Ѡ҆ почита́ніи роди́телей.

Въ Сіцілі́йстѣй странѣ̀, древними[1] и҆ но́выми геѡгра́фами свидѣ́тельствованная ѡ҆брѣта́ется гора̀ ́є҆́тна гл҃емая. ѻ҆́гнь, ды́мъ, и҆ногда́же и҆ пе́пелъ, и҆ разли́чныя ѿ нѣ́дръ своих и҆нзося́щая ве́щы ́є҆ди́ною ѹ҆́бѡ, два̀ бра́тія А҆мфіо́нъ и҆́менемъ и҆ А҆на́пій, мно́гихъ ви́дѣвше грядꙋ́щихъ, въ слѣ́дъ и҆́хъ поидо́ша, доше́дше же горы̀ тоя̀ кꙋ́пнѡ. И҆ні́и ѹ҆́бѡ та́мѡ сребро̀, и҆́ніи зла́то, ѿ нѣ́дръ ́є҆́тны и҆зве́рженное собира́хꙋ. л. л҃в ѡ҆б. Сі́и же въ пла́мень и҆ска́ти ѻ҆ц҃а̀ своего̀ и҆до́ша. Таково́мꙋ бл҃госе́рдію и҆́хъ ѹ҆стꙋпѝ ́є҆стество̀ ѻ҆́гненное, и҆ пла́мень раздѣли́ся на дво́е пꙋ́ть [2] дая̀ таковы́мъ сыновѡ́мъ мѣ́сто о҆́но, по немꙋ́же и҆дя́хꙋ в̾ па́мять дѣ́ла такова́гѡ преизбранныя цвѣ́ты ражда́етъ.

При́тча ли сѐ ́є҆́сть, и҆лѝ по́вѣсть, не взыскꙋ́емъ. на́мъ ѻ҆ба́че на ѡ҆бличе́ніе ́є҆́сть, ка́кѡ и҆ въ ꙗ҆зы́цѣхъ че́сть, и҆ любо́вь къ роди́тел́ємъ въ вели́цѣмъ хране́ніи бя́хꙋ. Ѿкꙋ́дꙋ мни́тмися, ꙗ҆́кѡ са́мое наⷭ҇ к̾ томꙋ̀ ́є҆стество̀ понꙋжда́етъ и҆ ра́зꙋм приро́дный: занѐ сꙋмнѣ́ніе таково́е, до́лжнѡ ли роди́телей почита́ти, и҆ в̾ ꙗ҆зы́цѣх бя́ше чꙋди́мѡ, ꙗ҆́коже л. л҃г и҆ А҆рісто́тель гада́тельствꙋетъ: [3] а҆́ще сꙋмни́тся кто̀, до́лжно ли бг҃ꙋ покланя́тися, и҆лѝ почита́ти роди́телей; не на́добно сего̀ сло́вомъ, но ра́нами ѹ҆вѣща́ти, ꙗ҆зы́ческій сія̀ глаго́ла філосо́фъ. Разсмо́тримъ ѹ҆́бѡ и҆ бж҃ія преще́нія на неповинꙋ́ющихся роди́тел́ємъ, ꙗ҆́коже чте́мъ въ кни́зѣ и҆схо́дъ, во главѣ̀ к҃а. И҆́же біе́тъ ѻ҆ц҃а̀, и҆лѝ ма́терь, сме́ртію да ѹ҆́мретъ, и҆́же а҆́ще кто̀ ѕлорѣ́читъ ѻ҆́нꙋ и҆лѝ мт҃ри. сме́ртію да ѹ҆́мретъ. То́жде в̾ кн҃зѣ Леви́тъ, во главѣ̀ к҃. и҆ в̾ кни́зѣ Деѵтеро́номіѡнъ, во главѣ̀ к҃а, ѹ҆законе́ніе и҆ на непокори́выхъ ѡ҆брѣта́емъ. А҆́ще же кто̀ ѿ си́хъ и҆ не казне́нъ пребыва́етъ, да вѣ́сть ѻ҆ба́че[4] л. л҃г ѡ҆б. таковы́й, ꙗ҆́кѡ ѕлосло́вящь ѻ҆ц҃а̀ и҆лѝ мт҃рь, ѹ҆гаша́етъ свѣти́лникъ [5] сво́й, и҆ безче́ствꙋяй ѻ҆ц҃а̀, и҆ ѿрѣва́яй ма́терь свою̀, срамотꙋ̀ пріи́метъ и҆ поноше́ніе.

Но па́че и҆́ныхъ ѹ҆вѣ́тѡвъ, сіѐ да напи́шꙋтъ ча́да на срⷣца́хъ свои́хъ: [6] ѻ҆́ко рꙋга́ющееся ѻ҆ц҃ꙋ̀, досажда́ющее ма́терней ста́рости и҆звратя́тъ ́є҆̀ вра́ны ѿ де́брія. и҆ да снѣдя́тъ ́є҆̀ пт́єнцы̀ ѻ҆́рліи. Дѣ́ломъ ѹ҆̀бо вся́къ [7] и҆ сло́вомъ чтѝ ѻ҆ц҃а̀ твоего̀, да на́йдетъ тебѣ̀ блгⷭ҇ве́ніе ѿ негѡ̀: и҆́бо и҆ гдⷭ҇ь на́шъ і҆и҃съ хрⷭ҇то́съ, кромѣ̀ ѹ҆вѣща́ній мно́жайшихъ. ѻ҆́бразомъ свои́мъ почита́нія роди́телей поꙋча́етъ на́съ, че́сть мт҃ри ꙗ҆́кѡ сн҃ъ творя̀. И҆ ѹ҆жѐ сы́й на крⷭ҇тѣ̀, ѹ҆жѐ л. л҃д дх҃а въ рꙋ́цѣ бг҃ꙋ ѻ҆ц҃ꙋ̀ предая̀, ви́дѣвъ мт҃рь, и҆ ѹ҆чн҃ка̀ стоя́ща, ́є҆го́же любля́ше, гл҃а мт҃ри свое́й: [8] Же́но, сѐ сн҃ъ тво́й, пото́мъ же ѹ҆ченикꙋ̀: сѐ мт҃и твоя̀.

Пе́рвый бо бл҃гоче́стія степе́нь ́є҆́сть, да и҆̀хъ же бг҃ъ восхотѣ́лъ ́є҆́сть [9] тебѣ̀ пода́ти роди́телей, ты̀ почита́й и҆̀хъ съ повинове́ніемъ, воздержи́ся ѿ ѹ҆ничиже́нія: и҆ нижѐ лице́мъ смꙋще́ннымъ раздража́й, ни ѡ҆скорбля́й и҆́хъ.