Ѡ҆ ща́дствѣ

Совопроша́яся и҆ногда̀, Гдⷭ҇ь с̾ ю҆́ношею ѡ҆ соверше́нствѣ, тако́въ ́є҆мꙋ̀ подадѐ совѣ́тъ: и҆дѝ прода́ждь и҆мѣ̑нія твоя̀, и҆ да́ждь ни́щымъ, и҆ и҆мѣ́ти бꙋ́деши сокро́вище на нб҃сѝ. а҆ ко и҆́нымъ гла҃ше си́це: не пецы́теся ѹ҆́тромъ, ѹ҆́тро ва́ми пече́тся. и҆ ́є҆щѐ: воззри́те на пти́цы нбⷭ҇ныя, ꙗ҆́кѡ ни сѣ́ютъ, ни жнꙋ́тъ, ни в̾ жи́тницы собира́ютъ, и҆ Ѻ҆́ц҃ъ нбⷭ҇ный пита́етъ и҆̀хъ, сія̀, и҆ си́мъ подѡ́бная реч́є́нія гдⷭ҇ня, соразсꙋжда́юще и҆ лѣ́ты и҆ ѹ҆мо́мъ младе́нствꙋющіи: и҆ні́и на лѣ́ность, л. рм҃́є и҆ні́и на безчи́нное ѡ҆браща́ются и҆стоще́ніе и҆мѣ́ній свои́хъ: полага́юще в̾ то́мъ нѣ́кое бл҃гоче́стіе, ́є҆́же расточи́ти и҆мѣ̑нія своя̀, и҆ ничи́мъ же пещи́ся. Да пріи́мꙋтъ себѣ̀ во ѹ҆́мъ та́кѡ бл҃гоче́ствꙋющіи ѡ҆ща́дство Гдⷭ҇не, ѡ҆ща́дство глаго́лю тогѡ̀, кото́рагѡ пятію̀ хлѣ́бы и҆ двома̀ ры́бами, пя́ть ты́сящь наро́да кромѣ̀ же́нъ и҆ дѣте́й, насы́тилъ ́є҆́сть. ѻ҆ба́че же ѡ҆ста́тки повелѣ̀[1] въ ко́шницы собра́ти.

Та́кѡ вездѣ̀ и҆ во все́мъ и҆зли́шнягѡ подоба́етъ блюсти́ся и҆знꙋре́нія, а҆́ще бо по ѡ҆крꙋ́хꙋ начне́мъ ѡ҆ставля́ти, и҆лѝ разверга́ти безмѣ́стнѡ, то̀ и҆ црⷭ҇кія на́мъ не бꙋ́дꙋтъ довлѣ́ти сокрѡ́вища. л. рм҃́є ѡ҆б.

А҆лфо́нъ А҆раго́нскій цр҃ь, и҆знꙋри́телнꙋ во́инꙋ нѣ́коемꙋ нѣ́что ѿ негѡ̀ [2] прося́щꙋ, ѿвѣща̀, гл҃я: Ѽ дрꙋ́же, а҆́ще толи́жды да́мъ тебѣ̀, ́є҆ли́жды про́сиши: скорѣ́е а҆́зъ ѹ҆бо́гъ, не́жели ты̀ бога́тъ бꙋ́деши: и҆ ма́лыя бо, но ча́стыя и҆ждив́є́нія вели̑кая раⷭ҇тлѣва́ютъ и҆ и҆стощава́ютъ и҆мѣ̑нія. Ѻ҆ба́че же не подоба́ет та́кѡ заключа́ти и҆мѣ̑ній, ꙗ҆́кѡ да ѹ҆жѐ ни на потр́є́бная и҆знꙋря́емъ я҆̀: ѻ҆бое́ бо вре́дно и҆ неполе́зно ́є҆́сть. ꙗ҆́кѡ нижѐ си́це не затворя́ти, да всѣ́мъ бꙋ́дꙋтъ ѿве́рста: таково́мꙋ бо безчи́нномꙋ и҆знꙋре́нію послѣ́дствꙋетъ недоста́точество, та́же хище́ніе, занѐ подава́юще нечино́внѡ, на́чнꙋт не доста́точествовати, та́же в̾ чꙋжда́я л. рм҃ѕ бл҃га̑я рꙋ́цѣ своѝ внестѝ понꙋжда́ются. Да вѣ́дятъ же сицеві́и, ꙗ҆́кѡ не толи́кꙋю прія́знь ѿ си́хъ, и҆̀мже дадо́ша, притя́жꙋтъ, коли́кꙋю не́нависть ѿ си́хъ, и҆́хже и҆мѣ̑нія гра́бятъ. Да́ждь тре́бꙋющемꙋ по ра́зꙋмꙋ, а҆ наипа́че ѿ кра́йнія нꙋ́жды, и҆ждивѝ на потр́є́бная: не да́ждь въ сꙋ́етное и҆ждиве́ніе, на пти́цы, на псы̀, на пра́здныя кѡ́ни, и҆ слꙋгѝ и҆зли́шнія. котѡ́рымъ, поне́же всꙋ́е хлѣ́бъ тво́й ꙗ҆дя́тъ, ты̀ до́лженъ ́є҆сѝ мздꙋ̀ и҆̀мъ подава́ти ѹ҆рече́ннꙋю. Поплю́й таково́е ме́рзское тщесла́віе, ма́ти бо ́є҆́сть гееннѣ, и҆ не нерадѝ ѡ҆ нем, но и҆ ѕѣ́лное приложи́ти тща́ніе подоба́етъ. Лю́тъ ѕвѣ́рь тщесла́віе, и҆ [3] не ско́рѡ прогоня́ется: и҆ны́я бо л. рм҃ѕ ѡ҆б. стра̑сти сме́ртію ско́чаваются. Сія́ же и҆ по кончи́нѣ нꙋ́дится своѐ показа́ти дѣ́йство. Ни лѝ не ви́димъ таковых, кото́ріи многоцѣ́нная при погреба́ніи и҆знꙋр́є́нія творя́тъ, а҆ жи́ви сꙋ́ще, нижѐ пѣ́нязя ́є҆ди́наго, нижѐ ѹ҆крꙋ́ха хлѣ́ба, без̾ ѹ҆кори́зны подадо́ша, прося́щымъ, но ѹ҆жѐ тщесла́внѣ ѹ҆ме́рше, дово́лнꙋю и҆ че́рвію трапе́зꙋ предлага́ютъ. Са́ми не и҆мꙋ́ще да ѡ҆мо́читъ кто̀ пе́рстъ в̾ водѣ̀, и҆ ѡ҆хлади́тъ я҆зы́къ и҆́хъ.