Ѡ҆ кро́тости

Кро́тости ѻ҆́бразъ всѣ́мъ ́є҆́сть, и҆звѣ́стенъ Гдⷭ҇ь на́шъ І҆и҃съ Хрⷭ҇то́съ, и҆́же и҆́стаго преда́теля своего̀ и҆́менемъ дрꙋ́жества нарица́етъ, [1] дрꙋ́же, глаго́ля: почто̀ прише́лъ ́є҆сѝ. Вѣ́мы и҆ сія̀, что̀ нерадя́щій ѡ҆ толи́цѣмъ бл҃годѣ́телѣ свое́мъ, [2] приѡбрѣ́лъ ́є҆́сть. Пове́ргъ сре́бреники въ цр҃кви, ѿи́де, и҆ ше́дъ ѹ҆дави́ся. Ѹ҆́бѡ ꙗ҆́коже безчл҃вѣ́чія і҆ꙋ́дина, бѣ́гати и҆ ѹ҆страня́тися, та́кѡ въ кро́тости подо́битися гдⷭ҇ꙋ до́лженствꙋетъ вся́къ нося́щій на себѣ̀ и҆́мя Хрⷭ҇то́во.

Вѣ́стнѡ сіѐ, ꙗ҆́кѡ вся́къ ѹ҆кори́ти, вся́къ ѡ҆би́дити кро́ткагѡ дерза́етъ, привлачи́тъ бо на ся̀ а҆́ки магни́тъ л. п҃в желѣ́зо, но цѣ́лъ се́й и҆ непреѡдолѣ́нъ ́є҆́сть, доне́лѣже въ кро́тости пребꙋ́детъ.

Коли́ка, и҆ какова̀ бя́ше си́ла дре́внихъ мꙋчи́телей; не цр҃іе ли сопротивля́хꙋся без̾ѻрꙋ́жнымъ; кро́тостію ѻ҆́баче ѡ҆дѣ́янніи, и҆ смире́ніемъ проти́во го́рдости и҆́хъ воѻрꙋ́жшеся ст҃і́и и҆збра́нніи бж҃іи, то́ль пресла́внѡ побѣди́ша тѣ́хъ, та́кѡ низложи́ша, и҆ в̾ кра́йнѣе приведо́ша покоре́ніе, ꙗ҆́кѡ всѐ ѿло́жше сверѣ́пство своѐ, а҆́гнцы бы́ша, и҆ и҆́го понестѝ гдⷭ҇не не ѿреко́шася. Тогѡ̀ ра́ди блгⷭ҇ви́ти гоня́щихъ[3] а҆ не кля́ти: и҆ ни ́є҆ди́номꙋ же ѕло̀ за ѕло̀ воздая́ти повелѣва́ет а҆пⷭ҇лъ: да въ послꙋша́ніе хрⷭ҇то́во и҆ я҆зы́ки л. п҃в ѡ҆б. невѣ́дꙋщыя бг҃а та́кѡ привестѝ, и҆ привлещѝ а҆́ки магни́томъ желѣ́зо ѹ҆до́бь возмо́жнѡ бꙋ́детъ.

Таково́е ѹ҆вѣща́ніе а҆пⷭ҇лское, гдⷭ҇нь же ѻ҆́бразъ кро́тости и҆ ѕлострада́нія ́є҆гѡ̀ пріе́мше, в̾ неѕло́біи и҆ ти́хости хрⷭ҇тіа́нстѣй ѹ҆твержда́ти себѐ де́нь и҆ но́щь не престава́имъ весма̀ жела́ніе ѿмще́нія и҆зве́ржемъ ѡ҆ срⷣцъ на́шихъ. Нѣ́сть вои́стиннꙋ, нѣ́сть ма́лъ, но и҆ ѕѣлѡ̀ вели́къ ́є҆́сть грѣ́хъ памятоѕло́біе. Памятоѕло́бныхъ бо, [4] (гл҃етъ писа́ніе,) пꙋтіѐ въ сме́рть.

Ѹ҆̀бо ни ́є҆ди́номꙋ же, а҆́ще и҆ ѕѣлѡ̀ возмо́жемъ ѿмсти́ти, воздади́мъ [5] ме́сть. Но ́є҆щѐ, а҆́ще вра́гъ на́шъ а҆́лченъ, ѹ҆хлѣби́мъ ́є҆го̀, а҆́ще л. п҃г жа́ждетъ, напои́мъ ́є҆го̀, сія́ бо творя́ще, ѹ҆́гліе ѻ҆́гненно собира́емъ на главꙋ̀ ́є҆гѡ̀, и҆, не побѣжда́имъ ѕлы́мъ ѕло́е, но бл҃ги́мъ, ничи́мъ бо та́кѡ ѹ҆до́бѣе возмо́жемъ побѣди́ти врагѝ на́ша, ꙗ҆́кѡ бл҃готворя́ще и҆̀мъ, и҆ ́є҆гда̀ возлю́бимъ и҆̀хъ, тогда̀ низложи́мъ пресла́внѣе, то́ бо ́є҆́сть собра́ти ѹ҆́гліе ѻ҆́гненно на главꙋ̀ и҆́хъ: да любо́вію на́шею ѡ҆паля́еми, къ со́вѣсти свое́й погрѣше́ніе, и҆ ѕло́бꙋ ꙗ҆́же къ на́мъ позна́ютъ и҆ не хотя́ще, и҆з̾ врагѡ́въ же дрꙋ́ги бꙋ́дꙋтъ вско́рѣ.

И҆зря́днѣе же сіѐ вѣ́дати подоба́ет: ꙗ҆́кѡ ничто́же ко и҆́стиннѣй сла́вѣ свѣтлѣ́йшее, ничто́же ко приѡбрѣ́тенію блгⷣти бж҃ія нꙋ́жднѣе, л. п҃г ѡ҆б.[6] и҆ и҆звѣ́стнѣе, ничто́же бг҃ꙋ любе́знѣе сотвори́ти возмо́жемъ, ꙗ҆́кѡ а҆́ще без̾ ѿмще́нія кро́тцы пребꙋ́дем та́кѡ ѹ҆жѐ не зе́млю то́кмѡ наслѣ́димъ, а҆́ще кро́тцы бꙋ́демъ, но и҆ вы́шняя сел́є́нія бꙋ́дꙋтъ ѻ҆ч҃ество на́ше.