Ѡ҆ до́лгѣ сыно́внѣмъ.

[1] Блгⷭ҇ве́ніе ѻ҆́ч҃ее ѹ҆твержда́етъ дѡ́мы ча́дъ, кля́тва же мт҃рняя и҆скореня́етъ ѡ҆снова́нія. Гл҃етъ сіра́хъ. та́кѡ си́лно ́є҆́сть блгⷭ҇ве́ніе роди́вшихъ си́це вреди́телна кля́тва рожде́нным. Ѹ҆̀бо таковы́хъ и҆збѣ́гнꙋти хотя́щіи: а҆́ки гри́внꙋ зла́тꙋ и҆мѣ́йте на вы́и, и҆ на скрижа́лѣхъ начерта́ти л. л҃ѳ серде́чныхъ, прили́чнѡ и҆ до́лжнѡ ́є҆́сть сіѐ: Чти Ѻ҆ц҃а̀ твоего̀ и҆ Мт҃рь.[2] ꙗ҆́коже ́є҆́сть сія̀ за́повѣдь пе́рвая во ѡ҆бѣтова́ніи, тѣ́мъ а҆́ще спя́ще, а҆́ще востаю́ще, пе́рвѣе и҆ в̾ нача́лѣ, въ се́мъ поꙋча́тися семꙋ̀ навыка́ти и҆спе́рва, сіѐ бꙋ́ди ва́мъ въ наꙋче́ніи пе́рвое и҆скꙋ́сство, пе́рвое мꙋ́дрости и҆зыска́ніе, и҆ нача́ло всѣ́хъ добродѣ́телей. Занѐ ѿ непочита́нія роди́телей ражда́ется неповинове́ніе, ѿ неповинове́нія ѡ҆жестѣ́ніе, ѿ же́стости нра́въ ѕвѣ́рскій, и҆ кра́йняя поги́бель. Тако́въ бя́ше И҆са́въ, ́є҆мꙋ́же и҆ со ѕвѣрмѝ ѹ҆праждне́ніе бя́ше, тѣ́мъ и҆ лиши́ся блгⷭ҇ве́нія ѻ҆́ч҃а. Рече́ши мѝ ꙗ҆́кѡ не ѿ же́стости бы́сть сіѐ, и҆́бо ѻ҆ц҃ъ посла́лъ бя́ше л. л҃ѳ ѡ҆б. ́є҆го̀ ѹ҆лови́ти на ꙗ҆́дь. Та́кѡ ́є҆́сть хотя́ше бо раздражи́ти ́є҆го̀, и҆ не а҆́ки жалѣ́я кѡ́злищъ, но да́лъ ́є҆́сть въ рꙋ́цѣ ́є҆гѡ̀ и҆зволе́ніе ́є҆гѡ̀. А҆́ще бо бы бл҃гопокори́въ бы́лъ, ѿтꙋ́дꙋже и҆ любе́зенъ роди́тел́ємъ, не [3] бы мт҃и возвѣсти́ла І҆а́кѡвꙋ ю҆́нѣйшемꙋ бра́тꙋ ́є҆гѡ̀: да препо́нꙋ сотвори́тъ ́є҆мꙋ̀. ́є҆ще́ же и҆ сама̀ взе́мши ко́злища ѹ҆гото́ва снѣ́дь ско́рꙋю, сама̀ ѡ҆блечѐ ́є҆гѡ̀ в̾ ри́зы И҆са́ѵли, ꙗ҆́кѡ да ѹ҆преди́тъ ѻ҆́нъ взя́ти бл҃гослове́ніе ѻ҆́ч҃ее.

Кро́тцы ѹ҆́бѡ, бла́зи, бл҃гопоко́рливи, и҆ почита́ющіи бꙋ́дем роди́телей на́ших. и҆ и҆̀же на́мъ тѣ́ло дадо́ша, мы̀ понѐ ча́сть на́шꙋ подади́мъ и҆̀мъ, горя́щею любо́вію возлю́бимъ и҆̀хъ. л. м҃ Почита́ніе и҆ че́сть ѿ на́съ при́сная да бꙋ́детъ и҆̀мъ, повинове́ніе нелѣ́ностное, бл҃годаре́ніе непреста́нное, бо́лшая до́лженствꙋемъ, но понѐ сія̀ воздади́мъ и҆̀мъ.

Доко́лѣже повинова́тися! доне́лѣже ча́да ́є҆смы̀. Что́ же, а҆́ще безмѣ́стная повелѣва́ютъ: повине́мся ли; мню̀, ꙗ҆́кѡ никогда́ же ѻ҆ц҃ъ повелѣва́етъ такѡва́я, а҆́ще и҆ са́мъ безмѣ́стная, и҆ поро́чная дѣ́етъ: а҆ поне́же всемꙋ̀ слꙋ́чай быва́етъ, и҆ нꙋ́жда тогѡ̀ и҆стя́жетъ неѿло́жная, в̾ таковы́хъ не повинꙋ́тися, па́че же и҆ презрѣ́ти, и҆ ѡ҆ста́вити, ꙗ҆́коже А҆враа́мъ.[4] Мелхіседе́къ, и҆ безчи́сленніи и҆ні́и, не не поле́зно ́є҆́сть. Сія́ бо и҆ гдⷭ҇ь поꙋча́ше и҆ногда̀, да не ра́ди повелѣ́ній л. м҃ ѡ҆б. роди́телскихъ, и҆ любвѐ и҆́хъ, пре́зрим любо́вь гдⷭ҇ню, и҆ велѣ́ніемъ ́є҆гѡ̀ [5] сопроти́вни бꙋ́демъ, ꙗ҆́коже и҆ и҆́ндѣ гл҃а: пріидо́хъ разлꙋчи́ти чл҃вѣ́ка на ѻ҆ц҃а̀ своего̀, дще́рь на ма́терь свою̀, и҆ невѣ́стꙋ на свекро́вь свою̀. и҆ нижѐ ѹ҆ченика̀ ѿпꙋстѝ: да погребе́тъ [6] ѻ҆ц҃а̀ своего̀, ѿ ѹ҆чи́телей же нѣ́кто ѡ҆ себѣ̀ гл҃етъ: ме́чь держит сꙋпоста́тъ мо́й: да мя̀ ѹ҆біе́тъ, и҆ а҆́зъ ли ѡ҆ ма́терних слеза́хъ радѣ́ти бꙋ́дꙋ; а҆́ще же кромѣ̀ таковы́хъ, и҆лѝ подо́бныхъ нꙋ́ждъ, кто̀ презри́тъ роди́телей: да вѣ́сть таковы́й,[7] ꙗ҆́кѡ и҆́мать пи́ти ѿ віна̀ ꙗ҆́рости бж҃ія. віна̀ растворе́нна в̾ ча́ши гнѣ́ва ́є҆гѡ̀, и҆ бꙋ́детъ мꙋ́ченъ ѻ҆гне́мъ и҆ жꙋ́пелемъ пред̾ а҆́гг҃лы ст҃ы́ми. л. м҃а