Ѡ҆ воздая́ніи роди́телемъ.

И҆́мже по достоя́нію[1] воздая́нія сотвори́ти не мо́жемъ, тріѐ сꙋ́ть: бг҃ꙋ, роди́тел́ємъ, ѹ҆чи́тел́ємъ: поне́же и҆скꙋ́сствомъ л. л҃д ѡ҆б. свои́мъ бл҃голи́чнѣйшихъ, и҆ а҆́ки сосꙋ́дъ и҆збра́нъ в̾ че́сть содѣ́ловаютъ. Роди́тел́ємъ: ꙗ҆́кѡ тѣ́ло и҆ воспита́ніе да́вшымъ. Бг҃ꙋ, ꙗ҆́кѡ созда́телеви вся́ч́єскихъ. Кто̀ толи́кое, [2] и҆ то́ль многоиждиви́телное что̀ прине́слъ ́є҆́сть бг҃ꙋ, ꙗ҆́коже Соломѡ́нъ цр҃ь, ́є҆гда̀ хра́мъ созда̀, трꙋдо́мъ многолѣ́тнѣ, хи́тростію преꙋкраше́ннѣ, и҆ждиве́ніемъ же вѣ́рꙋ превосходя́щимъ, пли́нѳы бо златы́я в̾ стѣна́хъ полага́ше. Что́ же гдⷭ҇ь на сія̀;[3] Кі́й хра́мъ сози́ждете мнѣ̀ и҆лѝ ко́е мѣ́сто поко́ища моегѡ̀; нб҃о мѝ прⷭ҇то́лъ ́є҆́сть, а҆ земля̀ подно́жіе. ѻ҆ба́че прія́тенъ бы́сть гдⷭ҇ви да́ръ то́й, гл҃етъ бо:[4] нн҃ѣ ѻ҆́чи моѝ бꙋ́дꙋтъ ѿве́рсты, и҆ ѹ҆́ши моѝ л. л҃́є бꙋ́дꙋтъ послꙋ́шающе къ моле́нію мѣ́ста сегѡ̀. Нн҃ѣ и҆збрах, и҆ ѡ҆ст҃и́хъ до́мъ, и҆ бꙋ́детъ и҆́мя моѐ тꙋ̀ во вѣ́ки, и҆ бꙋ́дꙋтъ ѻ҆́чи моѝ, и҆ срⷣце моѐ тꙋ̀ во вѣ́ки, та́кожде и҆ роди́тел́ємъ, вели́чества ра́ди бл҃годѣя́ній, къ ча́дѡмъ, поне́же ни ́є҆ди́нъ ́є҆́сть ѻ҆́бразъ таковы́й, и҆́мже бы возмо́жно толи́кое дѣ́ло возда́ти по ра́венствꙋ, тѣ́мъ по ́є҆ли́кꙋ возмо́жно, и҆ в̾ и҆́хъ же чи́нъ и҆ ѻ҆́бразъ бл҃года́рствія ѡ҆брѣсти́ся, мо́жетъ, вся̀ сія̀ съ ра́достію роди́тел́ємъ содѣ́ловаимъ, что̀ всѐ вѣ́мы, ꙗ҆́кѡ не дово́лно к̾ воздая́нію, прія́тно ѻ҆ба́че, и҆ любе́зно бꙋ́детъ роди́тельскомꙋ срⷣцꙋ, а҆ пре́жде всегѡ̀, че́сть и҆́хъ да не ѹ҆маля́ется ѿ до́лжности л. л҃́є ѡ҆б. ча́дъ.[5] ю҆́же а҆́ще и҆ разли́чніи разли́чнѣ ѡ҆предѣля́ютъ, и҆з̾ ни́хъ же Плюта́рхъ роди́тел́ємъ, че́сть по бз҃ѣ пе́рвѣйшꙋю и҆ наибо́лшꙋю ѹ҆ставля́ет. А҆рісто́тель же и҆ Платѡ́нъ, ра́внꙋю, ꙗ҆́коже бг҃ꙋ. Та́кѡ ѡ҆ба́че почита́ти, и҆звѣ́стнѣе. и҆ ꙗ҆вля́тися в̾ слꙋже́ніи: ꙗ҆́коже чи́нъ, вре́мя, прили́чіе, и҆ нꙋ́жда и҆стя́жетъ, дѣ́ломъ и҆ сло́вом бл҃гоꙋгожда́имъ и҆̀мъ. Раздража́ти же, и҆ проти́витися: безче́стнѡ [6] ́є҆́сть, и҆ наво́дитъ кля́твꙋ. Бл҃жи́мая попремно́гꙋ. и҆ въ І҆сто́ріахъ похваля́емая дще́рь Ціліо́ніева роди́теля своего̀ въ темни́цѣ гла́дом мори́маго сосца́ми пита́ше. Є҆не́й кн҃зь троя́нскій, и҆́менемъ и҆ ве́щію похва́льный, разоря́емой ѿ гре́кѡвъ л. л҃ѕ Тро́и, ́є҆гда̀ ѹ҆жѐ ве́сь гра́дъ пла́менем покрыва́шеся, вся̀ ѡ҆ста́вль и҆мѣ́нія, роди́теля то́кмѡ своего̀ А҆нхі́зеса взе́мъ на плещѝ, и҆знесѐ и҆з̾ гра́да. Любвѐ и҆ че́сти и҆спо́лненное сотвори́лъ ́є҆́сть дѣ́ло сіѐ: но слы́ши ́є҆щѐ сла́дость и҆ска́плющее сло́во ́є҆гѡ̀: не ѹ҆трꙋди́тъ мя̀ тя́жесть сія̀, что̀ ли бо ѹ҆́бѡ (речѐ) слꙋ́чай да́стъ: та́яжде, и҆ совокꙋ́пная, и҆лѝ сме́рть, и҆лѝ свобо́да ѡ҆бои́мъ бꙋ́ди. Такова́я сы́ны, и҆ дще́ри, вѣ́дꙋще: зна́имъ си́хъ, ѿ ни́хъ же ́є҆смы̀, и҆ всѣ́ми ѻ҆́бразы къ воздая́нію тщи́мся, да не постыди́мся пред̾ ꙗ҆зы́ки въ де́нь ѻ҆́нъ.

л. л҃ѕ ѡ҆б.