́лъ, а҆ во своѐ вре́мя, се́й ве́ліе дѣ́ло совершил ́є҆́сть. Не и҆мꙋ́щіи же на вся́къ де́нь ѹ҆рече́ннагѡ вре́мене дѣлѡ́мъ своим, сі́и нижѐ что̀ мо́гꙋтъ твори́ти соверше́ннѡ, нижѐ со́вѣсть чи́стꙋ возмо́гꙋтъ стяжа́ти во все́мъ житіѝ свое́мъ. Но забве́ніемъ провожда́юще днѝ своя̀, и҆ а҆́ки во тмѣ̀ ходя́ще, претыка́ются во вся́комъ пꙋтѝ свое́мъ, ѿню́дꙋ же ражда́ется л. с҃́є ѡ҆б. лѣ́ность, разслабле́ніе, нерадѣ́ніе ѡ҆ дѣ́лѣхъ и҆ зва́ніи свое́мъ. Та́же коне́чное нечꙋ́вствіе, непозна́ніе себѐ сама́гѡ, а҆ съ тѣ́ми кꙋ́пнѡ и҆ и҆́ная мнѡ́гая гѡ́ршая, и҆ жесточа́йшая послѣ́дствꙋютъ и҆̀мъ. Ѹ҆̀бо вре́мя и҆ го́дъ и҆збира́имъ вся́кой ве́щи, и҆ вся́комꙋ дѣ́лꙋ, нижѐ без̾ чи́на и҆ мѣ́ры сотвори́мъ что̀, на вся́къ де́нь попече́ніе и҆мꙋ́ще ѡ҆ все́мъ, ꙗ҆́коже чи́нъ строе́нія и҆́щетъ. Творя́й же и҆́накѡ, да вѣ́сть таковы́й: ꙗ҆́кѡ ́є҆ли̑ка а҆́ще твори́тъ, нигдѣ́же ѹ҆спѣ́етъ: но подо́бенъ ́є҆́сть сꙋхо́мꙋ ѹ҆до́лію, ́є҆́же дождю̀ наше́дшꙋ и҆зѡби́лꙋет вода́ми, и҆ па́ки по вре́мени ма́лѣ сꙋ́хо пребыва́етъ: тѣ́мже поле́зно быва́етъ ни комꙋ́же. И҆сто́чник же прⷭ҇нотекꙋ́щій, л. с҃ѕ а҆́ще и҆ ма́лꙋ во́дꙋ и҆спꙋща́етъ, но поне́же тече́тъ непремѣ́ннѡ, поле́зенъ всѣ́мъ ́є҆́сть, и҆ вели́кꙋ похвалꙋ̀ и҆мѣ́етъ: зане́же вся́къ во вре́мя своѐ ѡ҆брѣта́ет поко́й. Си́це и҆ бл҃гочи́нный ю҆́ноша ѹ҆мѣ́ренным, и҆ всегда́шним постоя́ннѣ довлетворя́й ѹ҆ста́вѡмъ свои́мъ, придержа́щся наставле́нія и҆скꙋ́сныхъ. а҆́ще и҆ в̾ ѕѣлѡ̀ тя́жестных трꙋдѣ́хъ пребꙋ́детъ: но поне́же всегда̀ и҆ непреста́ннѡ, ѡ҆ чи́нномъ и҆ бл҃говре́менном дѣ́лъ свои́хъ, ѹ҆строе́ніи и҆мѣ́етъ попече́ніе. тѣ́мже себѣ̀ ́є҆́сть поле́зен, всѣ́мъ любе́зенъ, вся́ческим во ѹ҆спѣх, и҆ ѿ всѣ́хъ похвалꙋ̀ и҆мѣ́етъ, и҆ поне́же чи́ннѡ провожда́ет днѝ своя̀. А҆ и҆́же без чи́на и҆ расположе́нія и҆ждива́ет вре́мя своѐ: се́й трꙋжда́яся, и҆ постя́ся, л. с҃ѕ ѡ҆б. и҆ тща́ся, и҆ толи́кѡ па́че лиша́ется. ꙗ҆́коже свидѣ́телствꙋетъ І҆исꙋ́съ Сіра́ховъ,[2] и҆́же и҆ ѹ҆вѣщава́етъ ѡ҆ ѹ҆мѣ́реніи дѣ́лъ гл҃я: Ча́до, вся̀ дѣя́нія твоя̀ да не бꙋ́дꙋтъ ѡ҆ мно́зѣ, а҆́ще ѹ҆мно́жиши, не небꙋ́деши пови́ненъ, и҆ а҆́ще сіѐ го́ниши, не пости́гнеши, и҆ не ѹ҆тече́ши бѣжа̀.