Слѣпота̀ ю҆́ныхъ[1].

Тріе́ ми не возмо́жно разꙋмѣ́ти, [2] и҆ четве́ртое не свѣ́мъ. (гл҃етъ Соломѡ́нъ) слѣ́да ѻ҆рла̀ паря́ща по во́здꙋхꙋ. Пꙋтѝ ѕмія̀ ползя́ща по ка́мени, стезѝ корабля̀ пловꙋ́ща по мо́рю. и҆ пꙋтѝ мꙋ́жа въ ю҆́ности ́є҆гѡ̀. Та́кѡ неꙋдо́бь разꙋми́теленъ ́є҆́сть ю҆́ныхъ живо́тъ, ꙗ҆́кѡ и҆ Соломѡ́нꙋ неꙋдоборазꙋми́теленъ показа́ся. Соломѡ́нꙋ гл҃ю, и҆́же ди́внѣ [3] ѹ҆́[?]премꙋдрися въ ю҆́ности свое́й, напо́лнися а҆́ки рѣка̀ ра́зꙋма. и҆спо́лненъ сы́й при́тчъ, и҆ гада́ній. а҆ во и҆столкова́ніяхъ, толи́кѡ соверше́нъ, ꙗ҆́кѡ страны̀ диви́шася ́є҆мꙋ̀. Но ́є҆гда̀ пріе́млетъ ѡ҆ ю҆́ности л. а҃ ѡ҆б. сло́во, невѣ́ждꙋ себѐ и҆сповѣ́дꙋетъ, гл҃я: четве́ртое (сѐ ́є҆́сть, пꙋ́ть мꙋ́жа въ ю҆́ности ́є҆гѡ̀) не свѣ́мъ. Разли̑чныя, разли́чніи писа́ній и҆столкова́тели тогѡ̀ вины̀ полага́ютъ: в̾ се́мже согла́сни сꙋ́ть, ꙗ҆́кѡ младі́и разли́чнымъ стра́сти порѣва́еми стремле́ніемъ, ѻ҆́чи ра́зꙋма на́гльствомъ а҆́ки ле́нтіемъ завяза́вше, во вся̀ де́бри безчи́ній, во вся́ч́єскія сѣ́ти бѣ́дъ разли́чныхъ, мно́жицею же и҆ въ безвре́менныя и҆ напра̑сныя сме́рти вмета́ютъ себѐ. То́е то́кмѡ и҆мꙋ́ще за кра́йнее бл҃же́нство, ́є҆́же ходи́ти въ во́ляхъ срⷣцъ свои́хъ, ѻ҆́чи ра́зꙋма завяза́вше, сі́есть: без̾ разсꙋжде́нія, без̾ совѣ́та, самоизво́лнѣ: а҆́може самохотѣ́ніе л. в҃ зове́тъ, и҆ сама́го себѐ безчи́нное возлюбле́ніе. Тѣ́ми а҆́ки вѣ́три коле́блемый, сѣ́може и҆ ѡ҆ва́мо низлага́емь сꙋ́щи: во всѣ́хъ дѣя́ніях свои́хъ, и҆лѝ и҆зли́шняя твори́тъ, и҆лѝ нꙋ́ждныхъ лиша́ется.

Ѿкꙋ́дꙋ въ такѡвы́я прихо́дитъ неꙋдо́бствія: а҃, са́мъ себѣ̀ не свобо́дь ́є҆́сть, нижѐ и҆́стиннѡ ве́селъ когда̀. в҃, ѡ҆ себѣ̀ и҆ ѡ҆ свои́хъ дѣ́лѣхъ промышля́етъ неради́вѡ, ѿкꙋ́дꙋ ве́сь разоря́ется чи́нъ, ꙗ҆́коже зри́мъ въ сицевы́хъ, и҆̀же на себѐ сꙋ́ть неми́лостиви, поврежда́юще безꙋ́мнѣ здра́віе своѐ, и҆лѝ ѹ҆язвля́юще, съ бѣдо́ю сме́ртною, тѣ́ло. Є҆ще́ же ѿтꙋ́дꙋ и҆ безсла́віе пріе́млюще ꙗ҆́вственное. къ томꙋ̀ л. в҃ ѡ҆б. самолю́біемъ ѿ самохотѣ́нія плѣне́нъ, быва́етъ всѣ́хъ ѕлѡ́бъ слꙋжи́тель. То́ бо ѡ҆слѣпля́етъ, (ꙗ҆́коже рѣ́хомъ) ѻ҆́чи ра́зꙋма, да не когда̀ человѣ́къ сама́го себѐ возмо́жетъ позна́ти. Си́це и҆ въ тяжча́йшихъ пребыва́ющемꙋ грѣсѣ́хъ поблажа́етъ, послабля́етъ, ѹ҆тѣша́етъ, и҆зглаго́лꙋетъ, и҆ ѹ҆маля́етъ, ́є҆щѐ же и҆ на бѡ́льшая приво́дитъ: стра́хъ бж҃ій и҆звлача́щи ѿ се́рдца. Ко и҆но́мꙋ же согрѣша́ющемꙋ твори́тъ ́є҆го̀ же́стока ѕѣлѡ̀. ѡ҆хꙋжда́етъ сія̑, ꙗ҆̀же добра̀ сꙋ́ть, и҆ лꙋка́внѣ развраща́етъ пра́вая, ѹ҆множа́етъ и҆ разширя́етъ, ꙗ҆̀же ма́ла сꙋ́ть и҆ ѹ҆́зка. Но не сѐ коне́цъ самолю́бія: твори́тъ бо л. г҃ ́є҆щѐ, да безꙋ́менъ и҆ несмы́сленъ, разꙋ́мна и҆ до́брѣ смы́сляща возмнит себѐ. Безчи́нный и҆ небг҃обоя́зненный бг҃обоя́зненъ и҆ добродѣ́теленъ себѣ̀ ꙗ҆вля́ется, и҆ а҆́ки бы вся̑ творя́й благоче́стнѡ, и҆ живы́й по бз҃ѣ.

