Ѡ҆ скꙋ́пости.

Дѣ́ти начина́ющіи ѹ҆чи́тися ходи́ти, такꙋ́ю стра́ждꙋтъ бѣдꙋ̀: да и҆лѝ на сію̀ и҆лѝ на ѻ҆́нꙋ странꙋ̀ прекланя́ются. Си́це и҆ не любопода́тливи дѣ́ют: хотя́ще покры́ти скꙋ́пость, всеизнꙋри́телни сꙋ́ть, навыка́юще ѡ҆ща́дства скꙋ́постію заключа́ютъ себѐ. Чꙋ́ждагѡ ѹ҆кланя́ющеся, нижѐ своих ѹ҆потребля́ютъ. и҆ да не пра́здны ꙗ҆́вятся, то́ль всегда̀ въ трꙋдѣ́хъ, л. рн҃ѕ и҆ въ сꙋ́етствіи пребыва́ютъ, а҆́кибы и҆́нъ вѣ́къ жи́ти хотя́ще, того̀ ра́ди потр́є́бная ѹ҆готовля́ютъ себѣ̀. Раздра́нна сꙋ́ть и҆́мъ ѡ҆дѣя́нія, ме́рзска зда̑нія, трапе́за нечи́ста, жена̀ и҆ ча́да, а҆́ки ѿ пꙋтѝ прише́дшіи. Стра́шенъ и҆̀мъ ѻ҆́бразъ ни́щихъ: но поне́же въ раздра́нныхъ сꙋ́ть, (ми́лъ бо и҆̀мъ тако́въ зра́къ:) но поне́же хо́щꙋтъ ѿ негѡ̀ нѣ́что проси́ти. Го́рекъ зво́нъ цр҃ко́вный, и҆ та́мѡ бо ча́етъ пѣ́нязь нѣ́кій. ѿда́ти.

Вся́ческихъ цѣ́нꙋ и҆спытꙋ́етъ на то́ржищи, но ра́дъ бы ни за ́є҆ди́но что̀, цѣ́нꙋ пода́вши, привлещѝ въ до́мъ сво́й. вели́къ и҆ дово́лствꙋющій в̾ чꙋ́жыхъ, в̾ свои́хъ же л. рн҃ѕ ѡ҆б. смире́нъ, ма́лъ и҆ ѹ҆бо́гъ. всегда̀ дря́хлъ, всегда̀ ско́рбенъ, а҆́кибы женꙋ̀ и҆лѝ сы́на погре́бшій. гл҃етъ же, да не когда̀ пріи́детъ нищета̀ на мя̀, и҆ не и҆мѣ́ти бꙋ́дꙋ дневны́я пи́щи, тѣ́мже нищеты̀ боя́йся, го́рѣе ни́щагѡ мꙋ́читъ себѐ, над̾ и҆мѣ̑ніями не господи́нъ, но стра́жъ ́є҆́сть, нижѐ вѣ́сть комꙋ̀ собира́етъ.

Но ́є҆щѐ глаго́лютъ: Ча́дъ ра́ди сохраня́емъ сія̀, ꙗ҆́кѡ до́лжни сꙋ́ще [1] и҆̀мъ сниска́ти и҆мѣ̑нія. безвѣ́стно ́є҆́сть сіѐ: а҆́ще та́кѡ бꙋ́детъ. мно́жицею же не та́кѡ, а҆́ще же и҆ бꙋ́детъ сіѐ: ѻ҆́баче ка́я по́лза ѿвсю́дꙋ; ка́я ѿра́да; ́є҆да̀ ча́дъ ра́ди ѹ҆множа́юще и҆мѣ̑нія, ѹ҆множа́ютъ со́вѣсти тя́жесть. и҆, ча́дъ л. рн҃з ра́ди храня́ще и҆мѣ̑нія, ненави́дят бли́жняго своего̀, не смо́трятъ а҆́лчꙋшихъ, стра́нніи, и҆ нагі́и, и҆ боля́щіи, и҆ въ темни́цѣ сꙋ́щіи не на чл҃колю́біе и҆ млⷭ҇ть, но на стра́хъ преклоня́ютъ и҆̀хъ. боя́тся бо да не и҆ ѻ҆нѝ пѣ́нязь даⷡ҇ше таковѝ бꙋ́дꙋтъ, и҆ рцы́ ми, что̀ бꙋ́детъ по се́мъ. ́є҆гда̀ и҆ мздꙋ̀ нае́мничꙋ скꙋ́пость ѹ҆держа́ти. совѣ́тꙋетъ, и҆ногда́ же и҆ в̾ чꙋжы́я внестѝ рꙋ́цѣ.

Го́ре же роди́тел́ємъ такѡ́вымъ, и҆̀же безꙋ́міемъ свои́мъ са́ми себѐ содѣ́ловаютъ поги́бель. Дѣ́ти (Ѽ бы нечꙋжі́и, ́є҆ще́ же и҆ вразѝ,) въ прохла́дѣ расточа́ютъ и҆мѣ̑нія, ѻ҆те́цъ же бѣ́дный взе́мъ съ собо́ю грѣхѝ да а҆́да нисхо́дитъ. Но почто̀ л. рн҃з ѡ҆б. ко млады́мъ вѣнча́ются сія̀; Сегѡ̀ [2] ра́ди: и҆́бо скꙋпы́хъ роди́телей, ча́да сꙋ́ть боязли́ви безмѣ́рнѡ, и҆ послѣ́дствꙋютъ степе́н́ємъ ро́ждшихъ и҆́хъ. Ю҆́ніи же соблюда́юще себѐ ѿ нра́ва такова́гѡ. Вне́млемъ а҆пⷭ҇лскій совѣ́тъ, и҆́же речѐ: братолю́біе да быва́етъ, страннолю́бія не забы́вайте. помина́йте ю҆́зники, а҆́ки съ ни́ми свя́зани, ѡ҆ѕлобля́емыя а҆́ки и҆ са́ми сꙋ́ще въ тѣ́лѣ, не сребролю́бцы нра́вомъ, дово́лни сꙋ́щими, са́мъ бо речѐ: не ѡ҆пꙋщꙋ́ тя, нижѐ ѡ҆ста́влю тя̀. и҆мѣ́юще же пи́щꙋ и҆ ѡ҆дѣя́ніе, си́ми дово́лни бꙋ́демъ.

л. рн҃и