Ѡ҆ бл҃года́ти бж҃іей.

Начина́ющи ѡ҆ блгⷣти бж҃іей сло́во, нꙋ́ждно ́є҆́сть пе́рвѣе проразсꙋди́ти без̾ѻбра́зіе грѣха̀, и҆ тогѡ̀ сверѣ́пство. тя́жесть, и҆ кра́йнюю сказа́ти ме́рзость. Се́й бо кромѣ̀, ꙗ҆́кѡ вся́ч́єская превраща́етъ, смѣша́етъ, и҆ погꙋбля́ет вся̑, и҆дѣ́же а҆́ще пребꙋ́детъ, безви́денъ ́є҆́сть, лице́мъ стра́шенъ и҆ ско́рбенъ, въ пра́вдꙋ ѹ҆́бѡ не погрѣши́лъ бы таковы́й, кто́ бы женꙋ̀ нѣ́кꙋю ѕвѣроѻбра́знꙋю, ва́рварскꙋ, безстꙋ́днꙋ, ѻ҆гне́мъ ды́шꙋщꙋ л. к҃г ѡ҆б. нелѣ́пꙋ и҆ че́рнꙋ. И҆лѝ пса̀ сверѣ́па воѻбрази́лъ грѣ́хъ. безчи́сленными бо рꙋка́ми постиза́етъ на́ша помышл́є́нія, на́глѡ вхо́дитъ, и҆ себѣ̀ подо́бнꙋю сотворя́етъ дꙋ́шꙋ на́шꙋ. Таково́е, и҆ семꙋ̀ подо́бное грѣха̀ свѣ́дꙋще безчеловѣ́чіе: проразсꙋ́димъ и҆ бл҃года́ти си́лꙋ. ꙗ҆́же не то́кмѡ грѣхѡ́въ свобожда́етъ, но и҆ кра́сных, и҆ вожделѣ́нныхъ твори́тъ на́съ. По подо́бію, ꙗ҆́коже а҆́ще бы [1] кто̀ взе́мъ краста́ва нѣ́коего, и҆ гла́дом, и҆ недꙋ́гомъ, и҆ ста́ростію, и҆ нището́ю, и҆ ги́белію растлѣ́нна, а҆́біе бл҃гозра́чна ю҆́ношꙋ содѣ́лалъ бы сего̀, вся̑ чл҃ки превосходя́щаго, свѣ́тлость преве́лію ѿ скра́ній свои́хъ . и҆спꙋща́ющаго, и҆ блиста́нія солнечная л. к҃д превосходя́щаго ѻ҆чны́мъ сія́ніем. Та́же багряни́цею ѡ҆дѣ́ялъ бы, и҆ діади́мꙋ, и҆ вся́кꙋ ѹ҆́тварь црⷭ҇кꙋю возложи́лъ бы на него̀. та́кѡ блгⷣть бж҃ія ѹ҆краша́етъ дꙋ́шꙋ на́шꙋ, и҆ бл҃голѣ́пнꙋ, и҆ вожделѣ́ннꙋ, и҆ любезнꙋ твори́тъ. жела́ютъ бо а҆́гг҃ли прини́кнꙋти к̾ дꙋшѝ таково́й. и҆ са́мъ [2] вожделѣ́етъ цр҃ь добро́ты ́є҆я̀. Сохраним ѹ҆̀бо таковꙋ́ю дѣ́телницꙋ красоты̀ на́шея: да не когда̀ вра́гъ зави́дя на́мъ: чꙋжды́хъ тоя̀ сотвори́тъ на́съ. ́є҆я́же кромѣ̀, па́че псѡ́въ, ме́рзски бꙋ́дем и҆ скверна́вы. сія̑ же прⷭ҇нѡ во ѹ҆мѣ́хъ и҆мѣ́емъ, ꙗ҆́кѡ и҆́мамы и҆збаⷡ҇ле́ніе прегрѣше́ній, [3] по бога́тствꙋ блгⷣти бж҃ія, ю҆́же преꙋмно́жилъ ́є҆́сть въ на́съ бг҃ъ. л. к҃д ѡ҆б. Сія̑ ча́стѡ помина́емъ, кто̀ ѿ ко́ея вла́сти, и҆ ко́имъ ѻ҆́бразом свободи́лъ ́є҆́сть на́съ. а҆́ще бо ѿ ѹ҆́зъ и҆ темни́цъ и҆скꙋ́пленный, помина́я та́мошнюю бѣдꙋ̀: вся́чески бл҃годари́тъ и҆скꙋпи́вшемꙋ ́є҆го̀, и҆ не ктомꙋ̀ на сія̀, за ня́же подлежа́ше ка́зни, ѡ҆браща́ется то́й. подо́бнѣ и҆ дꙋша̀ бл҃года́рная радѣ́ти начина́етъ ѡ҆ да́рѣ свое́мъ, боя́щися: да не своея̀ красоты̀ лиши́тся, премѣне́нна бꙋ́детъ в̾ бѣ́са те́мна и҆ ме́рзска.

Бꙋ́ди на́мъ къ ѹ҆шес́є́мъ неѿстꙋ́пный проповѣ́дникъ ѻ҆́въ гл҃ъ [4] петро́въ: препоя́савше, речѐ: чресла̀ помышле́ній ва́шихъ, трезвя́щеся соверше́ннѣ, (разꙋмѣ́й, л. к҃́є что̀ гл҃етъ, не ка́кѡ ли бо, но соверше́ннѡ трезвя́щеся:) ѹ҆пова́йте на приноси́мꙋю ва́мъ бл҃года́ть, ѿкрове́ніемъ і҆и҃съ хрⷭ҇то́вымъ, ꙗ҆́кѡ ча́да послꙋша́нію, не преѻбразꙋ́ющеся пе́рвыми невѣ́денія ва́шегѡ похотѣ́ніи, но по зва́вшемꙋ вы̀ ст҃о́мꙋ, и҆ са́ми ст҃и бꙋ́дите.