Ѡ҆ крѣ́пости хрⷭ҇тіа́нской

Зна́меніе побѣ́ды на́шея побѣжда́ющія мі́ръ, похвала̀ и҆з̾ря́днѣйшая, возбꙋжде́ніе на по́двигъ, и҆ предсказа́тель послѣ́дствованія стопа́мъ сегѡ̀, и҆́же грѣха̀ не [1] сотворѝ, ни ѡ҆брѣ́теся ле́сть во ѹ҆стнѣ̀ ́є҆гѡ̀, сто́лпъ крѣ́пости л. ч҃а ѡ҆б. ѿ лица̀ вра́жія. се́ть на́мъ крⷭ҇тъ гдⷭ҇нь. не и҆́нъ каковы́й, но гдⷭ҇нь крⷭ҇тъ, всѝ бл҃гоче́стнѡ жи́ти хотя́щіи носи́ти до́лженствꙋемъ. Сі́есть ꙗ҆̀же гдⷭ҇ь на́шъ пострада́лъ ́є҆́сть, и҆ мы̀ та́яжде съ ра́достію да постра́ждемъ, крѣ́пцы сꙋ́ще, и҆ непрекло́нни въ напа́стехъ.

Нижѐ да рече́мъ въ себѣ̀: почто̀ непови́ннѣ страда́ти бꙋ́детъ; а҆́ще бо стра́ждемъ пра́вдꙋ храня́ще, [2] блаже́ни ́є҆смы̀. Занѐ лꙋ́чше ́є҆́сть бл҃го творя́щымъ, а҆́ще хо́щетъ во́ля бж҃ія, пострада́ти, не́жели ѕло̀ творя́щымъ. Сія́ бо и҆ Пе́тръ а҆пⷭ҇лъ [3] преⷣлага́ет, гл҃я: поне́же приѡбща́етеся страст́є́мъ хрⷭ҇то́вымъ, ра́дꙋйтеся: ꙗ҆́кѡ да и҆ въ ꙗ҆вле́ніе сла́вы ́є҆гѡ̀ л. ч҃в возра́дꙋетеся веселя́шеся, а҆́ще ѹ҆коря́еми быва́ете ѡ҆ и҆́мени хрⷭ҇то́вѣ, бл҃же́ни ́є҆стѐ, сі́есть: непови́ннѣ стра́ждꙋщіи, неподви́жни на ме́сть, и҆ ско́рбь, и҆ печа́ль, но крѣ́пцы в̾ ра́дости и҆ весе́ліи да пребыва́ютъ. стра́ждꙋщіи бо (речѐ) по во́ли бж҃іей, ꙗ҆́кѡ [4] вѣ́рнꙋ зижди́телю да предадя́тъ дꙋ́шы своя̀ во бл҃готворе́ніе. Безче́стіе бо ́є҆́сть, а҆́ще кто̀ постра́ждетъ ꙗ҆́кѡ ѕлодѣ́й, ꙗ҆́кѡ ѹ҆бі́йца, ꙗ҆́кѡ та́ть, и҆лѝ чꙋжда́я похища́яй. А҆́ще же непови́ннѣ: Сѐ похвала̀ хрⷭ҇тіа́нская. сѐ и҆́стиннагѡ хрⷭ҇тіа́нина и҆з̾ѡбраже́ніе: ́є҆́же вся̑ страда́ти ра́достнѡ, ́є҆́же в̾ напа́стех непрекло́ннꙋ пребы́ти и҆ неподви́жнꙋ. Въ таковы́хъ и҆ Па́ѵелъ а҆пⷭ҇лъ дре́внихъ[5] л. ч҃в ѡ҆б. хрⷭ҇тіа́нъ похваля́я, и҆ на бо́лшій та́кѡ возбꙋжда́я по́двигъ, гл҃етъ къ ни́мъ: Воспомина́йте ре́къ п́є́рвыя днѝ ва́шя, въ ни́хже просвѣще́ни, мнѡ́гія стра́сти претерпѣ́сте страда́ній, ѻ҆́во ѹ҆́бѡ поноше́нми, и҆ скорбмѝ позо́ръ бы́вше. ѻ҆́во же ѻ҆́бщницы бы́вше жи́телствꙋющымъ та́кѡ.[6] та́же прилага́етъ глаго́ля: и҆́бо и҆ мои́мъ ѹ҆́зам спострада́сте, и҆ разграбле́ніе и҆мѣ́ній ва́шихъ съ ра́достію прія́сте, вѣ́дꙋще и҆мѣ́ти себѣ̀ и҆мѣ́ніе на нб҃сѣ́хъ, пребыва́ющее, и҆ лꙋ́чшее. Не рце́мъ въ себѣ̀, возмо́жемъ ѿбѣ́гати ѿ напа́сти, то и҆ напа́сть не сря́щетъ на́съ. Сря́щетъ, и҆ взыска́я взы́щет, а҆́ще и҆ скры́ется л. ч҃г кто̀, не надѣ́йся, ꙗ҆́кѡ ти́хъ и҆ кро́токъ ́є҆сѝ, и҆ бл҃гъ, и҆ вели́къ, и҆ сла́венъ, и҆ бл҃горо́денъ. Сіѐ да вѣ́мы и҆звѣ́стнѡ, ꙗ҆́кѡ хотя́щіи бл҃гоче́стнѡ жи́ти, гони́ми бꙋ́дꙋтъ, тѣ́мъ а҆́ще, и҆ дв҃дꙋ въ кро́тости подо́бился ́є҆сѝ кто̀, Саꙋ́лъ на тя̀ воста́нетъ, и҆ А҆весало́мъ, и҆ про́чіи, с̾ ни́миже я҆́си хлѣ́бъ тво́й, и҆ дома́шніи твоѝ бꙋ́дꙋтъ вразѝ твоѝ. Бꙋ́ди кто̀ ꙗ҆́коже І҆́ѡвъ мно́гими ѡ҆би́лꙋющъ добродѣ́тельми, и҆ а҆́ще вся̑ сія̀ сотвори́ши, ꙗ҆̀же ѻ҆́нъ сотворѝ, а҆́ще глаго́лю: спасе́ши ѹ҆бо́гаго ѿ рꙋкѝ си́лнагѡ, и҆ сиротѣ̀, [7] ́є҆мꙋ́же нѣ́сть помо́щника, помо́жеши, а҆́ще на тя̀ блгⷭ҇ве́ніе пріи́детъ погиба́ющихъ, ꙗ҆́кѡ и҆з̾я́лъ ́є҆сѝ и҆̀хъ л. ч҃г ѡ҆б. ѿ бѣ́дъ, а҆́ще ѹ҆ста̀ вдови́чая бл҃гослови́ша тя̀. А҆́ще въ пра́вдꙋ ѡ҆блече́шися, и҆ ѡ҆дѣ́ешися въ сꙋ́дъ, ꙗ҆́кѡ въ ри́зꙋ сꙋгꙋ́бꙋ, а҆́ще ѻ҆́ко ́є҆сѝ слѣпы́мъ, и҆ нога̀ хромы́мъ, а҆́ще ́є҆сѝ ѻ҆ц҃ъ немощны́мъ, въ сꙋдѣ́хъ пота́є́нныя кова̑рства и҆зслѣ́дствꙋя, сотре́ши че́люсти непра́ведныхъ, и҆ ѿ среды̀ зꙋ̑бъ и҆́хъ и҆зме́ши грабле́ніе. вся̑ сія̀ а҆́ще сотвори́ши, напа́сти не свобо́дь ́є҆сѝ.

