Ѡ҆ чⷭ҇ти сы́нꙋ дх҃о́вномꙋ.

Многови́днꙋю, держа́вы, и҆ крѣ́пости своея̀ вла́сть ввѣря́я гдⷭ҇ь слꙋжи́тел́ємъ свои́мъ. Ѡ҆вогда̀ гл҃аше: ꙗ҆́кѡ: и҆̀мже ѿпꙋститѐ [1] грѣхѝ, ѿпꙋ́стятся и҆̀мъ, и҆ и҆̀мже ѹ҆держитѐ, ѹ҆де́ржатся. И҆ногда́ же, [2] ꙗ҆́кѡ: ся́дете на прⷭ҇то́лѣхъ, сꙋдя́ще двана́десяти колѣ́нѡмъ і҆и҃левымъ. А҆́ще же кто̀ не повинꙋ́ется и҆̀мъ, завѣщава́етъ си́це: чл҃вѣ́къ и҆́же л. л҃ сотвори́тъ презрѣ́ніе, не послꙋ́шати [3] і҆ере́а преⷣстоя́щаго слꙋже́нію во и҆́мя гдⷭ҇а бг҃а твоегѡ̀, и҆лѝ сꙋдія̀ в̾ то́й де́нь бꙋ́детъ, да ѹ҆́мретъ чл҃къ то́й. Да и҆зве́ржется [речѐ] ѕло́е ѿ і҆и҃ля, и҆ всѝ лю́діе ѹ҆боя́тся, и҆ не безче́ствꙋютъ посе́мъ, и҆, а҆́ще толи́кихъ дерза́ет кто̀ ѡ҆би́дѣти слꙋжи́телей, таковы́й сама́го бг҃а зѣни́цы каса́ется. Каса́яйся, речѐ, ва́съ, ꙗ҆́кѡ[4] каса́яйся въ зѣ́ницꙋ ѻ҆́ка моегѡ̀. Ка́коже и҆ на́мъ сꙋ́ть поле́зны и҆ нꙋ́жны, слы́шимъ: Сотворѝ ва́съ[5] ловца̀ чл҃кѡмъ. Вои́стиннꙋ бо, ꙗ҆́коже гдⷭ҇ь гл҃а, сꙋ́ть пла́вающихъ в̾ мо́ри житія̀ сегѡ̀ ловцы̀ ѹ҆́дицею пра́вагѡ ѹ҆че́нія и҆звлека́ющіи на брег нбⷭ҇ный. Что́ же и҆̀мъ ѿ несмы́сленных л. л҃ ѡ҆б. за сія̀; ѹ҆ничиже́ніе, рꙋга́ніе, и҆ поноше́ніе. [6] Внемли́мъ смы́сленнѣйшій Па́ѵлоⷡ҇ гл҃ъ: зна́йте [речѐ] трꙋжда́ющыяся в̾ ва́съ, и҆ настоя́телей ва́шихъ ѡ҆ гдⷭ҇ѣ, и҆ наказꙋ́ющих вы̀, и҆ и҆мѣ́йте и҆̀хъ попремно́гꙋ въ любвѣ̀ за дѣ́ло и҆́хъ.

Помы́слимъ в̾ себѣ̀, каковꙋ̀ и҆́мамы любо́вь къ си́мъ, и҆́же на́съ ѿ ѻ҆гня̀ и҆лѝ ѿ врага̀, и҆лѝ ѿ ѕвѣ́ря, и҆лѝ ѿ ѹ҆топле́нія свобожда́ют, каково̀ бл҃годаре́ніе воздае́мъ: а҆ кото́рый ѿ гее́нны, ѿ а҆́да, и҆ тмы̀ кромѣ́шныя свобожда́етъ, ко́егѡ ѿ на́съ воздая́нія досто́инъ, нѣ́сть ли нꙋ́жда и҆зꙋчи́тися сегѡ̀;

Слы́шимъ Златоꙋ́стагѡ сло́во: и҆ [7] возлю́бимъ и҆̀хъ си́це: ꙗ҆́коже дѣ́ти л. л҃а ѡ҆ц҃́є́въ. тѣ́ми бо (речѐ) породи́стеся рожде́ніем вѣ́чным, тѣ́ми црⷭ҇тво полꙋчи́сте, тѣ́ми ва́мъ врата̀ нбⷭ҇ная ѿверза́ются. И҆́же бо хрⷭ҇та̀ лю́битъ, ꙗ҆ко́въ ли бо ́є҆́сть сщ҃е́нникъ, возлю́бит ́є҆го̀, и҆́бо тѣ́мъ стра́шныя та́йны полꙋчи́лъ ́є҆́сть [но и҆ ѿ подо́бія поꙋча́ет рцы́ ми, а҆́ще хотя́щи ви́дѣти црⷭ҇кія пала́ты, мнѡ́гимъ сія́ющыя зла́томъ, и҆ блиста́ющыяся ка́мени заре́ю, ѡ҆брѣ́лъ бы ́є҆сѝ и҆мꙋ́щаго ключѝ, и҆ то́й ѿве́рзлъ бы, и҆ пꙋсти́въ тя̀ внꙋ́трь: ни лѝ па́че всѣ́хъ преⷣпоче́лъ бы ́є҆сѝ сего̀: а҆ се́й тебѣ̀ нб҃о ѿве́рзе. и҆ не лю́биши ли; не почита́еши ли. и҆ не пече́шилися ѡ҆ не́мъ; [та́же ѹ҆вѣща́телное сло́во твори́тъ І҆ѡа́ннъ златоꙋ́стый] а҆́ще лю́биши л. л҃а ѡ҆б. хрⷭ҇та̀, а҆́ще лю́биши црⷭ҇тво нбⷭ҇ное, [8] позна́й ко́имъ прія́лъ ́є҆сѝ то̀. [и҆ и҆́ндѣ, на ѹ҆кори́теля гл҃етъ:] Не помышля́еши ли, рцы́ ми; ꙗ҆́кѡ ѻ҆вца́мъ навѣ́тꙋеши хрⷭ҇то́вымъ, со па́стыремъ боря́йся, а҆ ѻ҆вца́мъ такѡвы́мъ, ѡ҆ ни́хже и҆ кро́вь свою̀ и҆злія̀ хрⷭ҇то́съ. Не воспомина́еши ли себѣ̀, ꙗ҆́кѡ влⷣка тво́й сла́вы твоея̀ и҆ска́ше, а҆ не своея̀; ты́ же не влⷣчнія, но своея̀ и҆́щеши. до здѣ̀ златоꙋ́стъ.

Да такова́гѡ ѹ҆̀бо свобо́дни бꙋ́демъ преще́нія: все́ю дꙋше́ю свое́ю говѣ́имъ [9] гдⷭ҇ви, і҆ере́а ́є҆го̀ почита́имъ, все́ю си́лою свое́ю возлю́бимъ сотво́ршаго ны̀, и҆ слꙋжи́телей ́є҆гѡ̀ не ѡ҆ставля́имъ. Ѹ҆бои́мся гдⷭ҇а. л. л҃в и҆ просла́вимъ і҆ере́а, и҆ дади́мъ ча́сть ́є҆гѡ̀ ꙗ҆́коже заповѣ́дано на́мъ[10] и҆знача́ла, и҆ ѡ҆ согрѣше́ніихъ, и҆ нача́токъ всѣ́хъ.