Ѡ҆ сꙋетѣ̀ Сꙋе́тствій.

Жи́зни на́шея кра́ткость разли́чнѣ и҆ многоѡбра́знѣ начертава́ется ѿ мно́гихъ, но па́че предлежа́щаго чꙋждꙋ́ся, а҆́ще возмо́жнѡ бꙋ́детъ соверше́ннѣе начерта́ти: вси́ бо кра́ткость и҆ са́мое непостоя́нство всеприли́чнѣ и҆зѡбража́ютъ. Ни лѝ цвѣ́тъ ́є҆́сть ѹ҆́трѡ ꙗ҆вля́ющійся, и҆ на ве́черъ ѡ҆па́дающій; и҆лѝ ды́мъ пра́здный с̾ вѣ́тромъ расходя́щійся и҆ и҆счеза́ющій; ни лѝ сме́рть всегда́шняя; но и҆ въ толи́кой ́є҆щѐ кра́ткости, и҆ въ таково́мъ конца̀ безвѣ́стіи, чесомꙋ̀ подо́бна ́є҆́сть та́кѡ жи́знь на́шя, ꙗ҆́коже дѣ́тищномꙋ и҆гра́лищꙋ пꙋзы́рцы ма́сть ра́знꙋю (и҆мꙋ́щія, и҆лѝ па́че) л. рч҃́є ꙗ҆вля́ющія творя́щемꙋ. До́брѣ ѹ҆́бѡ сія̀ проразсмотрѣ̀, и҆ проразсꙋдѝ премꙋ́дрѣ Є҆клісіа́стъ, та́же главо́ю покива́я гл҃етъ: сѐ сꙋета̀ сꙋ́етствъ, и҆ вся́ческая[1] сꙋета̀.

Рече́тъ кто̀: а҆́ще сꙋ́́єтна сꙋ́ть вся́ч́єская, и҆ сꙋета̀, почто̀ ѹ҆́бѡ и҆ бы́ша; но дѣла̀ Бж҃ія ка́кѡ мо́гꙋтъ бы́ти сꙋета̀; Не сꙋ́ть дѣла̀ Бж҃ія сꙋета̀, нѣ́сть бо нб҃о сꙋ́етно, нижѐ земля̀ сꙋ́етна, ни сл҃нце, нижѐ лꙋна̀, ни ѕвѣ́зды, нижѐ тѣ́ло на́ше: вся̑ бо сія̀ по разсмотре́нію Бж҃ію добра̑ сꙋ́ть. Но что̀ ́є҆́сть сꙋ́етное, что̀ содѣ́ловаетъ и҆ на́съ и҆ житіѐ на́ше сꙋ́етно; слы́шимъ л. рч҃́є ѡ҆б. сама́го Є҆клесіа́ста: Насади́хъ ми (речѐ) віногра́ды, сотвори́хъ ми пою́щихъ и҆ пою́щія, сотвори́хъ ми кꙋпѣ́ли водны́я, бы́ша ми стада̀ и҆ стяжа́нія скотѡ́въ, собра́хъ сребро̀ и҆ зла́то, и҆ ви́дѣхъ, ꙗ҆́кѡ вся̀ сꙋета̀.[2] Слы́шимъ и҆ и҆́наго: сокро́вищствꙋетъ и҆ не вѣ́сть комꙋ̀ собере́тъ я҆̀. Сѐ ́є҆́сть сꙋета̀ сꙋ́етствій, свѣ́тлая, и҆ многоиждиви́телная (а҆ ́є҆щѐ со ѹ҆тѣсне́ніемъ ѹ҆бо́гихъ) зда́нія, мно́гое собра́ніе зла́та, сребра̀, и҆ сосꙋ́дъ многоцѣ́нныхъ, ри́зъ и҆зли́шество ди́віихъ ѕвѣре́й и҆ псѡ́въ кормле́ніе трꙋда́ми бѣ́дныхъ, ѹ҆краше́ніе кѡ́ней, и҆ бо́лшее не́жели ѡ҆ себѣ̀ и҆ ѡ҆ бли́жнемъ, ѡ҆ тѣ́хъ л. рч҃ѕ попече́ніе: рабѡ́въ и҆зли́шество, и҆ слꙋ́гъ по́лчища. го́рдости, напыще́ніе, высѡ́кая мꙋдрова́нія, вездѣ̀ показа́ніе со тщесла́віемъ. Ѿ негѡ́же а҆́ки ѿ и҆сто́чника нѣ́коегѡ происхо́дятъ сі́и полкѝ го́рести. а҃: Въ словесѣ́хъ и҆ гада́ніах киче́ніе. в҃: Въ и҆́стинныхъ дѣ́лѣхъ превозноше́ніе. г҃: В̾ ле́стныхъ же и҆ притво́рных лицемѣ́ріе. д҃: В̾ во́лѣ, ́є҆гда̀ и҆́ных бл҃го́мꙋ ѹ҆мышле́нію не соизволя́ем, несогла́сіе. ́є҃: Въ ра́зꙋмѣ, ́є҆гда̀ кто̀ своемꙋ̀ ѕѣлѡ̀ ѹ҆пова́етъ ѹ҆мꙋ̀ а҆ и҆́ныхъ мнѣ́нію, па́че же и҆ и҆звѣ́тѡм проти́вится, сопротивле́ніе. ѕ҃: Въ бесѣ́дахъ, и҆ и҆стяза́ніахъ любопы́тныхъ, не хотя̀ ѿ и҆́ныхъ побѣжде́нъ бы́ти, сва́ръ. л. рч҃ѕ ѡ҆б. з҃: В̾ подчине́ніи вла́сти, и҆лѝ ра́вныхъ согла́сномъ ѡ҆предѣле́ніи, не послꙋша́ніе и҆ презо́рство. Сія̀ сꙋ́ть тщесла́вія плоды̀, сія̀ сꙋ́ть го́рести пото́цы, въ ни́хже а҆́ще не и҆спра́вим себѐ, вѣ́чнꙋю на́мъ принесꙋ́тъ го́ресть. Сія̀ и҆ си̑мъ подѡ́бная вѣ́дꙋще, позна́хомъ сꙋетꙋ̀, позна́хомъ чегѡ̀ лиша́емся, и҆ че́мъ ѹ҆маля́емъ кра́ткꙋю жи́знь на́шꙋ, погꙋбля́юще въ сꙋ́етныхъ вре́мя, въ не́мже можа́хомъ дѣ́лати до́брое. [3] Ѹ҆премꙋ́дримся ѹ҆̀бо, и҆ не быва́имъ тщесла́вни, и҆ бꙋ́и: но пребꙋ́демъ вѣ́дꙋще что̀ ́є҆́сть бл҃гоꙋго́дно Гдⷭ҇ви, сія̀ сотвори́мъ, и҆ та́кѡ приложа́тся на́мъ лѣ́та живота̀.

л. рч҃з