Ѡ҆ зна́меніи любвѐ.

Ѹ҆мышл́є́нія и҆ и҆звѣ́ты чл҃вѣ́ческія ꙗ҆́кѡ то́ль многохи́трна и҆ многоплете́нна сꙋ́ть: нѣ́сть сіѐ чꙋди́мо, нижѐ хꙋ́лно всѣ́мъ, но и҆ похва́лно мно́жицею, па́че же нѣ́цыи и҆ за ра́зꙋмъ почита́ют сицево́е кова́рство. Сіѐ то́чію ѕѣлѡ̀ ѹ҆диви́телно, па́че же и҆ не сказа́нно ́є҆́сть, ꙗ҆́кѡ вся̑ проти́внѡ мня́тъ, вся̀ сꙋ́дятъ вопрекѝ, всемꙋ̀ вопрекѝ вѣ́рꙋ ́є҆́млютъ. Не то́кмѡ же ѕло́бный, но мно́зи и҆ ѿ пра́ведных та̑яжде стра́ждꙋтъ, л. р҃і боя́щеся, да не когда̀ ѿ ѕлохи́трых преще́ни бꙋ́дꙋтъ. Ꙗ҆́коже бо въ зерца́лѣ начерта́ніе и҆́нъ и҆з̾явля́етъ ра́зꙋмъ, та́кѡ лꙋка́віи преѡбразꙋ́ющеся во а҆́гг҃ела свѣ́тла мно́жицею на́мъ та́мѡ глаго́лютъ тишинꙋ̀ и҆ МИР, и҆дѣ́же РИМ: сирѣ́чь во́пль и҆ смꙋще́ніе и҆звѣ́ствовати подоба́ше. Разꙋ́мнѣе ѹ҆́бѡ нѣ́цыи и҆ и҆скꙋ́снѣе творя́тъ, и҆̀же то́кмѡ по нѣ́коликꙋ за и҆́стинное сꙋ́дятъ, ́є҆́же ѻ҆́ко зри́тъ. а҆́ще же вѣ́рꙋетъ кто̀ семꙋ̀, ́є҆́же слы́ша ѹ҆́хо: вско́рѣ с̾ во́племъ постене́тъ гл҃я: ѻ҆́хъ! ꙋ҆̀: вся̑ бо а҆́ки въ зерца́лѣ сопроти́въ слꙋча́тися на́мъ ѻ҆бы́чнѡ ́є҆́сть, такѡва̑я вѣ́дꙋще, коли́кія бо́дрости, коли́кагѡ и҆скꙋ́сства, л. р҃і ѡ҆б. в̾ ми́рѣ жи́телствовати хотя́щымъ потре́бно ́є҆́сть: да и҆ дрꙋ́га и҆ врага̀, и҆ совѣ́тника и҆ рꙋга́теля, и҆ спосо́бника, и҆ лестца̀, ра́знствіе позна́ти возмо́жемъ. В̾ совѣ́тницѣхъ тавѡва̑я [1] дре́вле проразсмотрѣ́въ І҆исꙋ́съ Сіра́хоⷡ҇, на́мъ по́далъ ́є҆́сть ѹ҆вѣ́тъ, ѿ совѣ́тника (речѐ) сохранѝ дꙋ́шꙋ твою̀, и҆ разꙋмѣ́й пе́рвѣе, что̀ ́є҆мꙋ̀ потре́бно ́є҆́сть: са́мъ бо себѣ̀ совѣщава́етъ, ́є҆гда̀ ка́кѡ возло́житъ на тя̀ жре́бій, и҆ рече́тъ тебѣ̀: до́брѣ тебѣ̀ ́є҆́сть. и҆ ста́нетъ пря́мѡ ви́дѣти, что̀ ти бꙋ́детъ посем. А҆́ще же и҆ междꙋ̀ бл҃госты́нными бꙋ́детъ житіѐ на́ше, ѻ҆ба́че и҆ та́мѡ вели́кагѡ и҆скꙋ́сства потре́бно ́є҆́сть, а҆́ще бо в̾ ро́въ ѿ ле́стныхъ не бꙋ́демъ л. ра҃і низводи́ми, то̀ понѐ за нерадѣ́ніемъ свои́мъ, са́ми на ся̀ ѹ҆ и҆ны́хъ гнѣ́ва, па́че же не́нависти да не возбꙋжда́им. И҆ поне́же сегѡ̀ ѹ҆блюсти́ся трꙋ́днѡ, сія́ бо ча́стая и҆ многослꙋ́чная въ сожи́тіи ꙗ҆́зва ́є҆́сть, то̀ мнѡ́гая, и҆ разли́чная подоба́ше бы вра́чевства сниска́ти. а҆́ще многокра́тнѣ воверга́еми быва́емъ в̾ ненави́дѣніе, то̀ и҆ любвѐ ча́сто и҆ска́ти потре́бно́є҆́сть. Пе́рвѣе же всегѡ̀, а҆́ще хо́щеши люби́мь бы́ти, любѝ. хо́щеши ли (гл҃етъ сене́ка) наꙋчи́тися, ка́кѡ бы[2] и҆збѣ́гнꙋти не́нависти, и҆ стяжа́ти любо́вь: покажꙋ̀ тебѣ̀, без̾ волше́бства, без̾ ѕе́лія, без̾ вся́кагѡ ѡ҆бая́нія, а҆́ще хо́щеши возлю́бленъ бы́ти: любѝ. То́ежде пра́вило л. ра҃і ѡ҆б. стяжа́нія любвѐ и҆ при́точникъ [3] полага́етъ, глаго́ля: Во вся́ко вре́мя и҆мѣ́й дрꙋ́ги. То́жде, и҆ гдⷭ҇ь [4] сказа̀ на́мъ: ꙗ҆́коже (ре́къ) хо́щете, да творя́тъ ва́мъ чл҃вѣ́цы, и҆ вы̀ твори́те и҆̀мъ та́кожде, что̀ и҆з̾ясня́я пречⷭ҇тыми ѹ҆сты̀ свои́ми [5] бесѣ́дꙋетъ си́це: Не сꙋди́те, и҆ не сꙋ́дятъ ва́мъ, не ѡ҆сꙋжда́йте, и҆ не ѡ҆сꙋжде́ни бꙋ́дете, ѿпꙋща́йте, и҆ ѿпꙋ́стятъ ва́мъ, да́йте и҆ да́стся ва́мъ, мѣ́рꙋ добрꙋ̀, натка́нꙋ, и҆ потря́снꙋ, и҆ прелива́ющꙋся дадꙋ́тъ на ло́но ва́ше, то́ю бо мѣ́рою, ́є҆́юже мѣ́рите, возмѣ́рится ва́мъ. Хотя́ще же да бл҃го возмѣ́рится на́мъ, жела́юще, да нескꙋ́достію, по́жнемъ, сѣ́имъ не скꙋ́достію, л. рв҃і и҆ бл҃готвори́ти потщи́мся, сіе́ бо и҆ на́мъ сотворя́тъ взаи́мнѣ. к̾ томꙋ̀ да вѣ́мы, ꙗ҆́кѡ лю́бятъ всѝ таковы́хъ, и҆́же и҆лѝ бл҃готвори́ша. и҆лѝ и҆̀хже мня́тъ хотя́щихъ бл҃готвори́ти, и҆ ꙗ҆́коже пре́жде рѣ́хомъ, вся̀ ѻ҆́бща да бꙋ́дꙋт на́мъ: с̾ ра́дꙋющимися ра́доватися, съ пла́чꙋщимися пла́кати. кꙋ́пнѡ трꙋдѡ́въ, кꙋ́пнѡ коры́стей прича́стниками бы́ти, любвѐ вино́вно быва́ет. вездѣ̀ помина́имъ, па́чеже и҆ блюде́мъ пра́вдꙋ храни́ти, првⷣніи бо всѣ́мъ любе́зни сꙋ́ть и҆ ми́ли, каковы̀ сꙋ́ть, и҆̀же не чꙋ́ждая гра́блюще, но чⷭ҇тными хꙋдо́жествы, и҆лѝ каковы́мъ про́мыслом живꙋ́тъ, пи́щꙋ стяжева́юще дневнꙋ́ю. Бл҃гость стя́жемъ, и҆ до́брꙋю сла́вꙋ, л. рв҃і ѡ҆б. таковы́мъ бо всѝ хотя́тъ дрꙋ́зи бы́ти: а҆́ще и҆ ѕло́бни бꙋ́дꙋтъ, и҆ лꙋка́ви, и҆ поро́чны, лю́бятъ ѻ҆ба́че дрꙋ́жества честна́гѡ и҆́менемъ своѐ покрыва́ти недоста́точество. не проти́вимся, па́че же ѡ҆ тще́тной и҆ пра́здной ве́щи; люби́ми бо сꙋ́ть въ соѡ́бщномъ пожи́тіи непрекосло́вніи, люби́ми и҆ сі́и, и҆̀же бл҃готворя́ще не поноша́ют, и҆̀же преткнове́нія чꙋ́ждая вѣ́дятъ покрыва́ти, и҆̀же ѡ҆ ѡ҆би́дахъ не радя́тъ, и҆̀же не ѕлосло́вни сꙋ́ть, не ꙗ҆́ростни, нижѐ ꙗ҆ря́щымся проти́вящіися. а҆́ще же когда̀ въ бл҃госло́вной винѣ̀ и҆ воз̾яря́тся, ѻ҆ба́че ѹ҆до́бь примири́телни сꙋ́ть. Бо́дростни пребꙋ́демъ всегда̀ и҆ вездѣ̀, лю́бятъ бо л. рг҃і всѝ бо́дрѣ себѐ стро́ящихъ. Всѣ́хъ бл҃жи́ти, всѣ́хъ ѹ҆мѣ́реннѣ похваля́ти, никого́же хꙋ́лити, нижѐ рꙋга́ти поле́зно ́є҆́сть, к̾ такѡвы́мъ бо прилѣпля́ются всѝ, занѐ вся́къ лю́битъ хвали́мь, бл҃жи́мь, и҆ почита́емый бы́ти. Стра́шенъ же въ гра́дѣ свое́мъ мꙋ́жъ я҆зы́ченъ. и҆ де́рзый словесы̀ воненави́дѣнъ бꙋ́дет.