Ѡ҆ властели́нѣ бл҃гоꙋго́днѣмъ.

Вся́къ мꙋ́жъ я҆вля́ется пред̾ собо́ю[1] пра́веденъ, и҆ вся́къ властели́нъ мни́тъ вся̀ своя̀ дѣла̀ и҆справля́ти бл҃гочи́ннѡ, помышля́я ѡ҆ себѣ̀: ꙗ҆́кѡ бж҃ій ѻ҆́нъ слꙋга̀ ́є҆́сть. и҆ срⷣце ́є҆гѡ̀ в̾ рꙋцѣ̀ бж҃іи. Ѻ҆ба́че же, кто̀ разꙋмѣ̀[2] ѹ҆́мъ гдⷭ҇нь: и҆лѝ кто̀ совѣ́тникъ ́є҆мꙋ̀ бы́сть; Комꙋ̀ ѿкры́ся безвѣ́стная ́є҆гѡ̀; Не ѻ҆́нъ ли ́є҆́сть, ꙗ҆́коже и҆ фарао́нъ и҆лѝ слꙋгѝ фарао́нѡвы лю́демъ гдⷭ҇нимъ, немощны́мъ, и҆ ѹ҆бо́гимъ, и҆ ни́щымъ, и҆̀же сꙋ́ть ча́сть, и҆ и҆збра́ніе гдⷭ҇не; бг҃ъ бо и҆збра̀ ни́щыя мі́ра сегѡ̀.[3] Примѣ́ръ же вся́кой ве́щи а҆́ки свѣ́тъ ́є҆́сть, и҆ свидѣ́тель нело́жный: ниже́ бо и҆ бѣ́лое то́ль ѹ҆́зрится бѣ́ло, а҆́ще л. м҃и ѡ҆б. не бли́зъ че́рное положе́но бꙋ́детъ. А҆рома́та сопротивополо́жнѣ, па́че ꙗ҆вля́ютъ си́лꙋ свою̀, и҆ свѣ́тъ па́че въ те́мномъ мѣ́стѣ сія́етъ ꙗ҆́кѡ ѹ҆́бѡ лꙋка́вагѡ властели́на подо́біе ви́дѣхомъ, не не прили́чнѡ здѣ́ же и҆ ѡ҆ бл҃гоꙋго́дномъ, показа́нія, не наставле́нія ра́ди ѻ҆́ных, нѣ́что прдложи́ти. И҆зря́днѣе же ѡ҆ бо́дрости ́є҆гѡ̀ жара́вли ѹ҆подобля́емой стра́жи. Ꙗ҆́коже бо стра́жъ ѻ҆́нъ в̾ жара́вляхъ, бо́дростію свое́ю, всѣ́мъ подава́етъ со́нъ безпеча́лный и҆ ми́рный: та́кѡ властели́нъ премꙋ́дръ же и҆ бо́дръ, в̾ ми́рѣ и҆ тишинѣ̀ сохраня́етъ лю́ди своя̀. И҆ да не воздре́млетъ, нощнꙋ́ю стра́жꙋ и҆мꙋ́щіи жара́вль, ка́мень держи́тъ в̾ нозѣ̀ свое́й, дрꙋго́ю поддержа̀ тѣ́ло л. м҃ѳ своѐ. Ни лѝ та́кѡ мꙋ́жъ бл҃гоискꙋ́сный и҆справля́етъ дѣла̀ своя̀; ве́сь на стра́жи, ве́сь ѻ҆́бщꙋ добрꙋ̀ слꙋ́жит, и҆ за ́є҆два̀ пе́рстомъ то́кмѡ нѣ́кіимъ каса́ется дѣ́лъ свои́хъ. И҆́мать а҆́ки твердѣ́йшій ка́мень ѹ҆́мъ постоя́нный, и҆́же ́є҆го̀ твори́тъ бо́дрствовати. Доне́лѣже ка́мень при стра́жи ́є҆́сть, стражба̀ ́є҆гѡ̀ вѣ́рна ́є҆́сть, и҆ никто́же ѹ҆спѣ́етъ повреди́ти стрего́мыхъ. Ктомꙋ̀ вѣ́сть ѻ҆́нъ, ꙗ҆́кѡ на сіѐ и҆збра́нъ ́є҆́сть, не да ми́рнѡ са́мъ в̾ тишинѣ̀ пребꙋ́детъ ничи́мъ же пекі́йся, но да бо́дростію ́є҆гѡ̀ и҆збра́вшіи до́брѣ и҆ безмяте́жнѡ поживꙋ́тъ. Па́мятствꙋетъ сіѐ властели́нъ бл҃гоꙋго́дный, ꙗ҆́кѡ не в̾ рабо́тꙋ и҆ плѣ́нъ, но въ сохране́ніе и҆збра́вшіи ́є҆гѡ̀ л. м҃ѳ ѡ҆б. предаю́тся ́є҆мꙋ̀. Тогѡ̀ ра́ди не себѣ̀ и҆̀хъ, но себѐ и҆̀мъ в̾ коры́сть ѹ҆строява́етъ. Ка́кѡ же и҆ всѣ́мъ то́й и҆ поле́зенъ, ѿ всѣ́хъ бл҃жи́мый, хвали́мый и҆ возлю́бленный бꙋ́детъ; вся̑ ́є҆мꙋ̀ сія̀ ѹ҆стро́итъ бо́дрость, и҆ ѹ҆́мъ постоянный. Властелин бо ѡ҆би́лꙋяй тѣ́ми: всѣ́хъ ра́внѣ ми́лꙋетъ, и҆ на всѣ́хъ призира́етъ ра́внѣ, ненави́дит шепотника̀, и҆ клеветни́къ не и҆мѣ́етъ ча́сти съ ни́мъ. Че́сть ѿ негѡ̀ досто́йнымъ и҆ мзда̀ трꙋди́вшымся, вѣ́сть не вся̑ ́є҆ди́номꙋ ввѣря́ти, и҆ со старѣ́йшими совѣ́тъ ́є҆гѡ̀ па́че ѻ҆ч҃ества ничто́же и҆́мать любе́знѣйшагѡ, всѣ́мъ же ѻ҆ц҃ъ, пѣ́стꙋнъ, и҆ защи́тникъ. Сꙋ́дъ ́є҆гѡ̀ пра́веденъ, и҆ млⷭ҇ть на пови́нныхъ. Пе́рвое попече́ніе ́є҆гѡ̀ л. н҃ Бг҃ъ, и҆ че́сть тогѡ̀, ве́сь непоро́ченъ, ве́сь добродѣ́телей ѻ҆́бразъ. Не та́йнѡ бо ́є҆мꙋ̀ ꙗ҆́кѡ дѣла̀ нача́лных, повелѣ́нія сꙋ́ть поⷣ вла́стію сꙋ́щым, и҆ ꙗ҆ко́въ же бꙋ́детъ влⷣка гра́дꙋ, та́цы и҆ живꙋ́щіи въ не́мъ. Сія же вся̑ въ примѣ́ръ и҆ лꙋ́чшее ра́знствіе бл҃гоꙋго́дных прави́телей, сказа́шася ю҆́нымъ.