Ѡ҆ щедро́тѣ.

Прⷭ҇нѡ во ѹ҆стѣ́хъ на́шихъ ѡ҆бно́симъ рече́нное прⷪ҇ро́комъ: Бл҃гъ мꙋ́жъ ще́дря и҆ дая̀, ѹ҆стро́итъ словеса̀ своя̀ на сꙋдѣ̀, ꙗ҆́кѡ во вѣ́къ не подви́жится. и҆ па́ки: расточѝ, дадѐ ѹ҆бѡ́гимъ, пра́вда ́є҆гѡ̀ пребыва́етъ во вѣ́къ вѣ́ка, ро́гъ ́є҆гѡ̀ вознесется во сла́вѣ. Но та́кѡ неради́ви ́є҆смы̀ въ си́хъ, та́кѡ нечꙋ́ственни ́є҆смы̀: ꙗ҆́кѡ пра́ведно и҆ по достоя́нію ѡ҆ на́съ вопи́ти писа́нію: слꙋ́хом ѹ҆слы́шите, и҆ не и҆́мате разꙋмѣ́ти, и҆ ви́дяще ѹ҆́зрите, и҆ не и҆́мате ви́дѣти. ѡ҆дебелѣ́ бо срⷣце люде́й си́хъ, и҆ ѹ҆ши́ма тя́жкѡ слы́шаша, и҆ ѻ҆́чи своѝ смѣжи́ша, да не ка́кѡ ѹ҆ви́дят ѻ҆чи́ма, и҆ ѹ҆ши́ма ѹ҆слы́шатъ, и҆ срⷣцем л. рн҃и ѡ҆б. ѹ҆разꙋмѣ́ютъ, и҆ ѡ҆братя́тся, и҆ и҆сцѣлю̀ и҆́хъ. Кто́ бо неизвѣ́стенъ сегѡ̀, ꙗ҆́кѡ стори́цею ѡ҆бѣща̀ воздая́ти. и҆ ча́шꙋ воды̀ стꙋдены̀, да и҆́ныя во и҆́мя пра́веⷣниче, без мзды̀ не ѡ҆ставля́етъ. стра́хъ ѻ҆́баче сицевы́й наложи́лъ ́є҆́сть вра́гъ земны́мъ: ꙗ҆́кѡ а҆́ще подади́мъ комꙋ̀ что̀ ѿ и҆мѣ̑ній, а҆́кибы ѹ҆жѐ лиши́мся ѿсе́лѣ и҆ дневны́я въ домꙋ̀ пи́щи. ѿ рꙋ́къ наꙋчи́мся при́тчи: бога̑тства бо а҆́ки во́ды низхо́дятъ, ѹ҆̀бо че́рплющіи горѣ̀, творя́тъ ли ѡ҆би́дꙋ ни́жним, ́є҆́й маловѣ́ріе на́ше. ꙗ҆́коже бо рѣка̀ всѣ́мъ и҆зѡби́лнѣ, си́це млⷭ҇тивнѣ подава́емое богатство всегда̀ дово́лствовати на́мъ бꙋ́детъ. вѣ́сть бо Гдⷭ҇ь въ тре́бованіяхъ на́шихъ л. рн҃ѳ посо́бствовати на́мъ, ꙗ҆́коже посо́бствова Кѡнстанті́нꙋ Тіве́рію, и҆́же по І҆ꙋсті́нѣ ю҆нѣ́йшемъ ри́мскія держа́вы воспрія́тъ ски́птръ.

Се́й бо щедролюби́въ сы́й, ѻ҆́во[1] и҆скꙋпꙋ́я плѣ́нныхъ, ѻ҆́во созида́я болни́цы, страннопріи́мницы, и҆ монастырѝ знамени́ты, ѻ҆́во помоществꙋ́я ни́щымъ и҆ тре́бꙋющымъ. Въ толи́кꙋю прише́лъ бя́ше скꙋ́дость, ꙗ҆́кѡ нижѐ црⷭ҇тѣй трапе́зѣ и҆ждиве́ніе довля́ше, въ таково́мъ сы́й недоста́точествѣ, кро́тцѣ рꙋга́ніе и҆ поноше́ніе безꙋ́мных маловѣ́рѡвъ, претерпѣва́я ѹ҆пова́юⷳ. На сего̀ и҆́же речѐ: не ѡ҆пꙋщꙋ́ тя, бы́сть всѣ́хъ посрами́тель: ́є҆ди́ною бо ходя́й в̾ пала́тах ви́дѣ Мра́мор л. рн҃ѳ ѡ҆б. съ начерта́ніемъ крⷭ҇тнымъ, въ помо́стъ ѹ҆стро́енный, ́є҆го́же, зна́менія ра́ди такова́гѡ, повелѣва́етъ и҆з̾я́ти ѿтꙋ́дꙋ. и҆ ѡ҆брѣта́ется подо́бный, но и҆ семꙋ̀ и҆з̾я́тꙋ сꙋ́щꙋ па́ки тре́тій: воздви́женꙋ же и҆ томꙋ̀ сꙋ́щꙋ: па́че наде́жды ѕѣлѡ̀ простра́нное безчи́сленнымъ зла́томъ напо́лненное, ѡ҆брѣта́етъ сокро́вище. ́є҆го́же с̾ бл҃годаре́ніемъ вы́шнягѡ, пріе́мъ мно́гѡ, мно́жае сотвори́ся пода́тливѣйшій. Зрѝ ка́кѡ Гдⷭ҇ь не ѡ҆ста́вилъ ́є҆́сть ѹ҆пова́ющагѡ на́нь, ꙗ҆́кѡ свѣ́дꙋщъ тре́бѡванія на́ша, ка́кѡ же и҆ зла́тꙋ вѣ́рꙋющихъ ѡ҆ставля́етъ: (поне́же ненадѣ́ются на́нь) вне́млемъ: Тоя́же держа́вы л. р҃ѯ мона́рхъ І҆ꙋ́лій ю҆нѣ́йшій, та́кѡ недꙋ́говаше сребролю́біемъ, ꙗ҆́кѡ мнѡ́гія тала́нты зла́та, ѿ грабле́нія и҆ ѹ҆держа́нія мзды̀ вои́нскія, собра́въ, напо́лни ківѡ́ты вели́кія ѿ сама́гѡ ѹ҆строе́нія желѣ́за со заключе́ніи крѣпча́йшими, и҆ во внꙋ́треннихъ ꙗ҆̀ пала́тахъ держа́ше. что́ же по се́мъ; Са́мъ ѹ҆́мъ погꙋбѝ, и҆ црⷭ҇тва лише́нъ ́є҆́сть, женѣ̀, ча́дѡмъ и҆ дрꙋгѡ́мъ сиротство̀ и҆ бѣды̀: а҆ бога́тство и҆́нымъ ѡ҆ста́вилъ. Зрѝ па́ки: то́еже црⷭ҇тво Кѡнстанті́нꙋ Тіве́рію че́сть и҆ сла́вꙋ: Семꙋ́ же стꙋ́дъ и҆ поги́бель дарова́ло ́є҆́сть.

л. р҃ѯ ѡ҆б.