Ѡ҆ стыдѣ́ніи.

[1] Пло́дъ не ктомꙋ̀ ѡ҆бря́щется на дре́вѣ, на не́мже цвѣ́тъ не ꙗ҆вля́шеся, нижѐ въ ста́рости чⷭ҇ть по достоя́нію и҆мѣ́ти возмо́жетъ, кото́рый без̾ ѹ҆че́нія и҆ наказа́нія л. ѻ҃́є ю҆́ность и҆зжива́етъ. ѹ҆че́ніе же без̾ повинове́нія ка́кѡ бꙋ́детъ! ка́кѡ же повине́тся то́й, и҆́же без̾ сра́ма ́є҆́сть, и҆́же стыдѣ́ніе прогна̀. До́бръ ́є҆́сть, и҆ ко всемꙋ̀ бл҃го́мꙋ небла́зненъ рꙋководи́тель стыдѣ́ніе, и҆ нижѐ что̀ любе́знѣе ѡ҆бря́щетъ кто̀, ꙗ҆́коже ѻ҆́трока стыдя́щася. всѣ́мъ бо ми́ла, поне́же свѣтла̀ и҆ красна̀ Маргари́та стыдѣ́ніе, в̾ лицѣ́ же и҆ словесѝ ко́ль и҆́стинна и҆ несꙋмѣ́нна бл҃гі́я наде́жды провозвѣ́стница. Сія̀ ́є҆́сть въ несоверше́нствахъ ю҆́нымъ правле́нія же́злъ. Разори́телница ѕлы́хъ, сро́дныя чистоты̀ стра́жъ, и҆звѣ́стная со́вѣсти похвала̀, сла́вы храни́лище, житія̀ свѣ́тъ, добродѣ́телей сѣда́лище л. ѻ҃́є ѡ҆б. ́є҆стества̀ ѹ҆краше́ніе, и҆ вся́кія че́стности пꙋ́ть.

Вѣ́мы, ко́ль че́стно ́є҆́сть ю҆́нымъ, ́є҆́же и҆мѣ́ти стра́хъ Гдⷭ҇нь. Роди́тел́ємъ повинова́тися, и҆ почита́ти старѣ́йшихъ. Чистотꙋ̀ храни́ти, ѹ҆праждня́тися въ цѣломꙋ́дріи, люби́ти не ѕло́біе. вся́ же сія̀ добра̀ сꙋ́ть: доне́лѣже стыдѣ́ніемъ ѹ҆краша́ются. Стыдѣ́ніе бо вся́комꙋ лицꙋ̀, вре́мени, лѣ́тѡмъ, и҆ мѣ́стꙋ прили́чно сꙋ́щи, нѣ́что ѡ҆со́бное. младо́мꙋ вѣ́кꙋ прино́ситъ. Ꙗ҆́коже бо хꙋдо́жник ѿ ѹ҆до́бнагѡ вещества̀, ѹ҆до́бнѣе дѣ́ло сотворя́етъ, та́кѡ стыдѣ́ніе въ са́мой ѻ҆́ной красотѣ̀ тѣле́сной бо́лѣе содѣ́ловаетъ прили́чества, и҆ любе́знагѡ ѹ҆дивле́нія. л. ѻ҃ѕ Блюдѝ ѹ҆́бѡ вся́къ, и҆ трезви́ся, да не ка́кѡ погꙋби́ши дра́гость сію̀, да не кто̀ ѿ сокро́вища твоегѡ̀ и҆́зметъ Маргари́тꙋ сію̀, и҆ бꙋ́деши пра́зденъ и҆ то́щъ, и҆ въ порꙋга́ніе мнѡ́гимъ, за безстꙋ́діе своѐ.

Не неполе́зно же здѣ̀ и҆з̾я́тіе[2] положи́ти сіѐ: да ꙗ҆́коже похвалꙋ̀ пріе́млемъ, а҆́ще стыди́мся ѕлы́хъ ра́ди дѣ́лъ, и҆лѝ смиря́ющеся преⷣ старѣ́йшими, та́кѡ ѹ҆кори́знꙋ понесе́мъ, а҆́ще до́брое что̀ твори́ти срамля́емся. Чермнѣ́тися бо дѣ́ла ра́ди не прили́чнагѡ, мꙋ́дрость ́є҆́сть, бл҃го творя́щи же чермнѣ́тися, безꙋ́міе. Срамля́тися преткнове́нія ра́ди въ наде́ждѣ воста́нія ́є҆́сть. Срамля́яйся же воста́ти, л. ѻ҃ѕ ѡ҆б. се́й низпада́етъ въ поги́бель.

Таково́е стыдѣ́нія ра́знствіе и҆ Гдⷭ҇ь [3] сказа̀ ѹ҆ч҃нкѡ́мъ свои́мъ, гл҃я: и҆́же постыди́тся менѐ, и҆ мои́хъ слове́съ, сегѡ̀ сн҃ъ чл҃вѣ́ческій постыди́тся, ́є҆гда̀ пріи́детъ во сла́вѣ свое́й, и҆ [4] ѻ҆́ч҃ей, и҆ ст҃ы́хъ А҆́гг҃лъ. И҆ са́мъ бо вмѣ́стѡ предлежа́щія ́є҆мꙋ̀ ра́дости претерпѣ̀ крⷭ҇тъ, ѡ҆ срамотѣ̀ неради́въ. ́є҆я́же ра́ди вины̀, не стыди́тся бра́тіею[5] нарица́ти наⷭ҇, и҆ дрꙋ́ги своя̀, Бг҃ъ сы́й, и҆ вся́ческихъ содѣ́тель. Ѹ҆̀бо и҆ мы̀, а҆́ще не постыди́мся хꙋдѣ́йшихъ, и҆ не возлю́бимъ а҆́ки дрꙋгѡ́въ пріи́скренних, и҆ бра́тію свою̀, рече́тъ къ на́мъ въ де́нь ѻ҆́нъ: не вѣ́мъ ва́съ.

л. ѻ҃з