Вели́къ бя́ше и҆ бога́тъ, и҆ сла́венъ, мно́жицею вездѣ̀ бл҃жи́мый І҆́ѡвъ, ꙗ҆́коже и҆ са́мъ на гно́ищи сѣдя́щъ [8] повѣствꙋ́етъ глаго́ля: Бѣ́хъ речѐ, бога́тъ ѕѣлѡ̀, ѻ҆́крестъ же менѐ рабѝ мно́ги, ѡ҆блива́хꙋся пꙋтіѐ моѝ млеко́мъ, гѡ́ры же моѝ ѡ҆блива́хꙋся л. ч҃д ма́сломъ. ́є҆гда̀ и҆схожда́хъ заꙋ́тра во гра́дъ, на сто́гнахъ стоя́ше ми прⷭ҇то́лъ, ви́дѣвше мя̀ ю҆́нѡши скры́шася, ста́рцы же воста́ша. мꙋ́жіе преста́ша глаго́люще, пе́рсти возло́жше на ѹ҆ста̀, и҆̀же слы́шаша, бл҃жи́ша мя, и҆ я҆зы́къ и҆́хъ приплпѐ горта́ни и҆́хъ. Менѐ слꙋ́шавше вня́ша, ѹ҆молко́ша же ѡ҆ мое́мъ[9] совѣ́тѣ, къ моемꙋ̀ глаго́лꙋ ѹ҆́хо приложи́ша, ѡ҆бра́довахꙋся же, ́є҆гда̀ къ ни́мъ глаго́лахъ. а҆́ще возсмѣю́ся къ ни́мъ, не мо́гꙋтъ вѣ́ры ꙗ҆́ти. Свѣ́тъ лица̀ моегѡ̀ не ѿпа́даше. и҆збра́хъ пꙋ́ть посредѣ̀ кн҃зе́й и҆́хъ, и҆ веселя́хся ꙗ҆́кѡ цр҃ь въ хра́брыхъ.

Ѻ҆ба́че то́ль сла́вна, че́стна, л. ч҃д ѡ҆б. бога́та, а҆ наипа́че толи́кими ѡ҆билꙋ́юща добродѣ́тельми, ви́дѣ мі́ръ на згре́біихъ (ꙗ҆́коже пред̾изѡбрази́хомъ) сѣдя́щагѡ, на́га, прокаже́нна, смердя́ща, и҆ ѡ҆ста́вленна ѿ всѣ́хъ, не въ домꙋ̀ но внѣ̀ гра́да пове́рженнагѡ.

