Совѣ́тъ ѕло́бы и҆ добродѣ́тели[1].

Стра́шный, и҆ ѹ҆́жаса и҆спо́лненный, прароди́телей на́шихъ во ́є҆де́мѣ паде́жъ ѻ҆́ный, ́є҆гда̀ послꙋ́шаша ѕміи́на совѣ́та, не то́кмѡ бл҃ги́хъ лиши́лъ ́є҆́сть вѣ́чныхъ, но и҆ всѐ ́є҆стество̀ растлѝ. Всѣ́мъ дѣ́йствамъ дꙋш́є́внымъ, ра́зꙋмꙋ глаго́лю, мнѣ́нію, разсꙋжде́нію, па́мяти, и҆ про́чіимъ: несоверше́нство, и҆ недоста́точество привне́слъ.[2] Чесѡ̀ ра́ди то́ль прилѣжи́тъ помышле́ніе человѣ́кꙋ прилѣ́жнѡ на ѕла́я, ѿ ю҆́ности ́є҆гѡ̀, ꙗ҆́кѡ мно́гимъ ́є҆два̀ пекꙋ́щійся тща́ніемъ нѣ́кія добродѣ́тели, и҆ то̀ посо́біемъ бл҃года́ти гдⷭ҇ни, соверши́ти возмо́жетъ, ве́сь къ ѕло́бѣ приклоне́нъ сы́й. л. и҃ Въ бѣдѣ̀ таково́й и҆ па́ѵелъ а҆пⷭ҇лъ и҆ногда̀ ѡ҆щꙋти́въ себѐ воззва̀, гл҃я: ѡ҆кая́ненъ а҆́зъ человѣ́къ! кто́ мя[3] и҆зба́витъ ѿ сме́рти тѣ́ла сегѡ̀; ́є҆́же бо содѣва́ю не разꙋмѣ́ю, не бо̀ ́є҆́же хощꙋ̀, сіѐ творю̀. но ́є҆́же ненави́ждꙋ, то̀ содѣ́ловаю, вѣ́мъ бо, ꙗ҆́кѡ не живе́тъ во мнѣ̀, си́рѣчь въ пло́ти мое́й до́брое, ви́ждꙋ и҆́нъ зако́нъ въ ѹ҆десѣ́хъ: мои́хъ, проти́вѡ вою́ющь зако́нꙋ ѹ҆ма̀ моегѡ̀, и҆ плѣня́ющъ мя̀ зако́номъ грѣха̀. Сꙋ́щымъ въ ѹ҆десѣ́хъ мои́хъ. Не вся́ ли сія̑, па́че же и҆ мнѡ́жайшая стра́ждемъ; Что́ же тогда̀ бꙋ́детъ, Є҆гда̀ начина́емъ ѡ҆ добродѣ́тели нерадя́ще: послꙋ́шати совѣ́та ѕло́бы! л. и҃ ѡ҆б. Совѣ́тꙋетъ бо ѕло́ба твори́ти сія̀, ꙗ҆̀же добродѣ́тель нижѐ во ѹ҆́мъ прія́ти те́рпитъ, повелѣва́етъ не ꙗ҆̀же лѣ́ть ́є҆́сть, но ꙗ҆̀же хо́щетъ. Ѹ҆вѣщава́етъ добродѣ́тель презира́ти вре́м́єнная, да вѣ̑чная взы́щем, ѻ҆на́ же, поврещѝ вѣ́чная, ́є҆́же бы ѹ҆до́бь вре́менная взыска́ти. Та̀ до́лгъ хрⷭ҇тіа́нскій предлага́етъ, ́є҆́же на нб҃сѝ полага́ти сокро́вище: а҆ сія̀ на землѝ, добродѣ́тель къ цѣломꙋ́дрію, ѕло́ба же к̾ сла́дост́ємъ пꙋ́ть предсказꙋ́етъ. Добродѣ́тель повелѣва́етъ во всѣ́хъ дѣ́лѣхъ, и҆ словесѣ́хъ и҆́стинꙋ храни́ти. Ѕло́ба же гл҃етъ: ́є҆гда̀ коры́сти ́є҆́сть сниска́ніе, ни ́є҆ди́ной тогда̀ лжѝ ѿрица́йся. Та̀ повелѣва́етъ: л. ѳ҃ да живе́ши твои́ми дово́ленъ: сія̑ же, да и҆ чꙋжда̑я грабле́ніемъ, и҆лѝ хище́ніемъ внесе́ши въ до́мъ тво́й. Добродѣ́тель жи́ти сказꙋ́етъ, да бл҃готвори́ши, ѕло́ба же всемꙋ̀ ѕлꙋ̀ ѹ҆чи́тъ, да живе́ши ѿтꙋ́дꙋ. Добродѣ́тель, да лꙋ́чшій бꙋ́деши и҆ премꙋ́дрѣйшій, да съ молча́ніемъ въ гдⷭ҇ѣ наде́ждꙋ и҆́мамы, сказꙋ́етъ, Ѕло́ба же: да то́кмѡ бо́лшій, и҆ си́лнѣйшій, а҆́ще и҆ безꙋ́менъ бꙋ́деши, да многорѣ́чивъ, велича́въ, и҆ въ бога́тствахъ положи́ши наде́ждꙋ твою̀: дае́тъ совѣ́тъ. Такѡвы́я, и҆ си́мъ подѡ́бныя сꙋ́ть добродѣ́тели и҆ ѕло́бы совѣ́ты. л. ѳ҃ ѡ҆б. Бо́дрости здѣ̀ и҆ по́мощи ѿ вы́шнягѡ тре́бѣ ́є҆́сть: ка́кѡ ѹ҆гонзнꙋ́ти совѣ́та лꙋка́ва, и҆ во слѣ́дъ пойтѝ добродѣ́тели, ѿ двоих ѻ҆ба́че и҆ са́мъ и҆збира́й поле́знѣйшее дꙋшѝ твое́й.