Ѡ҆ стра́сѣ Гдⷭ҇ни.

Є҆гда̀ ѹ҆гаса́етъ бжⷭ҇твеная любо́вь въ срⷣца́хъ на́шихъ, ́є҆гда̀ не сказа̑нная бл҃га̑я. ꙗ҆̀же ѹ҆гото́ва Бг҃ъ лю́бящымъ ́є҆го̀, на́съ ѿ грѣхѡⷡ҇ недово́лни воздержа́ти: помина́им си́лꙋ и҆ пра́вдꙋ ́є҆гѡ̀. Крѣ́пкій бо и҆ непреѡдолѣ́нен ́є҆́сть, нижѐ кто̀ и҆́змет ѿ рꙋкѝ сегѡ̀, и҆́же ѹ҆гото́валъ ́є҆́сть ѻ҆́гнь неꙋгаси́мый, тмꙋ̀ кромѣ́шнюю: и҆ на лицѐ не зри́тъ, а҆́ще бога́тъ кто̀, и҆лѝ ѹ҆бо́гъ, а҆́ще ста́ръ и҆лѝ малѣ́йшій ѻ҆́трокъ, всѣ́хъ ра́внѣ по дѣлѡ́мъ ѡ҆сꙋ́дитъ, хотя́й сꙋди́ти вселе́ннѣй, си́лный мсти́тель Гдⷭ҇ь, воздая̀ возда́стъ комꙋ́ждо подѣлѡ́мъ ́є҆гѡ̀, ꙗ҆́коже гл҃етъ прⷪ҇ро́къ. пронзет тогда̀ и҆ дерзновеннѣйшимъ срⷣце, и҆зрече́ніем л. с҃ тѣ́мъ: и҆ди́те ѿ менѐ прокля́тіи[1] во ѻ҆́гнь вѣ́чный. ѹ҆бои́мся ѹ҆̀бо согрѣша́юще преⷣ тѣ́мъ, И҆́же ви́дит вся̑, ꙗ҆́кѡ всеви́децъ и҆ мсти́тель мсти́тель же си́лный, и҆, а҆́ще стра́шнѡ ́є҆́сть спа́сти въ рꙋ́цѣ Бг҃а жи́ва, въ рꙋ́цѣ тогѡ̀, и҆́же дш҃ꙋ и҆ тѣ́ло мо́жетъ воврещѝ въ гее́ннꙋ: помина́им де́нь то́й, де́нь сꙋ́да и҆ ѻ҆гня̀ поядаю́щагѡ вся̑ противля́ющыяся Бг҃ꙋ. поꙋчи́мъ себѐ, и҆ ѹ҆премꙋ́дримся пре́жде ѿвѣ́та, да бꙋ́детъ же на́мъ таковы́я премꙋ́дрости зача́ло, стра́хъ Гдⷭ҇нь,[2] и҆сто́чникъ живо́тенъ, твори́тъ же ѹ҆кланя́тися ѿ сѣ́ти сме́ртныя, и҆ а҆́ки вѣ́тръ нѣ́кій ѿ ѹ҆́глія и҆зводя́й пла́мень, возгнѣти́тъ любо́вь Бж҃ію в̾ срⷣцах на́ших. л. с҃ ѡ҆б. Ка́кѡ бо не возлю́бимъ того̀, и҆́же мꙋ́кꙋ согрѣша́ющымъ, црⷭ҇твіе же и҆ поко́й ка́ющымся ѹ҆готовля́етъ. Боя́тися же ́є҆го̀ подоба́етъ не а҆́ки мꙋчи́теля, но а҆́ки ѻ҆ц҃а̀ любо́внаго, а҆́ще же та́кѡ бои́тся кто̀, се́й и҆ лю́битъ, а҆́ще лю́битъ си́це, то́й и҆ жи́ти до́брѣ начина́етъ, и҆сполня́я за́пѡвѣди Гдⷭ҇ня, по глаго́лꙋ Гдⷭ҇ню:[3] а҆́ще кто̀ лю́битъ мя, сло́во моѐ соблюде́тъ: ка́кѡ стра́хъ Гдⷭ҇нь преꙋспѣва́етъ, и҆ держа́йся ́є҆го̀ комꙋ̀ ѹ҆подо́бится; ѹ҆подо́бится мꙋ́жꙋ премꙋ́дрꙋ, [4] и҆́же назида́етъ хра́минꙋ свою̀ на ка́мени. Вои́стиннꙋ бо на тве́рдѣмъ ка́мени дх҃о́внꙋю назида́етъ хра́минꙋ свою̀ се́й, и҆́же всѣ́хъ дѣя́ній л. с҃а свои́хъ а҆́ки и҆звѣ́стнѣйшее ѡ҆снова́ніе полага́етъ стра́хъ Гдⷭ҇нь,[5] въ не́мже поне́же ́є҆́сть ѹ҆пова́ніе крѣ́пости, ниеди́нъ вѣ́тръ напа́стей, нижѐ рѣ́ки скорбе́й, и҆лѝ ко́е ли бо мірско́е волне́ніе ѡ҆проврещѝ ю҆̀ возмо́жетъ. Ѽ бы̀ таково́е въ срⷣца́хъ на́шихъ къ до́бромꙋ назида́нію бл҃говре́менно положено̀ бы́ло! никогда́ бы въ толи́кое возмо́глъ кто̀ пріитѝ небреже́ніе: въ не́мже сꙋ́ще, и҆ Бж҃ія и҆ градскі́я зако́ны престꙋпа́емъ. А҆ ѿтꙋ́дꙋ, ѹ҆боя́вшеся стра́ха та́мѡ, и҆дѣ́же нѣ́сть стра́ха,[6] ни ́є҆ди́но же дѣ́ло бл҃го, въ не́мже каковꙋ́ ли бо спо́нꙋ зрим твори́ти дерза́емъ. И҆ сꙋ́ть нѣ́цыи па́гꙋбнѣ вѣща́ющіи, гл҃юще де́рзѡ: л. с҃а ѡ҆б. Бг҃а молѝ, а҆ бѣ́са не гнѣвѝ тѣ́мже, бо́лшее ѡ҆сꙋжде́ніе пріе́млюще, в̾ жесточа́йшꙋю ꙗ҆́рость Гдⷭ҇ню вмета́ютъ себѐ, въ ꙗ҆́рость тогѡ̀, кото́рый не то́чію бл҃га̑я вре́м́єнная ѿе́млетъ, ѿе́млетъ живо́тъ, и҆ сла́вꙋ в̾ пе́рсть всели́тъ [7] но тѣ́ло кꙋ́пнѡ и҆ дш҃ꙋ на мꙋче́ніе діа́волꙋ по́шлетъ. Ѹ҆бои́мся ѹ҆̀бо Гдⷭ҇а, и҆ возлю́бимъ того̀, и҆́же над̾ всѣ́ми ́є҆́сть: и҆ неради́мъ ѡ҆ гнѣ́вѣ бѣсо́встѣмъ, никогда́ же бо то́й млⷭ҇рдъ ́є҆́сть. Ѹ҆бои́мся Гдⷭ҇а, и҆ не ѹ҆бои́мся что̀ сотвори́тъ на́мъ чл҃къ.[8] Сіе́ же и҆ че́сть на́ша бꙋ́детъ, а҆́ще бо и҆ вели́къ ́є҆́сть, и҆́же ѡ҆брѣ́те премꙋ́дрость,[9] но нѣ́сть па́че боя́щагося Гдⷭ҇а.

л. с҃в