Ѡ҆ ѡ҆сꙋжде́ніи.

Лицемѣ́ре, и҆змѝ пе́рвѣе бервно̀ и҆з̾ ѻ҆чесѐ твоегѡ̀, и҆ тогда̀ ѹ҆́зриши и҆з̾я́ти сꙋче́цъ и҆з̾ ѻ҆чесѐ бра́та твоегѡ̀. то́ль же́стокѡ Гдⷭ҇ь ѹ҆каря́етъ назира́ющихъ дѣла̀ чꙋжда̑я, и҆ ѡ҆сꙋжда́ющихъ и҆ны́хъ, а҆ ѡ҆ себѣ̀, ꙗ҆́коже досто́итъ, нерадя́щих, сꙋче́цъ бо ма́лое погрѣше́ніе бли́жнягѡ. бервно́ же ́є҆́сть на́шъ грѣ́хъ. Бервна же не ви́дѣти, а҆ чꙋжда̑я и҆ сꙋчцы̀ л. рѯ҃з ѡ҆б. ѹ҆смотрѣва́ти, сіѐ ́є҆́сть: ́є҆́же тяжча̑йшая пад́є́нія своя̀ не помина́ти, мно́гажды и҆ ѡ҆правда́ти, чꙋжда̑я же и҆ малѣ́йшая поползнове́нія всехи́трѡ ѡ҆глаго́лꙋюще, ѕло́бнѣ ѹ҆множа́ти со приложе́ніемъ: то́ль бо мно́гихъ ѡ҆блада́ла ́є҆́сть стра́сть сія̀, ꙗ҆́кѡ въ разсмотре́ніи грѣхѡ́въ своих слѣ́пи ́є҆смы̀, многоѻчи́ти же къ чꙋжди́мъ, и҆ а҆́ки вторі́и Лѷнце́и стѣ́нꙋ прозира́емъ, та̑йная зна́ти хотя́ще. Рече́мъ ли, ꙗ҆́кѡ ѻ҆́бщій и҆ повседне́вный се́й грѣ́хъ ́є҆́сть и҆ се́ ли ѡ҆правда́етъ на́съ; Да вѣ́мы ѹ҆́бѡ, ꙗ҆́кѡ ́є҆ли́кѡ повседне́венъ ́є҆́сть, толи́кѡ многобѣ́денъ ́є҆́сть, толи́кѡ вре́денъ, ѕо́лъ ́є҆́сть и҆ лю́тъ. л. рѯ҃и

Вели́чество же грѣха̀ сегѡ̀ ꙗ҆вле́нно ́є҆́сть ѿвсю́дꙋ, а҆ пе́рвѣе вся́къ ѡ҆глаголствꙋющій проти́вꙋ зако́нꙋ ́є҆сте́ственномꙋ, и҆́же ́є҆́сть: что̀ себѣ̀ не хо́щеши и҆но́мꙋ не сотвори́ши. ́є҆́же и҆звѣствꙋ́я Гдⷭ҇ь и҆ ѹ҆твержда́я гл҃етъ ꙗ҆́коже[1] хо́щете да творя́тъ ва́мъ чл҃вѣ́цы, и҆ вы̀ твори́те и҆̀мъ та́кожде. Та́же и҆ Бж҃ію: возлю́биши (речѐ) бли́жняго[2] твоего̀ ꙗ҆́кѡ себѐ. А҆ поне́же вся́къ ́є҆сте́ственнѣ, ни ѿ когѡ́же не наꙋчи́вся, своя̀ и҆лѝ и҆зглаго́лꙋетъ, и҆лѝ ѹ҆маля́етъ, и҆лѝ (а҆́ще возмо́жнѡ) покрыва́етъ грѣхѝ. почто̀ ѹ҆́бѡ и҆ ко бли́жнимъ не таковы̀ ́є҆смы̀; Є҆ще́ же ѡ҆сꙋждаю́ще и҆́ныхъ, согрѣша́емъ проти́во за́повѣди сея̀, ́є҆́же не ѹ҆бі́й. Ѹ҆бі́йство бо не то́кмѡ[3] л. рѯ҃и ѡ҆б. рꙋка́ми, и҆лѝ ѻ҆рꙋ́жіемъ, но и҆ я҆зы́комъ быва́етъ, и҆, ѡ҆сꙋжде́ніе, а҆́ще подро́бнꙋ разсꙋ́димъ: ничто́же и҆́ное ́є҆́сть, то́кмѡ растерза́ніе и҆ снѣде́ніе бли́жнягѡ: ꙗ҆́коже бо гла́днымъ предста́вивый мяса̀, и҆лѝ ры́бы въ снѣ́дь, ничто́же не ѹ҆ви́дитъ ѡ҆ста́вленное кромѣ̀ кѡсте́й: си́це въ прохла́дныхъ бесѣ́дованіяхъ, невозде́ржными ѹ҆сты̀ чꙋжда́я быва́етъ терза́на сла́ва, да ́є҆два̀ что̀ ѡ҆ста́тися мо́жетъ.

