Ѡ҆ сла́вѣ.

Проповѣ́дник велегла́сный не всегда̀ же и҆́стинствꙋющій, сла́ва на́ша, а҆́ще ́є҆ди́ною трꙋ́бный и҆спꙋ́ститъ гла́съ, ́є҆два̀ кото́рый не пребыва́етъ во вѣ́ки, вся́къ ѻ҆́баче многолѣ́тенъ ́є҆́сть, до́брый ли ѡ҆ на́съ слꙋ́хъ и҆лѝ ѕлы́й но́ситъ, тако́въ и҆ пребыва́етъ, нижѐ ѹ҆молчи́тъ по сме́рти, но ́є҆щѐ па́че ꙗ҆́снѣйшій быва́етъ. Си́це мно́гих всѐ житіѐ несвѣ́домѡ пожи́вшихъ, де́нь сме́ртный ѿкры́лъ ́є҆́сть, и҆ во вѣ́ки не забве́ни сꙋ́ть: си́це првⷣницы л. р҃п на землѝ во вѣ́ки живꙋ́тъ, си́це в̾ па́мять вѣ́чнꙋю бꙋ́детъ првⷣникъ. То́е же дѣ́ется и҆ со безче́стными. Ча́дъ грѣ́шныхъ (речѐ Сіра́хъ,)[1] поги́бнетъ наслѣ́діе, и҆ с̾ сѣ́менемъ и҆́хъ вы́нꙋ поноше́ніе: ѻ҆ц҃а̀ нечести́ва ѡ҆мерзя́тъ ча́да, ꙗ҆́кѡ ́є҆гѡ̀ ра́ди поноше́ніе пріи́мꙋтъ.

Сія̀ ѹ҆̀бо свѣ́дꙋще, помина́имъ послѣ́дняя, помина́имъ ꙗ҆́кѡ не вѣ́сть сла́ва молча́ти: но каковы́хъ зри́тъ, сицевы́хъ и҆ проповѣ́дꙋетъ, а҆́ще и҆ не а҆́біе, ѻ҆́баче и҆звѣсти́тъ кто̀, и҆ что̀, и҆ каковы̀ ́є҆смы̀, и҆лѝ бѣ́хомъ, и҆ ꙗ҆́коже гл҃етъ Сене́ка:[2] А҆́ще бл҃готвори́ши, а҆ никто́же твоя̀ похвали́лъ дѣла̀, сла́ва просла́витъ тя̀, и҆ ꙗ҆ви́тъ добродѣ́тель твою̀. а҆́ще л. р҃п ѡ҆б. ѕлодѣ́теленъ ́є҆сѝ, и҆ похва́лятъ тя̀ всѝ, тѣ́мъ с̾ тобо́ю сконча́вшимся сла́ва проповѣ́сть во все́мъ мі́рѣ вся̑ та̑йная твоя̀. Тщи́ся ѡ҆ и҆́стинной похвалѣ̀ твое́й, притво́реная добродѣ́тель не довлѣ́етъ. Тонка̀ ́є҆́сть лжа̀, и҆ прозри́телна. И҆́стина ѿ ѻ҆бою́дꙋ та́яже ́є҆́сть. До́брѣ ѹ҆́бѡ нѣ́кто ѹ҆вѣща́етъ на́съ гл҃я: та́кѡ бꙋ́ди съ чл҃ки, а҆́ки Бг҃ꙋ вся̑ зря́щꙋ, си́це же бꙋ́ди пред̾ Бг҃омъ, а҆́ки всѣ́мъ чл҃кѡмъ на тя̀ смотря́щымъ, нѣ́сть бо, [ꙗ҆́коже и҆ Гдⷭ҇ь сказа́ на́мъ та́йнѡ,] ́є҆́же неявле́но бꙋ́детъ, нижѐ ѹ҆тае́но, ́є҆́же не позна́ется, и҆ въ ꙗ҆вле́ніе непріи́детъ. Блюди́те ѹ҆́бѡ, ка́кѡ слы́шите, сі́есть, кого̀ и҆ каковы́хъ ва́съ мня́тъ бы́ти л. рп҃а человѣ́цы. То́ль нꙋ́ждно ́є҆́сть ѡ҆ до́брой сла́вѣ, ѡ҆ до́бромъ и҆́мени свое́мъ попече́ніе и҆мѣ́ти: занѐ то́е лꙋ́чше ́є҆́сть па́че ты́сящъ сокрѡ́вища [3] зла́та, ꙗ҆́коже глаго́летъ мꙋ́дрый нѣ́кто, па́че сама́гѡ житія̀. Бл҃га́гѡ бо житія̀ число̀ дні́й, а҆ [4] до́брое и҆́мя во вѣ́ки пребꙋ́детъ. Ка́кѡ же ́є҆̀ приѡбрѣстѝ возмо́жно; А҆леѯа́ндра вели́кагѡ філосо́фъ Герама́тскій си́це ѹ҆вѣщава́етъ:[5]

а҃: Великодꙋ́шіе неподви́жное да бꙋ́детъ во вся́кой ѡ҆би́дѣ, нижѐ бы́ти ско́рꙋ на ме́сть, но млⷭ҇тію привлека́ти всѣ́хъ къ себѣ̀.

в҃: И҆́стинная похвала̀ не ѿ лсти́телей, но ѿ знамени́тыхъ дѣ́лъ нача́ло и҆мѣ́етъ. л. рп҃а ѡ҆б.

г҃: Бѣ́гаетъ до́брая сла́ва дрꙋ́жества ѕлы́хъ, со благи́ми же и҆мѣ́етъ пребыва́ніе своѐ.

д҃: Ѿ хищ́є́нія и҆ грабл́є́нія растꙋ́щее число̀ зла́та, ѹ҆бива́етъ до́брое и҆́мя. Зрѝ невѣ́рнагѡ ра́зꙋмъ.

Ѡ҆живля́емъ же ́є҆гѡ̀ раздаю́ще своя̀ и҆́стая.

́є҃: Ю҆́на тя̀ ви́ждꙋ Ѽ А҆леѯа́ндре! и҆ тогѡ̀ ра́ди вѣ́мъ бы́ти славолю́бна ѕѣлѡ̀. Вѣ́ждь ѹ҆́бѡ, сіѐ ꙗ҆́кѡ ничто́же во и҆зыска́ніи сла́вы вре́днѣе ́є҆́сть, па́че безмѣ́рнагѡ вожделѣ́нія ́є҆я̀. (та́же речѐ) не и҆̀же мно́гѡ ви́дѣша, мно́гѡ слы́шаша, мно́гѡ и҆скꙋси́ша, мно́гѡ и҆мѣ́ютъ, сла́вни сꙋ́ть: но и҆̀же во́лю Бж҃ію и҆сполня́ютъ.

л. рп҃в