Не и҆спы́товати, ѻ҆ба́че зна́ти бг҃а подоба́етъ.

Вперя́яй въ сія́ніе со́лнечное ѻ҆чеса̀ своя̀, погꙋбля́етъ зра́къ, ѹ҆даля́яйся ѿ свѣ́та ́є҆гѡ̀ при́снѡ, во тмѣ̀ пребꙋ́детъ. Бѣдꙋ̀ пріе́млетъ вся́къ вы́шше[1] и҆спытꙋ́яй ѡ҆ бз҃ѣ, ꙗ҆́коже не подоба́етъ и҆спытосло́вити. а҆ и҆́же не вѣ́сть бг҃а, ꙗ҆́коже подоба́етъ зна́ти, се́й прелще́нъ ́є҆́сть. ѹ҆̀бо ли́шше не и҆спытꙋ́им, а҆ ꙗ҆́коже до́лжнѡ ́є҆́сть вѣ́дати, навы́кнемъ нодо́лгꙋ. л. і҃ А҆́ще вѣ́дати хо́щемъ, кто̀ ѻ҆́нъ ́є҆́сть; бг҃ъ ́є҆́сть. а҆́ще гдѣ̀ пребыва́етъ; вездѣ̀, в̾ себѣ̀ и҆ ѡ҆ себѣ̀, ꙗ҆́коже А҆́ и҆ Ѡ҆: си́це бо и҆ са́мъ ѡ҆ себѣ̀ свидѣ́телствꙋяй гл҃етъ: А҆́зъ ́є҆́смь А҆́лфа, и҆ Ѡ҆ме́га, [2] нача́токъ, и҆ коне́цъ, сы́й и҆ бѣ̀, и҆ гряды́й. Вседержи́тель въ мі́рѣ [3] ́є҆́сть, ꙗ҆́коже прави́тель и҆ творе́цъ. междꙋ̀ а҆́гг҃лы, ꙗ҆́коже пи́ща и҆ сла́дость, въ цр҃кви, ꙗ҆́коже в̾ домꙋ̀ влⷣка, въ дꙋшѝ на́шей, ꙗ҆́кѡ жени́хъ в̾ черто́зѣ. междꙋ̀ првⷣными ꙗ҆́коже помо́щникъ и҆ защи́титель, в̾ ѕлы́хъ и҆ лꙋка́выхъ, стра́хъ ѻ҆́нъ ́є҆́сть и҆ тре́петъ, по́мощъ в̾ бѣда́хъ сꙋ́щымъ. бѣды̀ наводя́щымъ воздая́тель незабве́нный. Како́въ же ́є҆́сть л. і҃ ѡ҆б. и҆ ѻ҆́бразом бг҃ъ, какова́гѡ ѹ҆́бѡ сегѡ̀ во ѹ҆мѣ̀ твое́мъ бы́ти мни́ши; [4] мни́ши ли ́є҆гѡ̀ на прⷭ҇то́лѣ сѣдя́ща ве́тхагѡ де́нми, и҆ власы̀ бѣ́лы и҆мꙋ́ща;[5] ѻ҆́бразъ сѐ, и҆ видѣ́ніе то́кмѡ, бг҃ъ же безпло́тенъ ́є҆́сть, неви́димь ́є҆́сть. Помышля́еши ́є҆го̀ и҆ нѡ́ги и҆мꙋ́ща; но какѡвы́я; ѻ҆́гненныя ли; почто́ же; да сіѐ постижи́мою ско́ростію сія̑ и҆ ѻ҆́выя мѣста̀ ѡ҆бы́йдетъ, и҆ напо́лнит вся̑. рꙋ́цѣ ли ́є҆гѡ̀ возмни́ши и҆мꙋ́ща; простра́нны к̾ томꙋ̀, чесѡ̀ ра́ди; да взима́етъ, и҆ подава́етъ ѡ҆би́лнѡ. Но ѿ когѡ̀ взе́млет се́й, и҆́же всѣ́ми ѡ҆блада́етъ, вся̀ ѹ҆́бѡ сія̀ подо́бія то́кмѡ, а҆ не ве́щь сꙋ́щая в̾ бз҃ѣ. да́рствꙋетъ бо не рꙋка́ми, но человѣколю́біемъ. л. а҃і и҆ ѿе́млетъ по сꙋдба́мъ свои́мъ никомꙋ́ же ꙗ҆вл́є́ннымъ.

Ѻ҆чеса́ ли рече́ши и҆мꙋ́ща; какѡвы́я[6] же; бы́стрыя ли; ѻ҆́гненныя ли; и҆ и҆здале́че ѹ҆сматря́ющыя; но ѻ҆́нъ ве́сь ѻ҆́ко ́є҆́сть, ве́сь вся̑, и҆ во всѣ́хъ ве́сь. Тѣ́мъ и҆́на прⷭ҇то́лѣ вели́чества сла́вы своея̀, (ꙗ҆́коже ви́дѣнъ бы́сть) сѣдя́й, ми́рнѡ вся̀ ѹ҆правля́етъ, ти́хѡ назира́етъ вся̑, вся̑ ви́дитъ и҆здале́че, премⷣрымъ смотре́ніемъ свои́мъ вся̑ стро́итъ бл҃гочи́ннѡ, и҆ на вся̑ ра́внѡ призира́ет. А҆́ще же и҆ ѕѣлѡ̀ ти́хъ ́є҆́сть, но кто̀ постои́тъ лицꙋ̀ ́є҆гѡ̀, пти́цы воздꙋ́хъ и҆сполня́ющіи, въ непрохо́дныхъ мѣ́стѣхъ скита́ющіися ѕвѣ́ріе, и҆ ки́ты вели́кія во глꙋбинѣ̀ кры́ющіися л. а҃і ѡ҆б. морстѣ́й, боя́тся ́є҆гѡ̀, мно́гое мно́жество ты́сящы си́лъ безпло́тныхъ предхо́дятъ и҆ послѣ́дствꙋютъ ́є҆мꙋ̀. ѿ лица̀ ́є҆гѡ̀ гѡ́ры и҆стаева́ютъ, [7] и҆ земля̀ трепе́щетъ, ѻ҆́гнь пред̾ ни́мъ а҆́ки вода̀ тече́тъ, и҆ ме́ртвіи на гла́съ ́є҆гѡ̀ востаю́тъ [8] ѿ гробѡ́въ. То́ль вели́къ, то́ль си́ленъ, то́ль ́є҆́сть стра́шенъ бг҃ъ на́шъ. не та́кѡ ѻ҆ба́че ра́дꙋется ѡ҆ вели́чествіи свое́мъ, ꙗ҆́кѡ ѡ҆ на́шемъ промышля́етъ спасе́ніи. Нижѐ смꙋща́ется ѡ҆ свое́мъ ѹ҆ничиже́ніи, но ѡ҆ поги́бели на́шей.

л. в҃і