Многострада́лный І҆́ѡвъ то́же ѡ҆сꙋжде́ніе чл҃вѣкоꙋбі́йствомъ назна́менова, гл҃я:[4] а҆́ще и҆ мно́гажды рѣ́ша рабы́ни моя̀, кто̀ ѹ҆́бѡ да́лъ бы на́мъ ѿ пло́ти ́є҆гѡ̀ насы́титися; а҆́ки бы ре́клъ: а҆́ще и҆ мно́гажды л. рѯ҃ѳ предомно́ю дома́шніи преизли́шше хотя́хꙋ что̀ ѕло̀ ѡ҆ вразѣ̀ мое́мъ глаго́лати, не попꙋсти́хъ семꙋ̀ бы́ти никогда́же. и҆ Па́ѵелъ а҆пⷭ҇лъ: а҆́ще [5] (речѐ) дрꙋгъдрꙋ́га ѹ҆грыза́ете, и҆ снѣда́ете, блюди́теся, да не дрꙋ́гъ ѿ дрꙋ́га и҆стребле́ни бꙋ́дете. Во прⷪ҇ро́цѣхъ же цр҃ь, и҆ во цр҃ѣ́хъ кротча́йшій, и҆́же и҆згоня́ше ѡ҆клевета́ющаго та́й и҆́скренняго своего̀. ѡ҆ немилосе́рдныхъ тѣ́хъ человѣ́цѣхъ си́це: зꙋ́бы (речѐ) и҆́хъ ѻ҆рꙋ́жіе и҆[6] стрѣ́лы, и҆ я҆зы́къ и҆́хъ ме́чь ѻ҆́стръ. А҆́ще же и҆ чл҃вѣкоꙋбі́йство, и҆ дрꙋгъдрꙋ́га снѣдѣ́ніе ́є҆́сть ѡ҆сꙋжде́ніе, сꙋ́ть ѻ҆ба́че нѣ́цыи, и҆̀же лꙋ́чше хотя́тъ ѹ҆мре́ти па́че, не́жели да кто̀ и҆́хъ похвалꙋ̀ и҆спраздни́тъ, то́ль ́є҆́сть л. рѯ҃ѳ ѡ҆б. люта̀, и҆ па́че сме́рти страшнѣ́йшая ѕло́ба сія̀.

А҆ще́ же лютѣ́йша ́є҆́сть и҆ многовре́днѣйша самомꙋ̀ ѡ҆глаго́лникꙋ: не то́кмѡ бо вре́меннꙋю, но и҆ вѣ́чнꙋю ѿе́млет сла́вꙋ ́є҆мꙋ̀, чꙋ́жда ́є҆го̀ творя̀ чл҃колю́бія Гдⷭ҇ня, и҆ ꙗ҆вля́ющи ме́рзска всѣм чл҃кѡмъ: ѹ҆праздня́яйся бо в̾ чꙋжи́хъ, ѡ҆блича́етъ себѐ, ꙗ҆́кѡ ничто́же ѡ҆ себѣ̀ до́брое промышля́етъ. А҆ и҆́же тща́телнѡ свои́хъ грѣхѡ́въ тя́жесть разсꙋжда́етъ, и҆ блюде́тъ ѡ҆па́снѡ ка́кѡ въ за́повѣдехъ Гдⷭ҇нихъ без̾ поползнове́нія ходи́ти, не достае́тъ семꙋ̀ вре́мене пещи́ся ѡ҆ чꙋжи́хъ, ктомꙋ̀ стра́сть сія̀ сама̀ сꙋ́щи неꙋсыпа́ющемꙋ че́рвію ма́ти: поне́же ѿ го́рдости ражда́ется: а҆ го́рдость л. р҃ѻ ́є҆́сть законопрестꙋпле́ніе ѕѣ́лное. ѹ҆̀бо рцы́ ми ны́нѣ, гдѣ̀ ꙗ҆ви́мся, а҆́ще повреди́тъ и҆ на́съ па́гꙋба сія̀; въ и҆́ныхъ грѣсѣ́хъ ѡ҆брѣта́ющеся, понѐ мл҃твою Гдⷭ҇а на млⷭ҇ть прекланя́ти мо́жемъ, здѣ́ же и҆ мл҃тва по рече́нномꙋ бꙋ́детъ в̾ грѣ́хъ. гл҃яй бо: ѡ҆ста́ви на́мъ до́лги на́шя, ꙗ҆́коже и҆ мы̀ ѡ҆ставля́емъ должникѡ́мъ на́шымъ. ѿмще́нія про́ситъ на себѐ. Что́ бо и҆но́е моле́ніе ́є҆гѡ̀ зна́менаетъ, а҆́ще не сіѐ, а҆́кибы ре́клъ: а҆́зъ ниеди́номꙋ комꙋ́ждо ѿпꙋща́ю что̀, но ́є҆щѐ и҆ до́брꙋю мнѡ́гимъ ѹ҆маля́ю сла́вꙋ: и҆ а҆́ще въ ко́емъ не ѡ҆бря́щꙋ поро́ка, то̀ а҆́зъ примы́шлю: а҆́ще же ѡ҆бря́щꙋ что̀ ма́лое, сіѐ ѹ҆мно́жꙋ сꙋгꙋ́бѡ, л. р҃ѻ ѡ҆б. трегꙋ́бѡ, и҆ ́є҆ли́кѡ возмо́жнѡ. Молю̀ ѹ҆́бѡ тя̀ ѻ҆́ч҃е на́шъ, да ни ́є҆ди́но престꙋпле́ніе моѐ бꙋ́детъ мнѣ̀ проще́но, и҆, да всѝ ѡ҆ мнѣ̀ возглаго́лютъ не до́брѣ, поро́ки же моя̀ и҆ бла́зни моя̀, а҆́ще и҆ ма́ли сꙋ́ть, да вели́цы бꙋ́дꙋтъ в̾ лю́дехъ, сіе́ бо ́є҆́сть и҆́стое глаго́лати, а҆́ще ѕлотворя́ще и҆́нымъ, мо́лимся: та́кѡ ѡ҆ста́вленнымъ бы́ти долгѡ́мъ на́шымъ, ꙗ҆́коже и҆ мы̀ ѡ҆ставля́емъ должникѡ́мъ на́шымъ. Ѹ҆цѣломꙋ́дритися ѹ҆̀бо, ѹ҆цѣломꙋ́дритися подоба́етъ, вѣ́дꙋщымъ, коли́кѡ на́мъ ѕла̀ приноси́тъ я҆зы́къ неѡбꙋзда́нный.

