Ѡ҆ шепотникѣ̀.

Не вѣ́й вся́цѣмъ вѣ́тромъ, ни сло́вы шепотни́къ, и҆ я҆зы́комъ[1] свои́мъ не ѹ҆ловля́й, ѡ҆ та́ти бо стꙋ́дъ ́є҆́сть, и҆ зазо́ръ лꙋка́въ ѡ҆ двоязы́чномъ.

Сія̀ нѣ́цыи (ѻ҆́бразъ бл҃гоче́стія и҆мꙋ́щіи, си́лы же ́є҆гѡ̀ ѿве́ргшіися) всеизвѣ́стнѡ вѣ́дꙋще: да не ка́кѡ себѐ в̾ таковы́й дадꙋ́тъ подзо́ръ, ѻ҆ба́че вре́да своегѡ̀, и҆́мже стра́ждꙋтъ, ѹ҆таи́ти, па́че же и҆зврещѝ не могꙋ́ще. ди́внѣ себѐ ѹ҆строя́ютъ, по подо́бію ѻ҆́нагѡ, и҆́же преѡбразꙋ́ется во а҆́гг҃ла свѣ́тла. И҆ ѹ҆жѐ не наска́чꙋще, [2] нижѐ а҆́ки ра́дꙋющеся, но со ѹ҆хищре́ннымъ стыдѣ́ніемъ, и҆ воздыха́ніемъ глꙋбо́кимъ, лице́мъ ско́рбнымъ, л. рѯ҃́є ѡ҆б. и҆ а҆́ки смꙋще́нным, вѣ́ждома низпꙋще́нныма, гла́сом приꙋмири́телнымъ соꙋмѣ́рителнѣ толи́кѡ, ́є҆ли́кѡ ꙗ҆товѣ́ренъ бꙋ́детъ, ѹ҆строя́етъ бесѣ́дꙋ: соболѣ́знꙋю, глаго́ля: по премнѡ́гꙋ ́є҆мꙋ̀ (ѻ҆́нсица наре́къ:) ꙗ҆́кѡ любе́зенъ ми ́є҆́сть, и҆ никогда́ же в̾ се́мъ паде́жѣ ́є҆го̀ и҆спра́вити могꙋ̀. Та́же дрꙋгі́й, горѣ̀ возне́съ ѻ҆́цѣ, речѐ: мнѣ̀ и҆ пре́жде и҆звѣ́стнѡ бя́ше ѡ҆ не́мъ сіѐ, ѻ҆ба́че поне́же дрꙋ́гъ ми ́є҆́сть, и҆ не хотѣ́лъ бы́хъ ѡ҆ста́вити ́є҆го̀, вся̑ покрыва́хъ, и҆ никомꙋ́ же что̀ мно́ю ѿкры́ся: а҆ поне́же и҆ и҆́ным то̀ свѣ́домо, вопрекѝ не могꙋ̀ гл҃ати: та́кѡ ́є҆́сть. Ѽ любвѐ дрꙋ́жескія! Ѽ соболѣ́знованія ми́рнагѡ! Но то́й, а҆́ще и҆ непщева́нъ во ѻ҆́чію л. рѯ҃ѕ си́хъ безꙋ́мных ѹ҆мре́ти, в̾ живы́хъ ́є҆́сть, и҆ въ ми́рѣ ѡ҆брѣта́ется, никомꙋ́же что̀ пови́ненъ. Бг҃ъ ́є҆го̀,[3] ꙗ҆́кѡ зла́то в̾ горни́лѣ и҆скꙋси́лъ ́є҆́сть. Та́же помоществова́въ, ѡ҆брѣта́етъ ́є҆го̀ досто́йна себѣ̀, сѣ́тію же[4] ѹ҆вяза́ютъ веселя́щіися ѡ҆ паде́ніи бл҃говѣ́рныхъ, и҆ болѣ́знь погꙋби́тъ я҆̀ пре́жде сме́рти и҆̀хъ.

А҆́ще на ка́мень стрѣла̀ бꙋ́детъ[5] и҆спꙋще́на, мно́жицею ко и҆спꙋсти́вшемꙋ возвраща́ется: того́же ѹ҆язвля́я: и҆ шепотник ́є҆гда̀ слы́шащаго ви́дитъ ѡ҆ се́мъ не бл҃говоля́ща, па́че же и҆ ѿвраща́ющагося и҆ затыка́ющаго ѹ҆́ши, и҆змѣни́тъ лицѐ своѐ, и҆змѣни́тъ и҆ бесѣ́дꙋ, ѹ҆́жасъ ѡ҆бы́метъ́є҆го̀, и҆ стꙋ́дъ и҆змѣ́нитъ ѻ҆́чи л. рѯ҃ѕ ѡ҆б. ́є҆мꙋ̀, прилпне́тъ ꙗ҆зы́къ горта́ни ́є҆гѡ̀. Ра́знствіе шепотника̀ и҆ клеветника̀ сіѐ ́є҆́сть: клеветни́къ кого́ ли бо ѹ҆грыза́етъ, до́брое и҆́мя ѕлосла́вно творя̀. шепотник же междꙋ̀ бра́тіею, и҆лѝ дрꙋ́гами, и҆лѝ сосѣ́дами пле́велы [6] сѣ́етъ. тогѡ̀ ра́ди писа́ніе шепотника̀ и҆ двоязы́чника кля́сти повелѣва́етъ. Гони́вый же цр҃ковь, и҆ по се́мъ бы́въ сосꙋⷣ и҆збра́нный Па́ѵелъ а҆пⷭ҇лъ, таковы́хъ сꙋди́лъ ́є҆́сть сме́рти достойных. и҆ не то́чію си́хъ, и҆̀же са́ми творя́тъ, [7] но и҆ соизволя́ющихъ творя́щымъ.

Ѻ҆ба́че же сіѐ да вѣ́мы:

Ꙗ҆́кѡ вся́къ сожи́телствꙋяй комꙋ̀, [8] и҆ свѣ́дый ́є҆гѡ̀ безчи́ніе, и҆лѝ что̀ и҆́но ѕло̀ творя́щагѡ: любо́вію и҆справле́нія, и҆ спасе́нія бли́жнягѡ л. рѯ҃з ѹ҆бѣжде́нъ, ́є҆мꙋ́же вѣ́дати надлежи́тъ, возвѣсти́ти до́лженъ ́є҆́сть. Да не ѹ҆тае́нный грѣ́хъ дш҃ꙋ погꙋбит, да не наведе́тся гра́дꙋ и҆лѝ странѣ̀ то́й какова̀ бѣда̀. А҆ ѹ҆таева́яй со творя́щим, ра́вной полежи́тъ ка́зни.