Крѣ́пкій ѻ҆́баче ѹ҆́мъ вездѣ̀ то́йжде ́є҆́сть, и҆ неизмѣ́ненъ. И҆ се́ ли коне́цъ по́двига ́є҆гѡ̀, ника́коже, присовокꙋпи́ся болѣ́знь ꙗ҆́звамъ ́є҆гѡ̀, я҆зы́къ ѹ҆коря́ющих. Легча́е ѻ҆ба́че бы́ло бы, а҆́ще бы ра́вный кто̀ дерза́лъ сицева̑я. но ѿ каковы́хъ и҆ коли́кія стражда́ше крѣ́пкій мꙋ́жъ се́й, са́мъ ѿвѣщева́етъ на́мъ:[10] Ны́нѣ же (речѐ) порꙋга́ша мя̀ менши́ны, ны́нѣ мя л. ч҃́є ѹ҆́чатъ ѿ ча́сти сі́и, и҆́хже похꙋля́хъ ѻ҆ц҃а̀, и҆̀хже не сотвори́хъ досто́йныхъ приѡбщи́тися мои́хъ чре́дъ, и҆ и҆́хже ѹ҆тро́бное бра́шно бы́ліе, и҆̀же коре́ніе и҆ древа̀ жва́хꙋ ѿ гла́да вели́ка. И҆́хже до́мове бѣ́ша пеще́ры ка́м́єнныя, и҆̀же под̾ хвра́стіемъ живя́хꙋ: си́мъ а҆́зъ гꙋ́сли ́є҆́смь, и҆ менѐ, вопіе́ніе, и҆́мꙋтъ. ѡ҆мрази́ша мя̀ ѿстꙋ́плше дале́че, ѿ лица́ же моегѡ̀ не пощадѣ́ша плюве́нія, и҆ прѡ́чая, и҆ прѡ́чая.

Здѣ̀ ѹ҆́бѡ проразсꙋ́димъ подро́бнꙋ, какова̀ тогда̀ болѣ́знь гото́вляшеся снѣ́сти І҆́ѡвле се́рдце, крѣ́пкій ѻ҆ба́че и҆ та́кѡ пребы́сть неподви́женъ, нижѐ и҆мѣ́ній, нижѐ ча́дъ, ни дрꙋгѡ́въ лише́ніе, ни смра́дъ л. ч҃́є ѡ҆б. ꙗ҆́звъ, ни ме́рзость прока́зы, ни толи̑кія ѿ ѕло́бныхъ человѣ́къ нанес́є́нныя ѹ҆кори́зны что̀ ѡ҆долѣ́ти можа́хꙋ, но ́є҆щѐ и҆ съ прохла́дою са́мъ въ себѣ̀ разсꙋжда́етъ глаго́ля: Вѣ́мъ речѐ, ꙗ҆́кѡ сме́рть мя и҆стре́тъ: до́мъ бо вся́комꙋ [11] земля̀. Толи́кая дѣ́йствꙋетъ человѣ́кѡмъ крѣ́пость въ сопроти́вныхъ, ́є҆я́же кромѣ̀ ни ́є҆ди́нꙋ кто̀ добродѣ́тель стяжа́ти возмо́жетъ; а҆́ще бо и҆ Преⷣте́ча, и҆ въ пꙋсты́ни бы́лъ бы ́є҆сѝ, ни хлѣ́ба вкꙋша́я, ни віна̀ пія̀, возглаго́лютъ на тя̀: ꙗ҆́кѡ бѣ́са и҆́маши. и҆ а҆́ще подо́бишися Гдⷭ҇ꙋ, [12] сы́й ѹ҆ч҃нкъ сегѡ̀, и҆́же не преречѐ, ни возопѝ, нижѐ ѹ҆слы́ша кто̀ л. ч҃ѕ на сто́гнах гла́съ ́є҆гѡ̀, и҆́же тро́сти сокрꙋше́нны не преломѝ, и҆ льна̀ вне́мшася не ѹ҆гасѝ, ꙗ҆́си же и҆ піе́ши, возглаго́лютъ на тя̀, ꙗ҆́кѡ се́й человѣ́къ ꙗ҆́дца, и҆ пі́йца ́є҆́сть дрꙋ́гъ мытар́є́мъ, и҆ грѣ́шникѡмъ. Вездѣ̀ ѹ҆́бѡ крѣ́пости тре́бѣ ́є҆́сть, да не похвала́ми возно́сишися, нижѐ дѡ́брая творя́щь, хꙋлы̀ и҆ ѹ҆кори́зны ѿмсти́ти ѹ҆гото́вишися. и҆ и҆мѣ́ній бо лише́ніе съ ра́достію носи́ти подоба́етъ, и҆ до се́дмьдесятъ кра́тъ седмери́цею си́мъ, [13] и҆̀же ѡ҆би́дятъ на́съ, и҆ согрѣша́ютъ на́мъ, до́лжнѡ ́є҆́сть прости́ти.

л. ч҃ѕ ѡ҆б.