Ѡ҆ за́висти

Сто́лпъ, доне́лѣже пра́вѡ стоя́щъ пребꙋ́детъ, дото́лѣ нижѐ безчи́сленными тя́жестми бꙋ́детъ низринове́нный. Є҆ще́ же и҆ крѣ́пость свою̀ пріе́млетъ ѿтꙋ́дꙋ. Є҆гда́ же ма́лѡ что̀ ко странѣ̀ ́є҆ди́ной бꙋ́детъ восклоне́нный, тогда̀ са́мая тя́жесть низри́нетъ, и҆ ѡ҆бвали́тъ ́є҆го̀. подо́бнѣ и҆ срⷣце чл҃вѣ́ческое, доне́лѣже зря́ще дрꙋ́га своего̀ хвали́ма, почита́ема, ѿ всѣ́хъ бл҃жи́ма, бл҃гополꙋ́чіемъ, премⷣростію, бога́тствомъ, и҆лѝ ко́имъ и҆зя́ществомъ и҆зѡби́лꙋема, пра́вѡ бꙋ́детъ, дото́лѣ а҆́ки ѡ҆ свои́хъ сѝ и҆́стыхъ ра́дꙋющися, и҆ веселя́щися, крѣ́пкѡ бꙋ́детъ. л. рѯ҃а ́є҆ще́ же и҆ бо́лшее ѿсю́дꙋ ѹ҆твержде́ніе, не ѿ хлѣ́ба, по ѱало́мникꙋ, ѡ҆ крѣ́пости ре́кше: и҆мѣ́етъ, ра́достно бо всегда̀ сꙋ́щи, теплѣ́йшее пребыва́етъ, послѣ́дователнѣ и҆ здра́вственнѣйше и҆ си́лнѣйше. ѿкꙋ́дꙋ всемꙋ̀ соста́вꙋ чл҃вѣ́ческомꙋ живо́тъ прихо́дитъ, а҆́ще ма́ло что̀ вознегодꙋ́етъ ѡ҆ добрѣ̀ бли́жнягѡ, всѐ вопрекѝ ѿи́детъ. и҆ ѹ҆жѐ ́є҆ли́кѡ въ бли́жнем соверше́нствъ ѹ҆́зрит, толи́кѡ болѣ́зней, толи́кѡ ꙗ҆́звъ бꙋ́детъ въ срⷣцѣ ́є҆гѡ̀. и҆ сѐ ѹ҆жѐ за́висть. ꙗ҆́же ́є҆́сть болѣ́знь срⷣца ѡ҆ добрѣ̀ бли́жнягѡ, то̀ вре́дъ тѣле́сный. Что́ же и҆ коли́кое ѕло̀ дꙋшѝ прино́ситъ вне́млемъ Златоꙋ́стагѡ ѹ҆стѡ́мъ: ничто́же (речѐ) та́кѡ[1] всемꙋ̀ ѕлꙋ̀ вино́внѡ, ꙗ҆́коже за́висть лю́тое сіѐ недꙋ́гованіе, и҆ вся́кія млⷭ҇ти лише́нное: а҆́ще бо и҆ зна́меніе сотвори́тъ кто̀, а҆́ще и҆ дѣ́вство, а҆́ще и҆ по́стъ, а҆́ще и҆ до́лꙋ лега́ніе пока́жетъ, и҆ ко а҆́гг҃лѡмъ чре́зъ сі́и добродѣ́тели пости́гнетъ, всѣ́хъ бꙋ́детъ скве́рнѣйшій се́ю недꙋ́гꙋяй стра́стію, и҆ прелюбодѣ́я, и҆ блꙋдника̀, и҆ разбо́йника, и҆ гробокопа́теля законопрестꙋ́пнѣйшій ́є҆́сть, ѹ҆̀бо гдѣ̀ ꙗ҆ви́тся таковы́й;

Тѣ́мже, хотя́й толи́кагѡ и҆збѣ́гнꙋти мꙋче́нія, то́ль напра́сныя свободи́тися поги́бели, ꙗ҆́коже возмо́жно: потщи́мся въ себѣ̀ ѹ҆мерщвля́ти стра́сть тщесла́вія, да не помышля́ем ѡ҆ себѣ̀ что̀ высо́кѡ, та́кѡ бо л. рѯ҃в ѡ҆блада́нное се́рдце, при́снѡ боли́тъ, ́є҆гда̀ что́ ли бо и҆лѝ ви́дитъ и҆лѝ слы́шитъ таково́е, и҆́мже ѻ҆́нъ побѣжда́ется, ꙗ҆́коже бога́тство, сла́ва, премꙋ́дрость, хꙋдо́жество, и҆ про́чія добродѣ́тели, и҆́хже зави́дящій не и҆́мать: тѣ́мже и҆ мꙋ́чится тщесла́віемъ дви́жимый. Стра́ждетъ же се́й, и҆ тогда̀, ́є҆гда̀ зри́тъ, и҆ ра́вныхъ, и҆ бо́лшихъ, и҆ ме́ншихъ каковꙋ́ю ли бо че́сть пости́гшихъ, зави́дитъ ра́внымъ: поне́же подо́бни сꙋ́ть ́є҆мꙋ̀ во все́мъ, ме́ншимъ зави́дитъ: поне́же соравня́ются ́є҆мꙋ̀. Бо́лшимъ же: поне́же не достиза́етъ и҆́хъ, си́це же пребыва́ющій здѣ̀, а҆́ки во а҆́дѣ живе́тъ. Повине́мся ѹ҆̀бо а҆пⷭ҇лскомꙋ совѣ́тꙋ л. рѯ҃в ѡ҆б.[2] и҆ не быва́им тщесла́вни, дрꙋгъдрꙋ́га раздража́юще, дрꙋгъдрꙋ́гꙋ зави́дяще, вся̑ бо сія̀ ́є҆ди́нъ вся̑ премꙋ́дрѣ стро́ящій подава́етъ томꙋ̀, ́є҆мꙋ́же хо́щетъ. глаго́ляй къ на́мъ:[3] а҆́ще ѻ҆́ко твоѐ лꙋка́во, ꙗ҆́кѡ а҆́зъ бл҃гъ ́є҆́смь. и҆лѝ нѣ́сть мѝ лѣ́ть сотвори́ти ́є҆́же хощꙋ̀ въ свои́хъ мѝ.