Ѡ҆ за́пѡвѣдехъ гдⷭ҇нихъ.

Тові́я ю҆нѣ́йшій нѣ́когда ко[1] Гаваи́лꙋ и҆мѣ́яй пꙋ́ть сво́й, и҆звѣ́стнаго себѣ̀ потща́ся сниска́ти спꙋ́тника, а҆́гг҃ла гдⷭ҇ня Рафаи́ла и҆́менемъ, ́є҆́же ́є҆́сть сказа́телнѣ, врачевство̀ гдⷭ҇не, мы́ же надѣ́ющеся ѹ҆лꙋчи́ти ко гра́дꙋ гдⷭ҇ню, на се́ бо и҆ зва́ни ́є҆смы̀, пꙋ́ть житія̀ сегѡ̀, л. к҃́є без̾ наста́вника и҆ рꙋководи́теля, пꙋ́ть се́й на не́мже Ѽ ко́ль мно́гіи разбѡ́йницы, Ѽ ко́ль разли́чніи хи́щницы, лю́ты ѕвѣ́ріе и҆ простра́нные на странꙋ̀ ѿводя́щія стезѝ, сі́есть пре́лести и҆ запина́нія бѣсѡ́вская, кꙋ́пнѡ и҆ стра́сти, и҆ преклон́є́нія тѣл́є́сная ко ѕло́мꙋ, посредѣ̀ толи́кихъ (гл҃ю) бѣ́дствій, а҆́кибы и҆звѣ́стнꙋю ве́щь и҆мꙋ́ще; слѣ́пи же весма̀ и҆ неизвѣ́стни тече́мъ, а҆́може самохотѣ́ніе, а҆́може стра́сти, во тмѣ̀ невѣ́дѣнія сꙋ́щихъ, влекꙋ́тъ на́съ. Подѡ́бная [2] стра́ждꙋт въ цр҃е́хъ кротча́йшій дв҃дъ, ѿ болѣ́зненна срⷣца, но бл҃говре́меннѣ, ко гдⷭ҇ꙋ воззва̀, гл҃я: Ѽ бы̀ и҆спра́вилися бы́ша пꙋтіѐ моѝ л. к҃ѕ сохрани́ти ѡ҆правда́нія твоя̀! тогда́ бо речѐ: не постыжꙋ́ся, ́є҆гда̀[3] призрю̀ на вся̀ за́пѡвѣди твоя̀, такова́гѡ и҆мꙋ́щи рꙋководи́теля безбѣ́днѣ ча́етъ дв҃дъ ѻ҆́нъ гра́дъ и҆ жили́ще вѣ́чное ѹ҆лꙋчи́ти. Мо́лится же, и҆ вопіе́тъ ко гдⷭ҇ꙋ, да не ѿринове́нъ бꙋ́детъ, и҆ чꙋ́ждь вожда̀ сегѡ̀: не ѿри́ни менѐ ѿ за́пѡвѣдей твоих, и҆́бо речѐ: свѣти́лникъ нога́мъ [4] мои́мъ зако́нъ тво́й, и҆ свѣ́тъ [5] стезя́мъ мои́мъ.

Сіѐ и҆́стое, да не пріи́детъ на мѣ́сто мꙋче́нія, понꙋ́дило ́є҆́сть и҆ ю҆́ношꙋ ѻ҆́наго: и҆́же что̀ сотвори́тъ да живо́тъ вѣ́чный наслѣ́дитъ, вопроша́ше гдⷭ҇а. Но ко́е ѿ гдⷭ҇а полꙋчѝ наставле́ніе, слы́шимъ: а҆́ще хо́щеши[6] л. к҃ѕ ѡ҆б. речѐ, вни́ти въ живо́тъ, соблюдѝ за́пѡвѣди. Посе́мъ[7] засвидѣ́тельствова, гл҃я: А҆ми́нь гл҃ю ва́мъ: до́ндеже пре́йдетъ нб҃о и҆ земля̀, [8] і҆ѡ́та ́є҆ди́на, и҆лѝ ́є҆ди́на черта̀ не пре́йдетъ ѿ зако́на. та́кѡ нꙋ́ждно ́є҆́сть сохрани́ти за́пѡвѣди, (ꙗ҆̀же и҆ зако́нъ мно́жицею гл҃ются,) и҆ да ни в̾ ́є҆ди́номъ чесом повреди́мъ и҆̀хъ и҆́же бо ве́сь зако́нъ и҆спо́лнитъ, согрѣши́тъ же в̾ ́є҆ди́номъ, бы́сть [9] всѣ́мъ пови́ненъ, что̀ ѹ҆́бѡ на́мъ, бꙋ́детъ! и҆̀же не то́кмѡ и҆сполня́ти я҆̀, но и҆ чи́сла и҆́хъ, не гл҃ю си́лы слове́съ не вѣ́мы. Тогѡ̀ ра́ди и҆ здѣ̀ толи́кія бѣды̀ стра́ждемъ, и҆ та́мѡ вѣ́чныхъ не наслѣ́димъ бл҃ги́хъ ѡ҆кая́нніи. л. к҃з

И҆ что̀ сегѡ̀ ѡ҆каяннѣе бꙋ́детъ; ́є҆гда̀[10] сн҃ове сꙋ́ще црⷭ҇твія, и҆ и҆згна́ни бꙋ́дем во тмꙋ̀ кромѣ́шнюю, что̀ бѣ́днѣе здѣ̀; ꙗ҆́кѡ и҆мѣ́ти нб҃о а҆́ки желѣ́зо, и҆ зе́млю а҆́ки мѣ́дянꙋ, [11] что́ же лю́тѣе; ꙗ҆́кѡ и҆ ра́нами, и҆ болѣ́зньми разли́чными, и҆ паде́ніемъ пред̾ врагѝ, и҆ страхова́ніи, ѡ҆скꙋдѣ́ніемъ плодѡ́въ, напра́сными сме́ртьми, скотѡ́въ ѹ҆мале́ніемъ, ѡ҆пꙋстѣ́ніемъ, и҆ гла́домъ, и҆ напꙋще́ніемъ ѡ҆бѣща̀ нело́жный казни́ти си́хъ, и҆̀же за́пѡвѣдей ́є҆гѡ̀ не храня́тъ, ꙗ҆́коже простра́ннѣе въ кни́зѣ леві́тстѣй во главѣ̀ к҃ѕ. Сія̑ ѡ҆бря́щеши.

л. к҃з ѡ҆б.