Є҆ще́ же вся́ческихъ соверше́нствъ къ добродѣ́телемъ прилѣжа́щихъ препя́тіемъ самолю́біе сꙋ́щи. твори́тъ то̀, да ничто́же чл҃вѣ́къ, ́є҆́же ́є҆мꙋ̀ поле́зно ́є҆́сть, помышля́етъ ѡ҆ се́мъ, нижѐ и҆́щетъ, нижѐ и҆ска́ти хо́щетъ, но высокоꙋ́міемъ ѿ таковы́я слѣпоты̀ ро́ждшимся плѣне́нъ, мни́тъ себѐ ѹ҆жѐ вся̀ соверше́нства стяжа́вша. и҆ та́кѡ прельще́нъ са́мъ себѣ̀ вели́къ ꙗ҆вля́ется, са́мъ л. г҃ ѡ҆б. ѡ҆ себѣ̀ гада́телствꙋетъ высо́кѡ, и҆ и҆ны́хъ презира́я совѣ́ты, ни повинꙋ́яся наказа́ніямъ, ничто́же и҆но́е мни́тъ бы́ти пра́во, ра́звѣ сіѐ, ́є҆́же са́мъ содѣ́ла, и҆лѝ и҆з̾ѡбрѣ́лъ ́є҆́сть.

Па́ки же: а҆́ще бл҃го са́мъ что̀ сотвори́тъ, сіѐ до нб҃съ возно́ситъ, а҆́ще же ѕло́е, весма̀ ѹ҆маля́етъ, и҆ со́вѣсть ѡ҆болсти́вши, безпеча́ленъ пребꙋ́детъ, а҆́ки ниеди́ное ѕло̀ сотво́ршій. Та́кѡ ́є҆́сть лю́то самолю́біе! то́ль ́є҆́сть па́гꙋбна слѣпота̀ сицева́я! ꙗ҆́же ти́хѡ и҆ па́че наде́жды въ ро́въ поги́белный низво́дитъ, ѿ всѣ́хъ добродѣ́телей на́га сотво́рши. Нѣ́сть же бѣ́дъ сицевы́хъ ю҆́ность, но л. д҃ безсо́вѣстіе, и҆ забве́ніе себѐ сама́го вино́вно, а҆́ще бы и҆ ѕѣлѡ̀ ко всемꙋ̀ ѹ҆добопрекло́нна ю҆́ность, но ни та́кѡ вино́вна, и҆лѝ па́че и҆з̾ѡбрѣта́телница ѕлы́хъ[4]. занѐ си́це и҆мѣ́ли бы всѝ безсо́вѣстни, невозде́ржни, не пекꙋ́щеся ѡ҆ себѣ̀ неради́ви бы́ти ю҆́нѡшы, ́є҆́же помышля́ти хꙋ́лнѡ ́є҆́сть, и҆ безсо́вѣстнѡ. Ю҆́ность нижѐ ѕла̀[5] ́є҆́сть, нижѐ добра̀, возмо́жетъ вся́къ бл҃гонра́венъ бы́ти и҆ добродѣ́теленъ ко бл҃ги́мъ и҆ лꙋ́чшымъ и҆справля́ющійся. Но возмо́жетъ и҆ мно́жайшымъ подо́бенъ бы́ти, коея̀ ра́ди вины̀ пꙋ́ть мꙋ́жа въ ю҆́ности не и҆звѣ́стенъ ́є҆́сть.

Тѣ́мже вся́къ хотя́й лꙋ́чшій л. д҃ ѡ҆б. бы́ти, лꙋ́чшемꙋ возслѣ́дствовати до́лженъ ́є҆́сть, ѹ҆даля́тися самохотѣ́нія и҆ безчи́ннагѡ самолю́бія, вся̑ же дѣла̀, и҆ дѣя́нія своя̀ прилѣ́жнѡ и҆стязова́ти, а҆ наипа́че, вездѣ̀ зна́ти себѐ, и҆ при́снѡ внима́ти семꙋ̀. Весели́ся ю҆́ното въ ю҆́ности твое́й, и҆ да ѹ҆блажи́тъ тя̀ се́рдце твоѐ [6] въ де́нь ю҆́ности твоея̀. и҆ ходѝ пꙋте́хъ се́рдца твоегѡ̀ непоро́ченъ. и҆ не во видѣ́ніи ѻ҆́чію твое́ю. и҆ разꙋмѣ́й: ꙗ҆́кѡ ѿ всѣ́хъ си́хъ приведе́тъ тя̀ бг҃ъ на сꙋ́дъ. та́кѡ пребꙋ́демъ, и҆ та́кѡ ѹ҆кроти́ти подоба́етъ свирѣ́пꙋю ю҆́ность.

л. ́є҃