[6] Подо́біе в̾ каково́мъ ли бо соверше́нствѣ и҆ногда̀ быва́етъ вино́вно любвѐ, а҆́ще же бꙋ́детъ сіѐ препя́тіемъ дрꙋго́мꙋ къ сла́вѣ, и҆лѝ коры́сти, тогда̀ ражда́ется ѿсю́дꙋ вражда̀ и҆ ненавидѣ́ніе. Прія́тно па́ки в̾ чл҃вѣ́цѣхъ, а҆́ще кто̀ бꙋ́детъ а҆́ки дома́шній, и҆, любе́зни сꙋ́ть такові́и, и҆̀хже блюсти́ся не лѣ́ть л. рг҃і ѡ҆б. ́є҆́сть. Почита́ніе своѐ не пренебрега́ти вся́чески нꙋ́ждно ́є҆́сть, и҆ нижѐ кощꙋ́нства, нижѐ и҆́но что̀ небл҃гоѡбра́зное да твори́мъ: и҆́мже бы ѹ҆маля́лося почита́ніе, лю́бятъ бо и҆ си́хъ, пред̾ и҆́хже лице́мъ стыдѣ́ніе ѡ҆щꙋщева́ютъ. Лицемѣ́рія и҆ притво́рства а҆́ки сме́рти бѣ́гати подоба́етъ, ́є҆ди́ною бо лицемѣ́рствовавый, при́снѡ ненави́димь ́є҆́сть. лю́бятъ же си́хъ, и҆̀же непритво́рнѣ и҆ нелицемѣ́рнѣ дѣ́ютъ вся̑. Дерзнове́ніе стяжа́ти во всѣ́хъ: лю́бятъ бо не боя́знивыхъ, сꙋдя́ще таковы́хъ мни́телнѣ, ꙗ҆́кѡ неѕло́бивіи ѻ҆́ни сꙋ́ть и҆ некова́рни. Вездѣ̀ не своея̀, но бли́жнягѡ, па́че же ѻ҆́бщія по́лзы и҆ска́ти. сицевых бо л. рд҃і то́кмѡ в̾ дрꙋ́га но и҆ во ѻ҆ц҃а̀ вмѣ́стѡ всѝ хо́щꙋтъ и҆мѣ́ти, сицевы́мъ и҆ и҆мѣ́нія своя̀, и҆ ча́да, и҆ сами́хъ себѐ ввѣря́емъ всѝ.

Над̾ всѣ́ми же си́ми, да ѹ҆краша́емъ[7] себѐ вся́кими добродѣ́телми, да и҆ждене́мъ вся́къ ѕло́бы поро́къ, и҆ да возлю́бимъ возлю́блшаго на́съ, и҆ преда́вшаго себѐ по на́съ, вѣ́сть[8] же ѻ҆́нъ и҆ безслов́є́сныя прекланя́ти на любо́вь лю́бящымъ ́є҆го̀.

Сказꙋ́ютъ мно́зи ѿ и҆скꙋ́снѣйшихъ, слꙋча́тися такѡвы́мъ: ꙗ҆́кѡ а҆́ще и҆ ви́димъ нѣ́кіихъ къ на́мъ любо́вію прилѣпля́ющихся, но мы̀ ѹ҆даля́емся и҆́хъ, и҆лѝ, мы̀ бꙋ́демъ чія̀ и҆ска́ти любвѐ, но ті́и не радя́тъ ѡ҆ на́съ. что̀ нѣ́кто въ кра́ткомъ л. рд҃і заключи́въ стісѣ̀, гл҃етъ: А҆́зъ люблю̀ ѕѣлѡ̀, но ѻ҆́нъ мя̀ не лю́битъ. И҆́нъ менѐ и҆́щет, но всꙋ́е трꙋ́дъ гꙋби́тъ. Ѿвѣщева́ю: ꙗ҆́кѡ сицева́я любо́вь, и҆лѝ не любо́вь, ѡ҆ страсте́й (ꙗ҆́же а҆нтіпаті́а, и҆ сѷмпаті́а и҆менꙋ́ютъся,) а҆ не ѿ ра́зꙋма происхо́дитъ. Вся́къ же любя́й по ра́зꙋмꙋ, возмо́жетъ всѣ́хъ, а҆́ще кто̀ и҆ вра́гъ бꙋ́детъ, люби́ти, и҆́но ́є҆́сть стяжева́ти дрꙋ́жества: и҆ сѐ ѹ҆жѐ весма̀ и҆́но ́є҆́сть. смиря́ющіися (речѐ) съ [9] тобо́ю да бꙋ́дꙋтъ мно́зи, совѣ́тницы же ́є҆ди́нъ ѿ ты́сящъ.

л. р́є҃і