Ѡ҆ простотѣ̀ хрⷭ҇тіа́нской

Ничто́же та́кѡ свойстве́ннѣе, ничто́же и҆́стиннѣе пра́вагѡ возмо́жетъ та́кѡ показа́ти хрⷭ҇тіани́на, ꙗ҆́кѡ согла́сіе ѹ҆сте́нъ съ срⷣцемъ ́є҆гѡ̀. ́є҆́же бо ѹ҆сты̀, сія̀ и҆ срⷣцемъ, а҆́ще въ бл҃гополꙋ́чныхъ, а҆́ще въ ѕлоключа́емыхъ прети́ти, и҆лѝ соизволя́ти, бл҃говоли́ти, и҆лѝ ѡ҆шꙋева́тися до́лженствꙋет ходя́щій без̾ поро́ка. Тѣ́мъ и҆ и҆з̾ѡбразꙋ́ющіи л. ѻ҃ѳ ѡ҆б. Таково́е простосе́рдіе хрⷭ҇тіа́нское: ѡ҆бы́чнѣ начертава́ютъ срⷣце ѹ҆стнѣ̀ и҆мꙋ́щее: да тако́въ до́лгъ сво́й вѣ́сть ѹ҆́мъ хрⷭ҇тіа́нскій, ́є҆́же бы а҆́ки са́мое срⷣце и҆мꙋ́щіи ѹ҆ста̀, (сосвидѣ́телствꙋющей со́вѣсти пра́вой) Вся̀ гл҃ы своя̀ и҆зноси́ло на ꙗ҆́вость къ томꙋ̀ и҆ дв҃ѣ рꙋ́цѣ, ́є҆ди́нꙋ ѿве́рстꙋ, ꙗ҆́же соизволя́ющагѡ, (и҆ ́є҆́й ́є҆́й гл҃ющагѡ,) дрꙋгꙋ́ю же согбе́ннꙋ, ꙗ҆́же претя́щагѡ, и҆ нѝ нѝ гл҃ющагѡ,) зна́менія сꙋ́ть, тогѡ̀ дѣла́ми присовокꙋпи́шася здѣ̀: поне́же вся́ческая бесѣ́да, вся́кое прекосло́віе вся́кое сꙋмни́телное дѣ́ло, да сокраще́ннѣе рече́мъ: вся̀ чⷭ҇тая со́вѣсть тѣ́ми рече́ніи, [1] ́є҆́же ́є҆́й ́є҆́й, и҆ ́є҆́же нѝ нѝ, вездѣ̀ л. п҃ ѻ҆бы́че и҆мѣ́ти состоя́ніе своѐ: а҆ ́є҆́же[2] ли́шше сегѡ̀, ѿ лꙋка́вагѡ ́є҆́сть. Сія̀ ѹ҆́бѡ и҆звѣ́стна вѣ́дꙋщымъ, ѡ҆па́снѡ блюсти́ся подоба́етъ: да ничто́же раздвое́но, и҆лѝ двоедꙋ́шно ѡ҆бря́щется въ на́съ, А҆ и҆дѣ́же сꙋмнѣ́ніе бли́зъ бꙋ́детъ: та́мѡ съ тѣ́хъ ко́егѡ ли бо рече́нія, не и҆́ныя каковы́я ли бо кля́твы ѹ҆потреби́ти лѣ́ть ́є҆́сть. Бꙋ́ди на́мъ ́є҆́же ́є҆́й ́є҆́й, и҆ ́є҆́же нѝ нѝ, вся́комꙋ прѣ́нію коне́цъ. и҆ нижѐ въ ле́сть, прелще́ніе, но въ соверше́ннѣйшій и҆звѣ́тъ со́вѣсти на́шей, не во лжꙋ̀ и҆ лꙋка́вство, помина́юще то̀: ꙗ҆́кѡ жили́щи гдⷭ҇немъ то́й ѡ҆бита́етъ, и҆ вселя́ется во ст҃ꙋ́ю го́рꙋ ́є҆гѡ̀, кото́рый хо́дитъ без̾ поро́ка. л. п҃ ѡ҆б.[3] и҆ дѣ́лаетъ пра́вдꙋ, кото́рый глаго́летъ и҆́стинꙋ въ срⷣцѣ свое́мъ. не ѹ҆лстѝ я҆зы́комъ свои́мъ. И҆ нижѐ стра́хъ, нижѐ боя́знь, нижѐ ласка́телство, нижѐ каковы́й ли бо слꙋ́чай понꙋ́дитъ на́съ что̀ несогла́сное ѹ҆сте́нъ съ срⷣцемъ провѣщева́ти когда̀. и҆лѝ соизволя́ти [4] на подво́́єнная. Го́ре бо срⷣцꙋ страшли́вꙋ, и҆ рꙋка́мъ ѡ҆сла́бл́єннымъ, и҆ грѣ́шникꙋ ходя́щꙋ на двѣ̀ стезѝ. лꙋ́чше же па́че пребы́ти и҆лѝ хла́днꙋ, и҆лѝ те́плꙋ, не́жели теплохла́днꙋ. А҆ что̀ ѡ҆жида́етъ таковы́хъ, что̀ двоедꙋ́шнымъ и҆ лсти́вымъ бꙋ́детъ: что̀ гдⷭ҇ь къ ни́мъ въ а҆пока́лѷѱи гл҃етъ; вня́тнѣ послꙋ́шаимъ: л. п҃а[5] Ѡ бы̀ стꙋде́нъ бы́лъ ́є҆сѝ (речѐ) и҆лѝ те́плъ. но поне́же теплохла́денъ ́є҆сѝ, и҆ нѝ те́плъ ни стꙋде́нъ, и҆зблева́ти тя̀ ѿ ѹ҆́стъ мои́хъ и҆́мамъ. сі́есть: Ѽ бы̀ се́й бы́лъ ́є҆сѝ и҆лѝ ѻ҆́въ! но поне́же ѡ҆боя́тенъ[6] ́є҆сѝ, и҆ сѣ́мѡ и҆ ѡ҆ва́мѡ, превраща́ющійся, тогѡ̀ ра́ди чꙋ́жда тя̀ сотворю̀ бл҃года́ти моея̀. ѹ҆́бѡ ѡ҆ ́є҆ди́номъ бꙋ́ди соизволе́ніе на́ше, а҆ не ѡ҆ двое́мъ, ѹ҆твержда́имъ и҆ срⷣцемъ, ́є҆́же ѹ҆ста̀ гл҃ютъ, и҆ блюде́мся ходи́ти на двѣ̀ стезѝ.

л. п҃а ѡ҆б.