Ѡ҆ любвѝ къ ча́дѡмъ.

Ѡ А҆́ще бы со ѡ҆пасе́ніемъ и҆ глꙋбо́кимъ разсꙋжде́ніемъ сы́ны и҆ дще́ри помышля́ли ѡ҆ се́мъ, что̀ понꙋ́дило ́є҆́сть къ самоизво́лномꙋ ѹ҆топле́нію Є҆ге́а. что̀ Кві́нта Фꙋ́лвія предадѐ ѹ҆давле́нію: бо́дрственнѣйшіи бы́ли бы, и҆ и҆скꙋ́снѣйшіи и҆ ѡ҆па́снѣйшіи, ́є҆́же ни ма́лымъ чи́мъ ѡ҆скорби́ти, нижѐ к̾ жа́лости привестѝ роди́телей свои́хъ. Рекꙋ́тъ нѣ́цыи: нижѐ Є҆ге́а свѣ́мы, нижѐ Фꙋ́лвіа слы́шахомъ: во и҆звѣ́тъ ѹ҆́бѡ таковы́мъ, предлага́ю ѡ҆ ѡ҆бо́ихъ сокраще́ннꙋю по́вѣсть. [1] А҆ѳи́нѡмъ кн҃зь сꙋ́щи Є҆ге́й, бл҃госло́внꙋю и҆мѣ̀ нꙋ́ждꙋ въ Кри́тъ посла́ти сы́на своего̀ Ѳезе́а и҆́менем, л. л҃з завѣща́ же: да возвраще́ніе и҆мꙋ́щь бл҃гополꙋ́чное, распростре́тъ на кораблѝ свое́мъ зна́меніе бѣ́ло. И҆ ꙗ҆́коже приближа́хꙋся дні́е возвраще́нія Ѳезе́ева: ѻ҆те́цъ ́є҆гѡ̀ съ про́чіими боля́ры на сто́лпъ ѹ҆ бре́га морска́го стоя́щій возше́дъ смотря́я и҆ разсмотря́я кораблѝ пловꙋ́щыя. Ѳезе́й ѹ҆́бѡ а҆́ще и҆ бл҃гополꙋ́чное ѿ Кри́та и҆мѣ́яше возвраще́ніе своѐ, забы́въ ѹ҆вѣ́та ѻ҆́ч҃а: съ ве́тхими зна́менми пловя́ше. До́брѣ ѹ҆жѐ позна̀ Є҆ге́й кора́бль сыно́вній и҆ ви́дя ́є҆го̀ без̾ зна́менія бѣ́ла, ча́явъ сы́на бы́ти ме́ртва, ѿ жа́лости ѡ҆мертвѣ̀, и҆ падѐ съ столпа̀ в̾ глꙋбинꙋ̀ мо́ря. Кві́нтъ же Фꙋ́лвій, въ че́сти бя́ше[2] Ри́млянѡмъ вели́къ и҆ сла́венъ, се́й л. л҃з ѡ҆б. два̀ сы́на, в̾ во́инстѣмъ чинꙋ̀ и҆мѣ̀. со І҆ллі́ріки тогда̀ Ри́млянѡмъ бра́нь и҆мꙋ́щымъ. Вѣ́сть ѹ҆́бѡ ѿтꙋ́дꙋ, ꙗ҆́кѡ ́є҆ди́нъ ѿ сынѡ́въ сконча́ся, дрꙋгі́й же, не и҆сцѣ́лною стра́ждетъ болѣ́знію, пріе́мъ: ѿ тꙋгѝ вели́кія, ше́дъ въ ло́жницꙋ, ѹ҆дави́ся. И҆ не тꙋга̀ то́кмѡ ѡ҆ ча́дѣхъ, но и҆ ра́дость мно́жицею вино́вна сме́рти быва́етъ. ѿ двои́хъ та́кожде Ри́мских бл҃горо́дныхъ Матрѡ́нъ ѹ҆вѣ́мы: [3] Па́дшымъ ѿ А҆нніба́лева ѻ҆рꙋ́жія мно́жеств́єннымъ си́ламъ Ри́мскимъ, и҆ не мно́гимъ то́кмѡ в̾ гра́дъ прибѣ́гшымъ, ѹ҆дивле́нія досто́йна слꙋчи́ся ве́щь: Мт҃и бо возвра́щшася ѿтꙋ́дꙋ сы́на своего̀ ѹ҆зрѣ́вши жи́ва, падѐ ме́ртва. дрꙋга́я же вѣ́сть л. л҃и пріе́мши ѡ҆ ѹ҆біе́ніи сы́на своегѡ̀: в̾ домꙋ̀ сѣ́де ѹ҆ны́ла, но и҆ то́й возврати́ся жи́въ. и҆ зрѝ нн҃ѣ си́лꙋ любвѐ! ѹ҆ви́дѣвши бо ́є҆го̀ на пра́гъ восходя́ща, ѿ ра́дости мертва̀ бы́сть, та́кѡ лю́бятъ роди́тели ча́да своя̀! та́кѡ ѹ҆мꙋча́етъ и҆́хъ любо́вь! та́кѡ ѹ҆бива́етъ! сія́ то вои́стиннꙋ[4] любо́вь крѣпка̀ ꙗ҆́кѡ сме́рть. постыди́мся ѹ҆̀бо, постыди́мся, ́є҆ли́цы не ради́мъ ѡ҆ толи́цѣй к̾ на́мъ любвѐ ро́ждшихъ на́съ. помина́имъ ско́рби и҆́хъ, помина́имъ и҆ не забꙋ́дем болѣ́зни и҆́хъ. Рцы́ ми, а҆́ще ѻ҆́трочище стра́ждетъ, а҆́ще болѣ́знꙋетъ, не сія́ ли вся̑ стра́ждꙋтъ ро́ждшіи ́є҆̀; кто́ же и҆счи́слитъ трꙋды̀, и҆́хъ, ꙗ҆̀же в̾ младе́нчествѣ л. л҃и ѡ҆б. на́шемъ, в̾ воскормле́ніи на́шемъ, под̾я́ша ро́ждшіи на́съ. постыди́мся глаго́лю, и҆ бꙋ́демъ ѡ҆па́сни, да ни ма́лымъ вѣ́тромъ ѡ҆ѕло́бимъ и҆̀хъ, храни́тися до́лженствꙋемъ, не то́кмѡ да не ѡ҆скорби́мъ и҆ возяри́мъ любо́вь и҆́хъ, но нижѐ что̀ неча́енное ѹ҆слы́шатъ ѡ҆ на́съ.