Ѡ҆ а҆каде́міи и҆лѝ ѹ҆чи́лищѣ.

Мню̀, ꙗ҆́кѡ ѹ҆жѐ (Гдⷭ҇ꙋ просвѣща́ющꙋ ѹ҆́мныя ѻ҆чеса̀ на́ша) ма́лѡ комꙋ̀ безвѣ́стно ѡ҆ се́мъ, ко́ль поле́зно, и҆ ко́ль нꙋ́ждно ́є҆́сть ѹ҆че́ніе ю҆́нымъ, нижѐ то́кмѡ в̾ чл҃вѣ́цѣхъ ѹ҆че́нія си́лꙋ ви́димъ, но и҆ в̾ пти́цахъ, и҆ в̾ ѕвѣ́рехъ бе́стія плотоя́дна пе́съ ́є҆́сть, и҆ ѕѣлѡ̀ [1] а҆́лчꙋщая прⷭ҇нѡ, то́й ѻ҆ба́че ѹ҆мѣ́етъ не прикаса́тися бра́шнꙋ, а҆́ще и҆ многоде́нственнѣ бꙋ́детъ гла́дом мори́мый. Чл҃къ без̾ наказа́нія тва́рь слове́сная сꙋ́щи, скотꙋ̀ подо́бен, и҆ быва́етъ па́че скота̀ го́ршій. Сія̑ ѹ҆́бѡ вѣ́дꙋще, и҆звѣсти́тися надлежи́тъ, в̾ домꙋ̀ ли, и҆лѝ въ наро́дныхъ ѹ҆чи́лищахъ поле́знѣе бꙋ́детъ ю҆́нымъ навыка́ти л. ѯ҃в ѡ҆б. вся́ческагѡ наказа́нія.

Прⷭ҇то́лъ, и҆ вся́кое мѣ́сто позо́рищное преꙋдиви́телное и҆ ѡ҆со́бное и҆мѣ́етъ нѣ́что, да вся́къ позо́рствꙋемый на ни́хъ, а҆́ще и҆ ѕо́лъ, и҆ неради́въ нра́вомъ бꙋ́детъ, та́йнымъ нѣ́кіимъ движе́ніемъ возбꙋжда́емый, бл҃годари́ти ѡ҆ себѣ̀ начина́етъ, и҆ вся́кагѡ блюде́тся поро́ка. Прⷭ҇то́лъ и҆ позо́рищное мѣ́сто ́є҆́сть ѹ҆чи́лище наро́дное, и҆дѣ́же ко́ль сꙋ́ть ѹ҆ча́щіися, то́ль сꙋ́ть позо́рствꙋеміи, то́ль сꙋ́ть ца́ріе страст́є́мъ свои́мъ, а҆́ще же и҆ ти́гръ нра́вомъ кто̀ бꙋ́детъ, а҆́гнчꙋю та́мѡ воспріи́метъ кро́тость на ся̀, а҆́ще и҆ вся́кія пꙋ́стъ бꙋ́детъ добродѣ́тели, ѹ҆клони́тся ѿ ѕлѡ́бъ зря́щъ л. ѯ҃г в̾ порꙋга́ніи сꙋ́щих такѡва́я творя́щих, и҆ въ слѣ́дъ добродѣ́телей по́йдетъ. А҆́ще бо самолю́біемъ, и҆лѝ го́рдостію, и҆лѝ насыще́ніемъ, и҆лѝ высо́кимъ ѡ҆ себѣ̀ мнѣ́ніемъ, и҆лѝ и҆но́ю ко́ею безмѣ́стною стра́стію поврежде́нъ ́є҆́сть, в̾ толи́цѣмъ собра́ніи нетрꙋ́днѡ ѡ҆бря́щетъ врачевство̀ болѣ́зн́ємъ си́мъ, смири́тся бо, тиша́йшій бꙋ́детъ, и҆ не вели́кѡ ѡ҆ себѣ̀ мꙋ́дрствовати начне́тъ: ́є҆гда̀ и҆ бл҃горо́діемъ, и҆ че́стію, и҆ быстрото́ю ѹ҆ма̀ мно́гѡ лꙋ́чшихъ ѡ҆бря́щетъ. Ѹ҆чи́телей и҆ приста́вникѡвъ и҆зя́щества и҆ соверше́нства тре́бꙋемъ ли; вѣ́дятъ та́мѡ, ꙗ҆́коже вѣ́дятъ со́вѣсть свою̀ чи́стꙋ. Слѣпотѣ̀ ю҆́ных, подая́ти и҆скꙋ́сныхъ вождѡ́въ, л. ѯ҃г ѡ҆б. вся̑ же проти́вная в̾ домꙋ̀ сѣдя́щихъ дѣте́й сря́щꙋтъ неѿло́жнѡ. Ктомꙋ̀, по роди́телехъ влады́чествовати и҆мꙋ́щіи бл҃горо́дніи дѣ́ти ка́кѡ возмо́гꙋт то́ль мнѡ́гія ѹ҆мы̀, то́ль разли́чныя проразсꙋжда́ти ѹ҆хищр́є́нія, дѣ́ти гл҃ю сі́и, и҆̀же дома́шних то́кмѡ, и҆ то̀ ласка́ющихъ к̾ своемꙋ̀ хотѣ́нію люде́й ѹ҆потребля́ютъ. Мт҃и бо та́мѡ и҆ ѻ҆ц҃ъ влады́ка, но и҆ си́хъ не моле́ніем ли, то̀ слеза́ми въ поле́зной ли ве́щи, и҆лѝ неполе́зной къ своемꙋ̀ прекланя́ютъ хотѣ́нію. Таковꙋ́ю ́є҆щѐ дре́вніи вели́цы госпо́діе на ча́дѣхъ свои́хъ бѣдꙋ̀ и҆скꙋси́вше, наро́дныя мно́гим и҆ждиве́ніемъ созда́ша ѹ҆чи́лища, ꙗ҆́коже въ Пе́рсіи, въ Лацедемо́ніи, въ А҆ѳи́нѣхъ, л. ѯ҃д и҆ въ Кри́тѣ, а҆ ны́нѣ во все́мъ за́падѣ. Гдⷭ҇ꙋ же поспѣшествꙋ́ющꙋ, въ рѡссі́йскомъ гдⷭ҇рствѣ, расте́тъ и҆ мно́жится число̀ ѹ҆чи́лищъ наро́дных. Ничто́же бо та́кѡ погꙋбля́етъ ю҆́ныхъ, ꙗ҆́коже ласка́ніе, и҆ слѣпа́я роди́телей любо́вь къ ча́дѡмъ. Сꙋ́щіи же во ѹ҆чи́лищахъ, всѣ́хъ бѣ́дъ таковы́хъ свобо́дни сꙋ́ть.