Ѿ плодѡ́въ и҆́хъ[7] (речѐ гдⷭ҇ь) позна́ете и҆̀хъ, ́є҆да̀ ѡ҆б̾е́млютъ ѿ те́рнія л. рѻ҃а гро́здіе, и҆лѝ ѿрѣ́пія смо́квы: Вся́кое дре́во до́брое плоды̀ добры̀ твори́тъ, а҆ ѕло́е дре́во плоды̀ ѕлы̀ твори́тъ. не мо́жетъ дре́во добро̀ плоды̀ ѕлы̀ твори́ти: ни дре́во ѕло̀ плоды̀ добры̀ твори́ти. а҆́кибы ре́клъ: а҆́ще кто̀ бл҃гъ и҆ добродѣ́теленъ, се́й всѣ́мъ ми́ренъ и҆ прія́тенъ. а҆́ще кто̀ ѕо́лъ, се́й всегѡ̀ чи́на преврати́тель я҆зы́комъ свои́мъ, ниже́ бо что̀ мо́жетъ ми́рное глаго́лати лꙋка́въ сꙋ́щь: занѐ ѿ и҆збы́тка ѹ҆ста̀ глаго́лютъ. и҆ благі́й человѣ́къ ѿ блага́гѡ[8] сокро́вища и҆зно́ситъ блага̑я: и҆ лꙋка́вый человѣ́къ, ѿ лꙋка́вагѡ сокрѡ́вища и҆зно́ситъ лꙋка̑вая. Но кі́я сꙋ́ть плоды̀ добры̀, л. рѻ҃а ѡ҆б. сказꙋ́етъ на́мъ ꙗ҆зы́кѡвъ ѹ҆чи́тель: [9] Пло́дъ (речѐ) дх҃о́вный ́є҆́сть, любы̀ ра́дость, ми́ръ, долготерпѣ́ніе, бла́гость, милосе́рдіе, вѣ́ра кро́тость, воздержа́ніе.

Кі́я же и҆ ѕлы́я, Гдⷭ҇ь сказа̀ на́мъ: ѿ срⷣца речѐ и҆схо́дят помышл́є́нія ѕла̑я, сія̀: ѹ҆бі̑йства, прелюбодѣя̑нія любодѣя̑нія, татбы̑, лжесвидѣ́т́єлства, хꙋлы̑: мно́жицею же всѣ́ми си́ми и҆зѡби́лꙋетъ ѡ҆глаго́лническое се́рдце.

До́брѣ ѹ҆́бѡ таковы́хъ клеветника́ми, си́рѣчь діа́волами нарица́ютъ. И҆́менемъ бо и҆ дѣ́йствомъ бѣ́сꙋ подо́бни сꙋ́ть.

А҆́ще же кто̀ бори́мь ́є҆́сть стра́стію се́ю, да помина́етъ де́нь ѻ҆́нъ, л. рѻ҃в в̾ ѻ҆́нь же всѣ́хъ та̑йная ѡ҆блича́тся, и҆ вся́къ ѿ дѣ́лъ свои́хъ и҆лѝ ѡ҆сꙋ́дится, и҆лѝ просла́вится, кі́йждо на́съ ѡ҆ себѣ̀ да́стъ сло́во Бг҃ови. [10] при́снѡ же да глаго́летъ въ се́рдцѣ свое́мъ: кто̀ да́стъ ѹ҆стѡ́мъ мои́мъ храни́лище, и҆ на ѹ҆стѣ́хъ мои́хъ печа́ть ко́ва, да не падꙋ́ся ѿ нея̀, и҆ я҆зы́къ мо́й да не погꙋби́тъ менѐ.